劉興記生煎包專門店

Open Now

Now Closed

一下子被掃版嘅生煎包專門店😳 睇住佢裝修，既然咁紅，緊係要試試😆S2 麻醬手撕雞絲粉皮＋生煎包2隻 $54天口熱真係無乜胃口，我會食涼拌，份量唔少，有好多青瓜絲，清爽開胃。生煎包有原味及蟹黃，套餐就跟原味，2隻點夠喉，所以單點多隻蟹黃味$18/隻。原味已經爆哂汁，其實佢係屁股向上再灑上芝麻，所以面簿，而底做返厚底少少等佢無咁易穿，煎到個底脆增加口感。蟹黃就更加濃郁，$18/粒唔平，但真材實料，蟹黃蟹肉真係填滿內餡，湯水同樣咁多，食落滿滿口感！

途經朗屏去買野，一落天橋，見到有間舖賣生煎包，又有豆漿，小籠包個d,賣，入去試下無壞。我地一行四個人，叫左三個套餐，再散叫d,野。1號餐：上海排骨湯麵+1隻生煎包上海麵正常貨色，唔會太淋，有d口感。炸豬扒唔厚粉，炸得幾好，又唔柴。3號餐： 鮮雞湯小雲吞（12粒）1隻生煎包小雲吞細細粒，易入口，個雞湯幾好飲，唔會係味精湯。4 號餐迷你雞絲酸辣湯+生煎包6隻 酸辣湯，唔會太酸，用料充足，較濃，帶小小辣，都唔錯。三個餐夾埋有有九隻原味生煎包。生煎包確係出色，首先新鮮整起，夠晒熱，個底煎過下，小脆，陷料充足，入面仲要帶肉汁，包面有芝麻。真心食落都似九龍城名物牛肉餅。4隻蟹黃生煎包：同樣新鮮整起，夠熱，入面陷多左蟹肉，個包即刻升降，可以一試。4杯豆漿：豆味十足唔太甜小籠包：相對咁出色既生煎包情況下，叫作正常，有湯汁夠熱。

劉興記之前响電視睇到介紹，話佢用新鮮豬肉，以為灣仔果間嚟咗元朗，完全錯哂，人地米之蓮，無得比。都去試吓啦，雞絲粉皮好大碟，可以食得飽，但係啲醬太多，槳住個口；個小雲吞就真係好細粒，只係食粉皮無咩肉，粗制無口感唔滑，有2粿菜好食既；豬扒就可以唔食，個人最憎人豬扒粉皮多過豬扒，個人只係鍾情煎豬扒，豬扒唔合格；主角生煎飽都好食，無臭豬味，多汁好夠熱，食埋蟹粉生煎飽都夠味，唯獨係飽低食落太硬。至於食店環境就一般啦，充滿油煙味，店員仲更加唔得，收銀個女人就不知所謂，強調幾次你落單無按確定制所以未落單，我地轉咗位都唔查下啲單，只不斷責怪我地未按確定呀，佢入去整蟹粉，攞出嚟就同個食客講：拿！好低食架咁大碟，真心尼間店我係無下次囉，完全唔合格。

要數近期人氣爆燈嘅生煎包店 一定非劉興記莫屬😆 開業短時間內開左6間分店 今日我哋一於去元朗分店試吓😚 lunch hour去食 果然已經座無虛席🙌🏻 而且仲有唔少人買外賣除咗單點食物 另外仲有套餐 包埋飲品價錢都幾抵食👏🏻 我哋叫左2個套餐同2款單點食品：📌Set S2 麻醬手撕雞絲粉皮＋生煎包2隻真係要講咗生煎包先🤣 食嘅時候真係要好小心 一咬噴晒啲肉汁出嚟👅 生煎包底脆脆的 值得一試👏🏻 另外都要讚吓佢嘅麻醬 同平時食到嘅唔同 帶少少鹹味 非常惹味🤩 粉皮係細細卷嗰一款 可以沾到更加多麻醬 好正😋📌Set S3鮮雞湯小雲吞12粒＋生煎包2隻小雲吞size真係好小 一口一粒😚 湯底唔會好鹹 清清地唔錯👍🏻套餐仲可以配豆漿📌酥炸小雲吞12粒炸小雲吞又係另一種食法 相比之下我覺得炸小雲吞比較出色 炸得酥脆好味😋📌手工豆沙鍋餅好香口 豆沙餡料唔會太甜 兩個人share就啱晒🌟

「吉祥冰室」已經變身為全新的「上海菜劉興記」,雖然店面陳設差不多，但餐牌全面改變,給食客帶來了一番全新的美食體驗。首先,S1的「上海排骨湯麵 + 生煎包(1隻)配(凍)豆漿」以54港元的價格提供了一份可口而又飽腹的午餐選擇。排骨脆、大大份，生煎包爆汁，湯麵正常發揮。其次,S2的「麻醬手撕雞粉皮 + 生煎包(2隻)配(凍)豆漿」以同樣的54港元價格提供了一個清涼夏日的好選擇。揀左多醬,麻醬好香,粉皮彈彈，這無疑是一個開胃可口的搭配。生煎包仲要有兩隻，抵！最後,單點的「糖醋炸排骨菜飯」以46港元提供了一份家常美味的選擇。抵食,菜飯大大碗,糖醋炸排骨香酥,排骨半肥瘦。如果配餐的豆漿能夠較大杯,會更加完美。

之前食過荃灣店覺得個擔擔麵好食，成日想過去食，原來宜家愈開愈多分店，連元朗都有！有時夜晚想食平啲都可以去呢度！招牌生煎包 4隻 $30岩岩煎起，新鮮出爐熱辣辣！生煎包入面有好多湯汁，而且湯汁幾有肉味，建議趁熱食，因為個包比較厚身，凍左食會比較硬。蟹黃生煎包 2隻 $36蟹黃滿滿，同樣好多湯汁，湯汁仲有啲蟹既味，不過呢個可能放凍左，個包比較硬。小籠包 4隻 $40小籠包原來系早幾日先新出，可以話系生煎包蒸既版本，想無咁熱氣，可以揀小籠包，小籠包入面同樣都有湯汁，但因為size細啲，無生煎包咁多湯。擔擔麵 $42上次食完好味道，今次再encore！湯底同樣好濃，仲幾香蝦味，元朗店既味道都無變！上海排骨蔥油拌麵 $42蔥油拌麵夠乾身，吾會油淋淋，微微醬油同麻油香，不過有蔥加上去就更好。

呢排成日都聽到呢間劉興記生煎包 但係未食過 最近佢喺元朗開咗新店 今日夜晚我就去咗食❤️我哋叫咗兩個正常生煎包、兩個蟹粉生煎包、一個排骨蔥油撈麵、一個擔擔麵🔥🔥🔥首先講吓啲生煎包先 啲生煎包勁誇張，真係每個都爆汁 係爆得好勁下嗰隻😂😂😂🔥🔥🔥而且熱辣辣 我本人比較推介蟹粉生煎包 因為蟹粉味真係好濃😍又多汁😙😙😙超級正 排骨蔥油撈麵 蔥油好香😳😳😳排骨炸到好香口👍🏻👍🏻👍🏻 擔擔面好濃花生香 加埋面頭嘅肉碎 非常惹味🥳🥳最後加埋兩罐可樂埋單只係150幾蚊 非常抵食😊我覺得以呢個價錢嚟講 CP值勁高💕

最近發現俊賢坊多左間食生煎包既餐廳，就決定去試下✌🏻我地叫左個招牌生煎包、蟹皇生煎包、上海排骨菜飯、招牌擔擔麵同手工豆沙窩餅😛兩款生煎包都係一咬落去就會爆汁，個皮煎得啱啱好，夠脆✨蟹皇個款都好值得試，佢比起原味更加鮮美，個調味都啱啱好😗然後就係主食😗先講個排骨，佢係即刻炸起，口感外脆肉嫩，鍾意佢個肉質唔會炸到好乾身好鞋😬而個擔擔麵都幾特別，佢用左大量櫻花蝦黎做配料，所以食落會更加香口🙌🏻最後個豆沙窩餅都好好食，甜甜地，唔會好油膩😎整體黎講呢間餐廳性價比好高，一個飯都係四十蚊左右，仲要大份又好食，推介大家去食😬

本身諗住叫散叫，但發覺佢地既皇牌套餐價更加便宜，即刻喊左一個麻醬手撕雞粉皮+生煎包套餐，仲送一杯豆漿（$54）招牌生煎包外型精緻，上面有少少芝麻同香蔥作點綴，未食已經聞到好香！本身我預左會爆汁，食得好小心，但都係爆汁爆左出黎🙈 皮薄肉滑，生煎包一面煎到香脆，連埋肉汁一齊食，簡直更上一層樓麻醬手撕雞粉皮夏日炎炎，最適合食涼爽既食品。麻醬濃郁順滑，好似有少少花生醬味道，配上青瓜絲，味道清新開胃。百步香蔥油餅（$28）香脆有層次，唔知係咪咁啱我食果件係邊角位，所以餡料相對較少，反而似食皮多過餡。但大體都唔錯！可能去既時候尚早未到晚市，所以顧客未算好多，價格相宜，值得一試。

速食好味之選👍🏻招牌生煎包(4粒） ＄30新鮮煎好，熱辣辣爆汁生煎包相當多肉汁，個外皮脆卜卜，入面豬肉調味相對較甜。蟹黃生煎包 ＄18 1粒蟹黃足料香氣撲鼻，內有好多黃油，好邪惡，好出色！一叫要叫兩粒先夠喉😉上海排骨湯麵 $42 炸排骨切好上碟，分成幾件，方便食用，外皮脆口，正常發揮👍🏻；湯麵清清淡淡，選用清湯，小朋友食都適合。*****No special discount offered by the resto*****ℳℯ𝓃𝓊

聽聞元朗都開左劉興記之前係其他區都好多人排隊元朗開左梗係要試下🧡生炸雞扒湯麵雞扒好薄身但炸粉一樣好薄炸到好金黃外脆內軟麵轉左做幼麵麵身偏黃食落好香蛋味🧡生煎包梗係要叫人氣生煎包底下煎到金黃色店員好貼心提醒會爆汁一咬個皮好脆身入面d 肉汁湧出黎真係唔錯🧡蟹黃生煎包咬落入面一樣甘爆汁肉汁加上蟹黃味道額外有種鮮甜味🧡迷你雞絲酸辣湯因為同生煎包係一set所以依個size 係迷你但對女仔黎講都夠雞絲配料好足湯底夠哂酸酸甜甜好開胃店內裝修刻意行復古連碗碟花紋都有古色古香既味道價錢又唔貴絕對可以encore

自從睇完媒體介紹就勁想去食，期待左好耐，等老公放假就帶佢哋一齊去試吓劉興記生煎包，真係超級無敵好味🤤爆晒汁，我一咬落去噴到老公成件衫都係😅比佢鬧我🥹大家如果去試記得唔好著白色衫同埋新衫去食😂如果你係住係大西北嘅，好方便搭西鐵朗屏站B2出口！好快到大約行4分鐘👍各位媽媽爸爸放心帶埋bb車都得，因為我揀餐廳一定係帶到bb車😅今日我哋揀左幾款野食👇🏻太正😍👉🏻招牌生煎包 （必食）👉🏻蟹粉生煎包 （必食）超Juice 香口包底鬆化，記得趁熱食建議先啜好汁，否則隨時有爆汁可能🤣但記得睇熱小心食，唔係會燙親燙口😅👉🏻排骨蔥油拌麵大人細佬都岩食，排骨鬆軟！瑤瑤食左大半碗，佢話麵麵好好食😋👉🏻麻醬手撕雞絲粉皮醬汁調校得非常棒，粉皮爽滑，配埋青瓜絲十分適合夏天食！我同老公都超鍾意😊👉🏻雞絲酸辣湯小雲吞（6粒）湯底獨特，非一般芡汁，非常之足料，而且十分開胃！👉🏻手工豆沙鍋餅👉🏻百步香蔥油餅非常建議你食完先叫，餅類揀晒兩款，廚房即叫即做需時，黎到記得趁熱食，值得推介哩兩款，不覺油膩香脆鬆化，唔會太甜太鹹！而且餐廳好好會幫你切開咗細細舊慢慢食！我非常欣賞餐廳十分細心提供套餐，就算你自己一個人去食都冇問題，讓客

見到有生煎包食又幾多人幫襯，即管試一試。👉🏻招牌生煎包好多食評都話好爆汁，所以我哋都穩陣啲攤左陣先食。好輕力咬左一啖已經必晒汁，湯汁好鮮甜，肉餡都幾大。口大嘅朋友建議一啖一個😋👉🏻蟹皇生煎包 蟹皇比起普通生煎包多左啲鮮味，整體都係好多汁鮮甜。我哋每人食左4隻生煎包，其實都幾飽肚。👉🏻麻醬手撕雞絲粉皮可以叫多醬👍🏻黎到真係好多醬，粉皮滑溜，好味。👉🏻排骨蔥油拌麵👉🏻手工豆沙窩餅

劉興記居然嚟到元朗啦！之前我朋友食過佢喺旺角嘅分店，俾咗10個手指公佢，大讚好味！不過我就未試過，難得見到元朗都開分店，梗係要來試吓啦！我哋平日晚上時間去到，餐廳都好多人差唔多座無虛席，可見其受歡迎程度！一入到去餐廳服務員態度都好好😌呢度裝修都好新淨，餐廳採用QR code落單，不過唔鍾意嘅話都可以親身同店員落單🤭🤭佢哋都笑容滿面態度好好👍🏻，一啲都唔介意幫手！呢度嘅食物好抵食，除咗單叫，仲有套餐，套餐價錢非常親民☺️☺️50幾蚊就有兩款食物仲包埋豆漿，唔鍾意飲豆漿嘅朋友仲可以加$8轉汽水🥤，選擇真係非常多啊😃😃我地叫咗幾款食物，包括招牌上海菜排骨菜飯睇完啦、招牌擔擔麵、迷你雞絲酸辣湯、生煎包六隻、豆沙鍋餅，當中我最鐘意生煎包🥳🥳🥳招牌上海菜排骨菜飯招牌擔擔麵迷你雞絲酸辣湯生煎包六隻豆沙鍋餅今次既生煎包體驗真係非常滿足😌，我想再帶多啲朋友黎試🥰🥰🥰劉興記生煎包專門店 (元朗)元朗俊賢坊18號權益大樓地下15號舖

屯馬沿線🚈找美食 ⇒朗屏🚏B2出口元朗廣場方向 步行大約3至4分鐘🚶‍♀️🔥紅生煎包最近開到入嚟元朗國😚👆提供數款套餐包一杯豆漿 另外單叫有菜飯 湯麵 涼拌及小食…等#招牌生煎包 #蟹黃生煎包 生煎包有兩款口味 👐包底煎到金黃脆口😚好爆汁💦 坐係對面嘅人要小心⚠️首先要小口吃一啖 索哂啲湯汁先呀~😆皮薄餡靚 味道鮮甜 必叫之選😋#糖醋炸排骨菜飯 酸甜香脆惹味 菜飯份量也不少😚#排骨蔥油拌麵排骨大份炸漿夠薄身👍入口酥脆香口😚拌麵表面油亮 入口爽彈 蔥油味夠香唔錯😋