劉興記生煎包專門店

Open Now

Now Closed

生煎包果然係要堂食最好食🤤🤤呢間我叫過外賣 今次試埋堂食堂食真係好食過外賣好多😋啲生煎包嘅溫度keep得到暖暖地咁食 仲有啲湯汁流出嚟又唔會太熱 唔會焫親個嘴招牌生煎包四隻$30 招牌擔擔麵$42 湯底香濃，好香花生味，個湯底做得幾好，而且有好多碎肉同埋芝麻喺面頭，仲有啲櫻花蝦同埋蔥花，呢個面整得好食😋👍🏽秘製上海炸排骨$22我食麵一定要有啲餸一齊食，所以我另外再叫咗個秘製上海炸排骨，個排骨都整得好好味👍🏽調味啱啱好，口感香脆，感覺亦都唔會太熱氣麻醬手撕雞絲粉皮$35芝麻醬香濃，加埋面頭仲有好多白芝麻，加埋青瓜絲解濟👍🏽豆漿$8一杯豆漿應該係自己整嘅，加分👍🏽

話明係食生煎包，嚟到緊係食生煎包😂 呢間舖頭可以話一夜之間爆紅？突然被瘋狂洗板，搞到好想一試究竟！環境餐牌原來唔止生煎包食！仲有套餐添，但我想淨係食生煎包，所以都選擇散叫。 招牌生煎包 $45/6隻自問對生煎包來歷唔係話太認識，睇店家張貼出來先知生煎包都有分幫派！而呢到係灬渾水派，揚幫做法（開口向下）、未發酵面、皮面灑上黑芝麻，皮薄餡大，真係每一粒都做到爆汁🥹湯汁濃郁，肉嫩多汁，底部煎至脆口增加口感，高質！ 蟹黃生煎包 $38/2隻鍾意更濃口味嘅就唔可以錯過蟹黃味，比起原味更加爆汁，而且裏面更有蟹肉，呢個價錢亦都容易接受。

鐘意食上海野同生煎包既朋友要試吓❣️3大3小，一共叫咗八樣嘢食🤭🤭⭐️招牌生煎包 $20(2pcs) 蟹黃生煎包 $18(1pc)兩款生煎包都好食，真係爆汁架😋😋⭐️上海排骨菜飯 $42⭐️酥炸小雲吞 $25細細粒又香口，三個小朋友食得好happy,大人細路都話好食😋😋⭐️生炸雞扒湯麵 $42 上海排骨湯 $42同小朋友出街一定叫碗麵，三個小朋友差唔多分晒兩碗👍🏻👍🏻⭐️麻醬手撕雞雞絲粉皮 $35個人認為係必食推介❣️❣️❣️⭐️雞絲酸辣湯 $30媽媽朋友話正👍🏻👍🏻餐廳好近朗屏站，西鐵站一出行幾分鐘就到👍🏻推介👍🏻👍🏻👍🏻

身為大西北牛牛🐮，連發哥都幫襯嘅生煎包，梗係要去朝聖啦🔹招牌生煎包超級爆汁，包子底煎到金黃色唔燶，用本地豬肉做焰料，肉質鮮嫩美味，不愧是招牌菜🔹蟹皇生煎包第一次食生煎包會噴射式爆汁，餡料有蟹粉、蟹黃、蟹肉同豬肉，十分足料，絕對係誠意之作🔹麻醬手撕雞絲粉皮人手將雞肉撕成絲，配上Q 彈粉皮和香濃麻醬，份量十足，十分飽肚🔹上海排骨菜飯豬扒肉嫩香脆，炸粉唔太厚，配埋菜飯一流🔹手工豆沙窩餅去上海餐廳必點甜品，外脆內軟，豆沙餡唔太甜，難得外皮亦唔太油膩

叫個麻醬手撕雞，得個幾條雞絲，經過爭取先俾番正常份量，所以見到有問題要出聲，會吾會太過份呢，生煎包都係一般，不過不失，有時真係吾好信坊間傳媒，水分頗高，裝潢係之前茶餐廳既裝飾

朗屏西鐵站相隔2分鐘嘅劉興記試吓發哥都推介嘅生煎包名店蟹粉生煎包同招牌生煎包🌟🌟🌟🌟🌟招牌菜式，皮薄、夠脆、多汁唔使講，必食驚喜推介雞絲酸辣湯麵🌟🌟🌟🌟🌟酸辣湯酸酸辣辣，超級開胃，超足料酸辣湯入面有木耳、冬菇、肉絲、一定唔會水汪汪。最鍾意佢夠酸，配搭手工麵，好味，令人食慾大增酥炸小雲吞🌟🌟🌟🌟🌟三個細路一致好評🤭新鮮熱辣，夠晒香脆，小朋友食唔停口，小雲吞肉餡唔會太乾，如果有嘢點下，咁就perfect啦 生炸雞扒湯麵🌟🌟🌟🌟Lisa 用行動表示，呢個面底超好味，自己差唔多食晒一碗，仲要連啲湯都飲埋，店長表示，啲湯係雞湯煲出嚟🫢飲晒都唔怕重點係我哋一行三個細路，三個大人，d姐姐勁主動，拎晒碗仔俾細路，雖然繁忙時間，又會嚟睇吓有冇嘢需要收走，同細路👧🏻食野既都知，張枱幾大都係唔夠大🫢🫢總括嚟講都係10分❤️愉快嘅用餐體驗

最近我地去左近日人氣超高嘅生煎包專門店😍除左可以係港九食到之外，而家喺元朗都開左新分店👍🏻當然要試下傳聞勁爆汁生煎包啦🥰✨招牌生煎包因為師傅需要用心烹調，所以即叫即製，生煎包底部煎得香脆可口，內裡新鮮豬肉配上勁濃郁嘅湯汁，可以咬開少少個包，飲啖湯汁再食，非常好味！😋✨麻醬手撕雞絲粉皮估唔到呢道比想像中好食！雞絲好鮮嫩，粉皮質地軟滑，配上青瓜絲同大量足料嘅麻醬，每一條粉皮都掛滿醬汁，一食就停唔到口😍✨迷你雞絲酸辣湯雖然跟餐份量偏細，但好足料，而且酸辣程度適中好開胃👍🏻✨上海排骨湯麵上海粗麵配上蛋絲，豬扒非常大件，炸得外脆內軟，啖啖肉🍜✨手工豆沙窩餅外脆酥皮加上豆沙內餡，味道唔會太甜，作為甜點一流😋

招牌菜：生煎包係就係有瀑汁，但皮厚底硬，擺盤求其搵隻膠碟載，望落去係一舊冷冰冰既東西，完全present唔到佢係signature dish熱豆漿：叮完還有點凍，杯野唔凍唔熱咁，飲唔出有誠意整服務：伙記太多甩漏要追單，收銀嗰位西口西面，唔多想你再有下次幫襯咁總括：只為求趕快擴充業務而忽略開店的初心，食物為店之本，招牌菜強差人意，有點失望，親身體驗過後只覺得電視的報導有點過份吹捧，雖然沿用上手（吉祥餐廳）係夠環保，但連收據牌都寫吉祥個名只令人覺得你開呢間分店完全只因想快啲賺錢，欠缺帶美食到本區的誠意，起碼我感受唔到

話說早排睇東張有訪問過呢間劉興記，講到質素好好，老闆講野都睇得出用心制作，諗住有機會都想試下，咁岩原來係元朗有新開分店，呢期都開好多分店喎原來，咁咁好機會就一於黎試下啦。入去有位坐底，真係岩岩新開接上手果間冰室，有d食客入黎仲以為係上手話d餐唔同晒咁，咁睇下餐牌，就試下個午餐。上海排骨菜飯拼生煎包呢個飯餐有1個生煎包跟，就先試試下個招牌生煎包，生煎包夠熱，入面都有唔少湯汁，食果陣要小心爆汁同燙到，包底部煎得略為硬身少少，整體ok，上海排骨有d似吉列豬扒，略細塊左少少，菜飯比較硬身同乾身。豆漿跟餐要飲品豆漿，味道唔太甜豆味一般。暫時覺得生煎包還可以，飯類屬普通，不過新開業可能新師父有d野仲有得改善，提提大家選擇麵食要小心d，因聽到格黎枱有食客揀麵餐選擇幼麵係黎左生麵不是上海麵，最後店員都有更換，會有d誤會，要問清楚。價錢牌仲用緊上手野