古早味休閒台灣 (Closed)

食咗咁多間台灣菜，都覺得古早味既台灣菜好好味！好鍾意佢個裝橫，牆上既壁畫好有舊式台灣餐廳感覺！今日我地叫咗古早牛肉麵，好大一碗麵，牛肉湯好濃厚，加埋傳統的牛展肉，食落好香濃。佢d麵係闊身麵，好鍾意呢d麵，因為口感係好似麵團咁，好滿足！我地又叫咗高雄飯卷，入面有台灣腸、青瓜同埋醃蘿蔔，用糯米飯卷成一卷卷，切出黎再食，原來都幾飽架。我地最後仲嗌多咗個綜合芋圓甜品，入面都有好多配料，有芋圓、珍珠、紅豆、愛玉等，鍾意咬口既人可以試下呢個甜品

以前用里數換機票話飛台灣就飛台灣，由於上年航空公司要加燃油附加費，明屈我哋呢班換里數機票嘅乘客，而家換張台灣機票都要額外俾多四，五舊水真係好唔抵玩，所以都冇飛台灣好耐啦。為咗解下台灣嘅資料，今晚再嚟呢間食台灣。黎到發覺佢轉左Menu喎，以前有晚餐好抵食，一個主食加杯嘢飲仲可以另外再加啲小食，而家再冇呢支歌仔唱，睇嚟都同航空公司一樣境況，無得再so!!小食叫咗鹽酥雞同埋滷水拼盤，鹽酥雞幾野味但係分量少咗啲，滷水拼盤嘅味道幾好，煮食就叫咗番茄牛肉麵同埋炸雞扒滷肉飯，牛肉麵我最鍾意味道亦都唔錯，炸雞扒都好脆，甜品我哋叫咗三個，我最鍾意食嘅芋圓，味道好正宗好好味我覺得唔夠食，草莓窩芙雪糕我個女就最鍾意，一見到超級興奮，仲有脆皮泡芙盼盼都唔錯可以一試。由於冇晚餐嘅情況下，我哋冇叫到任何飲品，兩大一細埋單成為$400, 相信獎前黎會平dd.

相信除咗日本野同埋韓國嘢之外台灣野就係香港人最鍾意嘅食物旺角呢一區出名最多嘢食所以只要細心又搵絕對大把選擇今次就試咗呢一間位於旺角女人街附近嘅休閒台灣店舖食一食睇住佢招牌有寫古早味就知道一定係台灣獨有嘅原味道首先一睇個招牌，每一樣嘅嘢食都同台灣睇到嘅都一樣而且驟眼睇啲相亦都好友原始嘅味道咁今次就試咗台灣最特色嘅刈包，GAP住台灣獨有嘅腸， 個包同香港食嘅麵包絕對唔同係硬起上嚟但係唔會難食， 佢同台灣腸非常之夾咸中帶甜特別開胃之後就試咗我個人最鍾意嘅牛肉麵、大家都知道除咗麵線之外牛肉麵就係最代表台灣嘅食物。。咁今次亦都試吓一飲啖湯睇有少少中藥嘅味道，但係絕對好易入口而且完全感受到原本台灣嘅味道就係咁樣湯底可以話你聽係絕對唔落味精所以就算唔飲嘢都完全唔會覺得頸渴呢一點好值得高度推介飲品方面個人可以推介最有台灣代表性嘅珍珠奶茶或者生果餐兩種飲品都表現唔錯拍得住而家好貴嘅台灣茶店

叫左2個Lunch Set見好多人都推介 所以揀左古早味牛肉麪 同大家講嘅一樣 牛夠嫰 個湯好濃牛肉味 麪係粗麪 口感十足 彈牙🍜另一個叫左五味雞飯 應該比較少人叫雞唔洗多講啦 算幼滑👍特色係五味 指緊d醬最左邊係似泰式辣醬 酸酸甜甜隔離係甜辣豉油 比較杰身綠色係wasabi 但質感比較特別😂😂第四 普通豉油最後係薑蓉加左醬料食雞當然係配薑蓉！第一同二都唔錯 輪流點嚟食同埋個飯係有mix埋d粗飯 健康😁**叫飯先會有碗湯 牛肉麪冇😣仲有三格小菜係每次唔同 今次推醃白蘿蔔粒 酸酸地 可以中和食左嘅濃味道 清新👍👍👍lunch set 可以半價叫小食叫左宜蘭蔥餡餅 個皮煎到金黃色 脆脆地 咬落去d汁會標出嚟 好香蔥油味🍴另一碟小食係黑糖薑母雞翼又係薑味😛同雞真係好搭!!賣相唔錯 雞翼size都唔細 好味!

今日同個friend 出旺角買野同掃街，到夜晚食飯時間都唔係太肚餓但又好攰，想搵個地方坐底吹水。唸過食糖水，但係人都知係糖水舖係唔坐得耐，侍應同等候既客人都會比你巨大既壓力XD突然醒起呢間樓上台式餐廳，之前食過一次，地方大坐得舒服，食物款式都好多，仲有我最鐘意既芋圓！二話不說就上左黎！正餐就真係食唔落，但見到menu咁多野揀都點左碗古早味牛肉麵一齊share食，加份炸吉列蝦同炸花枝丸，最後當然要點份手工綜合芋圓開心share!吉列蝦不過不失，本人鐘意炸花枝丸多d，感覺無咁膩而且好香口。古早味牛肉麵既麵係刀削麵，好彈牙又煙韌，而且一碗份量都唔少，男人都夠食！最矚目都係個綜合手工芋圓~入面有地瓜圓、芋圓、紫薯圓、黑糖珍珠、仙草、紅豆、綠豆配刨冰，再淋上奶，大大份十分足料！十萬個like！係暫時我係香港食過最滿足既芋圓甜品！咁多野食揀，又抵食又好味，以後一定會成日黎XD

週日難得和家姊有空出外，去年年尾才到台灣旅遊的她不時喊着掛念那時光和當地美食，於是她提議在這間餐廳吃午飯後再購物。午市套餐除了主食還包括了三款前菜及一杯價值 $16 或以下的飲品。每個套餐可以半價加點小食。我們各自都要了碗古早牛肉牛筋麵 （$68），另外加點了一客酥炸鹽酥雞（$19）。前菜有竹筍、中華沙律及海蟄。牛肉麵不論份量大小都很慷慨，每件牛肉和牛筋都煮得恰好，味美嫩滑。牛肉片近似牛展，厚身卻不韌。麵條像刀削麵，清淡質地滑溜軟身，可以再黏韌和香口點，不過還是適合跟帶山藥味的湯底一起吃的。鹽酥雞炸得夠乾身不油膩，調味不會過鹹，反而甜味較突出，吃完也不會太上火。若果炸得再香脆則更佳。飲品方面，我們點了杯無糖冷高山紅茶和炭燒烏龍，其中紅茶帶點花香解膩。這頓台灣菜總算暫時滿足了家姊的癮，牛肉麵是不錯的，按價錢份量和質素說是可以一試。

呢間台式餐廳之前係銅鑼灣都食過，又抵又好食，而且無論正餐、小食、甜品定飲品都超級無敵多種類，感覺就好似將成個台灣夜市搬左過黎咁，原來旺角都有間！行完街之後又可以去食飯，口痕又可以去食小食，食完飯都仲可以去食甜品！正！今日唔算太肚餓，但就行街行到攰，想搵個地方同friend 吹下水，食下小食，唸都唔駛唸就上左黎～小食方面本人每次都會叫鹽酥豆腐！外皮惹味，入面既豆腐滑到入口即溶！大推！然後我地每人點左個台灣刈包，其實未食過，見到menu既圖係一個饅頭包住塊五花腩，幾特別所以叫黎試下，個包size 唔大但食完都飽飽地，話晒都有肉有澱粉，饅頭加五花腩食落都幾夾，好似食緊漢堡咁，不過係唔熱氣既中式漢堡～口痕既我地仲叫左個滷水拼盤，一上枱就嚇親！超大份，而且有6款 (雞蛋、雞翼、大腸、豬耳、豬肚、腩肉）款款都量好多！而且超入味，食得出食材好新鮮乾淨，一d膻味都無！勁推！話就話唔肚餓，但最後食到捧住個肚走XD 十分滿足！

台灣菜是百食不厭的，今日晚餐同朋友黎位於女人街這間古早味台灣菜，食咗幾次，水準都不錯👍紅燒牛腩牛筋面紅燒牛肉麵吃台灣菜怎能少? 牛肉滷得非常入味，咬口淋而鬆化，沒有半點痴牙，牛筋位置已經滷至半溶的狀態，火喉控制得洽到好處👍我幾鍾意這裏麵條的口感，偏有彈性，這裏的湯底藥材味偏重，味道不太濃，食完不會口渴。台式滷肉飯台式滷肉飯，沒有想到如此足料，滷肉鋪滿整個飯面，下層的白飯沾滿滷肉汁，送飯絕對一流，這裡的滷品做得十分出色，豬肉半瘦半肥，再吸收滷煮的香料和醬汁，令人不自覺地一口一口去完成整碗飯。蚵仔酥 $48椒鹽炸蚵仔，椒鹽袐方做得幾好 ，很香口，蚵仔都新鮮，如果盡量可以再多啲嘅話就好啦。還點了一個滷水三拼，滷水雞翼，滷水豬大腸，滷水豬肚，滷水雞翼非常入味，雞翼肉質嫩滑，豬大腸都唔錯，豬大腸洗得好乾淨，入口非常甘香，滷水豬肚煙煙韌韌，如果送酒食真係一流‼️五味雞，第一次食五味雞，原來有五種唔同的醬汁點白切雞。一疊大概有四份一隻雞，雞髀位非常多肉，雞肉嫩滑，五款醬都各有特色，除了有一般的蒜蓉，甜醬，還有Wasabi味，沙茶味，辣味，幾特別的。

在旺角喧嚷的女人街，隱藏著一間像清泉、像綠洲的店舖，讓人能感覺到優閒清靜，這間就是「古早味休閒台灣」。 在上樓梯的牆上，畫滿了色彩繽紛的壁畫，讓人眼前一亮。紅燒三寶麵 $75有兩大塊牛展、牛肚和牛筋 ，三樣餸都很好吃。 麵身是扁的粗面，煙韌彈牙。古早味蕃茄牛肉 $63價錢相對便宜少少，有三大塊牛展和一些番茄粒， 湯底和麵身是一樣的。涼拌木耳 $28叫之前不知道是辣的，好彩辣味不重，還可以接受， 木耳爽口。桂花酒釀小丸子 $28有很多小丸子，桂花很香，非常抵食。

呢日約咗個老友係旺角食Dinner，一落車無耐就見到呢間餐廳，見個餐牌又okay喎，所以就決定食呢間。呢間餐廳要行上去，條樓梯有特式幾靚。星期四夜晚都幾多人喎！餐廳內位置充足坐得舒服。餐牌選擇多，小食前菜都有兩三頁。胚芽珍珠奶茶二十蚊大大杯仲要好好飲！香濃胚芽味，珍珠有咬口。超多胚芽！蚵仔酥呢個有驚喜，佢個皮唔厚，調味又好，所以酥脆又野味！古早味牛肉麵台灣菜必食牛肉麵！佢個湯頭夠濃郁，料又足。牛肉又淋又入味，值得一讚。台南擔仔麵佢份量比牛肉麵少，不過配料多。有蝦、丸、滷蛋同滷肉。佢麵底係油麵。殻麥棒棒泡芙內面吉士超多超好食，外面好脆有麥香！食咗咁多野一個人都係$100左右，幾抵食！

旺角人多、餐廳多、美食多，今日同朋友嚟到呢間台式餐廳食晚餐，餐牌有好多款台灣小食同飲料嘅選擇，主食選擇相對起嚟唔多，最後同朋友叫咗嘉義雞肉飯（$50）、古早味牛肉麵（$60）、宜蘭蔥餡餅（$28）、手工綜合芋圓（$45）。嘉義雞肉飯，將雞肉撕成絲狀，雞肉份量都算多，淋上蔥油，配有炸過的洋蔥同醃蘿蔔片，將所有材料混合整成拌飯，整體配合起嚟不過不失。古早味牛肉麵，選用左牛展肉，牛肉有三大塊，份量都多，肉質軟嫩，七分熟左右。麵屬粗身，口感彈力，好食！宜蘭蔥餡餅，煎到外脆呈金黃色，賣相好吸引，咬落餡料仲保留到肉汁，但蔥味略嫌唔夠突出。手工綜合芋圓係今晚我同我朋友心目中的No.1！底下有刨冰，配有芋圓、紅豆、綠豆、珍珠、仙草等配料。手工芋圓大大粒，有芋頭、紫薯、甜薯三種口味，芋頭同番薯味都好突出，好好食！

在旺角女人街搵食之際，給這間餐廳的門口及樓梯吸引到，由樓梯到牆身都畫上極具台灣特色的油畫，見到餐牌價錢還很平民，所以就入內一試。雖然門口細細，但店內環境都頗大，未夠七時已經坐滿8成人客。厚厚的餐牌提供了好很不同的台灣美食，小食及甜品特別多，主食則不算太多的選擇。今晚倆口子選了一飯一麵一併盤。飯選了嘉義雞肉飯， 雞肉飯是嘉義人的平民美食，就好像我們的手撕雞飯一樣，只是他們會用一點點的油蔥酥來提味及撈飯，油蔥酥很香，不會太油，配撘著一片片的醃黃瓜來食更好味。麵選了紅燒豬軟骨麵，濃郁而帶有少少藥材味的湯底，配上燉到入口即化的豬軟骨，鍾意他們粗身的關廟麵，好咬口。而滷水併盤就併了豬耳，雞翼及腩肉，滷得入味，只是略厭腩肉有點瘦。

朋友介紹話古早味又抵食又多選擇，梗係要嚟驗證下啦！！餐牌上真係好多小食，仲有唔同嘅地道小食，例如台南，宜蘭等。除此之外，甜品選擇更有成四五頁，比起一般台式餐廳多，睇到我地眼花撩亂呀！下面呢頁係另一頁新甜品推介，都好吸引。一定要點刈包因為香港唔多地方有。刈包就係類似饅頭夾滷肉，呢度嘅刈包細細個，每個人share食兩三啖，裡面大大塊滷肉半肥瘦咁好滿足。前排去台南食過擔仔麵，佢本身係一個點心，貴精不貴多，所以係細細碗而且麵量大概兩口食完，有蒜粒，韮菜等少少配料。呢度嘅擔仔麵唔係太大碗符合傳統，有蛋有肉丸有滷肉，但略油左啲同埋味道普通。台灣地道野食點少得滷肉飯，呢碗滷肉飯大碗，自己一個食會飽。滷肉一樣又淋又入味，如果畀多啲汁會更好食！五味透抽，即五味魷魚，雖然唔知落左邊五味，但酸酸甜甜好好食。叫左芋香牛奶同胚芽奶綠，每杯都係$18幾大杯，胚芽好飲。甜品揀左好耐，實在太多款，但因為食完前面嗰啲已經有啲飽，最後揀左個清新嘅玫瑰味刨冰，有真玫瑰花瓣，醬夠多，食到底都仲有味，另外仲有好多水果，令人滿足。新品炸芋圓都唔錯，香脆有口感。食左咁多野，加埋一埋單每人唔洗$200算抵食。

今日突然好想食台灣野 上網搵到呢間古早味 好似唔錯咁 就即刻去左食🙈呢間都算好易搵到位置 環境唔錯 幾企理 同闊落 ☺️一睇menu 嘩 好多野揀 ！勁多小食都想食！ 仲有呀 個甜品list好吸引可惜最後我太飽叫唔到😭下次一定要食呀！！ 佢仲有d set 不過過左17:30就有d唔送小食同飲品 其實仲有好多頁 不過真係影唔哂😂我地2個人叫左4樣野牛肉麵想講d牛肉好大塊 同埋係好淋身 唔會好硬好好食呀😋 同埋d面係好粗身似刀削面 幾好咬口！蚵仔煎呢個好似薄餅咁 幾好食加左上面d醬 酸酸甜甜咁 好match 隻蠔仔雖然都係一般size但食落好juicy 😆呢個個名好得意 叫五味透抽原來係鮮魷黎！凍食架！開頭見到以為辣 但原來唔係！我覺得整得好好食同埋中間仲有芽菜都一樣好入味☺️滷水拼盤 我揀左雞翼 豬耳同蛋估唔到份量都幾多 3樣野都好入味！仲有腩似 豬肚 同豬腸可以揀😝4樣野都食到好飽好飽 下次一定要再黎食埋其他野

之前在巴士看到，女人街口1/F,新開古早味休閒台灣餐廳，就很好奇什麼古早味難得有個大大門口，牆上畫滿圖畫，都是很有色彩。很漂亮的地方地方很大，原來閣樓才真，坐位很多，一邊梳化卡位，一邊木枱。餐牌有10頁，選擇很多，有大量特別小食3頁8款台灣麵，3款台式大碗飯8款小菜配白飯，仲有火鍋添甜品都有2頁比想像中多選擇，我們2個女生，點了最受歡迎的牛肉牛筋麵$68不得不讚，湯底美味，紅蘿蔔很甜，牛肉是厚身牛展，炆得很軟腍，牛筋滑溜可惜只有1件。這麵闊身正常台灣麵，吃完還有點不夠感覺幸好我們選了小吃宜蘭餡餅， 4個圓圓的。咬時要小心，因為中心有肉汁比較燙。最令我驚喜的是刈包我當然要吃特別的，選了花枝蝦餅刈包!就是一件大大花枝蝦餅，配上少量沙律醬，莞茜。味道很夾，而且蝦餅超彈牙刈包size不夠喉，如果是男生可以吃上3個……當然我們女生要吃甜品!手工綜合芋圓(凍)，完全一眼傾心，在看餐牌時，第1款就是要選它了♡份量不錯，有綠豆，仙草，珍珠，紅豆，3色芋圓，芋圓很大粒，甜甜地很軟糯，口感很好!