台蔡滷肉飯

Open Now

Now Closed

平時見到D人 ， 日排夜排。今日見冇人就去試下。鋪頭地方細，基本隔離講咩你會一齊聽埋。坐就一定係唔舒服，咁就試下有咩食拎分啦。叫左個鹽水雞套餐加冬瓜檸檬飲品，尼個係台灣食係好好食。（尼到台灣人做）應該掂啦。叫埋鹽酥雞， 肉鬆蛋餅同埋牛肉麵。鹽水雞勁失望，先講雞！重重既雪味 食得出黎。 完全唔夠濃 唔夠味。配茶青瓜，紅蘿白淋晒出晒水。又冇味，成個餐92 加飲品。冬瓜檸檬淡如水⋯⋯鹵肉飯叫正常。 牛肉麵唔濃⋯⋯ 個麵似壽桃牌麵底咁⋯⋯牛肉正常加左飲大紅袍珍奶⋯ 一樣茶唔濃 淡！鹽酥雞成餐叫最好食，夠味先肉鬆蛋餅，皮厚唔鬆化！又乾。感覺似買超市雪櫃既蔥找餅做個底。食完返屋企成晚口乾口渴！第二日仲係咁⋯⋯ 味精勁强！唔知排隊為咩⋯⋯

走入去呢間小店，空氣中即刻飄嚟一陣陣滷肉嘅好香味，真係即刻餓晒！😋 滷肉飯嘅肥瘦配比好岩晒，肉味濃郁得嚟一啖飯一啖肉，想食完成碗😍。飯嘅質感好彈牙，每粒飯都飽滿得嚟充滿滷汁㗎。喺店裡面，我仲試咗個蔥抓餅，外皮香脆得好解渴，裡面蔥香味足，入口即化，軟熟熟真係正啊！🤤試完呢啲，我仲特登叫咗個鹽酥雞，啱啱炸起，外皮炸到金黃色，鬆化化，一啖咬落去就hea晒，雞肉又嫩又多汁，微辣嘅調味真係鬼滯呀！👻 真心推介呢間小店俾大家，既有親民小吃又有食到飽嘅滿足感，嚟荃灣唔試實在太可惜啦！下次一定要再嚟，希望唔使等太耐啦。

今日早收工，約埋朋友黎呢間朋友推介嘅餐廳食野。17：45到，已經要排隊，可見呢間餐廳真係好受歡迎。好彩等得唔耐，就有得入去食野！我叫咗個肉鬆起司蛋餅同埋一杯珍珠奶茶。蛋餅好好味，個邊脆脆地，d 餡料又豐富，好飽肚。珍珠奶茶唔會好甜。

難得同姐妹平日晚上約見面，捻起荃灣有間人氣台灣餐廳，係由臺灣人主理既，就黎試下，幸好時間尚早，前面只等兩檯，等左15分鐘就入座。小食方面叫左台灣蛋餅賣相幾好，夾起蛋餅時芝士係可以拉絲既，應該係剛剛整起，味道上同我印象中台灣食既蛋餅有些少分別，呢款比較似蔥抓餅皮咁比較酥脆，係好食，調味唔會好重，剛剛好，推薦一試。飲品叫左凍同熱既大紅袍珍珠奶茶，可以要求甜度同冰量，大紅袍茶味茶，珍珠軟硬適中，甜味適中（平時叫少甜/微甜），飲落，跟餐加＄18，一定要叫，同外面好飲既手搖質素差不多，推薦。姐妹叫左花雕麻油雞湯配小碗滷肉飯套餐她話呢碗食落去“很台”好舒服。我叫左藥膳排骨湯配小碗滷肉飯藥膳湯感覺係肉骨茶既淡味版，甜感比較重，排骨燉得好淋，好容易食，整個感覺同姐妹捻法一樣，食落好舒服。滷肉飯既肉係切得比較細既五花腩，煮的好入味，肥肉部分係入口即融既，滷肉汁都係甜D既醬汁，配酸菜好好入口，飯用台灣特級蓬萊米，飽滿有飯香，好好食。整體而言，食物質素好好，唔係食落好驚豔既味道，但就食落好舒服，可以一食再食，係好順口既台灣菜。

25-10-2023 (Wed)繼續同老公放假,到晏晝佢話要食飯了,於是走落荃灣,我哋先去到新開嘅豚豚食堂睇,老公睇到話係普通嘢,冇興趣食住,咁去壽司郎,又啱啱係食飯時間,算多人等,我哋唔得喇.之後老公記得我哋未食,而每次非工作日嚟到一係未開,一係排長龍嘅呢間台灣嘢,於是行嚟,我哋嚟到時都有一組客等𡁵,應該唔使等好耐,於是等啦,喺等嘅時候,見到門口黐咗張嘢,話喺出面等位嘅顧客,如有須要,可以攞把遮遮太陽,入座時還返就得,好體貼呀!好快我哋就有枱喇,睇完menu,由於我唔太肚餓,所以我只叫小食,老公就要個餐,我哋要咗:4. 叫餐加$15.00要$25.00嘅百香果鳳梨烏龍茶,走冰由於冷氣幾夠,所以唔使飲咁凍嘅嘢,於是叫走冰,呢個所有味道都有齊但唔太濃亦唔太甜,不過口感就嚡.4.5分1. $40.00嘅肉鬆起司蛋餅呢個耐少少到,無他嘅,要即做嘛,睇見佢大大件,影完即夾嚟食,因為要趁熱嘛,夾起係有拉絲,亦睇見肉鬆同炒蛋都唔少,食落,個餅脆口,夾咗甜甜地嘅汁食,老公同我都話好味,唔怪得咁多人排隊食.5分2. $40.00嘅大腸包小腸喺程班長食過,都知係咩嚟,糯米大腸煙韌,小腸貫徹嘅甜,但佢嘅醃

之前沿途經過這條街，成日都見到此餐廳排晒隊，今日終於決定到此試一試！我們開店時到達，因此，不用排隊便可以順利入座啦！我們點了一「九層塔鹽酥雞」配細滷肉飯，再加了一份「肉鬆起司蛋餅」及一杯熱的「珍珠烏龍奶茶」（少甜）。先上台是鹽酥雞滷肉飯，第一口食個飯，飯🍚的質感偏軟身，飯粒沒有分明。有少少失望。至於個滷肉，我覺得瘦一點會比較好。味道一般，沒有預期中咁好！鹽酥雞外皮炸得香脆，很可惜的是，雞本身不是咁入味（沒咩味道），因此應該只能靠「椒鹽」味吧，可是，外面同樣都沒咩味！其實只要多番調味，整個餸便會好味好多！之後到蛋餅，餅是煎得香口，醬汁ok! 但cheese 份量比較少，而肉鬆味道都係偏淡，沒咩味。如果調味改良一下，應該都會好味啲！珍珠奶茶🧋，真係好一般，而且「珍珠」都是「淡」，只食到超淡淡的黑糖味。

食過一次真係唔洗再去，唔洗曬時間去排隊，價錢仲要唔算平，咐近隔離大把選擇，簡直離晒譜，服務態度差到爆，叫左杯野飲等左15分鐘都無黎，問個職員原來無整到，個水吧女同事仲要黑口黑面啤住我，唔通你漏咗單係我既錯

荃灣橋底排隊台灣菜，排左好耐隊🥺記得人齊先可以入座呀！手機落單 叫咗台味滷肉飯 加飲品同朋友一齊食 叫左幾個餐叫飲品嗰度要小心入錯如果唔係就會叫咗食枱都一樣嘅飲品😂😂味道方面幾好，同埋分量都多，我食唔晒，不過滷肉好似太多肥膏（我本人唔鐘意太多）🙏🏼🥺回頭率：👅👅👅👅性價比：👅👅👅打卡值：👅👅👅

荃灣排隊店~台蔡平時收工搭車經過，隊尾都排接近巴士站。今次經過終於短一半，決定排排佢。等了少於30分鐘very nice!兩個人，點一個套餐，兩份小食加飲品。九層塔鹽酥雞配小碗滷肉飯：鹽酥雞的確出色，九層塔很香，雞肉大顆大顆，滷肉飯不錯入味。涼拌鹽水雞：雞肉調味和蔬菜尚可，只有旁邊辣醬一流。小小麻麻辣辣的味道。芝士玉米蛋餅(手抓餅)：很大一份，餡料十足，芝士有拉絲，蛋手抓餅乾身。大紅袍珍珠奶茶：奶味多過茶味太多，點了少冰之後變奶水...失望個人覺得算不上很值得一定要再來排隊的店，但遇上有位子的話可以再來。

今日經過荃灣，見呢一間平時都排晒隊，今日都係等一兩個，就比次機會你試吓，果然人多排隊嘅都係有啲水準嘅今次試咗佢嘅滷肉飯同埋炸雞🍗，炸雞塊炸得幾好，原本想叫下午茶，諗住單點大碟啲，再見隔籬枱叫下午茶都係差唔多大細，證明下午茶真係好抵食，下次都係叫返下午茶就夠啦。而且滷肉飯都真係幾飽肚，味道係有啲台灣風味，至於係台北定台南呢，我就唔識分啦。其實都仲有叫白桃烏龍茶，但就唔記得影相，至於味道就… 甜啲會好啲，但平時飲開走甜少甜嘅人就應該啱晒啦下次嚟都係會等下午茶，或者唔使排隊嘅話都值得過嚟食呀

🌼台蔡滷肉飯🌼位於荃灣海壩街，喺附近都有好多美食之選，之前上網睇過見到呢一間係來自台灣人🇹🇼開嘅，所以嘢食質素應該有返咁上下😍，入到去地方唔算好大，座位之間都比較狹窄，呢度都係電子落單，大概等咗一陣就可以入得🍲爆蔥滷肉飯 $73: 呢一款滷肉飯的確唔樣惹少，價錢包埋嘢飲都算合理，份量我覺得都算多，見圖都知佢有勁多蔥花，而下層就係魯肉飯，另外再醒多隻溫泉蛋，我呢碗飯嘅精髓就係啲魯肉，醬汁豐富，肥瘦均勻😋，基本上可以撈勻晒啲飯嚟食，再加左隻蛋撈飯一流🤤🤤🤤🧋大紅袍珍珠奶茶 :嘢飲方面就係叫咗呢一杯大紅袍珍珠奶茶，佢係用咗大紅袍茶葉去做嘅茶底非常香濃,珍珠甜度啱啱好，非常煙靭👍🏻🐔鹽酥雞套餐 $85 :另外一個餐就叫咗鹽酥雞飯，佢哋呢度其中一樣必食嘅就係鹽酥雞😍，炸到外脆內軟，炸粉又夠薄，仲有勁多肉汁，超酥軟🤤，另外再加左九層塔作點綴，伴飯一流👍🏻👍🏻另外配左一碗細嘅滷肉飯，夠晒飽😆😆🧋百香果芒果沙冰 :味道唔淡，又唔會過甜，佢地好貼心，都係用外賣杯，方便你飲唔晒攞走都得😉🫔肉鬆起司蛋餅 $38 :次次食親台灣嘢必食嘅就係呢款蛋餅，雖然呢度款式唔太多，不過最受歡迎嘅肉鬆就一定要有😆，呢一款蛋

好多次行經荃灣路德圍都見到有人龍，今日特意五時左右去吃，幸運地不用排隊。店鋪不是很大，差不多都坐滿客人。來到滷肉飯店吃滷肉飯這個是必然的，叫了「肉鬆滷肉飯」可配溫泉蛋或溏心蛋，上桌時賣相做得非常好，滿滿的肉鬆還有鹹菜，滷肉是用了半肥瘦豬肉慢火炒製，每條肉條也吸收了醬汁，配合鹹菜爽口好味，肉鬆更加添了不一樣的味道，好快便完成了整大碗飯及入味的溏心蛋。「九層塔鹽酥雞」薄薄的地瓜粉醬包著juicy 的雞肉粒，一口一件，雞肉非常入味，他們是用雞脾肉來做所以肉質特別滑和有咬口，來自台灣的廚師把台式美食帶來給我們享用。「大紅袍仙草奶茶」和「大紅袍珍珠奶茶」口感也不錯，但台式奶茶茶味較淡。

呢間小店主打四款油香撲鼻嘅滷肉飯同台式小食👍🏼糅合台灣老師傅秘技同西菜創意，連烹煮嘅調味品都係由台灣運嚟🤩💗爆蔥滷肉飯 ($76)滷肉以人手切豬肉，所以肉塊會大d更有口感，先炒後燜滷入味🐖米飯沾上袐製滷肉汁，配上糖心蛋，超好送飯🍚！加入大量青蔥同自家製酸菜中和滷肉嘅油膩🎋💗紅燒牛肉麵 ($79)紅燒湯熬煮得非常有火候，湯頭有超濃郁牛肉味帶少少辣味，配搭幼身掛湯嘅白麵🍜牛𦟌炆得軟腍嫩滑🐂💗大腸包小腸 ($40)大腸糯米腸黏糯嘅口感，包住惹味嘅蒜香台式香腸，簡直係黃金組合🌭💗九層塔鹽酥雞 ($42)鹽酥雞選用雞腿肉，皮脆肉嫩而且肉汁豐富，五香粉超級惹味🍗💗涼拌鹽水雞 ($48)涼拌鹽水雞無骨啖啖肉，肉質嫩滑🐔伴上杏鮑菇、青瓜、紅蘿蔔絲，記得一定要蘸上祕製麻辣醬食，風味完全提升🌶️💗肉鬆起司蛋餅 ($40)蛋餅即叫即做，餅皮比較似手抓餅，口感較千層酥脆🫔裡面包住滿滿肉鬆同拉絲芝士🧀💗大紅袍珍珠奶茶(+$18）特選大紅袍茶底製作珍珠奶茶，茶味更香氣馥郁，風味更獨特，同時有濃厚奶香，配搭煙韌珍珠🧋💗百香果鳳梨烏龍茶(+ $15）百香果鳳梨烏龍茶酸甜清新，有助解膩🍍

🥢 招牌滷肉飯系列【台味滷肉飯配溫泉蛋】💰$52滷肉飯嘅味道同其他台灣食肆嘅味道都差唔多，最特別嘅係加咗酸菜同溫泉蛋，識落嘅口感層次豐富又唔乾🥢 九層塔鹽酥雞 💰$42鹽酥雞真係好好食，好香脆，絕對係即叫即整，啲肉好嫰亦都好夠熱，必叫‼️🧋珍珠茉香奶茶 💰$15(跟餐嘅價錢)我覺得杯奶茶一般，太奶，茶味都唔夠濃，好多人都係叫大紅袍珍珠奶茶，下次都係叫返依杯招牌飲品。性價比好高！好值得去試，不過而家已經超多人排隊，要坐等半個鐘以上⏰

路德圍人龍店開業一段時間喇，都仲係保持到人龍除左店面細，真係冇乜好挑剔店員好好，價錢合理，賣相都用心:: 爆蔥肉燥飯 $58可以選糖心蛋或溫泉蛋肉燥夠多可以餸晒成碗飯，d 肉燥都唔肥魯溏心蛋好味，不過d蔥就冇乜特別，下次叫番普通版:: 套餐 - 鹽酥雞 $73鹽酥雞勁大份，估唔到跟餐份量都咁大炸粉普遍都唔厚，係一兩舊特別厚，炸得都好酥雞肉味道都唔錯套餐跟一小碗既肉燥飯，但呢一碗既汁同肉燥就唔係好夠撈飯套餐+$18 要左杯冬瓜檸檬，竟然係鮮檸檬！好驚喜:: 玉米芝士蛋餅等得比較耐但煎得好酥脆，芝士至少見到兩種，好用心，值得一等