和生飯店

Open Now

Now Closed

天時暑熱極度唔想入廚房, 出街食係明智嘅 (本來) . 一行四大一細去咗呢間和生試下18:30去到無咩人,  佢有冷氣房同埋無冷氣地方選擇, 熱辣辣加上我哋又無人吸煙, 梗係要入冷氣房啦. 可惜佢嘅冷氣房係唔夠凍囉 , 開埋風扇叫做好少少, 七點打後人多咗又係熱.叫咗5個小菜--燒鵝(例牌)--皮脆肉嫩, 真係唔錯煎蠔餅--蠔仔有鮮味, 份量亦唔少, 值得一讚係佢主要用蛋, 粉唔算多, 食落鬆化, 正!燒牛仔骨--頗乾身, 欠缺juicy燒豬頸肉--脆口又夠入味通菜炒牛肉--味道唔錯本來叫咗碟粟米斑塊俾百厭仔撈飯嘅, 初頭食咗舊魚柳都唔覺有問題嘅, 用啲粟米汁撈咗碗飯, 百厭仔一食就問: 點解呢個粟米汁係酸嘅, 即時自己試下, 應該係變咗,  疑似事頭婆即時幫我哋cancel. 咁就嘥咗碗白飯.另加一碗白飯, 3支仙地埋單$358.00

已經好多年冇去過和生飯店食晚餐 今晚因為做完啲野，附近又冇乜餐廳，所以同家人係度食個簡單晚餐。西蘭花炒花枝片味道有啲清淡，冇乜穫氣，花枝片亦冇鮮味，要靠點蝦醬調味。我大細佬係魚香茄子控，佢都冇乜點食呢個魚香茄子煲，食唔到鹹魚肉碎既鹹香，雖然唔係唔好食，但都唔見得惹味。成碟豉汁蒸魚雲冇咩魚鮮，而且豆豉唔夠平均分佈塗滿，魚雲又唔可以完全吸到豆豉香味，只可以話不過不失。蔥油雞係最好食，青蔥，蔥頭，豉油，油落穫炒零舍香，加上雞肉都幾嫩滑，少少油香，全晚最受家人歡迎既一味餸。

不繼尋找美食係我喜愛的生活方式，今次去了位於屯門西鐡麒麟站旁的一間大排檔，位置也方便，地方頗大，分別設有或沒空調的坐位，可能是我們晩了點來，空調坐位早已留比熟客或已坐滿滿了，我們倆只好坐在外面與酷熱天氣玩遊戲要多上幾級留梯便到了～店面設有一個烤爐很特別, 見店員在烤豬頸肉另外一邊廂還設有一個廚房掛了幾隻吊燒雞先找個坐位，坐了一個超大風扇位的位置店內地方整潔，位置寬敞燒乳鴿 - 外皮炸得脆，香噴噴，不過肉汁欠奉肉質比較乾身，略為炸得過了點火栗米魚肚𡙡 - 栗米多及香，魚肚數量及份量也多，略為喊了點泰式炒通菜 - 味道剛好，好泰下～ 份量也足，一讚有落香葉～喊檸蒸烏頭 - 好香喊檸味，肉質很鮮甜滑流，魚也大條，勝價比高餸菜整體可以接受，屋邨老飯店真是一個驚喜，走時還跟老闆説了幾句，他介紹我們下次早點打來留位食晚飯，還介紹我們下次一定要試炭燒豬頸肉及吊燒雞，老闆真健談～

中秋節迎月夜, 嚟左呢度食晚飯, 我們8人一早訂左枱及一隻燒雞, 唔知係咪星期六的關係, 所以唔算好多人, 我們坐左樓上, 叫左好多嘢食.生菜包, 燒豬頸肉, 串燒牛, 豬及雞肉, 燒雞一隻, 西蘭花炒鮮魷, 蜜桃咕嚕肉, 菠蘿班塊, 上湯勝瓜蝦乾魚肚等等...燒豬頸肉幾時食都咁好味, 唔肥, 唔乾, 加埋D辣醬汁, 好正. 生菜包係夠晒辣夠晒惹味的, 好刺激呀, 肉碎炒到好香.燒雞好好味呀, 燒到好香口, 唔算好肥, 雞肉好滑, 個皮夠香脆, 每次嚟都會叫呀. 菠蘿班塊好味, 個汁做得好夾, 班塊都大大件好多肉的, 蜜桃咕嚕肉都好好食, 蜜桃好甜, 仲好味道過菠蘿咕嚕肉呀, 肉都好多及唔會好肥的, 都係啖啖肉呀.其它的菜都好味, 保持住.

到屯門探朋友，見輕鐵站旁有間大棚檔形式的食肆，最近經常吃自助餐，屋企附近的酒樓又唔夠鑊氣，想吃中式小炒很久了。"唔該，二位...."，有位斯斯文文的男仔問係咪想要坐冷氣，怕熱的我當然點頭，很快便安排到室內的座位，樓底很矮，看到牆上貼有不准吐痰，看看地上也頗乾淨，衛生程度合格以上。二人點了:椒鹽白飯魚--白飯魚很大條，炸得很香口，味道很淡，自行加上椒鹽，很快便吃清光。椒鹽蝦--有約10隻中蝦，肉厚蝦味濃郁，椒鹽味剛好，下次要再點。菜遠斑球--斑球就要彈下，吃得出是龍脷柳，$55元來說用龍脷柳也可接受，但肉質不好，有點水水的，不好吃，吃斑球還是在酒樓吃的較貨真價實。埋單$180多元，食物夠鑊氣，價錢合理，看見座上的食客以街方為主，心想住附近就好，可以常來。整體還是值得相約三五知己來試試。

和生又來了, 呢度係平靚正的地方, 2月8日星期日, 好full呀, 好彩一早訂左枱, 坐樓上大枱, 我們有十一個人, 一早訂左燒雞.先叫左兩碟燒豬頸肉, 生菜包, 但漏了一碟生菜包, 生菜包好似細了, 不過做節實會有點出入. 但味道都係好味, 夠辣的, 好惹味呀, 好香. 肉碎都乾身呀. 豬頸肉燒到啱啱好, 加埋個醬好好味呀. 我們由頭食到尾, 食左三碟. 然後叫左椒鹽鮮魷, 九肚魚, 蘿白牛腩, 芥蘭炒臘味, 鑊仔牛柳, 粟米魚肚羮. 粟米班塊, 燒雞一隻, 鮮魷及九肚魚都好香脆, 好好味呀, 夠乾身. 正!! 牛腩都好淋身, 蘿白則唔夠入味及淋呀, 但都好大舊的. 粟米魚肚羮好味呀, 都算多魚肚. 熱辣辣好飲. 燒雞係最正, 大大隻, 又香又脆, 肉又滑喎, very good. 最唔掂係碟芥蘭炒臘味, 好肥呀, 唔知係咪放左係度一陣先攞上嚟, 所以d肥油已經變左白色, 即係已經凝固了....鑊仔牛柳d牛柳都好淋好食呀, 有些薯條, 同埋蕃茄好大塊...但係可惜係人太多, 我們叫左白飯, 米粉同埋粥都等左好耐, 等到d餸都食晒都未嚟, 催左好多次...不過節日係咁.

星期日同屋企人去完大澳, 撘船去左屯門碼頭, 本來係諗住係碼頭食埋飯先返屋企的, 但係諗唔到食咩, 後尾講下講下話不如嚟和生, 都好耐有嚟啦. 自從冇左生菜包之後, 食物有點下降之後.今日7點幾到達和生, 好多人, 幾乎坐滿晒, 等左一陣先有位, 心血來潮問仕應有沒有生菜包, 佢竟然答有, 即刻要落單, 我們點左一個燒豬頸肉, 生菜包, 粟米班塊, 生炒排骨, 一隻燒雞, 本來想叫半隻, 但一定要一隻咁叫, 鮑片扒鴨掌.燒豬頸肉依然係咁好味, 好廋, 好香,好味, 個醬都係辣辣地好惹味, 食完都感覺唔夠喉.粟米班塊依然係咁多粟米汁, 咁香口, 金黃, 香脆, 用嚟送飯一流, 啖啖魚肉呀.生炒排骨都好好味, 賣相好吸引, 有菠蘿, 青椒, 紅椒, 排骨唔算好肥, 炸醬唔厚, 真的係排骨唔係麵粉及肥豬肉啊, 酸甜度配得啱啱好, 好好味.生菜包, 好似俾之前少左D肉碎, 不過味道依然係一樣, 咁香口, 惹味, 辣, 食完有回味的感覺, 肉碎好碎好碎, 入面有好多料, 肉, 洋蔥, 香料, 菇等等. 燒雞, 好大碟呀, 好味道. 皮脆肉嫩. 啖啖肉又唔係好肥. 燒得啱啱好, 唔會過老又多汁,

大排檔式的小菜店在屯門地區並不常見, 以前或許在屋邨之中也有些冬菇亭炒小菜, 粉麵。可是隨著領匯的接管, 商場產能增值等趨勢, 這類的冬菇亭已所剩無幾。大概屯門還有的大排檔式小炒檔, 比較旺的還是何福堂一帶的打冷小菜和零星的個別小檔。然而可幸的是, 在兆康苑後面的一叢村屋之中, 仍然保留著這一家燈光通明的小菜熱店。這家店地方不算大, 是四五六家邨屋的地下層及前地組合而成, 假期日子容易爆滿, 開放時間亦只到午夜十二時。餐廳除大排檔小菜外, 還設有一個頗大的炭烤燒, 專門安排一人負責處理泰式燒烤。而以泰式燒烤來說, 餐廳最受歡迎的相信是燒豬頸肉。眼見每枱都點上這個, 賣相亦可以, 便要來試試。的確是外層焦香, 雖未至脆皮, 但有不錯的烤味。豬頸肉肥瘦相間, 有油脂甘香而不失彈性, 而運用燒烤方法專人處理, 令肉質依然保持足夠水份。橫向微斜切法, 令豬頸肉有厚重的口感之餘, 亦封住肉汁。加上以魚露為主的汁醬, 令豬頸肉更見惹味。避風塘炒茄子, 又一惹味之作。用上金蒜, 椒鹽等惹味作料同炒已浸煮後拖乾水的茄子。味道如此惹味, 基本上沒人會反對。茄子經走油過後成形, 但仍保持一絲絲質感與水份,

這裡地方很難被發現，沒有車直到的話。泰式拼盤：蝦餅、春卷、香葉雞，蝦餅個皮比較硬，唔脆，但肉彈同多汁，春卷一般，香葉雞最好，味濃，雞肉滑；豬頸肉：乾左少少；豉椒炒砂硯：唔得，唔知係乜味，似用泰式O既香料炒，食唔到有豉椒味，味道奇怪，浪費左啲硯；XO醬西芹炒蝦球：蝦好彈，但呢碟好辣，越食越辣；紫菜蠔仔肉碎湯：蠔仔靚，多同大隻，係有啲洗得唔乾淨，有蠔殼，材料豐富。埋單$320，四人每位$80，服務一般，因為太多人，侍應只有二、三個，很難找到侍應落單，加單不容易，漏單亦是預料之中。飯店在村屋群中，環境屬一般，沒有車，不在附近居住的，不用找亦不需刻意去找。

12月22日同屋企人食冬至飯,我地又嚟呢度食飯啦.真的唔想再揀第二度,因為唔知可以食咩及價錢實在差太遠了.今次叫左好多嘢:燒雞一隻,一早要訂定的,好好味的,個皮好香脆,雞肉好滑,淡淡肉好正呀!泰式爐魚呢個麻麻地,唔係好啱我地口味粟米班塊好啱細路仔食,因有粟米汁可以送飯,雖然係細細碟不過好香口好味生炒排骨又係細路及大人既至愛,我都好鍾意食呢個架,菠蘿都好多,排骨唔會好肥,酸酸甜甜好好味呀芥蘭炒牛肉,OK呀,牛肉都好淋身,芥蘭唔會好老蘿白牛腩蘿白唔係好入味,好大件但係如果甜D仲正,牛腩則好好味,好淋身草茄扒豆苗清清地都幾好味呀,豆苗好甜,草菇好大粒呀西蘭花鮮魷西蘭花好大件都幾爽口清甜的,鮮魷OK土魷蒸肉餅OK啦,肉餅都好淋身及足料的鮑片扒生菜鮑片都幾多塊喎,仲有鴨掌添呀,鴨掌好大隻都燘得好淋的,下面有些生菜淨米粉加些桂林辣椒醬好正呀!!我地次次飯局都轉左嚟呢度啦,平靚正又可以坐樓上,唔使出去酒樓同人迫又唔會限時唔會漏嘢唔會受氣!!!!

上星期四打八號風球,都出左去同屋企人飲茶及去左食飯,我地六個人嚟左呢間飯店食晚飯,嘩,風大雨大都咁多人,樓上已full晒,只可以坐樓下位置,我地叫左七個餸五個米粉一個飯呀!!我地叫左一個海浙手撕雞,生菜包,泰式鳯爪,燒豬頸肉,羅漢齋,素鮑片扒生菜,後加左一個粟米班塊及金銀蛋莧菜,海浙手撕雞辣辣地好開胃,海浙都好夠凍,好味,燒豬頸肉,生菜包,泰式鳯爪係必叫的,雖雞全部都係辣既,但好開胃,好好味,今次的生菜包真的落重料,好辣呀!!粟米班塊都好香脆,粟米汁都好夠,金銀蛋莧菜好多料,好多咸蛋及皮蛋粒,好味道!全部餸的份量都好大又抵食呀!我們每人還叫左米粉及飯,食到好飽都唔使四百蚊,好抵呀!!

我聽人講呢間D野好味就黎試下我地有5個人叫左4個送我地叫左梅香茄子煲,咕嚕班腩球,蠔餅,炒牛肉同埋我地叫左5個白飯,$7/碗佢D飯好小,個碗勁細我最鐘意食蠔餅我發覺5個人食一個蠔餅係唔夠下次應該叫兩個咕嚕班腩球酸酸地,幾開胃我地叫左兩枝酒一枝$13我覺得佢地D酒又唔好飲又費

此酒樓是食友介紹的,主要是酒樓的茶市如荃灣川龍茶樓的格局:乜都自己黎.她知我周不時上去川龍村飲茶,所以介紹我一嚐.自此,記憶中就記住此酒樓.講真如果無人介紹的話,我住屯門三十年真是不知有如此特別的酒樓囉!估不到第一次來不是飲茶而是食晚飯,不過都是突發性的.下午五點幾由市中心行過來.由兆康西鐵站開始找的話是非常難,我們更行錯了同村另一堆樓房裡去,出返來路口,見到有位小伙子行另一邊,我們就跟著他,輕易地到麒麟圍村村口了下次再來的話,還是由輕鐵麒麟站來定位,因為一落車就是麒麟圍村村口了酒樓佔地為,室外的外面主要是海鮮檔和燒烤檔,樹下位置再對住輕鐵站,其實不錯的...如果沒遇上煙民為鄰的話至於室外的內面沒有冷氣,不過叫有瓦遮頭咁解.而冷氣室內分幾間房,本來大叔帶我們到一間細房仔,一開燈蚊子即散BAND哇,場面震撼!!...加上冷氣剛開,焗到爆.我們還是轉返室外的內面好了.差不多六點幾,雖然人潮還未起,不過二人枱全場得幾張,極難求之下,電視機下面碗櫃位旁的二人枱照殺!(皆因是最後一張了!!)(相信這裡沒有搭枱,由外到內的阿叔們都要我們二人坐二人枱!)阿叔隨即奉上一大壺普洱,我們處理好餐具後,就是

上星期日係母親節,妹妹話這裏又平又好味,所以唔想食貴嘢又同人迫餐死就訂左呢間菜館試下. 訂左六點鐘,去到都冇咩人,原來呢度都幾大的,我地訂左樓上冷氣房,冷房的冷氣都幾勁,有四部冷氣咁多,樓上都可以坐到數張枱的.因未齊人所以係度睇下食咩先,仕應不停問我地使唔使訂燒雞,因為燒雞好出名的,其實我地一早打嚟訂位已訂埋燒雞,但仕應不停話冇,所以我地就即時訂左一隻燒雞呀,跟住妹妹話泰式燒嘢好味,我地就叫左燒鱔及燒豬頸肉,還有泰式鳯爪,先食住呢d,都唔係等左好耐就嚟啦.泰式鳯爪都幾辣呀,不過好開胃及鳯爪都幾大,好入味呀,燒鱔唔自好肥美,味道一般啦,豬頸肉則好好味,切到好薄一片,加埋個泰式汁一齊食好香及入味.越嚟越多人嚟呀,等齊人都差唔多7:00幾,我地一早諗好晒食咩,叫左好多嘢呀:粟米魚肚羹,都算大窩,50元抵食,好多魚肚呀及粟米呀,味道ok帶子海皇羮,這個都係50元,都好足料架,有好多帶子,仲有蝦粒添呀,有一些瓜粒等燒雞,呢個真的好好味喎,個皮好脆及香口,雞肉好滑生炒排骨,一般啦.煎蠔餅,呢個都ok,蠔仔唔會好鯹什果牛柳絲,什果有啤梨,桃,蘋果等,牛柳絲好淋身,好味,什果都好甜呀,咁樣配撘都幾特別

最近，媽咪入屯門醫院做手術，我同姨姨一齊去探佢。竟然，我哋未到，媽咪打俾我，話我知已經醒咗，真驚喜！探完佢，已經 8:30，我又唔熟兆康苑，經過望到有間大排檔。記得 10 前，我同一家人都幫襯過，姨姨亦無所謂。呢度門面一般，大排檔 Look 。有室內及室外，所以不時嗅到煙味！不太好受！我哋兩個人，叫咗兩餸一湯。清炒豆苗 $42炒得有鑊氣，豆苗保持翠綠有口感，不算油，清清地；都幾大碟，可能有一斤菜份量。西檸蒸烏頭 $45 呢碟係姨姨揀，平時食慣豉油蒸烏頭，我覺得西檸蒸烏頭幾特別！有新鮮感！烏頭蒸得夠腍，但係唔係咁滑！西檸唔係新鮮檸檬，用上檸檬乾，加上蔥絲，夠香；味道出乎地好味！例湯 ：西洋菜湯 $18 ( 一窩 )西洋菜及豬肉一齊煲，湯份量好多，平均每人有 3 ~ 4 細碗 (不是飯碗)，好似加咗些少味精，咸得嚟寧舍好味！白飯 $7/碗滿滿一碗，夠軟熟，有飯味！估唔到食物有水準！