嘉彩酒樓 (Closed)

鬆弛很喜歡吃海鮮，所以港九新界不少專門吃海鮮的地方都去過，香港仔、西貢、鯉魚門、流浮山等等，但就是沒有去過屯門三聖。其實之前一直都有打算去，但遲遲未成行，就在一個要到廸士尼樂園參加活動的周末，我們決定去三聖吃個early dinner。鬆弛本來想訂位，不過只能訂八點，所以就先去酒樓看看有沒有walk-in位，還好當時只是六點多，人沒有太多，很容易就找到位。酒樓主要是做海鮮加工，所以海鮮餐牌上寫著的都是海鮮加工費，餘下的就是蔬菜、肉類和麵飯的選擇。鬆弛到來會合，我們就到海鮮檔買海鮮。那邊有十多家海鮮檔，完全沒有頭緒要去哪家，還是先問問住附近的朋友吧。最終去了最盡頭的那家，一共買了五種海鮮，合共四百六十多元，價錢合理。拿著海鮮回到酒樓，跟侍應交待好煮法後，就安心等吃。當時客量還未到高峰期，因此海鮮很快就上桌，首先送上來的是豉油皇蝦碌。豉油皇蝦碌。我們選的是本地麻蝦，比中蝦小一點，上檯時很香，色水雖沒平常見到的豉油皇蝦碌般漂亮，但很夠味，蝦殼炸得挺香脆，肉質彈牙鮮味，有幾隻還有蝦膏呢。蒜蓉蒸蟶子皇。本來是想吃豉椒炒蟶子的，不過只有兩隻炒不了，就改成蒜蓉蒸。蟶子肉厚甜美，蒜蓉沒有下得過多，其實

啱啱食完飯，食到一肚氣。自己買海鮮, 碎蒸魚頭腩，無左一半。同經理投訴係無用, 因為其實係比佢地做消夜, 可必益人!!!黎食飯記往要小心，海鮮要完條蒸，如果唔係會無咗一半呀!!!  

韓文班同學一起去吃飯。先說菜(豆苗)很不錯，不會煮得太老。但那一碟雞....說真的....樣子跟味道也不行。1) 龍蝦伊麵2)鼓汁(?)蟶子3)蠔4)扇貝5)瀨尿蝦整體而言，也不算差。當晚跟朋友也吃得很高興。但是嘛。果然來這就是吃海鮮，別的都不要想太多

The seafood was bought from else where so this comment and the scores would only refer to the cooking methods.象拔蚌 Geoduck - sashimi and steamboatThe thickness was just right, enough to have the crunchiness for the bite and then for steamboat it's just thick enough for the surface to cook, while the inside was soft and sweet. Good slicing technique.The tofu is even more amazing. The soup base was simple but with the geoduck's sweetness, it is absobed into the tofu which made it a gourmet itself.

一家三口於三聖海鮮街買了一隻一斤半的【波士頓】龍蝦，一條臘魚；因為小六的小女兒喜愛龍蝦，驚住自己冇得食所以買一斤半，二百五十的，老闆見我時時來，只收二百。點知都係冇得食！去就近的【嘉彩酒樓】，部長問【波士頓】龍蝦點煮；小女兒說芝士伊麵，惡夢就來了。煮完壳就多，肉就冇幾粒，少過四粒；立即叫經理，點知仲勞氣！經理說【波士頓】龍蝦，冇勿肉，好似蟛蜞蟹；有大細拑，一隻手大、一隻手細；如果厨房偷工減料，一定即抄，做幾十年酒樓發夢都知【波士頓】龍蝦點樣，一大堆廢話。我立即到樓下三聖海鮮街再影多一張【波士頓】龍蝦相，左右兩拑是一樣大，上去經理又話你吃完至講。成晚玩砌圖，右手就整隻不見了，龍蝦頭見了，身短少了；一斤半不知有無一半剩！！我己向消委會投訴，現在尚有如此的營商手法於旅遊區，簡直可恥！！！！所有壳都無掉走，一斤半【波士頓】龍蝦煮後見相！下次一定報警！

拜完山，同親戚黎到三聖嘅嘉彩食海鮮，其實已經黎過好幾次，次次都係買海鮮黎加工，呢道加工無抽水，味道好，價錢合理。今次買左約二千蚊海鮮，有蝦，蟹，蠔，班，聖子，鮑魚同鮮尤。蝦揀左豉油王同開邊蒜容蒸，蒸個味略淡，後多加了豉油味道好多了，大愛佢個粉絲底，撈飯一流。豉椒炒聖子，好惹味，連啲青椒都食哂。砵酒蠔，個汁甜甜地，洋蔥底，鐡煲上，有啲啫啫feel，又係好味到連洋蔥都食哂。姜蔥炒蟹，我無食。燒鵝，呢間酒樓岀名，親戚話無啲肉唔得喎，於是加左呢樣，肉唔韌，多肉汁，少少肥，個皮燒得好香口，正！清蒸石班同鮑魚，時候剛好，無蒸老哂，好鮮甜。椒鹽鮮尤，粉唔係太厚，無炸到硬實實，鍾意香口野就啱哂。加左金銀蛋烚菜，未影相已經比人食哂……送左蒸千層糕，紅荳沙同合時生果，生果有橙同西瓜。剛蒸起嘅千層糕好鬆軟，正！紅荳沙好綿不過超甜，鍾意甜食的我食左兩碗。因為權限問題不能上載太多相，用了併圖方式，加上影相時親戚經已起筷，好多相都好檬。計埋加工費、飯、酒水等成餐唔使三千，我地一行十五人，圍起都唔使兩百，抵食啦。

食友升職了，實在是件令人高興的事，能在工作範疇上贏得上司的賞識兼獲取應有的回報，真是可喜可賀。這食友向來慷慨、出手闊綽，加上其為人一直崇尚獨樂樂不如眾樂樂之理，這晚就宴請了我們這群饞嘴鬼來到屯門，好讓衆人能大快朵頤地吃海鮮。由於是晚有食友充當柴可夫，免卻各人長途拔踄及轉車之苦，所以一行九人，還未夠 7 pm 已來到了三聖邨。下車後先去友人較相熟的海鮮檔「關財記」，由食友發辦點選了六款海鮮，當中包括了超大隻的花竹蝦、五斤重的老鼠斑、花甲、花螺、元貝及奄仔蟹。本來有食友提議到海鮮檔對面，較出名的冬菇亭「興記」享用 “獵物”，不過由於附近的酒樓「嘉彩」座位較多，坐得亦較舒適，所以衆人還是屬意來這屋邨酒家。由於這天是平日，來酒樓吃晚飯的顧客不算多，加上地方寬倘闊落，各人也坐得十分舒適寫意。食友交帶完各款海鮮的烹調方法後，先為各人送上自美酒，只可惜筆者向來不好杯中物，實不懂胡亂品評，但從衆人的滿意表情，相信就算酒不醉人，衆人已被食友的盛情迷醉了。事不宜遲，先來品嘗第一道菜式，隻隻都長度十足的豉油皇花竹蝦。這晚由食友親自挑選的生猛花竹蝦，經泡油後再澆上豉油皇汁料炒成，放上檯時還香氣撲鼻。挾起

黎到三聖, 今次唔去容龍, 唔去海天, 選擇左嘉彩一間普通既屋村酒樓黎既原因係之前聽人講話呢度d小菜同燒鵝好味到不得了點知..................原來係錯的我地買左兩支大蟶子,兩隻象拔蚌仔, 一隻大墨魚上去加工先講d小菜生炒骨.........算好食, 但唔係話好不得了lor燒鵝...........真係差, 應該係用微波爐整返熱, d皮un 到唔識講油泡墨魚.......過左火啦, 好un,好唔得唯獨個蒜茸粉絲蒸大蟶子and象拔蚌ok la想食好野都係去返容龍or海天好, 唔係真係屣尤其如果買左d貴價海鮮, 唔好俾呢度較飛了

前一陣子同下屬預祝中秋，有個同事話這間酒家D廚師功夫到家，於是同D同事一行十一人到附近三聖的海鮮檔買了幾款海鮮到「嘉彩」一試虛實。老店裝修，一進去已經覺得有家的感覺，特別一提就係徐經理招呼周到，我地當日D海鮮講真已經只是中上，但經過他們大廚的精心烹調，把海鮮的鮮味引出來。最推介炸美國筒生蠔，炸得好好，D炸漿,非常酥脆。還有用芝士加入炸漿炸得香脆的老虎蝦，制法獨特，香味濃郁。最後，徐經理還送了我們一個黃金大餅。他們的廚師交足工課，而加工收費合理，因此送给他們一個字 － "抵"。

公司聯歡，諗住開開心心夾錢食海鮮，點知.......蟶子皇：食過都知有幾大隻，點知一圍十二人，得兩三個有完整一隻，其他都係得啲「碎」左手指尾咁大舊。豉油皇蝦：十圍枱，每圍十二人，居然有啲得九隻，有啲得十隻。瀨尿蝦：平均七吋長一隻，但唔知點解隻隻同我一刀兩斷，上半截搵唔返下半截，啲肉係霉嘅。海鮮湯：滾水一樣。蠔煲：有一半變左蠔豉。我地去相熟海鮮檔買海鮮（我同事屋企開嘅）佢地話我地一百二十人佢地都數左（真係有數）一百三十幾隻蝦俾我地；海鮮湯就執左廿斤料，平均每圍有兩斤原料，就算得蝦殼同魚骨都有味啦，何況當中有蟹同啱啱瓜左嘅斑仔，但酒樓個梁總經理居然話啲蟹煲溶左喎（真係聞所未聞）仲有喎，原先啲料唔見左，但居然俾返隻海星我地喎（真係多謝哂）咁啲蝦唔通生猛得滯自己走左？打開門口做生意，居然打貓打成咁，咁樣做生意，真係好可憐。。。最慘人地唔知以為搞手賺大錢，真係賺左就唔會係度呻啦，搞到今日都仲要解畫，睇嚟我地先最可憐。。。

我經常看openrice的食評，但都是用作參考，以前想應該對食物的口味、對服務的領受是很個人的，所以食評只會做參考，不會盡信。 所以看到這一家“嘉彩漁村酒家”裏面最近有很多對服務與經營方法存在欺騙的手法的食評，也是抱著掉以輕心的態度。 不過經過昨天晚上的經驗，我必須承認我是錯了！！！好的食評不一定是真的，因為店裡自己也可以寫，但惡評很大可能是真的，而且是多個惡評出現，不會是競爭對手惡搞那麼簡單。所以我必須分享我以下的經歷，告知各位好吃海鮮的朋友。過程第一步：訂位：于7月26號致電訂位，指明訂房間，也特別詢問了有沒有什麽特別的收費如最低消費之類的，對方說沒對方還問了要不要打麻將，說可以安排，但沒有說要收費。過程第二步：到步：于7月27號大概4:16pm到，領到房間，我主動問waiter那餐牌看，他給我看了4個價值2388-4188的套餐（價錢可能有一點忘記，不過是差不多的range），我一看是一般的套餐，因為我們計劃來吃海鮮的，也就跟waiter說我們不想吃套餐，因為一般套餐哪裡都有的吃，他說房間只能吃套餐，不能吃散餐，那我就說我們很遠開車過來計劃吃海鮮，不想吃海鮮，他說吃海鮮可以自己出

今天是難得的家庭聚餐，大家討論以久的三聖海鮮團終於成行。一行14人。有先頭部隊去元朗以及三聖搜購不同種類海鮮。有以下各種：九蝦、大蝦、瀨尿蝦、龍蝦、蟶子、花螺、東星班、桶蠔、黃油蟹以及鮑魚。各人竹戰完畢後，與先頭部隊向嘉彩滙合。以下是各種海鮮以烹調方法：白灼九蝦火喉控制得不錯，不會過「老」。蒜蓉粉絲蒸大蝦一直都覺得這種烹調方法應該吃放在最底的粉絲，因為粉絲吸收了大蝦以及蒜蓉的精華。椒鹽瀨尿蝦大家都怕麻煩，所以大部人都品嚐了尾部。我蠻喜歡吃瀨尿蝦，所以吃了一件尾部以及三件頭。不錯不錯。上湯龍蝦(伊底)龍蝦選了三斤多重的，因為太輕的龍蝦根本沒有甚麼龍蝦肉吃。(大家也是很快吃掉了吸收了精華的伊麵)豉椒炒蟶子蟶子選了大的，豉椒煮得蠻入味，亦能保持蟶子的爽口。辣酒煮花螺至愛之一，「老友記」們怕太高的膽固醇，所以我便有口福了。辣酒加上花螺，再點上少少的甜醬，絕配呀！！清蒸東星班又是需要火喉的控制，不俗。砵酒焗桶蠔這個菜是令我會在此寫下食評的原動力，以下會詳細說明。鹽焗黃油蟹愛食蟹的我當然不能錯過的一款。這麼多款重口味的菜色，以簡單的鹽焗來炮製，帶出了蟹的香味。陳皮蒸鮑魚三吋多大的飽魚以陳皮蒸，加上

公司業績不錯，年尾發放頗豐厚之花紅，同事們都雀躍萬分，決定要吃一頓海鮮以獎勵自己過去一年之辛勞，有同事建議去三聖村，因去慣去熟，熟絡的海鮮檔，熟絡的酒家。來到楊合利海鮮檔，看著各種海鮮，大家都很雀躍，每樣都想食，最終我們選了六款海鮮，龍蝦，扇貝，蟶子，桶蠔，花螺和一尾星斑。過磅完畢後，派彩作實，共九百四十元。海鮮檔主著店員立刻拿往我們指定的酒家。「嘉彩」離海鮮檔不遠，步行五分鐘已到達，這晚食客不少，部長查看各種海鮮，詢問我們的烹調方法。芝士伊麵燴龍蝦 芝士與伊麵弄得太糊，放了一會更凝結成一團，龍蝦本身無問題，肉質不錯。辣酒煮花螺 雖然叫唔好咁辣，但煮出黎都係幾辣，而且係麻辣，吃了兩隻，口唇已變得火燙，花螺無沙，夠韌。油鹽水浸蟶子 因有人不喜歡豉椒炒，改用油鹽水浸，味道無咁惹味，又鹹了些少，細蟶子無巨蟶子咁鮮味及口感無咁正。陳皮蒸鮑魚 陳皮味不濃，鮑魚新鮮彈牙，非乾鮑，鮑味不濃。砵酒焗蠔 桶蠔頗巨大，蠔肉肥厚，焗後顏色不及「容龍」的深， 味道亦不夠濃，嚐不到砵酒味，個人較喜歡「容龍」的版本。蒜蓉粉絲蒸扇貝 炒過的蒜蓉夠香口，配以粉絲，蒸後吸收了扇貝的鮮味，很好吃，扇貝爽口彈牙。

黎到三聖村,緊係自己買海鮮,再黎酒樓叫佢整啦,雖然海鮮就唔係酒樓,係我地揀,但佢又整得幾正喎,不得不讚呀!爸爸食過話lei間酒樓整得幾好味,咁我地緊係黎啦,不過就係好舊式酒樓咁,環境唔好expect有幾好,有兩層,好大下....好彩我地有book位,越坐越多人,都爆架,可能係星期日啦~白灼東風螺,食lei隻野一定要揀d BB咁先好味,雖然只係白灼,但好新鮮,點埋甜醬好味呀!蒜蓉粉絲蒸大聖子同蝦,lei個好鍾意食,大聖子同蝦(好似叫九節蝦)好新鮮,加埋d蒜蓉粉絲真係好夾,次次都鍾意咁樣蒸,油就油少少,但好正~蒸鮑魚,我就鍾意食細隻d,大隻左d就冇咁重味咁,但都蒸得o岩o岩好,唔太老,ok蒸老虎班,蒸得剛剛好,個豉油唔會太咸,我都食左好多 (平時少食魚)蒸掩仔蟹,本來我就唔食o既,跟住見到佢地個個一路食都唔出聲,好專心咁...咁我咪拎左黎食下,wow...一咬落去d膏度,真係好和味呀..yummy~ 點少少醋...好正呀,原來咁好食架...生炒排骨,我地額外都叫左少少酒樓o既野食,個竹一,生炒骨少得好靚,唔好好油,汁都教得ok薑汁芥蘭,同一般一樣....就油少少啦...ok雖然d海鮮係自己

自從有一次到屯門三聖村吃了一頓海鮮餐之後，我們想起海鮮餐便二話不說到這兒來，今天大家海鮮癮又起，所以便來一頓痛痛快快的海鮮餐。這兒大部份的顧客也是從酒家對面的海鮮檔選海鮮，我們則每次都會到關彩記選海鮮。這次選海鮮的工作交給爸丶姐和妹，我們則安坐在酒樓中等待。他們回來的時候，我們都對那盆滿滿的海鮮感到驚訝。不過既然海鮮已選，已經到了無法回頭的地步，那就交給廚房做主了。先來的是最有份量的龍蝦，足四斤重。我們選了用芝士焗龍蝦配伊麵(加工費每斤$45)，用上的時候已經看到不少大件的蝦肉放在面上。當侍應放好碟子之後，大家便隨即動筷了。廚房將整隻龍蝦分件分得很好，起初大家也可以「啖啖肉」，實在是一種享受。後來吃的時候雖然沒有像起初般豪放，不過每一件裡面也有不少蝦肉。芝士味比較淡，而且碟底的水很多，相信這是令到芝士汁變淡的原因。龍蝦肉焗過之後仍然保持其彈牙口感，而且配上軟腍的伊麵，掛在伊麵上的芝士可以令龍蝦肉更添味道。接下來的便是油鹽水煮蜆(加工費每斤$40)，外表看似清湯煮蜆。不過我們之後已經有一道海鮮是用豉椒炒，所以我們便接受知客的意見，改用鹽水煮蜆。雖然蜆殼一向都是整碟中最搶眼，不過這次廚房好