士林棧 (Closed)

係大角咀做完野，誤打誤撞找到呢家小店，店舖用紅木傢私，頗有風味。叫了一碗清燉牛家三兄弟陽春麵，牛𦟌清晰的幾層肉質，軟腍鬆化唔痴牙，好豐富的膠質！牛𦟌的美味令人一再回味！牛脷鬆軟，牛筋彈牙爽口。配一杯珍珠奶茶，茶味香濃，珍珠粒夠煙韌，一讚！意想不到這家小店有此水準。下次再經過必定再食！

已經好耐無黎過了，今日休息，中午又捉左家人去同我食飯，其實都好耐好多年無同佢食過台灣菜了！肉燥茄子24原條茄子切半，面層舖上地道的台式肉燥，少許五香的咸香，在蒸得嫩滑的茄子上，味道是真的幾正宗！溏心旦17雞旦做得十分滑溜，無論旦白或旦黃層亦香糯柔軟，流心部份呈半溶姿態，色澤光鮮橙黃，連翻幾口，便把一小碟掃空，吃罷亦不會好漏！脆炸芝士雞扒32價錢幾實惠，煎炸好的雞扒，很是金香，入口並不乾o鞋，雞肉夾層內裏的芝士中規中舉，沒有澎湃流出，但已完全溶化，令雞肉帶有一份咸香和奶製品的口感，兩者合拍相融。雞扒外面鬆脆，內部柔軟，香口誘人。但吃兩塊已經好漏了，所以多點人來一齊開心share會更好！皇柚雞扒29鮮嫩的雞扒經適當的煎煮後，表皮已達至黃金色，脆脆的外層被淋上充足的金柚醬，醬料味道就是平時我們自購的柚子蜜的味道大致相同，酸酸甜甜，十分清新開胃。同時，柚子汁醬的香甜味，亦令雞扒吃起來減輕了不少油膩感。雞扒乃已去骨，大大塊一件，吃起來十分方便。兩塊雞扒都是厚切，份外具口感，絕不馬虎！難得表皮金脆，肉質還是那麼的嫩身呢！師父廚藝真不俗！！！紅燒牛肋條30唔講唔知，原來紅燒並非煎炸食物的造法，而是像

筋肉雙雄（牛𦟌、牛筋）個湯完全冇牛肉味，似係落左少少味精既湯，唔通呢啲就係古早味？芝心雞扒伴菜飯其實係名副其實既一條條菜加白菜，仲要比埋啲不知所謂既蕃茄汁你，究竟係咩組合？撈埋一齊好難食。雞扒味道一般茶餐廳冇乜分別，夠哂熱，但唔似食緊台灣菜。

呢排 Bel Bel 都和朋友一起去大角咀，發掘一下有乜好食，既然我都好耐無食過台灣菜，於是就決定去士林棧尋找台灣之味。我叫的台北肉燥糖心蛋陽春麵 (牛展湯底)，湯底味道相當濃的牛湯味，加埋香濃的肉燥、葱，整碗的味道相當濃郁，仲有好多芽菜和幾條白菜，份量相當豐富。唯獨是麵條煮得太稔，唔夠爽口彈牙。上面的糖心蛋，雖然賣相麻麻，不過都見到有流心，蛋黃甜甜地，都幾好味。朋友叫的蒜香雞中翼米線 (清湯底)，朋友說米線質感很爽口彈牙，不過雞翼炸得太乾身。脆炸芝心雞扒是這店的邪惡之選。雞皮炸得卜卜脆，加上湧出來的芝士，真的讓我這個芝士狂魔滿心歡喜！雞肉都幾嫩滑，雞肉中間又有芝士湧出，喜愛多重口味尤其係芝士的朋友不容錯過。一啖雞肉一啖芝士再加一啖酸梅醬，點少少酸梅醬可以稍為減下芝士的肥膩。雖然好味，但吃得太多卻很油膩，幸好有朋友一起分甘同味，否則便糟塌廚房的心血。凍草苺紅茶，雖不太特別，但都幾好飲。呢餐每人都係六十零蚊左右，麵線的份量好多，都好抵食。不過我覺得距離台灣的地道美味尚欠一點，還有改善的空間。

8月總是外出吃飯為主，今晚自己一個人在大角咀吃麵，我想去openrice上有好高人氣士林棧,土林棧之前想試,一直冇時間去試下這間,因為自己一個人吃,就要自己揾下点去,打電話去店鋪問下点去 真是好快找到土林棧，土林是台灣好出名夜市，以前去過台灣幾次,土林只是去了1次,而家土林已經不是以前土林了,講回香港土林棧，今晚叫了蒜香雞翼米線(32元)+蜂蜜綠茶只加8元,+芝土雞朳，土林棧在openrice有好高排名，一直對它有興趣想吃，一個人都要來吃,我去到店鋪時候幾乎客滿,店員問介唔介意搭抬,，我講番自己叫食品，蜂蜜綠茶又不是太甜,冰稍為多咗些小，沖淡了綠茶味道，米線夠爽口又不會太淋,蒜香雞翼稍為炸得太乾 ,個皮有些小硬，芝土雞朳有濃郁芝土味道，這個都不錯，服務這裡都OK ,環境十分傳統台灣料到格局，地方十分適中,價錢又不貴，埋單只是70元左右

午膳時間來到大角咀覓食，友人說這台灣風味的店子聽說還不錯，就走進來一試。店子強調的皇牌有二，就都叫來試試。一曰梅貴豬扒，一曰皇柚雞扒；作為皇牌又怎會令人失望，的確，它有它的賣點，但距離台灣風味嘛，還有點距離～梅貴豬扒菜飯 $42據稱是嚴選的梅頭豬肉，然後加上醒胃梅子與其他調味料，令人一試難忘。的確，豬肉鬆軟，肉味濃郁，加上梅子醒胃，令人食慾大增。作為皇牌，也不俗。然後算到菜飯，將小唐菜切碎加入白飯中，感覺倒是很一般。還有腩汁的加配，倒是露餡了——以「士林」為名，再加上強調是永康牛肉的傳承，怎麼腩汁是我們香港有名的蘿蔔牛腩口味？失策啊！皇柚雞扒飯 $42強調以台南盛產的柚子為料，秘製而成的皇柚雞扒確是不俗。柚子甜甜的，配上雞扒肉嫩，不失為一好搭配。同時，有餘的柚子汁佐飯也挺新鮮的。作為皇牌，尚不俗。這趟不是菜飯，而是白菜配小唐菜，得體——卻令剛才的菜飯顯得小家子氣。餐飲：紅豆冰$10、珍珠奶茶$9紅豆冰有驚喜：採小顆紅豆，不是豆蓉，有嚼勁；以椰汁沖調，是點睛所在。珍珠奶茶很一般：珍珠尚彈牙，但就是粉圓之味；奶茶茶香不足，幸奶與茶比例尚好。椒鹽魷魚$29椒鹽味嘛，一般；若改為「香酥」可能比

週末和朋友來到附近打羽毛球，平時真的甚少來到大角咀，先吃個中午飯，醫好肚休息一會才運動。隨意選了這間吃台灣菜的，門口小小的但感覺很有風味。我們四個人點了四道茶share 吃，有台北肉燥糖心蛋 （$42），這是吃台灣菜不少得的，但這次我們選了配陽春麵而並非飯。分量不算少，如果只有我一人吃一定吃不完。湯底味道十足又不會過份濃，麵質軟硬適中還有點彈牙，肉燥分量也很多而且鹵味重，還有滑滑的糖心流心蛋，整體都很棒。另外脆炸芝士雞扒 （$32），切件四份剛好一人一件，熱辣辣的上桌，芝士完全融入雞扒內，金黃色的外皮包著嫩滑的雞肉，很容易咬開，而且還夾著creamy 的芝士，邊吃邊大讚好味道。朋友還點了牛家盛會（$52），包括有牛𦟌、牛筋、牛脷和牛肋條，本身不太吃內臟的我沒有試這道菜，但朋友說肉質煮得很淋，一咬便開，而且很入味。最後有皮蛋肉鬆豆腐（$ 28），豆腐很軟滑，配上鹹鹹甜甜的醬汁，令清淡的豆腐變得很野味，加上皮蛋和肉鬆，口感豐富有層次，但若然皮蛋有更多會較佳。飲品方面，我們點了兩杯凍自家制菊花蜜（各$17），芋香特飲（$16）和珍珠奶茶（$16）。我很喜歡我點的菊花蜜，清清的菊花味又不會太甜

今日約左朋友喺大角咀打波 哈哈 打波前當然要先醫肚保充下能量先 行下大角咀睇下有咩食。。。咁岩士林棧就喺球場對面 台灣菜可以一試呀！一行四人點左好幾樣野！大家都喜歡食牛！咁當然要叫個牛家盛會配菜飯啦！牛腩炆得非常合時 肉質非常軟 而且腩帶有小小脂肪 咬落去好有層次 亦都好juicy夠入味！正呀！仲有牛筋亦甚有水準 炆得夠時間 好易咬！牛舌就好爽口！牛肋條亦都好味！不得不提配菜蘿蔔！索哂d汁成個蘿蔔好入味！識食一定撈飯食!!脆炸芝士雞扒！雖然好肥膩但真係唔可以理咁多 真心好食！一夾d芝士就流哂出黎 雞皮炸得夠脆 雞肉亦好嫩滑！鍾意食煎炸嘢嘅朋友一定要食！皮蛋肉鬆豆付都要一試！豆付睇得出係用百福豆付，品質保證夠滑！個汁好特別好似蠔油mix甜豉油 加埋青䓤感覺好fresh 都幾開胃！台北肉燥糖心蛋配陽春面 我係好鍾意食糖心蛋架！果然冇令我失望！哈哈 糖心蛋夠糖心 蛋黃係流出黎架！陽春面個湯底都好味 係台灣牛肉面嘅味道！飲得出係濃濃的牛肉湯底 個面亦吸收哂湯嘅精華 真係出色之作！喺香港好難得食到咁有台灣味道嘅麵！飲品方面都好台式 叫左杯芋香特飲 跟餐加$9就有！杯飲品係香濃嘅香芋味 唔似出面買

放假响睇完戲就打算醫下個肚仔，對商場的連鎖式餐廳不感興趣，於是和朋友仔決定落返大街搵食，行下行下就見到呢間台灣菜小店，門面的招牌「古早牛肉麵」勾起了前年到台灣品嚐當地牛肉麵的美好回憶，決定坐底試試有無台灣的水準！店舖小小，用上木枱木椅，很有茶居的感覺。一望餐牌，選擇也不小價錢亦相宜！滿滿的菜名令有選擇困難的我又有難題！好彩女店員細心介紹下，我和朋友點了牛家盛會丶肉燥飯伴糖心蛋菜飯、梅貴豬扒同肉燥茄子。另加等秋梨飲和蜜瓜特飲。等待食物的時候順便睇下牆上詳盡介紹，原來這裡的廚師學藝於台灣的永康牛肉麵，湯底無味精，令我對牛肉麵更期待！ 牛家盛會：即是四拼（牛筋，牛𦟌，牛肋肉和牛脷）先喝一口湯，真的很有台灣牛肉麵的味道，又濃又香，此湯更優勝的地方是沒有那麼油，感覺健康點！麵的份量不少，入囗爽滑。牛筋，牛肋肉和牛脷都燘得好淋好入味，且肥瘦剛好！蘿白做得好，無渣清甜！美中不足的地方就係不夠酸菜。肉燥飯伴糖心蛋菜飯朋友是一定要有飯落肚的飯桶所以點了這個。話個肉燥有點過鹹，少了一點甜味和在台灣肉燥飯的qq豬皮，菜飯的菜新鮮脆口，中和了肉燥的油膩感，糖心蛋都鹵得入味朋友三扒兩撥很快清碟了！梅貴豬扒有

今晚終於都唔洗收工一個食，約到妹妹撐台腳呢度之前佢已經黎過，覺幾好，我就無去過，於是就決定黎呢度吃番個“顛娜“     好似有一段時間無同佢去食過台灣ya，對上一次仲係半年幾前！  今晚妹妹收工收得夜過我，唔想係條街度干企變熟尖堆，於是就上網揾地址，一丁友自己去先！   餐廳上菜幾快下，店員反應都一樣快而且幾貼心，店內約有30幾個位，環境以木傢俬主打！荔枝乳酪，味道清新，酸酸甜甜好醒神，略嫌荔枝味不夠濃烈，而乳酪味則恰度好處，不會過酸或過甜，而且凍飲好夠凍，勁啱剛迷完路既我飲用！紅燒牛脷，係伴蘿蔔一起上既，個汁料清清地咁，係幾有牛味既湯，因為一齊煮，所以牛脷肉有好濃濃既清甜蘿蔔味，牛脷都煮到好夠淋，肉質嫩且唔un，囗感像牛腩，其中食左一舊偏大的，就較實淨既肉地，雖然牙唔好，但我都食到，因為其實都幾夠軟熟下，呢個小食最有台味紅燒牛肋條，呢個好鬆化，好濃牛肉味，十分之濃郁，可能因為伴蘿蔔一起炆煮既汁上，所以更顯牛肉味勁香，非常入味，都有好耐無食過咁重牛肉味既ya喇，而且仲要濃得黎唔會so，呢個下次黎會再叫！梅貴豬扒，即是梅頭豬扒，肉質唔過淋，因為係用上豬既上肩肉，無骨啖啖肉，幾滿足！其實個

剛剛去完台灣旅行，仍然好掛住台灣既美食和其親切的人情味，所以男朋友找了這家主打台灣小食既小店一試。這家小鋪位處鬧市中一個轉角位，店舖雖小，但內裡裝修得很像台南既小店，簡單而帶有些古早味，店員很友善，令人有家的感覺和忘記平日身處於鬧市中的忙碌。士林古早牛及牛筋陽春面$45牛肉麵湯底濃而不膩，好清甜，一d味精都無，飲完唔會好渴，配料十足，有醃菜和很多既蔥花 牛肉很厚而且炆得夠淋，牛筋亦炆得好晶瑩剔透，好似果凍，麵質偏林身，加埋秘制辣椒油，再配上牛肉更加惹味！台南滷肉糖心蛋配菜飯$41滷同砌得的的骰骰的，是正宗台南式既做法，滷得好入味，未算入日即溶，但好有咬口，一口滷肉配一啖菜飯，剛剛好中和滷肉既鹹味，送飯一流，係偷飯賊。糖心蛋煮得剛剛好，呈半流質狀態。蒜香雞中翼$25炸到外層好香脆，一咬開，肉汁會彈出黎，醃得好香蒜味！跟麵配了凍既山楂茶，酸酸甜甜，好開胃，係消暑及消膩既良品！

扭新隻腳，醫生叫多休息，所以只好喺屋企附近搵嘢食。 在Openrice 找到這間有不少好評的店，就來試試看吧！食品：牛肉三兄弟：湯：好好味，但顏色就比一般在台灣吃到的淺色了一點。牛腱：大大件，不是一般薄薄的牛腱片，我比較喜歡這種!牛脷&牛筋：普通，沒牛腱那麼特別。百香果紅茶：紅茶茶味太苦，差不多全蓋過了百香果味，早知叫綠茶。梅貴豬扒：很入味，但太薄身，炸得有點乾，如果厚返D，會比較好。環境：小店格局，坐位不過多，但感覺頗乾淨 (可能因為我是剛開舖的第一個客)。

老友知我鍾意食台式牛肉麵，就介紹我黎呢間小店，佢話呢間小店味道比較正宗，今晚我就專情到此找一找，小店位於球場對面，好易搵，店舖用上原木枱櫈，更顯台式風味。先來一杯冰凍自家製秋梨飲 ，新鮮梨汁清涼潤喉，唔會太甜，好岩我口味！跟住叫左份牛家盛會，有牛脷、牛展、牛筋及牛肋條，牛筋入口即溶 ，牛脷炆到軟淋淋而且冇牛嘅騷味，牛展完全唔痴牙 ，原來小店大廚係用來自台灣的古法來炮製，堅持唔用添加味精 ，先至保留到肉嘅新鮮及原味，陽春麵配清湯，加上牛肉原本味道，真係食到唔停得口，完全感受到大廚係用心烹調。再來一碗落足料嘅藥膳四神茶 ，材料十足，內裏豬肚仲爽到"索索"聲，原來呢個湯係好適合我哋呢種食無定時，而且腸胃比較弱嘅都市人飲用。

路過大角咀，經過此食店，有一種熟悉的感覺，就像我多年前到訪台灣去過的牛肉麵店一樣，所以就決定入去緬懷一番昔日在台灣的時光。店舖雖小，但店員都很親切，令人有家的感覺，牆壁上貼滿介紹此店的報章雜誌，原來此店是秉承台灣最正宗的牛肉麵製作方法，但我看了看餐牌，今次決定不吃牛肉麵，改吃豬扒麵。豬扒及麵條終於送上，豬扒味道濃郁而且肉質非常鬆化，入口有一種陳年話梅的酸甜味道，我點了香蔥撈麵來配這個豬扒，撈麵口感彈牙，每條麵都可以沾上醬汁，而且醬汁味道不會太鹹，加上香蔥的味道，非常好吃。店員誠意推介個熱門小食給我，椒鹽魷魚，魷魚炸得很香脆，有椒鹽外面再沾上酸甜汁，非常惹味兼可口。食台灣菜不一定要喝珍珠奶茶，此店有自製的飲品，我選了自家制山楂飲，入口冰凍，酸酸甜甜 好像幫我個味蕾沖涼一樣

其實我很喜歡台灣菜，但不知怎的我總是唯忘了這菜的存在。看看OpenRice，有見士林棧的好評甚多，令我不得不前來。自家制山楂飲$11/杯 (跟麵/飯/米線)  甜甜酸酸的飲品從來都是我的favourite，加上最近天氣越來越熱，點杯山楂飲就好不過。甜酸適中之餘又解渴，加上是自家制的，實在令我甚為鍾情。糖心蛋 $16從少到大，我都很喜歡吃雞蛋，糖心蛋更是我最喜歡的煮法之一。不用多說，只是看看我的相片就可以知道這個糖心蛋做得那麼出色。蛋黃呈現漂亮的橙黃色之餘，蛋黃還溢出了來，可見半生熟的情度做得相當了得。蛋味濃郁，還有陣陣的滷水味，回味悠長。四神湯 $13 (跟餐)四神湯合了茯苓、山藥、芡實、蓮子、薏仁等藥材作為烹調用的基本材料，有調理之作用，還很適合腸胃比較弱的人士。老實說，我的腸胃都不是很好，但一向都害怕喝濃濃藥材味的湯。可是這湯給我一個驚喜，不但沒有我害怕的藥材味之餘，還很足料而且十分之鮮甜!牛家三兄弟(牛腱+牛脷+牛筋) 陽春麵 $45喝過了士林棧四神湯之後，我對他們的士林棧的皇牌牛家三兄弟更為有興趣。不出我所料，牛家三兄弟一點也沒有令我失望。不論是牛腱、牛脷還是牛筋都大大件，腍得