大師兄銷魂麵舖

Open Now

Now Closed

台灣知名拌麵店「大師兄銷魂麵舖」最近黎左香港太古城🇭🇰啦～以後唔使去台灣都食到啦！☺️👍🏻菜單和台灣的差不多，套餐$88起，銷魂麵可選配清燉或麻辣牛肉湯；牛肉方面可選擇牛五花、牛筋或牛腱；經典套餐可選配配菜麻辣滷豆皮、豆腐或鴨血～ 如果想一次過試晒所有配菜，就一定要試麻辣大滿足！😎咁就可以所有牛肉同配菜都試晒！😏除此之外，全部套餐可另加$28享小食及飲品各一客。🔹麻辣三寶（牛五花、牛筋、牛腱）+銷魂麵，配麻辣鴨血（$118）三款牛肉都好推薦！💕牛五花肥瘦相間，油脂豐富；牛筋炆得軟腍入味；牛腱半筋半肉，腍滑中帶爽脆。🤤🔸麻辣大滿足+銷魂麵大滿足真係好大份！😳豆皮吸晒麻辣湯嘅精華，爽脆又惹味。豆腐係台式古早味豆腐style～最欣賞台灣直送嘅鴨血‼️口感煙韌，原汁原味。☺️加左$28要左份麻辣黃金魚蛋，魚蛋一份有四粒，份量都算合理，唔好對佢有港式辣魚蛋嘅期待，因為佢味道口感都係比較似台式咖喱魚蛋。😂是日冰茶可以二揀一，有茉香綠茶或白桃烏龍，都係由來自台灣的茶葉浸泡而成。鍾意食辣嘅一定要試麻辣牛肉湯～😏本身湯底預設微辣，但都可以按個人喜好加辣或者揀唔辣！加辣嘅話，就會比多碟招牌辣油你！😏麻辣牛肉湯湯

咁岩工作走左去太古城，肚餓想搵野食既時候發現有一間餐廳特別唔同，門口已經有曬排隊既指示，睇真啲應該係有分輪次。見下輪時間都好快到，等左一陣就已經入得去了套餐的選擇非常多，我選擇了麻辣牛筋+牛五花+銷魂麵湯底則是麻辣牛肉湯，味道香辣可口。銷魂麵的口感非常好，搭配湯底，讓每一口都充滿了層次感。特別之處在於他們的乾濕分離食法，店員會提醒你先享用一口「銷魂麵」，再搭配一口牛肉湯，牛肉則可以用特調沾肉醬來吃。飲完想再飲湯可以叫店員續上的，下次一定要試下個清湯。

哩間過江龍未開已經知有幾出名，終於喺香港都食到😆 見到唔洗排隊梗係要試吓啦！✨清燉三寶(牛五花、牛筋、牛腱) +銷魂麵（走辣）+麻辣滷鴨血 $118牛五花肥瘦適中，剛好一層油花一層肉，肉質結實得嚟帶點油筋，牛味濃厚；牛筋有滿滿膠原蛋白，軟嫩Q彈有嚼勁；牛腱肉味香濃，軟硬韌度適中。銷魂麵本身係微辣，我揀咗走辣，麵條煙韌彈牙，本身就帶點鹹香，手工麵條果然係唔同啲👍🏻 鴨血帶少許藥材香味，質感嫩滑，唔會好辣。✨麻辣牛五花+銷魂麵+ 麻辣滷豆皮 $98(另+HK$28 配麻辣黃金魚蛋及凍冬瓜茶）麻辣湯底唔會太辣，帶點點麻香，仲有濃香牛肉味🥩 預設銷魂麵帶少許辣更香口。麻辣滷豆皮吸哂辣汁好惹味。🔸銷魂麵預設係拌麵，大家可以將湯加落去一齊食，湯唔夠嘅話仲可以再加。兩種唔同風味都一樣好食🤤🔍整體感覺：餐廳裝修簡潔，環境都乾淨。食物味道同質素都好高質，性價比都正常，身位港島區嘅朋友以後又多個飯堂可以去🤭

太古城有兩間台灣麵店知道銷魂麵舖新開，而又有我今晚想食嘅牛筋所以即管試吓！.主要分咗麻辣同清湯口味，最低消費每人一個套餐，用QR code落單，堂食需要另外加一.兩個人一個要咗麻辣味三拼（$118），有牛肉、牛筋、牛腱，另一個要咗清燉牛肉牛筋（$108），兩個套餐都會配一個微辣嘅拌麵，同埋一個小食，小食可以揀豆皮，豆腐或者鴨血，我哋再另外再升級咗加$29多個小食同飲品，要咗麻辣魚蛋同埋一杯無糖白桃茶。.落咗單都好快就送到，本身個面侍應都講咗會係微辣嘅，但我冇諗過佢微辣之中都幾辣㗎！！！麻辣湯底係超級麻！！如果食唔慣辣嘅人都真係幾頂唔順呢！就算我自己係鍾意食辣，我都會較為喜歡清燉湯配一個微辣嘅麵就覺得已經足夠呢！.一上枱侍應講解返應該點樣食佢哋呢一個麵，佢哋建議分開食麵同飲個湯，之後亦都可以再加湯，啲肉嗰啲亦都可以點佢一個醬去食，不過我覺得整體都好夠味了幾鍾意佢個牛筋，炆得夠腍！麻辣湯底幾辣，食唔到辣嘅人要三思😂😂男朋友食到出晒汗🥶🥶麻辣魚蛋，下次就唔會專登加錢叫啦，魚蛋質地十分普通，淨係好辣好辣😂😂😂最欣賞係佢個面個質地好彈牙，好有咬口唔會好腍，另外溏心蛋都好食，個面底係有少少辣佢有啲

國慶假期6點左右已經要等位，我哋一行二人被安排坐門口附近位置。職員提醒用餐時間60分鐘，我點了麻辣牛三寶、朋友點了麻辣兩寶加套餐小食，湯底麻冇花椒味、辣亦唔夠過癮，牛三寶嘅牛筋冇味、牛腱偏硬、肥牛更加諧霎霎😵‍💫 麵條囗感一般，最好食係隻滷蛋😅我食完剛放低筷子，拿起杯水飲一啖之際，職員以0.9秒速度收咗我個盤，因為紙巾喺個盤上面，搞到我連抹咀嘅機會都冇，真心有啲嬲，貼錢買難受嘅感覺！我明白出面有客等緊位，但我哋由坐低到食完都唔夠30分鐘，咁嘅趕客行為，加上值食物質素低，一定冇下次😣

又係常見嘅香港餐廳一個鐘用餐. 但今次有啲分別, 話說我一個鐘內用完餐（食麵）, 而地方是屬於鮮芋仙, 咁用完餐咪去鮮芋仙買甜品囉, 一坐低, 呢一間銷魂麵舖就話要求離開, 佢哋職員話呢個地方係鮮芋仙借用, 所以我哋要離開. 但我又喺鮮芋仙買完甜品, 鮮芋仙比我哋坐返低, 真係畀佢哋玩死. 咁我又同佢講, 我甜品買咗食緊你又要我走, 咁我退錢得唔得, 又話唔得. 真係好難捉摸.

前幾日去咗太古城試吓新開張的銷魂麵鋪，叫了招牌牛肉麵，職員很有耐心解說食法，湯和麵分開食佢嘅麵質地非常彈牙，汁不膩不鹹，有令人越食越想食的感覺，牛肉湯也美味濃厚，地方整潔，值得回味，回家後也沒有中味精毒的現象，價錢都係可以接受的範圍，如果要挑骨頭玩毒舌的話，我只能希望店主能在隻蛋加多D功夫，那就完美極了。味道5星星

對呢間台灣過江龍嘅期待值好高，新開冇耐，次次經過都有人排隊，有次星期五晚想食都食唔到 閒日夜晚，見唔多人排，一於試下。店鋪裝修簡約文青，儘管晚市繁忙時段依然堅持一人一檯唔搭檯，感覺不錯叫左最貴嘅餐，入面配料咩都有D，一次過試曬。加左$28 一杯飲品（當天是無糖白桃烏龍）、小食（魚蛋）湯底普通，似牛肉麵湯底，冇咩出彩之處，飲完唔會想refill (可以無限次添加）比較失望。自問好鍾意飲湯，但今次連添飲嘅慾望都冇餸：🍗好大塊嘅牛超級難咬，肉實，唔淋，食得好吃力；牛筋OK，有膠質，正常，但唔係好入味；牛五花： 普通貨色，就係牛五花嘅味，正正常常冇特別之處🥗鴨血： 好食，爽口軟糯並重，唔錯； 豆腐： 好難食，完全唔推薦：（配菜魚蛋：冇台灣特色，亦唔似香港魚蛋，食左1粒唔想再食不過附上嘅辣醬同埋酸醬味道OK，開胃可口🍜麵： 痴埋一舊，食唔到香味，撈唔勻，無可取之處。超級硬+乾，食完胃痛，好差😅咁樣一個餐，連加一 $171， 雖然環境及服務唔錯，但奉勸大家唔好排隊浪費生命、金錢，完全唔值。港島區要食台灣嘢的話，北角鐵花村、西環阿元來了、炮台山九分飽 係比較好嘅選擇

一行三人，兩點半開始排隊，排左差不多廿分鐘，不斷俾後面二人入座，問我們會否考慮迫d坐二人枱，我心諗點食嘢呀，入到後面無晒人（即係人哋一到已有位）。我們卻等了足足25分鐘，投訴後，才拼張枱給我們。店長唔投訴都唔理我們，無表情。麵我喜歡有咬口的，但它的麵比較硬，牛五花很一般，就是普通肥牛，牛筋和牛鍵還ok, 但不夠入味，配汁味道唔夾。清湯還ok, 麻辣湯很淡。如果只吃牛五花，很搵笨。咁都做到過江龍。。。試一次夠

有聽過朋友起台灣食過讚好，估唔到唔使去台灣都可以食到銷魂拌麵 朋友話清燉湯好好飲，所以我就試吓佢嘅清燉三寶，三寶包括牛五花、牛腱、牛筋，配上佢哋嘅名物銷魂麵。清燉湯底好濃嘅肉味，但又好清爽唔會好漏，飲唔夠喉仲可以添飲。牛筋牛腱都好腍好入味，牛五花一定要點一點佢地嘅特調沾肉醬，個沾肉醬帶一點酸，令到牛肉更好味。銷魂面本身係微辣，鍾意食辣嘅人可以加辣，辣油係另上嘅。麵條好Q彈，配上佢哋嗰個銷魂辣油真係好銷魂，食完會又想再食嘅感覺，但因為份量都唔少，一份就夠 套餐仲會可以揀一個小配菜，滷豆腐或滷豆皮或鴨血，香港好少見到呢種滷豆皮，豆皮幾厚身，一層層吸晒湯汁超好味 下次再嚟試埋麻辣湯底同個鴨血先

話說上個月快閃左台灣食左當地嘅大師兄銷魂麵已經好鍾意估唔到一個月後竟然係香港開分店唔洗特登飛去台灣都可以食到超級幸福! 味道同係台灣食一樣麻辣牛筋+牛五花麻辣湯充滿濃厚牛香及麻辣香氣辣味唔會太嗆辣 後勁帶點麻香感牛筋充滿膠原感 入口軟嫩充滿彈性牛五花牛脂豐腴 帶有濃厚牛脂香氣 清燉三寶(牛五花。牛筋。牛腱)清燉湯呈奶白色 入口香滑而且充滿牛香入口無油膩感 味道溫和清甜牛腱燉得好嫩腍但又唔會失去嚼勁銷魂麵大師兄銷魂麵嘅特色在於主打麵同牛肉湯分開食 一啖麵一啖湯 可以好好品嚐到各自嘅風味彎彎曲曲嘅手工麵條好Q韌加入自家秘製辣油味道辣得黎又充滿層次大師兄銷魂麵自家辣油以頂級辣椒。十幾種中藥材同新鮮蔬果用上8小時手工熬製每滴辣油都係精華 辣味充滿層次麻辣滷豆皮豆皮充滿層次同時亦索晒麻辣汁味道香辣惹味麻辣滷豆腐滷豆腐滷得相當入味豆香味濃 質感好綿招牌老油條老油條內外都炸得極香脆 浸上麻辣湯或清燉牛湯 都極速吸收索晒牛牛嘅精華 推薦!!麻辣黃金魚蛋大大粒魚蛋幾彈牙冬瓜茶冬瓜茶茶唔會過甜清香解膩又解渴

同朋友行街街，見到新開既銷魂麵銷！入去試一試佢～ 我去台灣前都有睇過，依家可以香港食到喇！選擇唔太多！但一場黎到梗係食佢麻辣三寶啦！餐會有個乾撈麵、再加一個湯餸！我覺得咁樣幾好喎～ 又唔會浸到個麵淋哂！個鹵雞蛋係糖心蛋，好入味 👍🏻👍🏻👍🏻個麵硬身少少，如果可以選到軟硬就最好喇！味道都唔錯～ 咸淡適中，如果食到覺得乾身又可以有湯撈一撈佢！個湯麻辣都夠味，唔會太麻太辣食唔到，我幾鍾意！牛𦟌好淋又入味，牛筋勁淋！有入口即溶既感覺！正～ 牛五花我就唔太鍾意 🤣🤣 好似打邊爐既感覺 朋友叫左清燉，個湯我飲左佢一啖！都唔錯～我地個餐有跟小食，叫左個鹵豆腐同麻辣鴨血！豆腐算鹵得有味，豆腐內好多氣孔！但鴨血…我以為係水血軟身…但佢係硬身。仲額外加錢加左小食，有微辣青瓜同麻辣魚蛋！個青瓜好開胃。但魚蛋唔知係味係香港特色🤣 因為冇油條，我地又想試埋 🤣🤣咁近我～ 梗係時常食啦！隔離仲有鮮芋仙😌台灣美食一條龍👍🏻

一個住在太古城的朋友，知我對麵食甚為至愛，幾天前突來電與我聊天，及告訴我有台灣出名的麵店，過江龍進駐了香港太古城 - 大師兄銷魂麵舖。這麵店二年前台北行我也曾光顧過，其出品仍然還記得。今天晚上，這朋友約了我來到太古城聚聚舊和專程試試他們的出品，看看與台灣的有何區別。一看餐牌，麵食種類甚至連配菜與台灣的是一模一樣，等於將台灣的味道，直接過江來到太古城。我向來怕辣，只好叫款不辣的，友人就逢辣必好。我點了清燉三寶+銷魂麵，友人點的是麻辣大滿足+銷魂麵。上桌時店員詳細介紹碗裡的材料是什麼，並教我們怎樣吃法才算是正宗台灣吃法。原來與港式牛雜麵不同，台灣吃法是將湯與麵乾濕分開吃，永不把麵浸在肉湯裡的。牛三寶有牛腱、牛五花和牛筋，牛腱和牛筋炆得腍滑而牛五花保持有嚼勁。銷魂麵本身已是微辣，但辣度可接受，麵身彈牙一吃就知是手工麵條。朋友的那碗麻辣大滿足，有牛三寶之外，還有鴨血、滷豆腐和豆皮，當然還有麻辣湯底，好辛辣的就不要錯過了。香港人真是有福，從此不需再坐飛機到台灣，才有機會吃到這碗銷魂麵了。

大師兄銷魂麵舖價錢💲: $118/ $108/ +$28好味程度😋: 4.3/5服務🍴: 3.7/5環境🗾: 3.7/5性價比🥢: 3.7/5回頭率😚: 4/5-銷魂麵舖終於係香港開了！之前去台灣錯過左。可能因為啱啱開，所以星期五夜晚大概等左半個鐘到。全部餐點都有牛骨湯的成分，如果唔食牛的朋友就唔好去啦。所有餐都係一樣的拌面，選擇的係要清湯/麻辣湯，同埋入面d餸。加錢仲可以變成套餐。一啖湯，一啖麵，如果唔夠湯，可以叫店員幫你免費加湯的！-✅麻辣三寶。麻辣湯唔夠濃郁，第一次加埋肉類係入面的湯底比較淡，味道好柔和。不過好在一d都唔油膩😉飲晒之後叫佢加的麻辣湯就濃郁好多，成個肉味同辣味都出好多(唔知係咪因為無加配料係入面)。牛五花即係肥牛，但肥牛質素唔會好差，唔會只有肥位無肉。反而薄薄地要來食個醬幾適合。牛筋煲到軟中有d咬口。牛腱就比較韌，同埋頗厚一片，未算好入味同淋。-✅清燉牛筋牛五花。清燉的呢個湯雖然比較清澈，但飲落先突顯到牛骨湯的味道。有牛骨味道的純粹，令到更加食到d肉的味道。牛五花肥牛要來沾佢地提供的沾肉醬好好食，係有啲蒜香+醋的mix醬。牛筋都好淋。-✅✅✅銷魂麵。呢個麵中曬個人喜

見到太古城新開麵店，公司樓下，試下啦，但原來咁伏。我叫咗個最貴既set：麻辣湯，有牛五花+牛筋+牛輾+豆皮+豆腐+鴨血，麵係撈麵，有溏心蛋一開二。無嘢飲，一set收$128+10%服務費。撈麵係ok既，合格！鴨血係ok，滑，但味道可以更好。之後無一樣野ok，湯係湯，料係料，唔入味，連溏心蛋都無味……牛輾一塊lum一塊硬，但都係唔入味，牛五月花更加係難食，d肉柴既，我食咗2塊就放棄，吐出黎，感覺超市既更好食……連我愛的豆腐同豆皮我都無食晒，因為唔入味，我自己屋企打邊爐更好味….無嘢飲，一set收$128+10%服務費。服務係可以既，有耐心有笑容，可能新開係好d。