天聚源 (Closed)

今晚同屋企人清清地食蒸汽鍋搵到間位位藍地，地方好大又有房戶外座嘅天聚源。適合帶小朋友黎，小朋友坐唔定仲有龜龜魚魚睇同搖搖櫈可以玩。餐廳提供懶人必備嘅套餐，大路嘅海鮮都有齊。唔夠喉仲可以追加散叫menu item 。叫餐首先會上冷烏冬同沙津醒醒胃，雖然係送嘅不過烏冬都彈牙幾好食！跟住時間表蒸，加上海鮮全部都好新鮮，加上海鮮處理得非常乾淨，冇腸冇沙。屋企人都食得好滋味。所以再追加左兩隻鮑魚，可憐嘅鮑魚上枱時都仲郁緊。。屋企人慣左有肉落肚，雖然前面已經食左滑雞，但係好似唔多夠所以特別叫左燒五花腩，牛小排串，同八爪魚串。呢度除左食海鮮，仲有好多德國啤酒可以選擇，係飲酒傾計嘅好去處，所以送酒必備嘅串燒都自然做得好出色。味道較得好之餘又唔會燒得老。最後蒸汽鍋當然唔小得粥底，個粥吸哂所有雞同海鮮嘅精華。甜到不得了，十分好食。

話說好耐冇同朋友食野，佢話想好想食海鮮，咁我之前係藍地附近食飯留意到呢間食蒸海鮮，好似唔錯，所以今次就食下呢間！入到去地方好大！有室內同室外，店員就安排我地坐室外，好彩天氣岩岩好，空氣夠流通！我地叫左個498既套餐，而我叫左佢地最近新推出既生啤，勁大杯！好似叫白帝，好有麥味，食海鮮送啤酒！一流！一開始店員將啲米放入鍋內，應該係食到最後先食。前菜有 沙律 同 烏冬，好道唔錯！之後上埋啲海鮮，有龍蝦，大聖子，大扇貝，海蝦，花甲，貴花蚌，貝貝蜆，沙白蜆，走地雞。每樣都兩人份量，好多款，同埋真係好新鮮，上埋黎都仲郁緊。間餐廳有樣好，就係有張野寫左每樣海鮮蒸幾多分鍾，十分細心。

入開去屯門，朋友話附近有間蒸氣火鍋幾好就去試下。地方都幾大，有戶外位仲有個海鮮檔😳 佢有 2 個 set 我地四個人就叫左$698 果個，d 海鮮真係就咁o係個檔撈出黎就上枱，蝦串住左都仲郁緊😱 佢個 menu 上面有寫每樣要蒸幾耐，蜆同花甲隻隻都咁鮮甜龍蝦彈牙蟶子有咬口帶子一 d 都唔韌蟹雖然細隻但都多膏全部都充滿住海鮮味🤤 所以幾時都話材料靚就咁清蒸都好食啊😍 最後食雞，隻雞佢唔係就咁就算架，我地食到有少少鹹香同酒味，隻雞又滑，好好食😋 我地額外仲叫左燒蠔，幾好食架好多蒜，同埋食得出係新鮮蠔黎👍🏻 炸餃子都好食，皮脆肉嫩❤️ 朋友話好鍾意呢度地方闊落，下次帶埋小朋友黎都唔驚佢地走黎走去會阻到人😆

今晚突然想走到藍地大街揾食，行沒多久就見到一間食店"天聚源", 心想應該食中菜，望真啲原來係食蒸氣海鮮火鍋，還有串燒啤酒，開正我個範😍行到入去發覺餐廳很大，有室內亦有室外兩部分，室外座位設計獨特，佈局有田園feel, 我們選了室外，並很快點了個二人海鮮火鍋$498, 店員態度親切，先幫我們鍋底放米和水，隨即上了頭盤：粟米沙律和胡麻醬撈烏冬，隨後送上非常新鮮的海鮮，埋到枱仲郁緊😂。門面戶外露天餐廳海鮮夠生猛，即叫即劏套餐頭盤有粟米菜絲沙律，冷胡麻醬撈烏冬，好味海鮮盤內有龍蝦﹑大勝子﹑帶子﹑特大扇貝﹑花甲﹑貴妃蚌﹑貝貝蜆﹑沙白蜆﹑特大蜆等❨全部都好鮮甜❩特大海蝦❨夠大隻❩走地雞❨好有雞味，啖啖肉❩座位設計獨特，最啱三五知己暢聚

屯門藍地踩踩點冬天打邊爐都悶了，搞搞新意，食蒸海鮮。藍地輕鐵站行5分鐘左右就會到天聚源，睇門面似食串燒，入到去勁大，睇相就知。睇埋餐牌，有串燒，有蒸氣海鮮加粥底，有鐵板燒，吹水食飯一流。叫左個二人蒸海鮮加粥底，暖暖身，有龍蝦、蝦、雞、蟶子、沙白、蜆、貴妃蚌、扇貝。全部海鮮上枱個陣仲識動，好新鮮。根據店裡建議的烹調時間，一蒸熟就食得，肉質鮮嫩，仲有海水味。個人認為唔使加其他調味料，海鮮鮮味夠曬好味。蒸雞絕對要一提，雞肉超滑，外邊食同自己製都做唔到甘滑嫩。前菜有麻醬沙律，既清新又健康。最後食埋食個粥底，煲到棉一棉，又有海鮮同雞味，好滿足。最正係食完，仲有代幣俾，可以玩夾娃娃機😹，大小路的我好開心🥳

今日走左入屯門藍地食蒸汽火鍋。初時覺得地點好偏遠，但去到個環境真係好正！估唔到香港會有依種咁好feel 的餐廳。有兩款前菜提供，等緊鍋內食物時可以食住等～鍋內會先放好米，待蒸完所有的食材時，可以品嚐充滿鮮味的粥。餐廳會提供每一種食材蒸的時間同提供埋計時器俾我地，咁就可以以最佳的時間烹調好每一道菜。我地先蒸雞，初時都咩期望，點知好有驚喜。原來佢地的雞係走地雞黎，食落去肉質好細嫩好彈牙，而且佢應該調左味。入口香滑帶有少少花鵰酒的味道，正！佢地的海鮮全部都好新鮮！扇貝聖子同蜆全部都大粒同充滿鮮味。蜆全部都有開口，仲要冇沙，鮮味十足！龍蝦放入去仲會郁郁下，果然係即劏即上，好新鮮！

同朋友一齊入屯門搵野食，選擇咗呢間隱世嘅家庭式蒸氣火鍋店-天聚源。呢間店有室內及室外環境比客人選擇，環境好靚，天氣尚算清爽，坐室外最好🤣 由於係平日加上地點遠離市中心，所以冇咩人，最啱朋友聚會傾計點野食！我哋選擇咗$498果個套餐～由於冇咩人關係 上菜時間都好快 3分鐘唔洗已幫我地着咗個爐再上埋啲海鮮 而且店員服務態度唔錯 主動幫手蒸海鮮 啱哂我呢啲懶人 我地大部份時間都係等食🤣雖然498套餐係最平 但都有份量一啲都唔少 龍蝦 大蟶子 大扇貝 貴花蚌 海蝦 走地雞 落鍋蒸啦～ 麻醬烏冬唔錯 麻醬好香食得！整體嚟講啲海鮮唔錯，龍蝦、海蝦肉質夠彈牙爽口，貝類好鮮味 仲feel到有陣海水味 冇咩縮水 走地雞好鮮甜 肉質嫩滑 👍🏻👍🏻👍🏻

Book左閒日7點，可能因為地點唔算就腳，所以唔多客人，坐得勁舒服，有室外室內比你揀，見天氣唔太凍就揀左坐出面，環境好大。揀左個498蚊2位既套餐，咩都有d，咩都可以試下，有選擇困難症既人最岩🤣🤣如果閒日9點後入座有75折，仲低食有好多唔同款既海鮮，有蝦，聖子，扇具，龍蝦等等，好新鮮，好鮮甜，清蒸就最能食出海鮮既質素。間店好貼心咁會提供每種海鮮要蒸幾耐，所以佢d海鮮全部都好爽口，蒸得時間岩岩好😍😍佢最尾仲有個粥底，吸收哂之前海鮮既鮮甜，所以好好食，食埋個粥就真係好完滿，岩岩好，大滿足☺️☺️☺️

作為新界人，藍地呢個地方都唔係經常去，印象中都係來過兩三次，之前唔知，最近先留意到佢有間叫天聚源嘅餐廳，門面睇落似酒吧，入左去別有洞天。原來係食蒸氣鍋同串燒。裝修擺設都好有特色，類似帳幕仔，又有秋千、水車咁，幾得意沙律撈左麻醬，開開胃。呢度主要係提供蒸鍋，兩款套餐，主要有海鮮為主。揀左498$呢個餐，每人有龍蝦半隻，大元貝、海蝦、貝貝蜆、大蜆、蟶子、貴妃蚌等等。好貼心有餐牌寫始時間參考。龍蝦每人半隻，即劏，仲郁緊，龍蝦肉爽口，本地龍蝦仔掛，多肉海蝦超新鮮，個殼好脆，蝦肉鮮甜爽口，每人兩隻。蟶子、元貝都好大隻。蜆嘅份量都幾多，同埋好新鮮。最後蒸埋個走地雞，雞肉有少少鹹味，啖啖肉！然後打開個蓋就會見到粥底，完全無添加，清粥有少許雞油香，清淡D啦，要來收尾食都唔錯。另外仲有個冷烏冬添，我俾哂朋友食，佢話清新，冇乜調味嘅。

之前來藍地季季紅同frd慶祝生日，已經留意過呢間餐廳，最終冇試到啦，咁今日就專登收工過來試一試。餐廳位於藍地大街，冇入過去裡面真係唔知原來環境咁正，一入門口會見到傳統卡位，飲酒食下串燒都舒服。再行入內部，原來裝修咁特別！  好有心思喎，原來呢度呢度地方咁大 露天環境用左木枱木櫈配搭，好似每人有間屋仔咁。  小橋流水咁，影下相幾靚。佢另外有D房間，都幾闊落。呢個區域主要做蒸氣火鍋，所以每張枱都會有個蒸爐。而講明海鮮蒸鍋，當然係有海鮮啦，好生猛睇左menu，蒸鍋分兩款，一個498，一個698，後者會多左蟹同蝦。另外佢地仲有串燒、或者肉類可以追加來蒸。我地點左平D嘅餐。店員好快幫我地加米、水，等水滾起就可以開始蒸野。餐牌上有列明每款食材所需嘅蒸嘅時間，可以參考下。仲有埋timer，方便計時。套餐仲有沙律、冷烏冬，可以食住等海鮮到，開下胃。好快海鮮就上枱，一大碟，好吸引！首先蒸龍蝦，唔係波士頓，雖然唔算大隻，但肉質特別爽彈，仲真係好鮮味，皆因上枱被人切左一半都仲識郁，新鮮到不得了之後係蟶子，好大隻，好新鮮！特大扇貝名符其實，好大隻，食落爽架。海蝦都好正，仲噴緊水，就知幾新鮮，大隻又爽脆。仲有好

今日同朋友黎慶祝聖誕節，尊登book左間海鮮蒸汽火鍋黎食。我地嗌左個599套餐，有幾款海鮮、走地雞、烏冬食，都相當多野食。我平時食量大都覺得食得幾飽。但野飲另加錢就有d可惜。

需然依間餐廳位置唔係城區，但有D都唔難搵同埋直得一嚟，除咗食物新鮮之外連個環境都係相當唔錯...有一種令人放鬆嘅感覺起碼唔會被你覺得要食到好急速。埋位就揀個蒸海鮮餐2人份量，有沙律，冷烏冬，8款唔同嘅海鮮仲有雞，首講講D海鮮每一款都係好鮮甜，由期個龍蝦又甜又有膏蝦肉仲好爽口，繼而就係帶子同聖子兩款都係又大又甜，食得出新鮮外仲洗得好乾淨而個蝦跟貝殼類都係每食一咬都要讚同當頭，真好無一個唔好食或者有沙 而個雞先最令我有驚喜，首個雞係黃油雞無雪味，蒸完個肉質係滑，每啖咬落去都又嫩又甜，初初仲嚴佢點解會有雞架...後來要爭食先可以食多件，食到尾當然要食埋個粥先為完美嘅蒸海鮮，今次個粥有埋雞油嘅香味，簡直係完美一碗之後又一碗食到要攬住個肚走。

和朋友入屯門開餐，選了這間農村式既餐廳。這裡的海鮮好新鮮，入黎時見到出面有個海鮮檔，應該係即點即劏。餐廳好細心，寫哂每樣海鮮蒸幾耐係最好食，不過我地太餓，一次過蒸哂幾款海鮮。蝦好新鮮彈牙。帶子好大隻，已經清潔了裙邊及內臟，雖然蒸耐左，但都唔韌，而且肉質鮮甜。龍蝦蒸既時候仲識旭，明顯係剛剛劏的。其他海鮮好鮮甜，蜆隻隻都有開口，沒有死蜆，只有一兩隻有少少沙，質素真係幾高。食晒海鮮同埋雞以為走得，原來之前既米和水已經變咗做粥，吸收晒所有海鮮同埋雞嘅精華，非常之鮮甜。早知放埋啲雞同海鮮落去一齊煲la!!

位於屯門藍地嘅天聚源藍地輕鐵站落車行5分鐘就到啦入到去發現餐廳面積非常大😱入邊嘅裝修都好古色古香可以選擇露天或者室內坐都得露天地方仲有燈籠🏮就好似穿越古代一樣小朋友仲可以玩盪鞦韆😍😆.我哋揀咗$498嘅蒸氣石鍋套餐有龍蝦🦞大蟶子 特大扇貝 波波蜆 海蝦🦐花甲 貴花蚌等餐廳首先俾咗麻醬烏冬同沙律🥗放左米落煲底慢慢煲🤤一邊食住一邊蒸熱啲走地雞座位旁邊貼左張紙教大家蒸煮時間唔使怕蒸過龍🤣非常貼心🥰.羅浮山走地雞肉質真係非常滑溜鮮嫩😋大大隻龍蝦爽口彈牙🤤聖子扇貝都鮮味十足😆餐廳仲特登預先處理左扇貝👍🏻最後餐廳加上生菜絲落蒸氣火鍋煲粥👍🏻碗粥吸收晒海鮮嘅精華大概都分到8碗粥左右🤪夠哂鮮甜😋😋

係屯門住左咁耐，從來無去過藍地食飯，今次竟然俾我發現左一間別有洞天既餐廳。我和朋友點左個二人海鮮餐。開始蒸前服務員會先放米和水係煲底，然後就可以蒸海鮮。我地又貪心又肚餓，所以一次過蒸幾款一齊食。但正常黎講，應該根據餐廳既建議時間蒸，海鮮會更鮮嫩多汁。先蒸一隻新鮮嘅帶子，餐廳非常細心，已經去晒所有嘅裙邊及內臟，但帶子肉仍然非常大粒，肉質鮮美而且啖啖肉。雖然蝦只有4隻，但係每一隻都好新鮮，嚟嘅時候仲係郁緊，蝦肉都好彈牙。龍蝦真係不得了呀！龍蝦有好多膏同埋好新鮮，一邊被蒸一邊掙扎，見到都唔忍心食佢。其他嘅蜆都好鮮甜，基本上都無乜沙，只係偶爾有一兩隻有少少沙，明顯餐廳有吐過沙。初初以為雞無味道，就咁蒸嚟食好似好怪。食嘅時候先發現原來佢已經調左味，我跟足佢哋建議蒸6分鐘,真係非常之香滑同埋彈牙。羅浮山走地雞同平時食開嘅冰鮮雞真係好唔一樣。我見餐廳仲有其他嘢食，例如串燒同埋鹹豬手，不過今次食得太飽啦，下次有機會嚟嘅時候先再試其他嘢食。