太爺雞 (Closed)

朋友介紹太爺雞，好似好好食，分店在香港島，所以叫了外賣，在九龍那裡拿。當然要了主打太爺雞，還有豬手，酸辣青瓜等前菜，包装很好，没有漏汁。太爺雞味道算幾好，雖然没有很重雞味，算是很滑。估計都不會用新鲜雞來製作，但價格也很划算。另外，豬手算是多肉，唔係剩係得骨頭，其實，我本人喜歡啖啖肉，有弹牙的骨膠原口感，所以，這次豬手尚算合格。反觀，是次前菜如青瓜勁辣，這個可沒有想到。整體食物質素和包装盒也很好，服務遞送仍没有什麽不如意事發生，過了一段時間會再試。

今晚食中菜,炒小菜 先黎一個鮮魷炒西蘭花 梅菜五花腩肉 海鮮炒粉絲 即點即炒,部份菜式要預訂,記得問左先選用肥嫩五花肉先煮後製,再加梅菜扣肉,肥肉既油膩感一早已經被梅菜既味道中和了入口只食到香嫩入口即溶既五花腩肉 接近係入口即化既口感 梅菜香中帶甜味清新海鮮炒粉絲 炒到好有獲氣之餘份量多 魷魚蛋絲野菌蔥花 粉絲吸曬各種食材既味道 炒得爽身不油膩口感多層次有脆魷魚有粉絲既滑又有蛋既味道 最後就係清炒魷魚西蘭花  不花巧就係食鮮魷片既菜式 清炒魷魚彈牙鮮味滿分 名煌金閣 Grandeur評分7/10消費$400

🐤又嚟到筲箕灣，今次一試呢間太爺雞！不過無我想像中咁好食！佢啲雞係滑嘅，啲汁都香甜但我唔知佢嘅太爺雞同燒味嘅雞其實一唔一樣，因為個味其實無乜分別😂食落口又出奇哋開胃，好快就食曬！而佢嘅例湯就好足料！☺️

東大街呢一條食街簡直係美食如云。中餐嘅選擇都有好多款今日就食咗呢一間太爺雞。外母食中餐最鍾意食雞，所以呢一間係首選。星期六夜晚大約6:45嚟到，要排隊等一陣間先有得入去呢度最出名係太爺雞所以叫咗半隻試一試。佢呢一隻雞又真係整得幾好味雞身好滑，淡淡的豉油香味更加能帶出雞味。餐牌上面仲有其他雞款可以選擇。跟住再叫多咗個粟米羹同埋幾款小菜。魚香茄子煲、香煎墨魚餅、薑蔥蠔仔煲。小菜煮得惹味及好有鑊氣。每一個小菜都冇令我地失望。埋單都係$500左右，東大街抵食之選！

朋友知道我呢排開始盡量選擇食白肉即刻推介佢屋企附近既太爺雞俾我 仲話包我滿足喎 要知道我你因為皮膚所以盡量介紅肉 但自肉又真係晤係到到調味做得好既然係朋友誠意推介 今日去開筲箕灣就過黎試下呢到最出名就梗係太爺雞飯啦 我今日都係試呢款 其實佢選擇都晤少 仲有飯同麵都有 都配合到唔同人既需要👍雞件好足料 我覺得大過例牌份量少少 我無叫到雞脾 因為想試下其他部位係咪一樣做到滑溜一試真係難忘 就算雞胸位都好滑溜調味亦都好足 入到落雞肉到 唯一美中不足係雞比較肥 晤能夠成為一個健康食物🤣🤣不過好味既野通常都晤健康架啦🤣

這間店可能是厨房師父退休了！今晚覺得自己食緊$35.1飯兩餸快餐！生炒骨、介蘭炒魚鬆，全部淋啤啤！跟以前不一樣了！以前生炒骨香脆配菜爽甜又多菠蘿，今次菠蘿只有兩小粒，配菜變成小粒仲淋哂！介蘭炒魚鬆 - 以前的介蘭有薑的香味，清爽不黏口，需然仍然是舊日的魚鬆，我食已經變成水煮的了。以前脆邊的魚鬆消失了！再見👋🏻👋🏻

去 筲箕灣做野，十點由元朗去到筲箕灣，去到都十一點半。最衰仲未搵到個地盤係邊，都係食左野先，咁啱路邊又有車位，啦啦聲泊好先。一落車見到太爺鷄，門口掛住啲油鷄又真係好好色水，加埋有個阿婆話好正架真係！咪入去試下囉。由於小弟食完早餐無耐，叫唔落鷄，所以叫左碗牛筋腩河，牛筋就真係幾正，夠林夠入味，好有骨膠原感覺，牛腩都好香好入味。係個河粉普通左D。佢叫得太爺雞，當然出名比人叫鷄啦，我同事佢地就叫左雞，我緊係唔好執輸，拎舊嚟試下，果然夠香夠滑，唔怪得阿婆極力介紹。

上星期去咗筲箕灣探朋友，順便同佢食個飯😊佢介紹咗我嚟呢間太爺雞✌🏻一入到去覺得格局好乾淨，好多都係一家大細食飯👍🏻唔駛等就有位，因為搭枱形式同埋服務員都比較街坊客氣👏🏻我哋叫咗太爺雞，金銀蛋白菜仔，同埋菜圃炒蛋真係出乎意料之外嘅驚喜😍可能本身冇乜期望，太爺雞好嫩滑👍🏻 配嘅醬汁超級好味，有啲似豉油雞但係又有少少唔同送飯食一流👍🏻👍🏻其次就係菜圃炒蛋，好驚喜蛋炒得好滑，仲係份量好多唔會太窿，好好味，超值得推介但因為賣相冇乜特別，所以就冇影相😛

Main street east is quite famous for its variety in good food. I can say 太爺雞 is one of the restaurants that survives through the years.This time I ordered 3 dishes and shared with my two other friends. First one is the famous 太爺雞 which is actually soy sauce chicken, nice and sweet chicken, not too sour, worth being the signature dish. This is a must order item if you have never been here.Second dish was broccoli salad dressed prawns. I didnt expect the shrimp to be crunchy outside and yet fresh

呢間平民大排檔幫襯左好多次佢既招牌菜味道如一，令我不得不寫食評讚好環境都算寬敞，坐得舒服一黎到當然叫個燉湯補下先菜乾南北杏燉豬肺👍湯真係完全冇味精一盅大約都有2碗而且十分足料👍👍👍之後當然叫返個招牌菜--太爺雞一入口就酒香濃郁(真係好香)😙而豉油汁不會太濃味搶掉雞味而且雞十分嫩口 必食推介呀之後叫個清清地，琵琶豆腐炸得都幾脆身，而個獻汁又不會太濃同太杰最後本人比較中意食魚試食一個未食過的--油浸筍殼魚先將魚炸到香口再加上豉油魚身都炸到幾脆(連骨都食左😂)而魚肉都嫩口不過個汁較淡同少 食落會有d太乾😣總括黎講: 一間街坊生意的飯堂 一道酒香濃郁既招牌太爺雞的確係鎮店之寶心食推介人均消費: $120.00 (晚餐)

今晚細佬帶我地試下太爺雞，果然太爺雞好食(肉滑醬汁好好味)食唔哂小朋友都主動攞盒帶返屋企，黃金蝦(蛋黃又香又脆，蝦又大隻，正)， 燉湯就普通未夠味😔， 椒鹽九肚魚( 香脆但用咖哩粉，覺唔夾)， 油浸筍殼魚(正，可惜細條咗)， 薯仔牛柳粒( 比較鹹，應該可以好好味， 可惜!)，4位大人，兩小朋友，差不多仟元。都算抵食

收爐飯14人迫迫地坐在同一檯，永遠都是一大班人在圓桌吃飯最開心！ 地方環境有點狹窄，可能年尾，沒訂檯就要等喔！一坐低，店員便舀了一大碗老火湯，還可添加！當然要叫招牌菜太爺雞！ 酒香濃郁，雞肉非常嫩，而且肥瘦適中。椒鹽九肚魚，好味，粉唔太厚！椒鹽鮮魷蠔餅，不過粉太厚，唔多蠔仔，蠔餅還是廟街的好味黃金蝦，連殻都食埋！焗魚腸，自己第一次食，朋友話蛋唔夠滑。肥牛煲炒豆苗魚松炒芥蘭京都肉排，肉唔算腍，下次唔駛叫。

雖然我聽過好幾個人講過筲箕灣既服務態度好差。本來我對佢都冇咩嘅，因我都有幫襯過佢官塘。但今日終於領教過。事源想訂一圍同老爸興祝生。知道有D特色菜要預訂，經過官塘店先問問，佢話可Whatsapp我，但因筲箕灣同官塘店D餸有不同，建議我可打去筲箕灣。  嘩嘩嘩，一打去問，一開口就好大聲話咩whatsapp呀，唔識，冇whatsapp喎。官塘話有你叫官塘比你.......... 我話你哋D菜唔同咁你係咪唔想做生意。被收線...........時間日期人數都冇問就被人KO

探朋友黎到港島，經介紹之下特登尋味到東大街，有不少美食店。其中呢間中菜餐廳係叫餸食飯，最為出色既係食雞。太爺豬手係冷盤，蒜味好重，似微辣既紅油抄手既醬汁，豬手爽口惹味招牌太爺雞即係豉油雞。好野！有雞脾食真係唔可以睇少呢碟碟頭飯。雞肉肥美嫩滑，雞皮好有色澤勁入味，滷水醬汁甜甜地，夾少少葱油，好食到停唔到口跟餐送大大碗眉豆雞腳蓮藕瘦肉湯，材料十足，不加味精，絕對係住家湯川芎白芷魚頭湯可能要燉既關係，最遲出場。藥材味濃，連魚頭既骨都煲到稔到一咬即碎，超足料，非常有誠意！

「太爺雞」與「鹽焗雞」、「文昌雞」和「脆皮雞」合稱為粵菜四大名雞，其中又以「太爺雞」工夫最多，幾近失傳。「太爺雞」即是「茶香雞」，創立於清末，以江蘇煙熏炮製的豉油雞，先以滷水浸熟，再用甘蔗渣、茶葉加糖熏，好處在於入味非常，皮香肉嫩，吃後口有餘甘。今天叫了碟肥义太爺雞飯送例湯傳统烧臘飯店例湯，但勝在夠熱。雞皮色泽枣红，光滑油润，皮香肉嫩，食落陣陣玫瑰露香味，反而不覺有茶葉香味。义燒带点肥，肉質腍滑。