太爺雞 (Closed)

路經呢度,買隻太爺雞回家試下,聽說好正堂食幾爆場下半隻$78,全隻$138點計都係買1隻抵用膠盤載住,即時諗到洗乾淨番用來放隔夜野食爽歪歪太爺雞相信姐係豉油雞,雞肉係幾滑下,而且帶點彈性.雞味當然唔強,現在食雞係無雞味既佢個汁就比一般既豉油雞甜多少少,有少少酒香又幾好味同埋隻雞都幾大隻下最攪野係食唔哂,第3日拎出來叮,可能因為個底幾多汁,叮完無乾,都係咁滑

晚上大約八點來到太爺雞，剛好有二人位就坐下。　平時太爺雞即使平日都坐無虛席，咁啱有位緊係即坐啦。平時嚟太爺雞食飯，多數叫兩個白飯，同埋兩個小菜，上次咁啱見到有人食碟頭飯太爺雞，都心思思想試下。所以今次叫咗兩個太爺雞碟頭飯，同埋一個燉湯。太爺雞碟頭飯(HK$38)係一碟飯，另上大約半隻小型的太爺雞。雖然比起HK$65的例牌雞，碟頭飯的太爺雞的雞件係細啲，但味道仍然惹味，配埋薑蒽真係Yummy Yummy。白飯份量都頗多，食落都好夠飽。另外叫咗一個花旗參燉湯(HK$38)，我本人本時好驚花旗參苦。但呢個湯有少少甘，飲落並無苦味，清清地好啱飲。一盅其實都夠兩個人飲，所以平時唔係話要不停飲湯的朋友，叫一盅就得了。整體真係好滿意好開心，埋單都只係一百蚊鬆啲。

今日同男朋友嚟呢度食咗個set lunch, 其實一直都想試㗎啦，難得今日有時間。今到去環境好乾淨，有電視，冷氣夠凍，正呀。我地嗌咗2個set lunch, 分別係太爺雞配分蹄，同理魚香茄子。首先係個例湯--南瓜湯，睇得出煲左好耐，d肉化哂，仲要係大碗到呢...呢本唔係一個飯碗size,而係一個湯碗size!好啦，金牌太爺雞！無錯，真係好香、好滑。難得我地無嗌太爺雞脾（因為貴少少），都斬隻脾比我地，多謝哂！魚香茄子就普通啦。d飯就好多。成個set份量好大，但每人都唔洗$50。但建議如果去食一係叫小飯，一係3個人叫2個set share都夠！服務亦好好，好有禮貌。今時今日，禁既服務、禁既收費，好難得。

我們是慕名而來，弟弟有朋友在第一分店試過，讚不絕口，於是這晚我們一家四口來到東大街的太爺雞，店裡十多張桌子座無虛席，在門外等廿分鐘才有位。點了兩盅龍脷葉豬肺湯，屋企很少以龍脷葉來煮食，一盅足夠兩人分享，湯水顏色清澈，滲出淡淡綠茶般的香味，湯渣頗多，不知道是原盅燉煮，或是大煲先煮好再分開。這裡的招牌菜是太爺雞，我們點了半隻，醬油的顏色很靚，雞皮有光澤，肉質肥美，味道很甜。薑蔥魚腩煲是比較大路的菜色，薑蔥放得很多，火喉不錯，上菜時還在沸騰，但是經油炸的魚肉，外層的粉皮吸收太多食油，怕肥不敢多吃。秘製醬燒骨，有炸花生伴碟，燒骨很大塊又有肉，味道幾特別，脆皮外層甜思思，沒有在其他地方吃過類同的味道，有驚喜。福建炒飯加入了很多芥蘭菜粒，白飯底有加雞蛋去炒，獻汁不會太杰，口感和味道都不錯。菜遠牛河也不錯，份量夠，四條菜心夠我們分享，味道適中，相信在這裡一人食一碟飯也不寂寞。

係呢頭做野，所以間唔中會拎食下雞同燒味已經食左好多次，佢係有燒味飯同小菜食既平均分量好大，d碟頭飯直頭好似唔使錢咁超大碗飯底，有女士一齊食通常食到一半已經飽哂叫餐仲有例湯送，好足料而且又係超大碗，飲完已經飽左一半唔使講招牌一定必試太爺雞，係豉油雞黎既，味道接近無可挑剔，豉油甜，雞滑，要講唯一不足就係雞少少肥，會有脂肪層，但唔算厚。送飯一流其他燒味黎講質素一般，燒肉麻麻，燻蹄OK，白切雞麻麻。小菜比較少食，但整體都唔錯，係茶記之上菜館水平。

係電視見到長腳蟹介紹位於筲箕灣東大街的太爺雞, 好似幾吸引, 一放假又走去試試... 穿過安利魚蛋的人牆, 再向前行幾個舖位就到... 佑大的招牌, 就算老花的太爺到來, 離遠都輕易看到...站在門外已能看到一排排掛得滿滿的大肥雞, 色澤光亮, 惹人垂涎...店內是傳統菜館格局, 左右2排枱, 中間是出菜及行人通道... 剛才坐係大枱的船廠工人說話很嘈吵, 震耳欲聾, 有必要這麼大聲說話嗎? 還是工作關係, 聽覺已經嚴重受損? 他們離開後, 餐廳內頓時靜下來...牆上貼滿了七彩繽紛的菜名...看過網民的意見, 決定放棄午餐, 嘗試小菜... 小菜不包例湯不包白飯, 白飯要加$9, 反而午餐$35起包例湯包白飯, 下次都係食午餐比較化算...鎮店太爺雞 (半隻) $65 -- 招牌菜!!! 雖說是太爺雞, 但完全沒有煙燻的味道, 豉油很鮮甜, 充滿濃烈的玫瑰露酒香, 雞肉肉質彈牙, 柔軟嫩口, 雞皮肥膏不多, 入口香滑, 平時不會食雞皮的我, 都忍不住食了幾片... 請容許我講一句「雞有雞味」, 不過係同現時香港普遍食到的雞比較, 因為自從H5N1這個詞彙進駐我的腦袋後, 已經忘記了即場

太爺雞是東大街一間幾受歡迎的食肆, 經常坐滿人。如果一個人去食, 要有心理準備和幾個「一支弓」一起搭枱坐。我也只是吃過兩次, 一個人, 小炒自然未有機會品嘗。吃過的是燻蹄、貴妃雞和太爺雞。心裡一直有個疑問: 燻蹄是燻的嗎?當然不是了, 只是名字而已。這裡的燻蹄做得真好, 不算太肥膩, 又夠多, 溫度更保持到涼涼地, 醮醋吃起來特別起勁。貴妃雞就比較普通, 也只是白切雞。心有不甘, 找機會再吃它招牌的太爺雞 ------ 以為是豉油雞啦, 怎知是甜的。肉質不錯, 但沒有煙燻的感覺, 至少煙燻味淡得很。如果你喜歡吃傳統的豉油雞, 或正宗的樟茶鴨, 這個太爺雞都未必可以吸引到你。不過, 免茶介, 又送一大碗味精不強的中湯, 其實是幾抵食。有機會一定再試試它的小炒。

小街風光人氣食肆不少，但論排隊店集中的地方，則筲箕灣東大街可算數一數二。然而來趁熱鬧的諸位食客，是滿意多還是失望多？可幸無論是咖喱或是片頭嘮粗，我總是因來得合時而避開人龍。這次來＜太爺雞＞，更是一絕了。排隊時間：0分鐘是的，這正是我們點菜後拍得的照片。地下還是濕的，拖地的漂白水味，也能清楚聞到。多「索」不會high，也沒有濃烈得受不了。與人頭湧湧、店員應接不暇的「盛況」完全不同，作為全場唯一顧客的我倆，可謂盡得全場伙計的悉心照顧。辦法很簡單：你只需要在下午五時吃晚飯，就可以了。是的，五點鐘。也許在那鐘數，你還在納悶著該吃甚麼tea哩！其實，我們曾有一次在晚飯時間後段才來到。位子不是沒有，只是招牌菜的太爺雞賣完了。經此一役，我們才用此「絕招」；五時，不是每家中式食肆都肯做生意的（很多還在「落場」中），難得＜太爺雞＞不介意，我們也不客氣了。用心菜，用心吃人少少的另一好處，就是廚房專一為我倆做菜，起菜也不愁不快。擺在我們面前的，就是今晚售出的第一客太爺雞。這兒滷雞的秘方固然是必殺絕技，甜、鹹、香的適中無可置疑，雞亦煮得剛熟。為了保持雞肉的嫩滑，烹調時間的控制十分重要，但有不少食肆在此出了問題

經過東大街實在太多選擇, 但要搵好食,低食就真係要試過先知啦!太爺雞招牌菜-其實係豉油雞,有heart在於送到枱上還暖暖的,豉油雞難度係放涼後好容易很乾身鞋口,但這裡既豉油雞肉質仍然飽滿細滑,豉油雞汁用作拌飯超正,粟米班塊- 算難不難,算易不易的菜式, 班片炸後不乾身,有魚塊口感,炸粉恰當,有些餐廳炸粉厚到連魚塊也感覺不到,粟米蓉夠西蘭花花枝片- 另附蝦醬, 炒後不覺多油,西蘭花爽口,花枝片不算薄身有咬口, 以價錢質數如果唔係係大排檔可以搵到這個價錢係市區出現實屬難得 晚飯也免茶,免介,免加一, 親民抵食,二人晚飯只係$188 ,合理之選

晚餐幫襯太爺雞。二人點了兩餸一湯：太爺豬手 -- 太爺雞以外的招牌菜。冷盤。醬汁微辣，重蒜味，有點似紅油抄手個汁，惹味。豬手無肉，主要食皮，好爽口。節瓜粉絲煲 -- 不太特別，正常家常菜。海底椰龍脷葉豬肺湯 -- 一盅每人分到兩小碗，分量OK。向來喜歡豬肺，一般係街都只係飲到杏汁豬肺湯，所以覺得呢度呢個幾特別，味道幾濃，但豬肺略嫌不夠咬口。

今日路經東大街，見到一間叫太爺雞的店舖，好奇之下便試試看。 我們點了三餸一湯，分別是「太爺雞」、「南乳齊煲」、「黃金鮮魷」及「花旗參螺咀雞腳湯」。先說招牌菜太爺雞，雞的肉質都萛嫩口，入口有淡淡的酒香，唯一要挑剔的是雞肉內有碎骨，進食時務必要小心。 南乳齊煲的南乳味很濃，配合清淡的蔬菜，效果不錯。黃金鮮魷有點像炸魷魚，鹹蛋上不了魷魚，而且沒有香味。雞腳湯方面，很清淡，清淡到好像加了點清水，沒有花旗參的甘味，亦沒有螺的甜味。 儘管有部份菜式未如理想，但以街坊小廚來說亦算不錯了。

當日我係要去世界心臟日.到了銅鑼灣.時間尚早.就坐車去了筲箕灣.落車後.到了東大街.選了呢間店..當時店內都9成客.服務效率也高..凍檸茶:比較差.茶味不似茶味..沒有茶香,都不知點形容.檸也只得薄薄幾片.連檸味也什少...粉葛湯:贈送的.反而不俗.顏色較深.內裏亦足料.火喉也足.相當清甜...龍利葉燉豬肺:相當清徹見底.相當清潤.入口味道較淡,但有不少豬肺亦相當不俗...太爺雞:上枱時.我大叫.係鼓油雞.點知報導話半滴豉油都沒有.也沒有用傳統整太爺雞方法.煙熏.只是用秘製醬汁浸了40分鍾.用了大約2.5斤的冰鮮雞.後果的確肉滑..有甜甜的味道.但我個人認為驚喜不大..客家炆豆腐:我覺得自己叫錯.應該叫釀豆腐.賣相什差...令我認為的汁好似隔夜菜..我都係鍾意傅統釀豆腐...埋單..154元...也不貴.食完後再上路到跑馬地...

一直都有聽過太爺雞，今日終於同父親大人加埋朋友去試等左15分鐘，唔算太耐，接受到=]入到去，無理由唔叫太爺雞姐~呢度d野最近應該加左價，但加完，半隻雞都係$60，小菜大約係$40-50, 同其它餐廳比，算抵食講下叫左乜野先！半隻太爺雞： 甜甜地，同樓上講既一樣，甜甜地，香，但唔覺有燻過既味，但d肉好嫩！！(必試！！)西芹XO醬炒花膠： 花膠好爽，XO醬辣辣地，唔食得辣既朋友唔好試(唔係一定要試)花旗參螺咀雞腳湯：花旗參味唔算好重，連我呢d對花旗參麻麻地既都接受到，唔見有螺咀，3隻雞腳，都好「林」($32)金銀蛋莧菜：d蛋出乎意料地滑，菜就無乜驚喜啦豉汁蒸倉魚：絕對抵叫！$75, 好新鮮好大條魚！！d肉白雪雪滑loot loot!!!豉汁係自家制既，好夠味，但條魚係新鮮到d豉汁味搶唔到！！正正正！飯4碗：居然係好耐無見既蒸飯，唔係電飯煲飯！乾身又夠熱，而家比較少見~~值得一讚免收茶芥，咁多野加埋$305, 抵！一家大細去係一個唔錯既選擇，會再返去！

番工放午飯，單拖一個人走去東大街搵食東大街咁多食店選擇，但啱心水0既就排長龍一直行...見到一個咁特別0既店名，就入去一試坐低前已經諗好要點個太爺雞飯先上0既係一碗雞腳煲粉葛湯，味道偏濃，有 2 隻雞腳食，算係咁啦再來就係主菜太爺雞飯先講碟雞就咁睇以為係豉油雞，但食落口甜甜地，好入味用0黎送飯唔錯但一扒飯入口...凍0既!?午飯時間...點解飯會唔熱!? 廚房點做嘢!? 一碟咁好味0既雞，就咁俾碟冷飯摧毀咗...32 蚊...唔算抵食呢個價喺天悅地下間燒味茶餐廳可以買到個雙拼飯，抵食夾大件過佢唔係俾面隻雞，我已經俾咗劣評

其實這次來到筲箕灣的太爺雞,只是出現一些狀況,才會來這處.如非Taiwanwalker推介的紹華炭爐煲仔飯已經收咧,林太叻沙亦提早關門的話,相信也未必來到太爺雞.舊店本來在西灣河,那時已聽過住在嘉亨灣的友人T,不時也在此外賣,後來因拆樓而搬到東大街.一個人吃得不多,只叫一碟太爺雞飯,另外加個燉湯,是日燉湯有三款,我選了花旗參螺咀雞腳湯.如果你一心想吃到好像得龍般水準,肯定會失望而回,大家也是叫太爺雞,但一吃下去完全是兩回事.此太爺雞沒有得龍的煙燻味道,只有一點點玫瑰露的香,和豉油的甜味,撇除此點,其實此雞也不錯.雞肉浸得入味,雞皮帶有彈性,皮下肉亦嫩滑.花旗參螺咀雞腳湯$30賣一盅,雞腳份量多,燉到連骨也軟化,螺咀只得一個,帶點爽口.湯底很重花旗參味道,湯身整體味道清潤清甜.一大班人來可盡點菜單上的小菜,好像我一個人,來碟雞飯,加盅燉湯加埋六十塊錢,錯不了.