如一

Open Now

Now Closed

是日收工去屋企附近搵食，黎到呢間位於花園街的樓上私房菜「如一」吃晚餐。店舖位置不多，想吃的記得要訂座，另外設有獨立房間，可以同朋友暢聚餐廳有供6位或12位用的晚市套餐，定價適中冰鎮醉鮑魚每隻$35，鮑魚口感爽彈，帶有陣陣酒香，前菜冷盤首選杏汁花膠白肺湯呈奶白色的杏汁白肺湯，質感濃稠幼滑，杏仁味超香濃～內裏有豬肺及花膠，鮮味十足，好足料！勁好飲，女士們養顏滋補啱哂脆皮鹽香雞表皮炸到金黃香酥，好香脆，雞肉保留嫩滑口感，鹹香滋味蝦籽花菇燒豆腐表面撒上蝦籽粉，獨特鮮味。豆腐輕輕炸過，內裏保留滑溜口感，充滿豆香！底下仲有生菜墊底，夠晒健康三蝦炒蒜心蒜心切成條狀，口感爽脆。加入鮮蝦肉、蝦乾、三色椒粒等等一齊炒香，好有鑊氣，味道同口感都好豐富，佐飯一流

有時候覺得酒家的小菜水準好不一，同事介紹了一間旺角的私房菜給我，叫我帶家人去試試！私房菜位於樓上，強烈建議大家一定要訂位，因為始終是私房菜，座位不算有太多！7點左右已經差不多坐滿餐廳！有不同配搭的套餐可以選擇！價錢亦都相當合理！冰鎮醉鮑魚好大隻的鮑魚，咬落去凍冰冰，好適合夏天食，食到好香花雕酒味，鮑魚好稔不怕韌，剛剛好，非常好食！杏汁花膠白肺湯個湯好足料，好濃郁的杏汁，質地濃厚，豬肺清潔得好乾淨，花膠好煙韌，好滋潤的一個湯！鮮菠蘿咕嚕肉這裡的食材用料好好，不是用罐頭菠蘿，用了新鮮的菠蘿，而且相當清甜，為這個餸菜加了很多分！吃得出咕嚕肉是用了梅肉，肥瘦均勻，肉很稔，炸到外層有點香脆，但肉一點也不乾！味道酸酸甜甜，個汁調得剛好！脆皮鹽香雞這個脆皮雞差不多每一張枱都有點，雞皮非常鬆脆，皮下的脂肪非常之少，所以吃起上來不會油膩，雞肉非常嫩滑，連雞胸肉都好稔！我覺得是必食！蝦籽花菇燒豆腐這個菜大人細路都好適合，豆腐滑到不行，醬汁味道剛剛好，加上蝦籽提升鮮味！啫啫蝦醬唐生菜生菜份量好多，新鮮翠綠爽口！蝦醬好惹味！整體來說每個小菜都處理得恰到好處，值得一試！

早前留意到《飲食男女》介紹過呢間私房菜原來主廚曾於逸東軒掌廚，即刻引起我嘅興趣！約埋朋友黎幫襯先得位置唔算好大，所以一定要預約先得！平時唔會吸引到我介紹茶的！但呢度嘅鐵觀音真係好香剛倒出，已經茶香撲鼻杏汁白肺湯呢個係滋潤養顏嘅手工湯水！處理豬肺嘅過程相當複雜費時，處理得唔好，分分鐘會破壞晒成碗湯！呢度嘅豬肺完全無臊腥味杏汁味道突出，陣陣杏香撲鼻而來！本身好怕內臟嘅我，都飲哂成碗湯冰鎮醉鮑魚鮑魚肉質非常爽彈，花雕味夠香濃而不苦鮮菠蘿咕嚕肉好多地方都有咕嚕肉，但整得好食嘅一啲都唔容易！酸甜味要好平均，呢度嘅味道做得岩岩好，唔會過酸，又唔會過甜粉漿夠薄，食嘅時候真係外脆內軟！豬肉亦肉得好好，雖然我唔知係咩部位但肉質好軟滑而不肥膩啫啫蝦醬唐生菜啫啫煲特別惹味，仲加左蝦醬添味道更上一層樓豉油王鵝腸呢個真係100%推介鵝腸都係功夫菜，平時食嘅唔係太肥就係有陣up味！但呢度完全無質感好爽，令我食唔停口脆皮鹽香雞雞皮好脆，雞肉又夠滑平時唔食雞皮的都忍唔住要食埋

早幾日公司同事介紹左間私房菜 話幾好食見地點幾方便 係旺角波鞋街附近 即刻帶媽子去餐廳係一樓 估唔到咁隱蔽都爆場 勁熱鬧叫左店員推介嘅冰鎮醩滷鮑魚 同 杏汁花膠豬肺湯醩滷鮑魚好大隻 夠晒入味 入口彈牙杏汁豬肺湯 果然湯料十足 大大舊花膠重有好多豬肺 好香杏汁味是日推介係脆皮鹽香雞 即叫即整 皮脆肉嫩又唔會太咸 就咁食都已經好好食水煮牛肉 唔會太辣 岩晒我呢啲怕又想食辣嘅人牛肉厚切 再加上大量芽菜木耳嘅配菜 好惹味三蝦炒蒜心 第一次食 蒜心好甜好爽脆重有蝦乾同鮮蝦 出面應該食唔到最後係招牌欖角骨 甜甜地 外皮有啲脆 特別之餘又幾好食 難怪咁多人叫

前排約咗住喺旺角嘅朋友食飯佢極力推薦去食呢間隱世私房菜餐廳位於旺角花園街花園商業大廈樓上舖位置都幾隱蔽冰鎮醉鮑魚鮑魚差唔多有成隻手掌咁大肉厚彈嫩加上酒香輕淺恰到好處咁襯托出鮑魚嘅鮮甜而唔會喧賓奪主杏汁花膠白肺湯豬肺經過反覆灌洗處理配搭花膠以及杏汁去渣熬煮湯水色澤奶白同時質感稠厚濃滑啱哂潤肺養顏飄香醉乳鴿乳鴿皮肉金黃油亮同時質感柔嫩細滑而且酒香同樣柔和內斂證明餐廳對於浸泡唔同食材所需要嘅時間長短都有經過研究豉油皇鵝腸新鮮鵝腸清理乾淨油脂然後配搭豉油翻炒口感爽脆同時濃香甘醇加埋豆芽墊底感覺清新佐酒必點鮮菠蘿咕嚕肉經過熱油浸炸外層鬆脆咬開肉質緊緻油潤加埋新鮮菠蘿同酸甜汁落鑊兜炒清新醒胃啱晒夏天天氣招牌欖角骨排骨漿粉透薄酥脆配搭欖角爆炒鹹香惹味

前兩晚表姐帶左我黎食私房菜～佢話上個月同老公食過之後已經想帶我呢個為食表妹黎試下XDD菜單上有一d招牌菜式！！我話想飲個杏汁豬肺湯同鮮菠蘿咕嚕肉，其他就由表姐話事😊😊表姐話一定一定要試下呢度既冰鎮醉鮑魚，食佢做頭盤就一流果然無介紹錯，鮑魚鮮味中帶有酒香，食落口感彈而不韌，真係好正！！！個杏汁豬肺湯同樣無得輸，絕對係真材實料，仲有花膠係入面添 😍😍之後我地除左要咕噜肉之外，仲要左豉油皇鵝腸、招牌欖角骨同三蝦炒蒜芯 ✨✨每款都各有特色！！！三蝦炒蒜芯既有鑊氣又惹味，份量都唔少添～味道酸甜既咕噜肉好開胃欖角骨帶微甜正好用黎送飯xpp呢份豉油皇鵝腸亦都好有水準：）鵝腸處理得好好，生熟程度亦佳！所以食落爽而不韌，絕對係暢飲必備之選

同男朋友出去食飯成日都係食西餐多，今日終於試下中菜，去咗旺角呢間叫做如一嘅私房菜，A1出口行3分鐘就到👍🏻連我呢個路痴都覺得易行試咗佢個杏汁花膠豬肺湯好香杏仁，好滋潤🥳叫左2隻醉鮑魚試吓幾唔錯喎👍🏻感覺好新鮮唔使下下食清蒸花菇燒豆腐豆腐中間仲係滑捋捋，本身就中意食豆腐嘅我食左大半碟😂四川水煮牛肉牛肉好林，唔會柴，麻麻辣辣🌶我同男朋友都好中意三蝦炒蒜心蝦仁都有8,9隻，蝦干好惹味，蒜芯可能唔當造，有d老鮮菠蘿炒咕嚕肉菠蘿新鮮，絕對唔係罐頭菠蘿，正🤩豬肉都好鬆化，上菜時仲超好脆熱辣辣，好好味，推薦！服務員服務都幾好，自動自覺加茶，每碟菜上枱又會話你聽係邊味菜👏🏼

呢排食得太多西餐鋸扒、生蠔，不如轉轉口味食下中餐炒小菜。今晚去咗花園街，一間開業無耐嘅樓上私房小菜館“如一”，雖然店舖不大，但未到晚飯時間已經全院滿座，睇嚟已經有一班識食嘅捧場客。一坐低，店員先奉送兩碗杏汁花膠豬肺湯，杏仁味非常濃，豬肺亦洗得好乾淨無臭味，花膠亦夠淋夠膠，滋補又養顏。冰鎮醉鮑魚鮑魚雖然唔算好大隻，但肉質爽口彈牙，而且花雕酒香味甚濃，以此作為頭盤係明智。豉油皇鵝腸鵝腸清潔過程繁複，洗得乾淨呢點完全做到，抵讚。加上哦腸煮得入味，喜歡！鮮菠籮咕嚕肉並非用罐頭菠蘿，用上新鮮菠蘿，酸甜度剛好，最愛嘅當然係佢無骨啖啖肉啦。脆皮鹽香雞火喉控制非常重要，一般酒樓往往只能做到皮脆但不能肉嫩，但呢道雞同時做到呢兩點，脆滑並重。蝦子花菇燒豆腐醬汁香濃，再配上滿滿蝦籽，令平淡嘅豆腐變成不平凡嘅菜式。四餸一湯，每碟份量都大，廚房有水準，預備材料功夫做足，屬可翻兜之選。

今晚試吓呢間私房菜，朋友話味道唔差，好仔細細，上到去之後安排座位，之後就叫嘢食，店員會問你要咩茶，我哋就叫咗普洱，首先我哋叫咗個前菜小食，就係泡椒炆荀，冰鎮醉鮑魚，呢兩款前菜小食本身都冇咁大期望，但係食入口之後覺得真係好好食，好出乎意料之外，炆荀好入味，泡椒味令到每一條筍都辣辣地，筍亦都唔會太多渣，幾爽口👍🏻👍🏻👍🏻至於冰鎮最鮑魚，冇諗過可以做到咁林身，一啲都唔硬，出面食過果d都好似食緊擦膠咁🥲佢哋既唔會，仲好入味添，個頭都開得唔錯，相信接住落嚟既菜都唔會差，叫左水煮牛肉，蝦籽花菇燒豆腐，飄香醉乳鴿，果然出乎意料之外，水煮牛肉唔會淨係得個辣子，牛肉份量都好多，裏面亦都有啲芽菜，雲耳嘅配料，辣得來都好有麻味，唔差，至於花菇燒豆腐，豆腐非常之咁滑，外面嘅羡汁令到豆腐好好味，呢個真係唔錯，醉乳鴿嚟到見到佢白雪雪，以為中伏，食落又出奇地好味，肉質好嫩，又入味，真係唔錯，最後就係白汁杏肺豬肚湯，好好飲，好香杏仁味，亦都唔會太過蘇太過腥，店員亦都好細心俾咗一點醋，驚覺得蘇嘅時候可以點醋食，整體評價都幾高，呢個價錢識到啲咁高質嘅私房菜真係唔錯👍🏻👍🏻

唔係有朋友介紹，都唔知道花園街開咗間私房菜。餐廳冇大大個招牌，所以真係要有人介紹先識去，係一間隱世嘅私房菜。冇華麗嘅裝修，但係食物水準令人SF8滿意先來一壺鐵觀音，茶葉好清香😊❤️杏汁花膠白肺湯真材實料，啖啖都係濃郁杏仁味，仲有花膠同豬肺，好滋潤。冰鎮醉鮑魚酒味香濃，好入味，鮑魚嫩滑，超級推介， 幾乎每枱都點✨✨鮮菠蘿咕嚕肉新鮮菠蘿酸甜，配上肥肥哋嘅咕嚕肉，好餸飯👍👍四川水煮牛肉辣辣地好惹味，牛肉嫩滑，份量唔少。脆皮鹽香雞外皮脆卜卜，好似薯片咁，肉質嫩滑有鹹香。三蝦炒蒜心蒜心爽脆，蝦仁彈牙。

今晚去了一間平價私房菜 是在youtube上看到的 似乎不錯 便去試試 位於旺角花園街 只做晚市 安全起見 早一天訂了位 店內大約有10張枱 較擠迫 飯堂格局 服務員熱誠 拿起菜牌一看 收費不算貴 海鮮要預訂 我們6點到達 就説要吃紅花蟹 店員即去街市取貨 確保材料新鮮 我愛飲湯 就先來一碗杏汁花膠白肺湯 杏汁又香又濃郁 脆皮燒乳鴿 很大隻 皮香肉嫩 鹹蛋黃蝦球 超讚 漿粉薄 蛋黃分佈平均 口感一流陳皮欖角蒜子蒸龍躉脊 惹味又嫩滑 滿口都是骨膠原啊花雕蒸紅花蟹 大大隻的蟹 肉厚 鮮味十足 很濃的酒味 冰鎮醉鮑魚 雖然是普通的九孔鮑 入口冰冰又軟硬適中 酒味剛剛好綜合來説 厨師技術好 稍嫌環境差少少 而收費合理 今餐因吃紅花蟹才會較貴值得encore呢

好少推薦私房菜，今日食咗一間不錯的。呢度好爆場，唔係朋友推介我都唔知有間咁嘅嘢，喺旺角鬧市，波鞋街行樓梯上去，你唔會覺有一間咁旺場嘅私房菜。個個都自己帶酒，然之後人人都叫大大碟餸，大排檔咁，氣氛好良好，彷彿好似冇疫情咁熱鬧。咁理想嘅環境真係幾好，希望個市可以回復咁興旺。今晚叫咗個四人餐，有八個餸可以俾我選擇。前菜有冰鎮鮑魚，單點也是$35隻，好平，花彫酒好入未，真心有樣有內涵。個杏汁花膠白肺湯，好白好滑。招牌欖角骨，幾特別，好少見呢類菜，外脆內軟，做得好好。飄香醉乳鴿，又係一個醉倒你的選擇，乳鴿肉夠嫩，好適合送飯。叫個清少少的蝦子花菇燒豆腐，都做得算幾好。地方舒適，冷氣夠，朋友好推薦，最緊要可以帶酒，立刻想約一班朋友，快啲開飯啦！

朋友今晚帶我食神秘中菜，在花園街的樓上店，行街都沒留意到，上到去發覺環境有點像私房菜的感覺。杏汁花膠白肺湯先來兩碗杏汁花膠白肺湯，碗內有不少豬肺，洗得乾乾淨淨沒怪味，口感軟身，可以吃光光，還有滋補的花膠粒，湯底有香濃杏汁味道，足料靚湯。冰填醉鮑魚鮑魚洗到乾淨白雪雪，提供刀叉慢慢切割品嚐，帶著酒香，口感爽彈鮮味，鮑魚夠大隻，啖啖肉超滿足。脆皮鹽香雞半隻果真做到脆皮效果，雞皮薄脆，肉質嫩滑，鹽香帶出雞的鮮味，半隻雞適合二至三人分享。飄香醉乳鴿乳鴿比我想像中的大隻，所以平常只切四件的乳鴿切到六件，肉質帶粉，鮮嫩的感覺，滲出淡淡酒香，冷盤的乳鴿較少吃到，別有風味。豉油皇鵝腸一道心機菜式，鵝腸要洗得乾淨而沒什麼脂肪，餘下是爽口的口感，加上不太鹹的豉油，大量的芽菜增添清新感。三蝦炒蒜心蒜心選材較嫩，沒有渣，味道爽甜，加上鮮蝦、蝦乾、蝦米和少許紅椒黃椒炒，鑊氣十足又惹味，可以補充纖維。總結這裡的小菜都很大碟，份量足，好抵食，有鑊氣有水準，味道濃郁，性價比高，怪不得朋友說它常常滿座了，要訂位才吃到。

今日陪女友去食呢間位於旺角叫如一既私房菜 開始來左個前菜冰鎮醉鮑魚同杏汁花膠白肺湯 首先講下杏汁花膠白肺湯 呢碗湯好有杏汁味道因為佢採用原粒杏仁,好夠香濃,再配上花膠扒😋😋 同埋用新鮮豬劏出來既新鮮豬肺😋😋真係完美無瑕 冰鎮醉鮑魚好有醉酒味既味道 再配上肥美既鮑魚 真係配得上鮑魚既鮮味👍😋  脆皮鹽香雞,鬆脆既皮嫩滑既雞肉 再加上鹽香 真係好正呀 最後到蝦籽花菇燒豆腐, 豆腐豆味香濃, 外層有層紅燒皮, 加埋靚花菇同蝦籽, 同埋唐生菜襯底, 好耐無食過咁啱食嘅齋菜.之後來到鮮菠蘿咕嚕肉 這道菜既勝利點就係菠蘿 因為菠蘿能夠增加我地既食慾, 同埋三色椒, 減少肥膩感. 再講四川水煮牛肉 佢辣度適中 唔喜歡食辣既我 都能夠愛上😍👍 

因為飲食男女介紹所以先知有呢間餐廳。感覺有啲似私房茶，鋪面唔太大。已經預早幾日經openrice預訂，當日上奏打黎話無位，要改時間。總結當日用餐經驗，似乎熟客訂座會優先按排坐位，若真係想確保「有效訂座」，員工話打電話訂座會較用 Openrice訂座好。有好多特色菜(包括海鮮)需要預先，太失策無訂到，但好彩隔離台多左半份茶燻雞，先有得試試呢度特色菜。茶燻雞味道挺有趣，值試得一試。雖然係燻雞，但胸肉部份仍然挺滑，非常滋味。需要訂嘅菜式包括：炸子雞，鹽焗雞，茶燻雞，手斯雞，醉乳鴿，燒乳鴿，龍蝦、象拔蚌，聖子皇、羔蟹、紅蟹、花蛤皇等。強烈推薦豬肺湯，非常好飲。小食類嘅溏心皮蛋畯薑同埋泡椒鮮芛非常好食！值得一試。唯一問題係地方太細，基本上隔離枱豪言豪飲的話，就算圍內3-4個朋友坐得好 close 咁傾計，基本上都係聽唔到大家講咩。如果介意用餐環境，呢點要留意。