如一

Open Now

Now Closed

今日同女朋友係旺角行街之後佢話想食小菜我地就留意到呢間餐廳決定上去試下！餐牌非常多選擇，亦有海鮮提供冰鎮醉鮑魚鮑魚原隻上，有陣陣既酒香但並沒有過濃就算唔好酒既朋友都會接受到酒令鮑魚更鮮，好好食杏汁花膠白肺湯我本身並不喜歡杏汁但呢個湯令我對杏汁改觀！好易入口材料亦好充足，花膠肺片軟淋入味欖角醬燒排骨呢道菜非常特別因為有外脆肉軟既口感！外皮香脆但肉非常軟淋再加上醉甜既醬汁味道好好，非常好送飯如一手撕雞雞撕既大細剛好一塊一口雞味濃加上麻油好香口陳皮蒜子欖角蒸龍躉脊呢個部位估唔到咁多肉好新鮮，鮮味十足再用陳欖角調味好開胃，令人食唔停口

好耐都冇食過私房菜喇~~ 今晚就跟好友黎到旺角佢推介既"如一"食!!一黎先食個冰鎮醉鮑魚!! 勁大隻呀, 食落唔會韌, 爽口, 而且夠冰涼, 有好香花雕酒味, 正!!杏汁花膠白肺湯,  個湯真材實料, 杏汁味非常濃郁, 花膠又大又煙韌, 而豬肺洗得超乾淨, 食完一舊又一舊, 唔錯!!香煎蝦餅 - 蝦餅煎到金黃色, 食落爽口又彈牙~~如一手撕雞 - 招牌菜, 真心一定要點, 雞肉同雞皮都好滑, 平時唔食皮既我今次連皮食呀!!陳皮蒜子欖角蒸龍躉脊 - 龍躉脊 啖啖肉, 食落好滋味! 薑汁炒芥蘭 - 健康又翠綠, 炒得夠鍋氣~~

已有一段時間沒出旺角吃晚飯，今晚朋友帶我吃私房菜，到了不起眼的如一，朋友話呢度的主廚曾是逸東軒的掌舵，所以食物都唔錯，今晚試左就覺得食物質素都幾好，點了幾款招牌菜，都令我有驚喜；那碗杏汁花膠白肺湯，真是滋潤又養顏。豬肺處理得好乾淨，杏汁味道都算濃，杏香撲鼻，仲有夠腍的花膠，口感細滑，下次都會再試埋其他招牌菜。冰鎮醉鮑魚$35/隻兩隻鮑魚都算大隻，入口有點冰涼口感，鮑魚質感爽口彈牙，入口還滲出點點的酒香，這個前菜冷盤，真是不錯。香煎蝦餅$98入口香脆可口的蝦餅，蝦餅煎到兩面金黃色，吃時加點甜辣醬一起吃，更能突出鮮蝦的甜味，用作佐酒也不錯。如一手撕雞$368最愛的是啖啖肉，這道手撕雞，雞皮下的脂肪非常之少，雞皮爽脆滑溜又有彈性，雞肉嫩滑無比，帶點鹹香，配搭芝麻更添香味，絕對值得一試。欖角醬燒排骨$88燒排骨肥瘦均勻，燒到外層有點香脆，肉質好腍，欖角醬味道濃郁，有點鹹香，火路控制得好好。陳皮蒜子欖角蒸龍躉脊$188連皮的龍躉脊，質感香滑又有點陳皮香味，入口滿滿的油香，清香樸鼻，魚肉滑溜又夠入味。位於商廈的如一，坐電梯的話可按二字落一層，便會見到如一的標示。如朋友們打齊針的話，可以在這間私人廂

朋友升職請食飯，仲話book左同我食私房菜呢間私房菜唔隱蔽，但就最好book檯，因為大概七點個時，全場坐滿咁濟朋友除左有book檯之外，已經順便落訂order，所以我唔洗諗食乜，坐停停等就就得仲話我一定岩食兼有驚喜添先黎打頭陣就有已經食鮑魚冰鎮醉鮑魚係冷盤凍食黎，食落嫩而不韌，又不失彈性，有鮮味之餘仲會浸出陣陣酒香添第一道菜已經使人滿意，令我更其待之後既菜式！！！之後就有足料養顏既杏汁花膠白肺湯，飲得出係真材實料，難怪朋友話係呢度既熱門招牌之後既如一手撕雞同香煎蝦餅都唔錯手撕雞調味得宜，皮爽肉嫩香煎蝦餅就香口得黎唔油膩加入粟米粒既蝦餅口感更豐富沾埋甜酸汁食就更開胃，一口氣食三、四件都無問題跟住既陳皮蒜子欖角蒸龍躉脊係我今晚最愛既一道菜龍躉脊皮厚爽彈，魚肉嫩滑加上有甘香既陳皮同帶甜既欖角調味，令味道既有層次感最後既豉椒味菜鵝腸就最有驚喜！！！味道咸酸既味菜混合爽脆既鵝腸，惹味到食多碗飯都仲得

同朋友去旺角逛街，行下下落大雨，無帶遮，咁就不如就近食飯先，剛巧見到附近燈箱，見啲菜式幾吸引，所以就上咗樓食晚飯。私房菜館地方細細，只有十張枱左右，裝修唔算富麗堂皇，但係乾淨企理，感覺舒適。冰鎮醉鮑魚 鮑魚size都算幾大，QQ的，帶微微酒香，因為經過冰鎮，好適合夏天食。花膠杏汁白肺湯呢個湯係我嘅至愛，但現在好多餐館都嫌麻煩，唔做呢個湯 。試咗一啖，湯底好濃郁，杏仁味好濃，花膠豬肺好淋滑，感覺好滋潤。如一小炒王 其實就係蒜心炒土魷、鮮魷、蝦乾、辣椒……等。蒜心好嫩，加上爆炒嘅蝦乾土魷同辣椒，好有鑊氣，鍾意食辣嘅朋友就最啱喇。手撕雞 賣相冇乜特別，但食落味道唔錯，雞肉做得好嫩滑，用人手撕開，加上調味，食起嚟好方便。味菜豉椒鵝腸 鵝腸清去大量鵝膏，所以食起嚟唔油膩，加上調咗味嘅味菜，酸酸甜甜，惹味味得嚟好開胃。陳皮蒜子欖角蒸龍躉脊呢個係驚喜之作，龍躉脊啲肉蒸得好滑，加上欖角陳皮，惹味得嚟帶少少欖角清香，係全晚我最愛嘅水準之作。呢間餐廳餸菜味道唔錯，而且碟頭幾大，仲有好多不同套餐可供選擇，係好適合一家大細嚟食飯嘅地方。

唔係朋友同我去都唔知道波鞋街都有間上樓私房菜唔同人數有晚飯套餐可以選擇，當然價錢都相當合理冰鎮醉鮑魚一上抬好香花雕酒味，食落軟淋又入味，好食！杏汁花膠白肺湯一人一碗，夠哂滋潤處理白肺工序很繁複，難得呢到有得飲，絕無臊味杏仁味香濃潤喉，又有大大件花膠，骨膠原豐富小炒皇微辣，有蒜芯，魷魚，彩椒，最後叫左碗白飯一齊食豉椒味菜鵝腸入味又彈牙，重點係唔會太肥手撕雞半隻大大碟好香麻香味，雞肉又嫩滑招牌欖角骨炸得酥脆，排骨肥瘦均勻，又有肉汁，就算凍左都好好食呢個真係整晚最有驚喜店內座位不多，想食記得打電話去訂位

私房菜與一般餐廳不同的是多了番特色和心思在菜式上，同事推介我去旺角如一。冰鎮醉鮑魚，新鮮鮑魚用了花雕酒去浸，充滿濃濃酒香，配合冰鎮方式，口感軟腍冰爽。滋潤的杏汁花膠白肺湯，用了白肺和花膠煲，湯汁如牛奶般香滑，帶著濃濃的杏汁香。香甜的欖角醬燒排骨，用了秘製醬汁去炮製，皮脆內鬆軟，十分滋味可口。半隻的脆皮炸子雞，外皮金黃香脆，雞肉厚實嫩滑。惹味的豉椒味菜鵝腸，鵝腸洗淨，用了辣椒和豉汁去炒，口感爽脆。古法炮製的陳皮蒜子欖角蒸龍躉脊，陳皮、蒜子、欖角令龍躉脊多了甘香，同時突出了魚肉的鮮味。巧手的私房菜，的確會讓人回味無窮，下次會帶屋企人再來幫襯。

美味始終如一，中國人做菜式千變萬化，老外都食到舔舔脷。週末特意去旺角波鞋街買最新嘅跑鞋，出發前老公已經上網搵定好嘢食，仲預先訂定菜式今次抵讚！冰鎮醉鮑魚頭盤先來清新美味的冰鎮醉鮑魚，感覺十分 refresh ! 酒味清香不太濃，口感冰涼，鮑魚大隻肉厚彈牙，吃起來很滋味。杏汁花膠白肺湯近排工作非常勞氣加上有少少咳，一於飲返碗杏汁花膠白肺湯 滋潤一下。這個都是手工功夫多的湯水，出街飲最精明，每次睇中醫都會介紹我飲呢個湯。名副其實補肺袪痰，止咳平喘，補腎益精，滑利關節，真係男女老幼都咁啱㗎！回味無窮！干椒虎皮椒西芹炒牛肉干椒虎皮椒香辣惹味，西芹炒牛肉味道鮮美，而且很豐富的營養。牛肉炒得特別香嫩，西芹可以降血壓，非常適合我倆食用，師傅把家常菜炒得不平凡，好味呀！欖角醬燒排骨酸甜好開胃，滿滿的蜜汁香味，排骨入口軟淋多肉，欖角另有一番滋味。如一茶燻雞 遠處已經漂來陣陣煙熏香味，問咗經理原來係用老普利茶葉作燻雞 ，雞肉幼滑多汁，推介一定要連雞皮一齊食，千祈唔好怕肥，味道真的層次較多。如一小炒皇我哋去大牌檔的例牌菜式，如一果然夠鑊氣，蝦乾鹹鹹香香，鑊氣十足，用來送啤酒確實冇得頂！韮菜、蝦乾、腰果、魷魚

係香港始終不能取代的還是港式小炒，今次就試下朋友食過覺得唔錯嘅私房菜～如一。店舖隱藏於旺中帶點靜嘅旺角波鞋街嘅大廈內！率先每人一碗杏汁花膠燉白肺湯 湯頭飲落非常順滑，杏汁濃郁，豬肺亦清得好乾淨，仲要每碗都有一塊花膠夠滋補。冰鎮醉鮑魚浸得惹味，鮑魚厚肉彈牙！豉椒味菜鵝腸 豉椒汁很好下飯，鵝腸質地爽彈！干椒虎皮椒西芹炒牛肉小菜炒得幾乾身，唔會打醬茨幾好，西芹虎皮椒都幾豐富。牛肉唔會過度鬆肉幾惹味，小辣！欖角醬燒排骨份量超多，豬肋骨炸得皮脆肉嫩，包左焦糖脆面正！如一小炒皇有大量魷魚乾、蝦乾、蒜苗，而且大量炸蒜炒得夠鑊氣，不過調味都真係幾辣下，唔食得辣嘅人要慎選。每道菜式都幾大碟，整體味道質素都唔錯。

今晚同女友拍拖食飯，平時都係打邊爐放題，我地覺得有點悶，網上搵到一間評價不錯既私房菜*如一*，我地決定試下地方清潔，地下唔會*痴立立*食物選擇多，套餐就更抵！杏仁白肺湯，杏仁味不會太重，豬肺夠軟幾好食。冰鎮醉鮑魚，大大隻，啖啖肉，爽滑彈牙手撕雞半份份量多，雞肉嫩滑冇雪味，好食！陳皮蒜子欖角蒸龍躉脊，清香樸鼻，魚夠滑，口感十足豉椒味菜鵝腸，鵝腸煮得岩岩好，軟硬適中，夠晒爽滑，豉椒味重，配白飯一流如一小炒皇，韮菜、蝦乾、豆角及魷魚，鑊氣夠，惹味十足，配啤酒一流我地食到好飽，原來中式料理都可以咁好味

熱熱鬧鬧嘅旺角充滿著活力。消費促進經濟最好地方。去完波鞋街買了兩對鞋，跟朋友食過晩飯才回家。朋友一向喜愛中菜，二人點菜有點難度。好彩呢間菜館有二至多人套餐。冰鎮鮑魚鮑魚爽口，散發出酒香，滋味。杏汁豬肺湯杏汁顯著，潤喉。豬肺乾淨衛生，絕無臊味。好好飲啊！小炒皇魷魚，蝦乾，蒜芯，椒…….材料豐富，有嚼口。少少的辣度，增添食欲。欖角陳皮蒜子龍躉甫脊魚肉滑溜，夠入味，感覺到陳皮的甘香。欖角的配搭有新鮮感。豉椒味菜鵝腸平時好怕鵝腸太過肥。呢個鵝腸處理得好，沒有多餘脂肪，爽脆。干椒虎皮椒炒牛肉看似好辣，其實並不是。夠火喉，有鑊氣。

最近發現咗旺角有一間好好食嘅中菜私房菜小店 - 如一。一入座後可以選擇普洱或鐵觀音，茶品質素OK 。杏汁花膠白肺湯個味道好香，杏汁味道香濃，而且帶輕微鹹香，裏面亦都有筒形花膠以及很有彈性的豬肺，材料十足。鹹蛋黃焗蝦鹹鹹香香，金黃的外皮包裹着鮮蝦，口感香脆，鹹味適中，質感彈牙，連蝦殼都可以食。欖角醬燒排骨味道濃郁鹹香，排骨也比想像中更加啖啖肉，亦不會乾柴，有一定水份，送飯一流。如一手撕雞比想像中更加好吃，雞皮質感彈性又滑，配搭芝麻及滑嫩的雞肉，也是晚餐餸菜之選。豉椒味菜鵝腸熱辣辣炒得爽口入味，相當乾淨有鹹香。陳皮蒜子欖角蒸龍躉脊裏面果然充滿陳皮香味，蒸龍躉脊質感香滑，加上連皮，充滿魚油香，整味菜都好吸引。想不到這裏竟然有隱世的中式私房菜，難怪亦有非常多人光顧，沒有介紹錯。

今晚約咗老公出波鞋街買運動鞋，行到花園商業大廈，有「如一」餐廳招牌。幾好喎，有小菜、又有海鮮，一於試下！一坐下，店員先來一壺茶！還一一介紹了店內招牌菜。杏汁花膠白肺湯好足料，而且濃郁杏香味！好耐冇飲咁好味嘅湯！冰鎮醉鮑魚好入味，有酒香！必食推介！如一小炒皇好夠鑊氣又足料天氣熱，小菜當然配啤酒！推介我一款手工啤酒！果然不錯，有少少花香味！清爽欖角蒜蒸龍躉！魚皮一定係主角，勁多骨膠原如一小炒皇，必食推介老公一路食一路讚好味，仲話一定有下次！冇錯食材新鮮又好味，而且唔貴！值得推介

杏汁花膠湯，先飲個靚湯，聽個名都知正，沒有味精，我連猪肚都吃曬，煲到好諗！冰鎮鮑魚，老板說因為賣曬，後面再整酒醃左唔長，但我覺得鮮度和酒配合剛剛好。手撕雞，麻香得來好滋味，雞肉好嫩滑，不用其他複雜醬料都好好味。陳皮蒜子欖角蒸龍躉，兩人分量，鮮滑，沒有腥味，膠質滿滿的！香煎蝦餅，沒有大驚喜，可能因為其他菜式太好味，顯得佢一般般，哈哈！小炒王，我們也不知道是什麼，上桌先知，果然有驚喜，干和鮮疣魚炸左再炒蒜芯，仲要加左鮮辣椒炒，配啤酒一流，所以我們即時再加啤酒！整體黎講：值得推薦俾各食家，係旺角鬧市中心，適合行完街上去食午/晚餐，以性價比黎講，物超所值，環境清靜優雅，最啱幾個相約黎朋友上黎聚餐。

朋友介紹，食過一次就翻尋味,三五知己聚會，傾下食下的好去處，最重要係自帶酒水免開瓶費，兼且提供紅酒杯俾你，絕對不小家好服務好周到👍冰鎮醉鮑魚爽口彈牙，食落有少少溏心感覺一啲都唔會煙韌，絕對係炎炎夏日嘅首選鹹香手撕雞係需要預定的，皮脆肉滑 加入，秘製醬汁同芝麻，好食到停不了口如一招牌欖角骨，一上臺真係香到不得了，排骨肥瘦均勻咬落外脆內有肉汁，啖啖欖角味，招牌果然實至名歸一油浸新鮮筍殼魚，連骨都脆卜卜，可以直接食唔使漯骨，最重要係大廚拿捏個火候剛剛好，魚肉不會過乾招牌炒粉絲，粉絲炒得乾身條條分明完全不油膩，加入各式配菜同炒，非常野味鹽焗蜆仔奄仔蟹膏甘香超多，蟹肉鮮甜，雖然不是大大隻但就啖啖肉，絕對滿足豉汁涼瓜炆龍躉脊，用料新鮮，龍躉脊食落煙煙韌韌，骨膠原豐富，配上豉汁涼瓜同炒簡直係最佳拍檔