如一

Open Now

Now Closed

平時出街晚餐多數是西餐，中餐的餐廳不多，今次朋友帶我到位於旺角的「如一」，上樓位置較隱閉，經過也未必留意到。點了2位餐，先上杏汁花膠白肺湯。湯色澤夠白，除了腍身的豬肺，還有養顏花膠，個湯杏汁味濃郁又滋潤，好美味。醉鮑魚酒香味適中，夠入味，而且鮑魚彈牙不會太老。咸蛋黃焗海花蝦咸蛋黃惹味香口，香脆得連蝦殼連肉可以一起食，加上花蝦肉質彈牙，相當滿足。冬天不少得的芥蘭炒臘味，臘腸、雕腸、臘肉份量幾多，油份滲入芥蘭夠入味。欖角陳皮蒸龍躉脊龍躉脊蒸得剛好，魚肉夠滑，有鹹味的欖角及陳皮香。

是日晚餐，我點左幾樣我日常會叫同埋如一餐廳的招牌菜：第一樣鹹蛋黃蝦球：鹹蛋黃嘅分布好平均，係完全成隻蝦都包住晒鹹蛋黃， 食落仲要好脆口。 啫啫蝦醬唐生菜: 蝦醬與生菜既配搭，我是第一次吃， 平時都係食開蠔油生菜。 出奇地match, 蝦醬嘅鮮味配上生日， 為平平無奇既生菜增添了一點色彩。 欖角骨： 完全係餐廳既招牌， 本人第一次食， 欖角整既排骨， 味道超正， 下飯一流！ 推薦各位食下。 薑蔥煙肉焗生蠔： 生蠔好新鮮， 焗完出黎唔食好乾食， 仲有水份鎖住到係入面。 杏汁花膠白肺湯： 好補好好飲既白肺湯， 仲要有花膠熬製，膠原蛋白提升。

早排有親友去左幾間唔同嘅食肆品嚐私房菜，不過返嚟嘅評語係質素參差，而且有啲更恃住自創菜式，收費極之昂貴，每人動輒過千元。最近就有朋友介紹左一間取名「如一」嘅樓上私房菜畀我，聽說餐廳嘅口碑唔錯，不但出品富水準，而且定價合理，所以雖然只係開左短短半年，已經有不少捧場客。店子地方不大，舖面細細，只得約 10 張檯，但環境唔錯，乾淨企理。餐牌選項甚多，有湯羹、餐前小食、精美小菜、海鮮類、家禽類、粉麵飯，另外亦有多款時令晚飯套餐、良朋聚餐等供應。先嚟每人一碗杏汁花膠白肺湯，白肺湯用料十足，除了豬肺同杏汁外，還加入了花膠。喝一口，湯水皚白如雪，杏香悠長，入口清醇無雜味，加上腍滑黏口嘅花膠，真係令人回味無窮。跟住係一道飄香醉乳鴿，乳鴿 Size 相當肥美，較普通乳鴿大，肉質非常嫰滑，入口夾雜著淡淡迷人的酒香，醉香之中又略帶酒甜，十分滋味。另外呢客陳皮欖角蒜子蒸龍躉脊亦係精采之作值，魚肉大塊新鮮，火喉蒸得啱啱好，肉質很嫩滑，加上甘香嘅陳皮同欖角，呢個配搭，令整道菜更香更惹味！接著送上的鹹蛋黃花蝦亦非常正斗，以香濃美味嘅鹹蛋黃入饌，脆卜卜又金黃色嘅蝦殼，別具鹹香，配上爽甜嘅蝦肉，份外滋味。壓尾係芥蘭炒

由細到大都最鍾意中菜嘅我, 一向都好鍾意叫餸食飯~ 明明佢唔鍾意食飯, 明明佢鍾意食西餐;不過佢話鍾意同我一齊食中菜, 因為 有一家人嘅感覺~ 今次食咗呢間幾好味, 樓面友善 呀廚個心思有放响食客度 見到細節位, 有屋企媽咪整嘅貼心感覺呢~ 杏汁花膠白肺湯淡淡杏味 好清香, 配埋小花膠筒 感覺滋潤滋潤呢~ 冰鎮醉鮑魚比一般嘅冰鎮鮑魚仔大隻得多彈牙好味喎飄香醉乳鴿呢個真係有驚喜我地都鐘意食呀 鴿味濃香 有肉地密集而軟淋 食落感覺好實在 佢切 6件比一貫開四易食得多, 好好啊！臘味炒芥蘭我鍾意食呢碟啊 平時唔鍾意食芥蘭嘅我 竟然食咗好多呢~芥蘭比臘味嘅油滋養咗 帶着點點油香 脆口零苦味, 好味呀! 我開始明白點解屋企人每到秋冬 咁鍾意食呢咪菜~ 臘腸潤腸我食食食 臘肉我要讚佢細心去掉肥位, 我食得好開懷呀~ 陳皮鮮沙薑煎龍躉脊香口好味, 乖乖慢慢食, 凍咗都唔腥 而且滿滿膠質 覺得好補 會靚咗 哈哈~ 鹹蛋黃蝦球準備得好好 細心修剪咗好方便進食 輕易就能夠去殼佢大讚呀廚貼心呀 見到佢食得咁開心我就開心我一路食一路 what’s app 同朋友講我鍾意呢度下次要同佢地一齊嚟

今晚約左朋友仔食飯，平時都係食西餐多，我地都覺得悶，所以今次我地決定試下中餐，結果就搵左如一，貪佢旺角方便大家就腳樓上鋪但行1樓好快到我地叫左4人餐，第一度菜，冰鎮醉鮑魚，鮑魚大大隻，肉質彈牙，有少許酒味杏汁花膠豬肺湯，杏仁味夠，豬肺軟淋好食，飯完覺得好順口腊味崧扒菜苗，臘味好食，菜苗新鮮順甜，配飯一流！脆皮鹽香雞，皮脆肉嫩，唔油，沒有雪藏味招牌欖角骨，酸酸甜甜，肉質嫩滑，配飯一流鮮沙薑陳皮煎龍躉脊，魚新鮮夠滑，皮煎得夠脆，平時都唔會食到埋單大約$200/位，4個食唔貴，值得再黎食

最近同好友行MK, 夜晚黎到佢一早BOOK左既私房菜 - 如一~ 一直都充滿期待, 因為太耐都冇食過私房菜喇~~~ 我地點了幾款招牌菜，每款都有驚喜!!杏汁花膠白肺湯奶白色既杏汁白肺湯，好巧功夫的！飲落杏仁味超香濃，質感濃稠幼滑！入面有豬肺同花膠，真材實料，超好飲，特別係我地２女人～超養顏又滋補！！ 冰鎮醉鮑魚酒味清香唔算重，口感冰涼～ 鮑魚超肉厚，食落仲爽口彈牙，讚！燒乳鴿太耐冇食燒乳鴿，香脆可口，食落皮脆肉嫩！好回味~~咸牛油椒鹽蝦第一次食咸牛油椒鹽蝦，牛油味香濃，蝦酥脆，入面彈牙～口感和蒜香味都令人欲罷不能！陳皮蒜子欖角蒸龍躉脊　連皮食既龍躉脊，少少既陳皮香味，唔會遮蓋魚肉既鮮味~ 食落嫩滑又可口。OVERALL 環境、食物質素都唔錯, 呢度一定要BOOK, 當晚係勁FULL呢～～

🍴杏汁花膠白肺湯🥚48 蚊位好香濃既杏汁味 落足料 花膠夠哂彈牙 白肺好夠軟林好食👍🏻🍴黃金蝦🦐大大隻黃金蝦 夠哂新鮮 咸蛋黃好香濃 🙂 好入味 蝦肉熱辣辣 蝦皮好香脆可以食埋🍴燒乳鴿88 蚊燒得十分唔錯既乳鴿 肉質彈牙 皮夠香咸 點 d准鹽同醬汁十分唔錯🍴欖角蒸龍躉🐟欖角味好香 個豉汁咸度適中 仲有蒜薑調味 好入味 而龍躉好軟林 充滿骨膠原啖啖肉正🍴臘味炒芥蘭👍🏻芥蘭新鮮爽口 臘味好足料🐽有臘腸潤腸 臘肉 豬油味香 滲哂落芥蘭度 好味#臘腸 #芥蘭 #乳鴿 #龍躉片 #白肺湯 #黃金蝦 Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#如一旺角花園街75 至77 號花園商業大廈1 樓~~~~~~~~~~~~

老友介紹…話旺角有一間私房菜幾有火候…而且份量十足….就算喺樓上店都其門如市…今日特意同老友黍試一試呢度有好多唔同嘅套餐…..而且仲有散叫添呢個行汁花膠豬肺湯值得推介….每一碗都有一大塊厚厚嘅花膠仲要食到黏口嘅我哋先叫咗一隻燒乳鴿…我同老友一人半隻…仲要飲番杯冰凍啤酒….高歌一曲氣量厚另外我哋叫咗呢個黃金蝦…一人有兩隻大大隻…令人驚喜係連個蝦頭都可以食埋…成隻脆卜卜😃😃😃呢個臘味炒芥蘭都好有鑊氣 成碟都有好多臘味和潤腸我呢個更加值得推介…金銀蒜蒸龍躉脊…滑溜龍躉肉…而且啖啖肉好好味有時候兩條友仔….食下小菜摸吓酒杯底…都係人生一大樂事不過呢間私房菜都幾受歡迎…未到6:30已經坐滿人😆😆😆

天氣漸涼飲番啲湯水滋潤一下，杏汁白肺湯有潤肺功效，更有美顏作用。杏香飄溢，還有起沙的口感，好正。惹邪的咸蛋黃花蝦，咸蛋的鹹香好滋味。蝦隻爽脆彈牙，新鮮。薑蔥魚雲煲夠入味，薑蔥不會浪費，全吃清。魚雲夠滑溜。芥蘭炒腊味芥蘭翠綠爽脆。腊味最啱時節。陳皮欖角蒜子蒸龍躉脊龍躉肉好滑，皮與肉之間充滿著骨膠原。陳皮味道顯著。估不到旺角區也有如此抵食的私房菜，雖然坐位比較逼夾，用料卻新鮮，難怪大部份客人都係熟客。

今日同家人去放完先達放iPhone,睇下附近有咩好野食。見到有人講如一，就過左去食晚餐。上到去點個鐵觀音先再慢慢睇下食咩。點了脆皮燒乳鴿，欖角陳皮蒜子蒸龍躉脊，杏汁花膠白肺湯，芥蘭炒臘味,黃金大蝦。鐵觀音茶味不錯不是茶包而是真係沖。脆皮燒乳鴿-外皮脆口，肉質良好。欖角陳皮蒜子蒸龍躉脊-超級好味，魚肉質鮮肉可口。啖啖肉口感味道都一流。欖角陳皮完美將道菜提昇一個層次。杏汁花膠白肺湯-杏汁味香而滑，足料好味道。芥蘭炒臘味-芥蘭炒得剛剛好，不太油膩，時間火喉都掌握得宜 黃金大蝦-香口脆身而保留到蝦既水份加上蝦新鮮肉質實。靚食材先做到，配合外面黃金香口。

再訪此店，全因這兒的菜式味道都很好，還有對店家的燉湯念念不忘！！！這回跟友人 二人到來，一進店已先請店員為我們準備杏汁花膠豬肺湯和醉鮑魚～其後再點了三款菜式共享：）杏汁花膠豬肺湯和醉鮑魚確是每次到來也必點的！！杏汁獨有的香氣搭上滋潤花膠，特別適合現時秋意滿滿的天氣～醉鮑魚依舊香軟彈滑又入味，正！我們分別點上龍躉脊、砵酒焗蠔和脆皮雞：）脆皮雞味道咸香，肉質甚嫩！！重點是外層的雞皮有如薯片般脆薄呢～砵酒焗蠔以鍋煲呈上，鑊氣十足！！！蠔隻份量不少，顆顆飽滿～而我們當晚最滿意的就是這道龍躉脊！！！皮厚肉嫩，鮮味跟惹味的欖角很夾呢～惹味菜式正好配上香軟白飯啊；）

花園街又名波鞋街～有間樓上私房菜叫如一朋友話直行就見到，真係好好味😋值得去一試醉鮑魚～新鮮已清腸好企理仲系用刀叉切嚟食，有酒香的冷葷杏汁花膠豬肺湯～就快立冬，滋補潤肺豬肺洗得好乾淨，雪白的杏汁配花膠100分咕嚕肉～脆口裡充滿油脂粉槳唔會太厚，新鮮菠蘿已經係賣點酸酸甜甜好開胃吖薯仔牛仔粒～有酒香、黑椒蜜味嘅牛柳粒，有少少焦香，分量十足蒜粒炒芥菜～極度推薦好嫩好爽，青綠嘅芥菜芯，一點渣也沒有小小的樓上鋪，坐滿熟客，店員服務非常貼心，食物十分足料，四正企理，小菜系有心思嘅，非常值得推介嘅店舖

朋友介紹之下，去左旺角食私房菜， 旺角如一食中餐，好多小炒都幾正，店員還介紹幾樣招牌小菜！杏汁豬肺湯，非常滋潤！味道鮮甜，豬肺乾淨有咬口，好足料好高質既燉湯！欖角陳皮蒜子蒸龍躉背脊，鮮味十足又夠濃香，龍躉背脊肉好滑溜，處理時間恰到好處，肉與皮之間既膠質係精緒！陳皮蒜香入哂味，好好食。招牌欖角骨，好有鑊氣，炒到入味夠濃，唔會太肥，味道調得剛好！雞半隻，肥美肉嫩，就算半隻份量都幾多！唔會將價就貨，最重要係雞味幾突出，肉又細嫩。

朋友知道我喜歡三餸一湯, 所以今晚在旺角食晚飯便介紹了我這間樓上私房菜, 在地點方便的花園商業大廈1樓的如一。冰鎮醉鮑魚首先, 我們每人點一隻冰鎮醉鮑魚, 據說廚師要用一個夜晚將鮑魚用酒及醬汁放在雪櫃中醃製, 所以吃起來非常入味, 而且亦可以令鮑魚肉保持爽滑鮮甜。杏汁花膠白肺湯然後點了每人一碗的杏汁花膠白肺湯, 這款燉湯做法比一般的湯水複雜得多, 所以幾乎絕跡於一般茶餐廳, 而吃私房菜的餐廳也不是經常可以見到, 這款燉湯除了有杏仁香滑的口感外, 營養價值亦很高, 它可以補肺袪痰, 止咳平喘, 補腎益精, 滑利關節及補肺。香煎蝦餅這碟蝦餅煎得香氣撲鼻, 外脆內滑, 裡面塞滿了鮮甜的蝦肉, 口感爽滑彈牙。如一手撕雞手撕雞份量十足, 用了足足半隻嫩雞來製作, 把雞骨全部取出棄掉, 然後把雞件撕碎再砌美觀上碟, 肉嫩味鮮。陳皮蒜子欖角蒸龍躉脊龍躉本身屬於油份較重的海魚, 廚師巧妙地運用了陳皮, 蒜子及欖角來蒸, 除了可以把魚肉的鮮味提昇外, 還可以去油解膩。如一小炒皇遠遠已飄來陣陣香氣, 這碟小炒皇鑊氣十足, 腰果香脆可口, 韭菜顏色嫩綠, 味道清甜, 口感清爽。

同Honey行完波鞋街，行到肚餓又腳攰，就發現身旁有間上樓類似私房菜嘅餐廳，因為都確係幾攰，所以近近地就上咗去試吓。點咗個二人餐，包括有：杏汁花膠白肺湯冰鎮醉鮑魚欖角醬燒排骨香煎蝦餅如一手撕雞薑汁炒芥蘭杏汁花膠白肺湯，真係唔飲嘅話就白費咗廚師嘅心機，杏汁好香濃，花膠又夠淋，好想飲多碗。冰鎮醉鮑魚好入味，每咬一啖都滲出淡淡的花雕酒味道！欖角醬燒排骨，甜甜地好惹味香煎蝦餅，開頭以為好似泰國嘅蝦餅咁樣，點知原來係蝦膠入邊撈左粟米粒，蝦膠都幾彈牙。如一手撕雞好香嘅麻油味，好好味薑汁炒芥蘭，呢個暫時係我人生食過最好味嘅炒芥蘭，食到停唔到口！估唔到一間唔太起眼嘅餐廳可以有咁好味嘅餸菜，真係食過返尋味！