季季紅風味酒家

Open Now

Now Closed

屯門藍地大街1號 ~ 季季紅風味酒樓呢間被米之蓮點名好食既季季紅 , 我地慕名而去, 但真係令人大失所望! 唔好味就唔在講, 佢收一隻豬既價錢只得半隻豬的份量。當然好多地方都唔會真係比足一隻你, 不過呢個真係確實少得過份。

同家人一起, 正到午飯時間, 便去了出名的季季紅試下~一去到環境不是那些好貴麗、好寬敞的地方......而是有點地茂的感覺~坐下姑姐便去拿點心, 其實可以order的, 但家人們太急.......拿到很多點心, 燒賣 - 多汁、好味~蝦餃 - 皮薄涵靚~珍珠雞 - 兩大隻, 雖然無黃, 但好幾好味~假日大點都不過二十元~抵~下次再要試下晚餐, 相信出名的乳豬應該不錯~

食左成晚都覺得D野~~太咸同太油~~!!服務同環境都差~~!!除左隻豬~~大排檔食唔到之外~~其他野我都情願食大排檔~~!!唔會再去食~~!!

一早訂o左11位年初四嚟食呢餐~ 假期分兩輪時間...18:15 or 20:00~ 6點半左右個場已經滿晒~ 我見大檯o既差唔多全部都有叫蝦禾米乳香豬~ 要食就要訂檯o個陣預訂埋隻豬~ $550一隻~ 我地6點去到坐低~ 落o左order都好快有得食~ 隻豬就係last先上~ 11個人除o左隻蝦禾米乳香豬~ 再加o左一個湯羹同七個小菜~ 隻豬都有剩要打包~ 我估新春已經加o左價~ 但係11個人食都只係$1207~ 唔駛加一~ 都算幾抵食~隻豬d皮真係好脆~ 不過今次呢隻d肉就稍為肥o左d...入面d飯又淋o左d...(阿妹話上次食好食好多~)anyway...我地覺得都值得一試ge~ 不過真係有得10-12人叫呢隻豬先食得晒lor...好大隻...好漏o下...推介小菜:香煎蓮藕餅 (香口唔太鹹!!!) , 村味冰淋骨 (酸酸地好惹味!!!), 富貴黃金蝦 (好香蛋黃味又乾身!!!)其實行過已經見到有專用停車場...但係6點已經滿晒...下次會打去問o下點泊車...

聽講係米芝連推介, 即管去試下(仲一定要去總店食), 得知年近歲晚會好多人,所以一早去到排隊拿飛, 好彩好快就位.先前已做定功課, 上openrice睇定有咩推介美食, 所以落單好快, d 服務生阿姐態度都幾好 又好親切, 仲體貼到知我地冇叫"菜", 特登提我地, 不過驚食唔晒就冇叫, 好彩冇叫咋, 四人食五碟餸已飽到想嘔...仲要食唔晒打包!! 不過真係大件及抵食, 又唔貴!! 但環境就好迫又好嘈, 同埋我地坐向冷氣風位好鬼凍!!, d野食都比佢吹凍晒.....但冇計地方細要"將就"下...至於個廁所慘不忍睹, 成地都係濕的,又dirty.. 至於d野食方面....總括: 都值得一試, 但唔會常來....下次會試其他分店, 因為呢個場實在太迫!!!

冰淋醬烤骨- 醬汁好惹味, 酸中帶甜,好驚喜啲菜式,必食乳香豬(1/4隻) - 乳豬皮甘香鬆脆,肉質好嫩,名不虛傳,讚不絕口,必食奇妙醬蒸烏頭 - 開邊蒸烏頭, 醬汁酸酸，好味

今日相約了一班認識了超過二十年的朋友去遊車河,起初還以為會打颱風而取消,當日天朗氣清第一站便去了附近藍地大街的季季虹。星期日早上很多相信是藍地附近的村民來飲早茶, 地方不是很大,點心是雖要自已出去取,小弟認為點心種類算多選擇,但味道不是十分之好!但包類點心不錯,推介是雞包仔同麻蓉包,味道剛剛好!間中來享受一下鄉村酒家,亦算不錯的選擇。

今日上午要去屯門覆診，2:00pm又要返學，迫住要留o係屯門，唔可以返屋企......難得可以o係屯門飲茶...藍地呢間"季季紅"想試左好耐...因為上過雜誌好似好出名之餘...11:30am之後『大、中、小』均收$8呢個價真係好吸引...所以特登帶阿媽黎試...11:45am左右入到去，都幾爆場(樓上就唔知)，我同阿媽2位，一張枱坐3 Part人(張枱唔係好大)，我問阿姐有冇一張枱比我，我唔介意坐樓上。比佢串:『你好多人咩...』叫野食；點心紙款式OK多，但叫6樣無3樣...我最想食的咸水角、粥同埋叉燒腸都無...1.豉油皇炒麵 - 油光滿面、不香豉油味2.鮮蝦粉果 - 蝦肉欠彈牙、新鮮3.流沙奶皇包 - 給那漂亮的名字騙了；完全0.1%的流沙效果也沒有4.雞扎 - 腐皮包著火腿條、香芋條、滑雞及一塊疑似豬皮的東西，我覺得OK的，但媽媽說有點酸5.雞絲粉卷 - 呢個我都真係覺得有點酸，不敢食了6.黑椒金錢肚 - 牛肚實質只有5塊，下面滿是香芋條；只怪我的牙力欠佳，吃一塊便不想再繼續$3/茶位，唯獨是呢度的水仙很正!免加一收費，合計$54，沒錯是比較便宜，無奈食物的質素真的

上個星期六約了一班朋友去季季紅食晚飯，好彩早一個星期已經訂了位，因為6:15去到門口已經有人等位啦 9個人叫了8餸1湯又飯又可樂，埋單只係$1,060好低食ar，再問先知原來這店是沒有加一服務收費ga，唔怪之得咁平啦 豬肺頂蝴蝶腩燉菜膽 - 無味精燉湯清甜好味足料，全場叫好 炭燒乳香豬全體 - 皮脆肉嫩肉汁豐腴，全場叫好 走地大勝雞 - 雞肉味道濃郁而且嫩滑，全場叫好 金銀蛋莧菜 - 莧菜嫩滑無渣味道適中,最正係炸蒜子勁香ar 瑤柱勝瓜炆魚鰾 - 清清哋魚鰾厚身兼入味 香煎蓮藕餅 - 口感爽脆味道濃郁 冰淋醬烤骨 - 酸酸甜甜好惹味，肉質鮮嫩幼滑 椒鹽鮮魷 - 除咗椒鹽鮮魷好味之外,最正係個底有勁多炸腰果，好味到唔停得口至尊燒鵝皇 - 係全晚最失色ga餸，雖然有鵝味但肉質實在太un喇

季季紅除了乳豬出名, 佢啲點心都幾好, 我有時朝早都會外賣幾個點心返屋企食。盅飯係必食, 因為抵食又好味, 北菇蒸雞最好食, 不過好多時都賣晒又出得少, 鳳爪排骨就最多, 都好好味架, 飯粒分明有咬口, 鳳爪排骨好入味, 排骨又唔會肥, 我有時自己一個都可以食晒一盒呢度啲雞扎都唔錯, 最好味係佢啲腐皮, 用兩層嚟包, 愛食腐皮如我超滿足。叉燒腸就今次第一次食, 好足料件頭大, 略嫌皮厚咗啲同醬油唔夠, 但味道唔錯。風味酒樓啲點心一定唔會小巧精緻, 但點心粗枝大葉亦幾有風味呀推介美食: 盅飯

雖然位於屯門藍地,交通也方便,巴士輕鐵均到但如查車去好都方便.park係.綠怡居就得.但要有心理準備,就係要等.安排混亂,真係要打..去前最好先 book 位喇..等了個零鐘.唉!! 入閘喇,重要窄窄地迫在一起,跟住哪哪林叫了:1). 豬肺菜乾湯 ___________ 真係老火足料,無加味精 2). 燒乳豬 __________唔知係未炭燒,皮脆肉嫩 3). 燒鵝 _____________唔乾,多肉汁,好過如記多多聲4). 魚肚 mix青瓜 ______未試過的清香.口味好夾5). 冰淋醬烤骨 _________酸甜酥香.惹味可口.送飯一流6). 蓮藕餅 ____________ 有D似山竹牛肉口味,肉質鬆化,好最後和四位友人,各自駕車回家,因為大家都飽得無朋友..哈哈下次再來試試飲下午茶...

友儕飯局，當中有人提議到屯門藍地大街的「季季紅」試吃這裏"會飛、會走"的招牌菜大勝雞及乳香豬。其實對這酒樓響噹噹的名字早有所聞，但要我這四肢不勤的懶精由港島區搭車老遠跑到屯門來，實在有點為難，幸好友人自願充當柴可夫，那就卻之不恭了。藍地村距離屯門市中心約 5至10 分鐘車程，地方頗隔涉，雖然不算難找，但由於市區無直接車可到，只可轉乘輕鐵於藍地站下車。「季季紅」這間經典的乳豬酒樓向來都是藍地的飲食地標，再加上有電視台拍的飲食特輯推波助瀾，導致這裏經常滿座，幸而店子並無坐地起價，堅持不收加一，擺明酬謝一眾山長水遠到藍地揾食的食客。酒家對出有免費停車位，泊好車後，一行七人沿著藍地大街步行，細意感受街道旁邊帶著元朗流浮山小鎮風情的色彩，看來大家不一定要去台灣海角七號才可體會到這種平靜的自然生活。至於點菜的重任，就交由食友全權負責，不過其實到這等出名小店都不外乎吃那幾樣招牌菜，所以只要把那獨門燒乳豬、會飛會走大勝雞、甚麼冰梅骨等通通點上就一定錯不到那裏去了。豬肺頂蝴蝶腩燉菜膽 -- 朋友是出名的"湯痴"，每逢外出用膳，無論甚麼粟米紅蘿蔔湯、西洋菜陳腎湯、螺頭蜜瓜煲雞湯、白菜菜乾湯都要喝它三數碗才

我屋企近排好鐘意去食季季紅!ｄ野食都大大碟＆幾好味！我地去左幾次飲茶，這兒沒有分下午茶。平日十一點半後大﹑中﹑小點都一律八蚊! 哈哈，我地當然唔蝕底盡量叫大點啦!!!我地叫很多籠食物(但我地食得哂架喎，全家都大食!哈哈)，連侍應都好心提醒這些特價食物不可以拎走的!有的食物我冇影到相，只簡述我地食左咩啦1) 鮮蝦蒜茸炸春卷(大點) 這個賣相好似唔多好，因為它的外表唔似得出面酒樓包的整齊。但是即叫即整，熱騰騰，仲有隻隻大大隻蝦在入面! 好味!!(2) 咖哩蒸魷魚(中點)出面叫親呢碟，大多都屬於大點/特點，感覺很貴啊!! 這兒唔貴之餘，亦很大碟!我覺得味道ok架，但家姐話幾淡味喎! (3) 鮮蝦韮菜餃我覺得這兒逢親有蝦的食物都不俗，蠻好味的~~(4) 蟹皇干蒸燒賣我地全家不嬲都唔鐘意食燒賣的，因為佢地話成日覺得那豬肉味好騷，但今次呢個燒賣幾令我改觀，蠻不錯! (5) 豉汁蒸白鱔飯爸爸媽咪的至愛，30蚊一碟，大概有8-9舊白鱔左右，份量其實足夠到兩個人食囉! 仲有30蚊...自己返屋企整都唔止呢個價錢啦!所以係超值! 爸爸話呢個白鱔好滑& 軟，又入味~其他叫左馬拉糕﹑雞飽仔等啦~普通啦~這兒

第1次到季季紅，係今年年頭啲事，印象中隻炭燒乳豬好食，其他菜式都係大碟又抵食啲，返到屋企同我個皇太后同家姐提及，佢地都好想試下，就襯母親節啦，可以滿足兩位母親嘛~1行6人，條長路遠黎到屯門藍地，目的只有一個，大家都係為左味炭燒乳豬，是夜精選有：豬肺菜膽湯，上枱果陣聞到好香啲菜乾湯，應該好足火喉，入口夠味，而且唔覺有味精，D菜膽係後加入個湯裡面啲，所以唔爛，仲好甜，連皇太后都話得呀~大勝雞，第1次去季季紅食飯已經有叫呢味，入口果陣個腦已經立即諗緊，點解響香港食雞……竟然有雞味啲? 二話不說再夾多件，再同Cobi爸講，佢都話隻雞好好味，一定係新鮮雞，夠香又夠滑，D雞皮仲好脆口…救命呀~個腦鬥爭左幾耐至可以唔食件雞皮呀，試問咁好啲質素，今次我地點會唔encore呀~乳豬燒鵝雙拼，本來叫左半隻燒乳豬，Cobi爸特然想食燒鵝，所以轉左做雙拼，上枱後大家都急不及待品嚐個乳豬，嘩!乳豬皮好薄，燒到又甘香鬆脆，脆皮下有層肥膏，不過唔多，肉質好嫩，果然名不虛傳。可惜今次得6個人，叫唔到個「蝦禾米釀乳豬」添；燒鵝個look得，入口就唔掂，肉韌!難聽D講句要用手扯先扯得開，好唔掂。冰淋醬烤骨，雖然已經叫左好

嘩，真係個個weekend 都咁多人﹗成日都見到好多人琴晚終於去試左一入去，環境唔太乾淨，又多人，又嘈，最重要係我係地下見到死左既蟑螂，雖然係踏flat左，但都見到係蟑螂，竟然冇人清... ... 好恐怖叫左乳豬同芝士琵琶豆腐乳豬真係好好食，其實係貴左dd~~~芝士琵琶豆腐都幾特別呀，芝士汁淡小小，但送飯都好正﹗如果可以乾淨一d，就真係prefect喇﹗