季季紅風味酒家

Open Now

Now Closed

家人一直嗌去試去試去試，嗌到我心都煩晒，終於俾佢地望到book到位，就上星期六去試一試呢一隻米「豬」蓮。同睇左影評至入場一樣，感覺梗有出入，一係覺得好過評論，一係差過評論多多聲，所以講到呢隻港澳米芝蓮推介的一星「蝦禾米燒乳豬」，就係………你試過你至話好啦！不過，佢真係有佢巴閉地方！你諗下，因為佢地規矩食飯時段分5:30至7:30，7:30至9:30，同9:30到收舖三個時段，等位人山人海，人人都要夠鐘埋單起身讓座，所以人人差不多同一時段齊齊入座，檯檯都差不多一齊同隻米豬蓮影相，場面都幾熱鬧壯觀，試問你又點會諗到平日去飲隻豬加D飯係入面就變主角？真係夠卓頭！隻米豬蓮賣相幾威架，所以伙計一定會俾足時間你影，然後至切上檯，所以呢張相我就唔POST啦，橫掂你去你一定影！味道方面呢，皮都算脆，入面D油飯就漏D，蝦米多過頭，唔食得太多，所以勸大家冇番咁多人，就千祈唔好去，唔係實要一袋二袋打包走。至於餐牌其他菜色都幾街坊價，如果你問到我會唔會推介俾朋友呢！我都會話得，不過平日去好好多，因為平日單叫隻豬嘅附加費冇咁多。老實講，有米芝蓮推介，任我講好或差，香港人都會點都到此一遊，大家抱住見識心態，就OK

聞名已久之食店. 奈何對於我地呢班市區居民, 屯門蘆地似乎太默生, 太遠了, 今次老同學遷入屯門, 又達到人數要求, 終於可一嘗蝦禾米乳香豬。打電話訂檯, 由於是星期六, 要九時才有位, 乘輕鐡藍地站出過條馬路就到, 交通尚算方便, 去到都要等一陣, 內裹d檯好密, 每檯只有一條"行"給員工上菜, 至於食物就大至ok。白切雞 - 久違了的蘚味重現, 全晚最好食的一道菜九菜花炒咸肉, 什菜煲, 瑤柱西蘭花都ok, 蝦禾米乳香豬 - 全晚焦點, 人少或細食者勿叫

沒試過這間, 舊同學提議~~~好味加出名!!!成大班中學同學~~~9位女生加1位小朋友...之前訂了9:00pm~~因為佢分三個時段, 我們又有人要8點後才到, 所以bk 9:00pm~~~但去到還要等...藍地我覺得是蠻偏僻的位置, 不過季季紅門內外就很多人~~~~~看看才知道是2011米芝蓮有評過的, 怪不得!!!等了二十分鐘終於可以入座, 樓上的~~~大table但位很窄, 還要近洗手間, 我跟另一位朋友的椅又背住窄的通道, 所以經常比人撞!!!>.<我們叫了8"送"1湯~~~~如下:預先訂了的"半隻燒乳豬"~~~幾好味, 不錯~~皮脆肉嫩..."豬展菜膽湯"~~~幾清, 鍾意d菜膽夠林..."蓮藕餅"~~~~幾香口, 不錯!!!"黃金蝦"~~~~金黃色同埋唔多粉, 幾彈牙tim..."白汁/葡汁豆腐"~~~個個都覺得好似椰汁西米露咁款~~~~豆腐又唔太似, 有點怪..."滑雞"~~~~雞肉幾嫩滑, 皮都係~~~"冰淋醬烤骨"~~~~略嫌d骨比較大, 粉比較多, 但個汁不錯..."蒜蓉白菜仔"~~~~其實味幾好, 但d菜有點苦..."炒通菜"~~~我不吃的, 但同

今次這個是我們今年第3次食的盤菜. 叫得第3 次就知道唔錯啦.呵呵. 這個是最大的盤菜. 有半隻燒鵝, 半隻雞, 冬菇, 小量門鱔亁, 魚旦, 蠔屎, 12隻蝦, 蘿蔔, 蓮藕. 豬肉, 枝足. 不過我覺得今次呢個盤菜比起前兩次騙人很多..記得之前豬肉都仲有好多.今次只係得好少.. 反而蓮藕就佔了大半盤. 燒鵝好好味. 雞唔知好唔好味( 因已經給人搶哂了, 我老公話好味). 冬菇好入味, 門鱔乾食落似柴魚.好似話好貴.都唔明點解咁貴.都冇味既. 魚旦好味. 這個最快給人搶完. 蠔屎好味. 蝦身有咬口. 蘿蔔同蓮藕同枝足好好味, 豬肉食唔到(又給人搶哂 ). 整體來說味道唔錯.不過奇怪事來了. 呢個盤菜大概7點用餐.我同老公11點幾就覺得非常口乾.唔通係.......師傅的關係?

兩年前到訪藍地季季紅之時,名氣還沒有今天的響亮,時到今天,除了已有四間分店之外,其藍地店更成為米芝蓮推介.果然不能同日而語.今個月的新界局,再一次來到藍地的季季紅,有人說過: (既然荃灣,沙田也有分店,不如在分店開局算罷,藍地的位置很隔涉,交通非常之不便....)我的反應就是: (要吃,就要吃總店.)道理很簡單.雖然在紅色暴雨警告,加上是英超煞科日,最後仍然有三圍人馬,出席者這晚的飯局.地點遠近隔涉與否,其實因人而異,如紅酒達人C先生,由住所來到季季紅,只是數個站輕鐵之遙.訂位分三個時段,新界人一向早晚飯,黃昏六點已經爆場,我們訂了七點半,幸好仍能準時交檯給我們,而且更可三張檯在一起,總算配合得來.開瓶費為$20一支,但店員說如果自己帶開瓶器來開,則免收.店內亦有"靚次伯"等名酒供應.除了蝦禾米釀乳豬要訂之外,其他菜式也是來到才叫.吃些什麼菜大致上也有心水.有好幾道菜是不能錯過.上菜速度極快,未幾走地大勝雞便出場,我們點了一檯一隻,顧名思義,這道是用上走地雞,肉質較為結實兼具有彈性,雞味亦濃郁,至於為何"多此一爪",我沒有去深究.湯水也是點回上次吃過,眾人也讚好的豬肺蝴蝶腩燉菜膽湯,每

除某些受宗教規條所限的國家之外，各地不乏特色的烤豬食譜，當中更會採用「釀餡」的做法，借助燒烤時溶解出來的豬油，好令內裡的食材來得更加美味；想當年在君怡閣中菜廳所品嚐的金陵乳豬，直到現在仍然教人回味之感。從食友間輾轉得知，另一間風味菜館季季紅也有「異曲同工」的菜式，用混上蝦米的絲苖炒飯，來代替軟糯滯身的糯米........正是要來的始終要來，經過多番的等待之下，上週日晚也終於坐在其屯門總店的席上。首次踏足屯門藍地，眼見之下仍保留若干古老圍村特色。據知不遠之處更置有農耕之地，正好肳合農家菜「用料新鮮，廚風樸實」的風格。得到車胎人的年度推介固屬錦上添花，始終要親自試過才能見其真章。說句實話，其沙田分店的印象只屬一般，這屯門總店倒是人氣旺盛，主人家訂了七時半的三圍桌子，到了相若時間才能交給我們，於指定時間內亦要還檯，據知一晚可會做三圍生意，看來可抱有一定期望。上菜速度也是甚快，由主人家點菜後到第一味上桌，前後不夠十分鐘的時間，其餘的東西也是陸續送上.......先來的是走地大勝雞，作為生前的「通山跑」代表，這是一頭有三隻爪的「崎胎」，看外觀也是呈現皮薄而肉厚，嫩滑來說就談不上，但肉質甚有質感彈

食物呢~幾句就講曬.基本是OK的,始終風味餐廳,要求不能太高.咁嘅價錢有咁嘅質素,算係咁.但幫襯呢間餐廳,就要有定受伙計氣的心理準備!或說今晚去食飯,聽到門口女知客叫檯叫我下一張(佢只叫冧巴),正常人都會問佢"我地果張呢?",點知呢個女知客塊面立即張飛+李逵上身,黑口黑面,禮貌當然欠奉咁話"我叫緊紅色,你果張係黃色!"(小弟好肯定佢冇講顏色!),我當然話番佢都冇講咩色...點知出事啦出事啦,原來"寧得罪君子莫得罪小人"係真嘅!其實呢D都係小小花絮,我地都癟擺上心...點知我地冇放上心唔等如人地唔玩野---我地一行人後尾係入面等,等呀等,等呀等,連呢個女知客玩左野都唔知---呢個蠱惑女知客竟然唔開咪,就咁真聲叫檯(大佬,咪玩啦,咁嘈唔用咪點聽!?!?)好快咁就跳左我張飛...後尾再要同佢擾攘一輪,佢先肯補檯...所以如果唔想貼錢買難受,就千祈唔好幫襯佢;或者要抱住"佢有咩錯,都係我錯"的心態,記住了清耳屎聽怇叫檯,咪又比佢有位鬧你(知客小姐,我黎食飯,唔係受氣架)!

燒鵝乳豬真係好靚, 好新鮮燒出來, D 燒鵝皮係有真正甘香味道, 乳豬靚就唔洗我介紹O 但是.....D衛生真係要搞好佢, D 蚊多到嚇死人, 一路食, 一路被蚊叮, 叮左我三四口, 好唔掂!

季季紅這間店，堂食幫襯過多次，味道幾好，然而，外賣飯盒的水準就不敢恭維。是晚幫襯了兩盒燒味外賣，最簡單的燒味飯：叉燒飯和切雞飯。叉燒飯，我落單時我同個廚講明要半肥瘦，點知，個廚完全冇聽入耳。回家打開一看，全瘦叉燒！？而且白飯上一點汁都冇。叉燒韌到咬唔開，色水又差，仲衰過大家樂的出品，一間名店連如此簡單的食物都處理唔好，真係自己打爛個招牌。切雞飯，隻雞分明未熟，仲有血水，雞肉仲要少到不堪。一間食店要做到出名不容易，但想做壞個名就好簡單。打死我都唔會冉再幫襯呢間舖的外賣燒味飯！

在這年的必比登推介中, 是有不少較為傳統的店子入圍, 裝修無乜, 以食物先行,當中包括了這店. 是日來屯門掃墓, 就趁這個機會試試這家店子, 究竟有甚麼優勝之處?店子在藍地, 在兆康搭一個站輕鐵就到, 下了車走過對面馬路就是. 不知為何, 從遠看, 店子的格局是幾國內的感覺. 訂位分兩輪, 當然要頭圍, 就是六點十五分. 星期六的晚上, 店子是相當爆場, 沒有訂位的, 相信要有排等.四個人吃, 不能吃大大份的蝦禾米乳香豬, 還好也能一試紅瑞乳香豬. 另外也揀了兩客推介菜色, 再加個湯, 相當豐富了.蝴蝶腩豬肺頂菜膽湯 $58: 7分, 相當大煲, 只賣$58, 是幾抵飲的. 湯夠清甜, 菜膽是幾靚的, 大大條但好淋. 不過就只得好少蝴蝶腩, 不能試清楚.紅瑞乳香豬 $95: 8分, 乳豬皮是非常之脆卜卜, 熱辣辣, 當然, 看這裡的人流, 就知店子的乳豬一定不會放了很久才奉客. 新鮮出爐的乳豬, 實是特別吸引. 除了皮之外, 每件乳豬也有不少肉, 肉質好嫩滑, 不算太肥, 不是好油膩. 要了1/4隻, 其實份量是相當多, 花了好一會兒才能清掉.香煎蓮藕餅 $45: 6分, 煎得比較油,

看了open rice, 知道季季紅在屯門區穩守第三位, 唸住應該OK卦.今天是星期六, 17:00 打電話試訂5人枱, 接待說有枱但時間定了17:45 開始 19:30 還枱. OK !18:00 到達, 姐姐安排到房仔入坐, 房仔有四張 5-6 人枱 及 牆邊三張 2人枱, 房內頭尾有兩部殘舊國產分體式空調.我們被安排到房尾的枱, 牆上的空調 出風 膠條門巳損壞, 冷氣機是正常, 但膠條門不能自動開啓, 經典是已經有人放了一副啤牌隔開膠條門出風.但這樣, 出風就固定直指向我們的枱. 馬上要求姐姐換枱但拒絕, 因為巳全訂滿, 無計可施下, 將這副啤牌移走, 房內只靠房頭的空調了. 是比較熱. 掃興 !立刻點菜, 希望盡快離場.1. 首先 半隻走地雞----- 比較咸 但總體OK. 2. 招牌小抄皇----------- 失望, 真是要拆招牌, 3. 四分一隻乳豬---------有水準. 4. 燒肉抄班腩------------ 太油 5. 最後 珊珊來遲的豬肺菜乾湯 (等了45分鐘) ------- 生意太好了, 可能煲的時間短, 菜乾都未淋, 火喉唔夠.第一次光顧, 但

乳豬四分一隻乳豬皮真的確是好化皮。好似威化餅的感覺，肉質都好軟錦錦，脂肪多了些，喜歡肥的人應該鐘意。可惜的是，D豬肉有少少尿味。脆皮炸豆腐好有豆味，皮當然很脆，內裏有豆汁，唔錯，唔錯炸蓮餅呢味毋特別，但真係抵食！好多件！走地雞有雞味，今時今日呢個價錢，都真係算好好了！因為太多人，所以待應都唔係好得閒理我地！厠所清潔好差，好嗅，當米芝蓮食府，SERVICES同埋清潔真係有侍改進。不過如果咩都正時，我估就唔會有這個用餐價錢！

近來喜到此午茶當飯,因貪此店11點後,大中小點一律皆為$9元之故.其中有幾款點心,覺得值得推介的是:鮮蝦腐皮卷(大) - 蒸完再煎的腐皮卷,負責煎的阿姐好心機,不濃又香口,好食!招牌麻蓉包(中) - 饀香包熱,甜度適中,不枉招牌之名!南瓜蒸排骨(中) - 肉排新鮮,味道調校又不錯,但最好食是南瓜!還有蟹皇干蒸燒賣(中),及海皇煎薄餅(中) - 都有上佳水準!

一行十多人在門外等了又等，等等等，終於有很食了。燒乳豬對我們一班疑似化骨龍來說沒有難度，咁多人又係新正頭當然乳豬全體啦，乳豬上台了，嚴禁起筷，因為要先來給乳豬全體給我們拍個「全相」，香噴噴流口水名不虛傳的乳豬很快就己經被消滅了。其實這裏還有其實他傳統菜式也很美味，例如豉汁鱔、藕餅、蝴蝶肺湯等等，大部份也是廣東傳統的味度。這裏是藍地大街，交通不太方便，環境是舊式，服務也沒有市區的機械化，可是有一種人情味，今次十多人叫了九個菜飽到肚子爆，又啤哂又汔水食到很滿足，每人都不需一百元，新年有這個價錢算平宜了。http://icuteee.mysinablog.com/index.php?op=ViewArticle&articleId=2964039

聽講係米芝連推介, 去試下(仲一定要去總店食)假期分兩輪時間6:15 or 8:00,一早訂o左7位6:15嚟食呢餐6點半個場已經好full, 我見檯檯o既差唔多全部都有叫蝦禾米乳香豬 ($580一隻)真係有得10-12人叫呢隻豬先食得晒,我地覺得都值得一試, 不過得7位girl,不過驚食唔晒就冇叫.下次有機會一定要試下。環境就好迫又好嘈,不過真係大件及抵食, 又唔貴.豬肺頂燉菜膽 - 燉湯清甜,真係老火足料,好味乳豬半隻--> 皮脆入味,乳豬好食.香煎蓮藕餅-->口感爽脆,大塊又唔油,蓮藕粒撈入豬肉,推介黃金蝦-->好油今餐整體OK,價錢亦係好抵!