季季紅風味酒家

Open Now

Now Closed

jul 11, 09,大約有22人嚟dinner,開咗2圍,叫咗 : 1) 燒乳豬 x 2-外皮光滑,有光澤,聞到好香,侍應用較剪剪好1件件,再上枱-個皮好薄,都脆,但唔喺勁脆,皮下層肥膏都大約有2mm厚,話瘦唔瘦,話肥唔肥,最底層嘅肉就好嫩滑-據聞另1枱嗰隻嘅皮就唔脆 <---食友從另1枱帶來1舊等價交換番我哋嘅1舊-除咗乳豬外,底下仲有炒飯,混以蝦米粒等材料來炒,也很夠味,濕度可以乾身d就會有水準d-旁邊嘅食友呢上個月有嚟食過,話上次無論個皮同飯都做得出色d,所以評佢水準唔多穩定 2) 燒鵝 x 2-呢隻好明顯喺鵝,無花無假-但就醃得毫不入味,雖然啖啖肉,但可惜調味不夠,鵝味又無-好唔掂哉~~~ 3) 白菜豬肺湯 x 4煲-呢個嚟得自然嘅清甜,無味精-我飲咗2碗 4) 燒肉 x 2-睇鱔稿,呢個豬種同乳豬不同-燒成芝麻皮,反而呢個皮脆過乳豬喎-脂肪比例肥肥哋啦...........但絶對可以接受-肉又鬆 5) 上湯蒜子莧菜 x 2-莧菜好嫩,連同炸香嘅蒜子-好味,連續食了3味肉,終於可以有味清清地 6) 翠玉瓜魚肚 x 2-正常 7) 煎藕餅 x 2-雖然大家都飽,但好彩攪

舊同事熱情邀請一敍，因工作關係，大家找了藍地「季季紅」，一來頗有名堂，二來揾食艱難，吃得相宜一點大家可以更暢懷。題外話，我發覺香港的交通真的方便得緊要，西鐵兆康站加一個站輕鐵，藍地鐵路站，巴士６３X、５８A、又有小巴到，真的沒想到講番食物先　最出名的湯，今人最失望的出席朋友多，所以叫了兩個湯，個待應話兩個湯都一樣，例湯是西洋菜煲生魚，另一個是著名白肺湯，她可能老實人，見湯底一樣，所以便說兩個湯一樣，如她說，湯一樣的淡，一樣的沒特色。　藕餅，最正外皮香脆，內裏又粉又軟，又不油“利”，正正正登！登！登！蝦禾米乳香豬賣相正，完隻才三百多，連飯多一百七十，十三個人食到抱晒肚，又香、又脆、肉又欶,Yummy. Yummy.冰陣醬燒骨酸甜適中，肉質可口軟滑，表皮燒得香，好味！眾同事一出手就掃清！　走地雞....... 走眼........ 似雪雞多啲，沒甚麼好評其他餸如金沙蝦、腐乳通菜、等等..... 不錯啦！有汽水，有酒，有茶有水包埋都是一千三百元，位位一百左右，感覺好抵，祗是服務一般而巳，但一想到這價錢，乎復何求呢！其實「季季」位於妙法寺隔鄰，週圍也有其他特色農家食肆，大家可以當郊遊鬆吓也可以

第一次來藍地,朋友介紹來這裏吃晚飯.來到的感覺不似在香港,反而有點似在鄉村,那一刻的感覺是食物應該很有風味.一早訂了枱,第二輪8:30開始,但即使walk-in問題也不會太大,因為還有不少枱.餐牌還未看已心思思想要燉湯,風味十足之餘友人也說水準不錯.蝴蝶腩白菜豬肺湯,湯煲得十分雪白,除了清甜之外沒有甚麼字可以形容.蝴蝶腩較瘦,肉質也會較實.豬肺不見得很多,白菜煲得很淋但仍很美味.季季紅的招牌菜首推乳豬,他們也很懂生意之道,推出A+B套餐,乳豬,燒鵝,大勝雞都不缺.第一次來,先試乳豬,例牌份量其實已很足夠.乳豬皮極脆,有如剛剛燒好的模樣,但亦不乏油脂,連著肉來吃會減少油膩.乳豬實在出色,但其他菜式也不容忽視.豉汁蒸白鱔,又一大力推介,蒸白鱔的火喉剛好,白鱔肉質又嫩又滑,爽口又彈牙.豉汁更是靈魂所在,一滴不漏的用來撈飯最好.門外看到介紹蓮藕餅,加上不少食客也有點,所以我們也來了一客.蓮藕餅本身味道不算濃,但只要一蘸喼汁就把味道吊出來.最重要的就是吃出粒粒爽脆的蓮藕,縱然豬肉比例較多,但不會只有肉的肥漏,真的叫人停不了口.想吃一些較特別的風味菜,突然想起了魚鰾,魚鰾菜式只有兩款,最終要了海參

位於台灣的"藍色大門",內裏的桂綸鎂純如開水,清新脫俗得令人難忘.看罷此片之後,也想身邊有一個如她一樣的女性朋友.位於屯門的"藍地大門"外,季季紅酒家的招牌非常搶眼,當此酒家前身尚叫"天河酒家"的時候,因為家人同酒家老闆份屬老友,所以常常到坊,說起,已是廿多年前的事情.今日同一位置,人面同面目全非,現今的季季紅酒家,以燒乳豬,同一些用豬內臟做出來的菜式馳名,住在市區的食客,更不惜山長水遠入來,為了吃乳豬.是次的新界局,便在此擺一圍.是夜一行十六人,最大的檯也能勉強擠得下.平日晚上的季季紅,食客不絕.早在訂位前徇問過店員,有沒有豬天梯等菜式,店員給我一個失望的答案:{而家無呀,因為近日無貨...}沒有豬內臟,便向其他菜式埋手.本來平常不過,在各大牌檔,小炒店也吃得到的椒鹽九肚魚,落在季季紅手上,香脆可口,肉質嫩滑.不比外面做得差.無骨燒腩仔是此店的另一道名物.個人曾經說過,平生吃過最好的燒腩仔,在灣仔新鴻基的"海都".後來在澳門MGM酒店的金殿堂,同樣吃到出色的腩仔.而季季紅的級數,當然沒法同前兩者比.此燒腩仔皮是芝麻皮,入口近乎即化,肉質較厚,吃落有肉香.缺點就是不

長途跋涉, 放工後....揸了車入屯門 join 老公, 在農家菜館與季季紅之間選了後者!最出名的是化皮乳香豬, 於是叫了1/4隻, $95, 嘩....好肥美, 皮好脆, 微熱, 人多會好啲, 兩塊起三塊止就剛好!豬肺蝴蝶腩燉菜膽, $48/盅, 第一次食蝴蝶腩, 好腍, 連埋少少筋位, 有咬口, 肺唔多, 湯幾甜, 無乜味精反應!侍應有禮, 勤快, 鄉村地方酒樓, 算乾淨, 企理, 下次會再試試蒸魚, 燒骨.....

千九篇食評了，就寫最近一頓很滿意的晚餐，那就是季季紅的乳豬宴。 話說小妹曾於藍地讀過兩年，從來都未發現有間如此高質酒樓，揀這裡開飯只因近親家。店如其名，季季紅人氣火紅，幸而龍一早訂好位；兩層的用餐環境及菜單頗有大陸風味，連價位也份外相宜。與鳳城相似，季季紅亦有多款全包套餐，不過為了一睹乳豬風采，是晚選擇散叫：　豉椒味菜鵝腸($48)-以自帶香檳開胃後(開瓶費只$20)，首先上場是香濃入味、質感爽脆的鵝腸，加上同樣滋味的味菜，撈飯實在一流!金銀蛋莧菜($42)-鮮嫩清怡的莧菜份量甚多，配料也十分充足，是近年吃到最滿意的一個配菜。至尊燒鵝皇($70例)-季季紅三大必食推介，除了乳豬，還有大勝雞及燒鵝皇；吃膩了雞，大家決定改要燒鵝，確是皮香肉嫩還帶甜，不過肥得要緊的鵝隻有寸厚脂肪，而且熱度不夠也影響了風味。豉汁蒸大鱔($58)-想吃的九肚魚沽清，經阿姐推介改要了這味，大鱔是意想不到的肥美鮮滑，除惹味鼓汁還滲出淡淡果香蔥香，真是非常美味，我忍不住吞下3數件!脆皮乳香豬($190)-吞不下整隻豬，原來點半隻也有連豬頭上，很窩心。乳豬皮實在是脆得要緊，肉質也香馥嫩滑甚有水準，絕對比新斗記更有吃頭。

由於睇左最新依期既u magazine...又一次睇到季季紅依個名!!見佢依排係好多雜誌 電視見到佢!!於是決定黎試一試係咪真係咁出名~~早幾日book定位先同埋最出名既乳豬以及豬天梯先~~我地大概7點半鐘到.....出面已經係好多人排隊.....真係有d意想不到!!因為話晒都唔近市中心~~@o@""坐低之後叫左幾個小菜:1:乳豬: 岩岩燒起.....仲好熱...皮十分脆!!唔太肥...有一層簿簿既肥膏!!果然你招牌菜2:煎藕餅: 一黎到睇落表面好乾 諗住唔得嫁啦碟野, 點知一試之下....餅入面原來有d汁係入面驚喜..幾好食!!!!3: 豬肺湯: 飲落感覺幾清(唔係好識形容^^") 不錯不錯4: 咸酸菜炒豬天梯生腸頭:由於黎之前做晒功課, 知道依呼送唔係成日有,於是預先訂定!!咬落去好爽口!5: 燒肉拼大勝雞: 好有肉香, 同埋咬落去唔乾身, 有肉汁湯出黎...皮好乳...化皮的!!!6:牛仔粒: 有芥辣味..本人麻麻地~~但可以接受7:叫左個金銀蛋"燕"菜: 通常都唔差d!! 可讚的是菜還是翠綠色的...其他配料都好足!!我地一行7人埋單都係700幾蚊!!野食整體黎講都好滿意...

這裡出名係乳豬, 訂枱時已經定咗隻所謂馳名但乳豬, 不但唔得, 其他強差人立意囉!!乳豬 ~ 上到枱買相好似好得, 但內裏肥滕滕, 好失望呀, 從來無食過咁超肥o既乳豬, 如果唔係咁肥, 呢班恐龍一定無得淨, 皮又唔夠脆, 無肉, 得厚厚肥豬肉, 冇呀滔滔講到咁好食囉, 完全係兩回事!!走地大勝鷄 ~ 無乜特別, 如白切雞一般!!桂花魚翅炒蛋 ~ 炒得幾好, 唔太油, 不過唔係好滑!炸大腸 ~ 脆卜卜, 不過太細碟亦無特別!咖哩牛腩煲 ~ 咖哩味幾好, 牛腩淋!!椒絲腐乳炒通菜 ~ 炒得唔太油, 味道啱啱合格!!蓮藕餅 ~ 少蓮藕, 以一般普通炸魚餅!!柚皮火腩大鱔煲 ~ 鱔都幾大舊幾滑, 但柚皮唔入味o既!! 豉汁苦瓜蒼魚 ~ 苦瓜好味, 魚都ok o既, 不過無乜特別驚喜!!冰淋醬烤骨 ~ 完全feel 唔到什麼冰淋, d 豬肋骨太重梳打味, 肉味欠奉, 應該叫梳打骨..no good!!椒鹽九肚魚 ~ 極差..粉超厚...魚超細又梅..嚇死人!!糖水 ~ 紅豆沙及西米露, 晚餐附送, 唔食都吧, 甜到爆!!食物唔得, 服務又唔得.........無下次!!

一行五人, 由粉嶺出發去屯門藍地, 經過一輪尋覓, 終於搵到佢地個停車場, 原來就在妙法寺隔離既車房, 由於事前訂位已經通知要等我地到左先燒乳豬, 一入到面口未坐低, 已經有位姐姐走黎招呼問係咪上次黎食覺得隻豬唔夠熱, 咁當然就話係啦, 佢話冇問題, 你地坐定左我即刻叫師傅同你燒熱佢, 我覺得呢個服務真係好食物質素係唔差既, 除左我覺得隻豬有股騷味之後, 其他人都覺得好食, 真係皮脆, 少肥, 有肉, 而且真係上菜既時候係熱既, 我最鍾意食既係黃金蝦同埋蓮藕餅, 夠乾身, 脆口, 絲瓜平時我係唔鍾意食既, 但係是晚我都食左幾件, 不錯, 最少令我接受到絲瓜既味道, 湯亦都唔錯, 大家黎食飯既不妨叫佢地既湯, 雖然我地只係叫左其中一款, 但係咁啱隔離枱又叫左另一款, 朋友話聞到覺得好香喎, 我諗應該都唔錯, 雞皮的確係爽口, 雞肉都係實既, 我諗走地雞應該係咁啦, 而且冇乜肥, 如果想食滑滑既雞肉, 我諗應該就唔多啱食啦, 朋友仲叫左個炒飯外賣, 冇照到相啦, 但係應該唔錯, 而且向車度都聞到炒飯既香味, 下次去我地一定要試下....飯後仲有糖水送, 不過我就覺得略甜啦, 紅豆沙朋友話麻

因為亞媽生日, 正當煩惱緊去邊到食之制, 諗起早前電視同雜誌介紹得好勁, 於是早一個星期book位, 特登係觀塘入黎試下!!第一次去藍地, 老實講真係幾難搵下~~兜左一排終於入到去坐低,可能星期6既關係, 好多人~~好彩book左位姐!!我地book左一隻乳豬, 牛仔粒, 雞, 同埋幾碟小菜~~其實入黎之前都有d擔心, 因為依d比較偏僻既地方我諗都麻麻地!!抱住一般既心態試下!!點知...乳豬超正, 皮燒得好脆, 因為岩岩燒起, 好熱,唔肥,好有肉味!!比起d雪藏野差好遠牛仔粒ok啦, 因為芥辣太重啦我覺得~~雞好有雞味, d皮咬落去識彈開咁(好似誇左小小, 唔識形容), 唔太肥,正~~亞媽都話食得好開心!!又唔貴~~下次有野慶祝都會再黎, 乳豬真係太好味啦!!係出面好難搵到~~

傳媒效應的確犀利，我住藍地呢頭，以前呢間酒樓人客一般，通常係d街坊落嚟食飯，自從無記介紹過，就真係勁旺場，聽講好多人仲特登入嚟食。不過飲茶就落後d，佢地無推點心車(實際上都唔會夠位，因為幾迫)，但又無點心紙喎，淨係有一個自取的角落位，咁就人人堆晒果度，都幾危險架。仲要時不時留意住佢幾時有點心出嚟，所以唔可以悠悠閒閒咁邊食邊傾偈。仲要我地3個人坐4人枱，諗住差唔多啦，突然無聲無息又叫咗1個人嚟搭枱，搞到偈又傾唔到，又迫又唔舒服。最搞笑係今日諗住叫個鴻圖窩麵，但家人唔食麵，就想改米粉，呀姐話如果出嚟個樣唔同，就唔會跟餐牌價錢，但又無講幾錢喎…咁佢推介不如食雪菜火鴨絲窩米，都ok喇。點知嚟到，火鴨絲變咗煙鴨胸絲，雪藏野無味無道果種。車~~同我自己煮個米粉咪一樣？人地就係想食燒鴨嘛…本來諗住同佢講，不過見人頭湧湧，又迫又要搭枱，咪算囉，拿拿臨食完就走。

一向食開都係季季紅的乳豬今次有屋企人舊曆生日~買返隻靚靚白切雞嚟食下先嘩~估佢唔到唔油爽皮肥膏少肉嫩真係正呀!!!!!!!!!!!!!!!!!!!!!而三十蚊的叉燒~居然係滿滿的一盒佢唔係鮮紅色嗰種賣相唔算好但佢肥唔太多之餘~瘦的肉係嫩的雖然唔係最好味嗰種 "三粒" 叉燒但佢呢 "2粒" ~只係30蚊有一盒~很不錯呀~~~咁搞法...下次食邊樣好呀....

季季紅除了乳豬出名, 佢啲點心都幾好, 我有時朝早都會外賣幾個點心返屋企食。盅飯係必食, 因為抵食又好味, 北菇蒸雞最好食, 不過好多時都賣晒又出得少, 鳳爪排骨就最多, 都好好味架, 飯粒分明有咬口, 鳳爪排骨好入味, 排骨又唔會肥, 我有時自己一個都可以食晒一盒呢度啲雞扎都唔錯, 最好味係佢啲腐皮, 用兩層嚟包, 愛食腐皮如我超滿足。叉燒腸就今次第一次食, 好足料件頭大, 略嫌皮厚咗啲同醬油唔夠, 但味道唔錯。風味酒樓啲點心一定唔會小巧精緻, 但點心粗枝大葉亦幾有風味呀

其實如果唔係要入嶺南大學安排李燦榮做Training，再加上電視上星期介紹屯門元朗區圍村菜，我一定醒唔起呢間咁經典既乳豬酒家，而呢間酒樓係門口已經見到大大個招牌介紹佢地既"會飛、會走" 招牌菜 "乳豬，燒肉，雞"早上係嶺南食完一個經濟得來又不過不失既早餐，當然對呢個期待已久既午餐抱有好大期望，我地以為D新界酒家應該好容易搵車位點知我自以對當地好熟既"嶺南仔"都唔識搵，最後都係對面街過左妙法寺再入藍地大街停入一個私人屋村內泊車。停車後，其實沿藍地大街都好有元朗流浮山小鎮風情，唔係一定要去台灣海角七號先可以體會到呢種平靜既自然生活。我地四個人一入去當然係即刻叫半隻乳豬，隻乳豬送黎時溫度都算溫熱，但係因為呢隻豬就好似上星期老板係電視介紹，呢D豬係比一般乳豬多養兩星期，所以係香脆既面下有一層薄肉，口感十分豐富，再加上酒樓所配一隻好有酒香既海鮮醬，令你覺得好有一份心思的配合，連Uncle Yu 這位經常進出高級食店都大讚” 好野!”呢間酒樓除左有比較新裝修外，營運同點心設計仍然係保持70年代酒樓模式，你可以大帽川龍咁五點鐘去就係到飲茶，點心好有懷舊Feel，” 豬潤燒賣” ，”豬腳醋” ，”千層

舅父搬左去藍地之後~第二次食季季紅的乳豬同行有講普通話的家人~我地話去"季季紅"買乳豬但由於 "季" 的國語~ 同國語的 "雞" 同音未買已經鬧出第一個笑話~~今次買的乳豬~比上次肥~唔知係唔係因為冬天~d 豬肥d呢~但皮一樣脆~一樣香~而且放左一排食開始食~都冇話太多肥油湧出來~很好呢~~~~~~~~不過新年期間想堂食~真係要諗過~有食客投訴~等左半個鐘~都仲話隻豬燒緊~~~~~估唔到平時的笑話~嚟到新年~會變事實~哈哈~