季季紅風味酒家

Open Now

Now Closed

是日家庭聚會，大家都選擇去呢間，因成日都有好多人，所以就突登山長水遠去試下(諗住去總店有風味d及好食d)。去到緊係要叫隻招牌燒豬仔啦，上枱時會原隻放上枱比大家影相。睇隻豬仔好似好細，但切開一件件上枱時，份量都幾多。燒豬仔內有炒飯，炒飯料有蝦米，再吸收了豬仔的精華，但炒飯仍然乾身，味道不錯。豬仔皮真係幾鬆脆，肉質都幾嫩，而又不會有太油膩。豬肺湯 -- 一般，沒有什麼特別。而其他餸菜完全可以唔提，上枱時不夠熱，好似已經放左好耐咁，凍哂。總括講 : 除左招牌燒豬仔之外，其他的可以不用叫。

除左乳豬同雞外．．．其他真係超級麻麻地叫左好味既有乳豬，好脆，不過佢開頭原隻放上枱果下真係有ｄ嘔心，仲要聽到ｄ食客話：真係無陰公，隻豬仔都唔知得幾多日大。反而切左上枱感覺好好多囉．．之後既餸真係一件起兩件止富貴黃金蝦+蓮藕餅: 無蝦味又無咸蛋味，重來都未試過蝦會食唔哂，今次淨左好多隻，我都係味左1/3無食；蓮藕餅 OVER COOKED 喇．睇落就知燶燶地，咬落，唉，食左一半咋唔記得乜斑西蘭花：魚唔夠熱，西蘭花又硬，好失敗仲失敗既有豆腐炆魚腩、魚頭：嘩Ｄ粉包到Ｄ魚又厚又實，都唔知食粉都食魚囉　海蔘+豬軟骨+黃牙白：一般，我唔知果Ｄ係唔估豬軟骨，只係覺得好似撈埋Ｄ唔知乜黎炆雞：有雞味又滑，真係難得一樣我可以食到四舊既餸仲有餐送既紅豆沙，平時唔好甜既我，仲有位食得落一碗。其他仲有Ｄ乜我真係唔記得喇，實在係我食過最差既一間"中式、風味餐"另外太迫了，又有烏蠅飛黎飛去，雖然明白到佢分三個時段要交場比下一輪食客，但可能就係因為咁，Ｄ餸真係唔係幾掂，好求奇．．．失敗。

是日星期六關係, 太多訂位要到9點先有枱. 早15分鐘到左, 真係幾人山人海.晚飯當宵夜快點了幾個餸例湯豬肺頂蝴蝶腩燉菜膽 好夠味蝦禾米臘味芋粒乳香豬 以招牌菜黎講都算係差豬乳皮下脂肪奇厚，吃多了就覺得很油膩,反而飯粒沒有想像中的油膩，相對乾身，粒粒分明，吃起來味道不錯。梅菜蒸鯇魚 有泥味又蒸過濃仲梅梅地椒鹽鮮魷 出面任何一間都比佢好蓮藕餅 熟唔透 入口張住蒜蓉炒菜芯一個普通菜都做唔好的話, 真真要檢討檢討

跟朋友聚會，選了在屯門出名的季季紅，三人點了︰乳豬例牌︰雖叫乳豬，但肉頗厚，跟隔離枱的全隻乳豬薄皮有明顯分別，味道似燒肉金銀菜豬肺湯︰有好濃豬騷味，唔好飲蓮藕餅︰蓮藕份量極少，大部份係豬肉，不如叫豬肉餅算蒜蓉蒸勝瓜︰呢個幾好味，勝瓜夠滑，大量蒜蓉除去勝瓜的腥味炸豆腐︰太乾身，不夠滑門口超多人等位，但我覺得名大於實

老媽生日，叫左隻蝦禾米乳香豬~成日都有人話好肥好肥，邊有乳豬唔肥呢？怕肥應該食白灼菜。我呢d中意食肥野的肥妹就岩食乳豬喇，哈哈哈！我細佬外賣自取返黎，返到屋企都熱，幾好丫！佢有d位個皮好脆，有d位就唔太脆，外賣都算係咁！脂肪分佈都平均，有d位會肥d。但我想講個飯好好味！個飯有好細粒的芋頭，食落唔覺，但係會好香口，個飯好香！成家人食哂個飯！生日叫隻都幾開心！

太肥太老的乳豬, 推介的朋友亦大感失望強差人意.....!!!!人頭湧湧之際~嚇人的厚漿及油淋細蝦; 朋友一試即停手 絕對難吃而不似樣椒鹽白飯魚香脆尚可油炸骨多於肉, no way!傳統煎蓮藕餅味道都可以接受粗粗地白菜好過無!朋友推介下, 當為團年飯局, 大家尊誠一圍12人到達, 雖然已預訂但仍然要等, 都算霸氣侍應繁忙無表情可以理解 , 但飯館太細人人自然有壓力都有些售罄的菜色老得"粗鞋"而且無味 , "雞王"大失所望, 相信無下次 !

小朋友生日, 即日訂咗隻蝦禾米乳香豬.之前見到好評如潮,已經想試佢好耐,今次因利成便.訂咗取豬4:30pm, 去到已經有隻熱辣辣的豬仔係到等緊我地帶佢返屋企.運送途中, 豬香滿車, 返到屋, 雖然個樣似隻臘腸狗,但味道真係.....油香四溢, 皮脆肉嫩, 飯呢?!轉個頭已經清哂!!!!$620 正價都已經ok 有餘, 我仲係拍賣網用唔駛$500就可買到.抵到呢.又係時候心思思, 睇吓幾時帶隻臘腸狗返屋企喇!!

季季紅(18人)蝦禾米乳香豬~待應原隻上，給時間拍照，才拿走斬件。很貼心做法。富貴黃金蝦~食唔到咸蛋味唔夠，上粉太多瑤柱金菰西蘭花~唔錯石窩鮮黑草羊腩~羊腩少配料多豉椒炒聖子~新鮮香煎蓮藕餅~咸香好味~讚季季紅小炒皇~不過不失冬菇海蔘炆魚標~件數太少冰淋醬烤骨~味道不俗季季紅一品煲~下次唔會叫野菌脆肉瓜~無特別籠仔古法蒸山瑞~新鮮味道好 草原飄香羊棒膝~太大件，18件上菜時嚇死，兩人share 食一支好夠東瀛牛仔粒~創意菜式~讚椒鹽脆豆腐~樣衰，味道無問題椒鹽脆果鮮魷~厘個幾好野菌浸魚標~樣衰，唔好食

父親節翌日, 一家四口來這裡食飯, 我都叫左我細佬book位架啦, 佢又話唔駛, 話 d 人尋晚食哂啦, 今日星期一應該冇乜人掛? 點知七點半去到, 門口都有一堆人, 諗住為有排等, 點知都係等左 15 分鐘倒, 算 ok 啦, 但係上到樓上, 見到有幾張吉台架.... 坐低左之後, 環境都ok, 一般舊色酒樓/飯店咁既格局, 侍應都係一般舊色酒樓/飯店咁既侍應......不過態度唔錯, 我地張台對到正風口, 吹到我地頭暈, 咁我地就話唔坐呢張, 如果冇台我地寧願落去再等過. 咁跟住佢地又搵到張角落頭位 (同隔黎台逼逼地) 比我地, 咁都冇所謂, 唔好吹到正就ok, 搞左一輪 d 侍應都冇話唔耐煩咁, 都仲同我地有傾有講睇過哂食評先黎既, 我地叫左 d "聽聞" 係必叫的.....乳豬例牌 - 皮脆肉嫰, 又唔會太肥, 好味~ 如果多人叫一隻仲正, 成隻豬上個 feel 好好多 蓮藕餅 - 冇介紹錯, 香口, 爽口, 又唔會太油, 好味~菜乾豬肺湯 - 好好飲喎! 個湯好甜好夠味, 又有白菜乾的香味又有豬肚的香味, 比想象中好, 湯渣另外仲有豉油呢下幾細心, d 豬肺我都有食, 平時我

今日係端午節, 我家按照以往慣例, 都會一齊食餐飯慶祝呢個中國節日. 老爸提議到呢間一試, 早一個星期前BOOK位及預訂半隻乳香豬. 一行五大一細, 18:00到達. 除咗半隻乳香豬外, 再加多三個餸. 乳香豬半隻--外皮香脆, 咬落滿口油香. 比較油膩. 只可一件起兩件止, 多吃實在很"漏" (好在無ORDER釀飯果款咋) 大勝雞半隻--唔肥且夠入味, 可能係走地雞, 雞肉較實淨. 海鮮雜菜煲--都算多料. 有蝦, 魷魚, 珊瑚蚌, 帶子等海鮮, 味道OK. 但粉絲較林, 唔爽口. 椒鹽脆果鮮魷--腰果香脆, 鮮魷都夠乾身, 起碼唔會食到一口油.一支嘉士伯+兩罐仙地+兩碗白飯. 埋單$579.00

父親節前一個月已BOOK定枱準備同屋企人去藍地季季紅食飯慶祝, BOOK枱時已經知道好多人, 因為分0左3個時段: A): 6:00-7:00p.m.; B) 7:30-9:00p.m.; C) 9:00p.m.後。 由於要等齊人, 所以我揀0左C)。 第一次0黎藍地季季紅食飯真的被肩摩轂擊0既情況嚇了一跳, 8:50p.m.來到, 門口有好多WALK-IN客在等位, 幸好一早已BOOK定枱, 心想:「茣非真係咁好食?」 由於我0地係慕名而來, 當然一早SEARCH定D招牌菜啦! 乳香豬:一早要ORDER定先有, 平日$520/隻, 父親節要$620/隻。由於係必食0既得獎招牌菜, 貴$100就貴$100啦! 我0地6個人食半隻就夠, 不過唔知有無得ORDER半隻, 同埋半隻應該無得同乳豬影相。 乳香豬0既賣點係將D飯釀入乳豬體內,然後用炭爐燒, 唔駛用針拮D皮都依然鬆化脆口, 所以D乳香豬「皮光肉滑」, 但個人認為這食法令乳豬同飯都好「漏」, 故本人喜歡傳統果隻食法多D。 大勝雞:雞肉好滑, 喜歡食雞的父親大讚好味! 另外, 看見牆上有張POSTER寫著:「大勝雞多

粵菜正合我爸爸的胃口，他可是個傳統中國男人，對其他國家的菜式都不太感興趣。聞季季紅之名一段時間了，在徵得爸爸媽媽同意後，是夜一家四口來到藍地見識一下他們的風味。酒家在馬路旁，招牌大大，五光十色的燈光，是吸引眼睛的最佳方法。已經訂座的我們被侍應領到二樓去，樓底很矮，感覺焗促，此時的媽媽已經有點怨氣了 我在開飯裡做了點搜集，點了以下的菜豬肺頂菜膽湯 湯用小瓦煲奉上，侍應姐姐熟手的將湯和湯料分好，湯顏色清徹，熱氣從湯面升上，溫度是夠，可惜湯帶著一種奇怪的味道（我跟媽媽喝得出來），後來從湯料中找到了答案，原來下了豬腸同煲，那種怪味就是來自它 乳香豬（半隻）看到每枱也見其蹤影，是這裡的招牌，我也是為它而來 乳香豬烤外表得香脆，脂肪薄薄一層，肉質軟腍，無論單吃，沾糖或醬，在我而言已經很好，可是在爸爸眼中卻是不合格，嫌它肉質不夠香，只有脆口的份兒。走地大勝雞（半隻）即是白切雞，個人認為這樣的煮較能吃出雞本身的味道，而且爸爸愛吃食物的原味。猜想雞是冰鮮貨，但肉質尚算嫩滑，雞皮下的脂肪也不多，吃一，兩片也不過份。香煎蓮藕餅我最欣賞的一道菜，蓮藕跟豬肉切得碎碎，造成小圓餅狀的它被煎得金黃，口感爽爽有汁，不

又到母親節, 一家人慶祝總是離不開中菜, 不想到連鎖集團, 左想右想之下腦海浮起了季季紅的大名, 記得為米芝蓮必比登推介, 甚有來頭, 提議之下果然一呼百應, 隨即訂好座。 這次去了藍地的總店, 一行七人被安排坐樓下, 格局就像普通的酒家一樣, 十分光猛, 檯排放較密, 略為狹隘。雖然臨近母親節, 但店家沒有開天殺價或硬銷套餐, 只見單點小菜平均約$60-98, 可算經濟實惠了。 菜式選擇反而沒想像中般多, 唯大路小炒、燒味和湯羹,基本的都齊備。 從來兩位大人對點菜都沒太多意見, 這重任就交由兩兄妹負責吧! 加上已預先做定功課, 知道那些為招牌菜, 不算件難事。 一向都不會特意點湯, 除非是遇上一些特別或者在家不煲的款式, 蝴蝶腩豬肺菜膽湯$78)就正合大家心意, 現場所見這湯也是熱賣的, 幾乎每檯都會點的。 只見外面一直以爐頭加熱, 再原煲上, 沒有經由其他器皿分隔熱力, 自然熱力迫人, 燙口非常。 由店員主動分成小碗, 湯料另外裝盛。 湯頭入口清甜, 充斥著菜香和肉味, 愈飲愈感清潤, 那份甜絕不作假, 六人分享之下, 剛好只得一碗, 個人仍嫌不滿足呢! 再試試湯料, 自知豬肺清

今晚到屯鬥出席長輩的壽宴，其實日前已訂了位，但由於人太多所以都要等，我們等了大概十五分鐘終可以往樓上入座，我們共有23人要分開兩枱坐。先來全隻蝦禾米乳香豬上枱，感覺有點奇怪，因為全隻豬都是"光身皮"，而且四隻腳伸了出來，又未斬件，原來是讓客人欣賞他們的招牌主打，更讓食客們影相留念，我一定不會放過如此好機會啦 ! 蝦禾米乳香豬 ~ 分件後把隻豬分開每枱半隻上，雖然係招牌菜，但我個人較喜歡吃芝麻皮那種脆皮的口感，唯一不同是多了些炒飯分散了注 意，幸好炒飯夠乾身，其實尚算不錯，但呢隻豬的價錢要620元真係幾貴。大勝雞、香煎蓮藕餅、 炒菜心、 茄子煲 ~ 都係普通。 豬肺湯 ~ 好清，比較淡味。冰淋醬烤骨 ~ 酸甜適中，開胃惹味。芝士琵琶豆腐 ~ 比較普通，我本人並不喜歡太多汁。豉汁蒸黃立倉 ~ 沒有泥味都算不錯。壽包 ~ 大大個，最欣賞裏面有少許鹹蛋黃特別好味，但完來有部份是沒有鹹蛋黃的。已忘了這餐飯結賬是多少費用，由於今次是以家庭形式計算，所以共除開八份請長輩吃飯，所以我和另一半是其中一份共付了300元，全晚除了隻豬整體而言都算便宜。

有時任你口若懸河 ，說得嚐過的美食怎樣精彩，身邊人始終未能品嚐，徒添的只有遺憾，以往曾提過及屯門藍地的季季紅，其實家中兩老很想光顧，卻因為遠程及其他因素而緣慳一面。自從家妹成為屯門人之後，生活玩樂亦以那裡為依歸，當試過而有了信心之後，就趁以慶生為名，湊集足夠人數之後，最後於本月閒日晚上，安排了一場盛宴。想上年也曾作客於此，對店內的多款主打已有認識。今次的最大分別，是上次攪手們主要以散叫為主，相對選擇上較為靈活；至於家妹則著重精打細算，看中店內的實惠套餐，不到千六元的價錢，已包含店內的多款招牌菜及諸般什費，足夠十二人享用，大家取向不同本無不妥，就看店內的擬定菜單水準如何。先來的是招牌燉湯，上年的豬肺頂菜膽湯實也驚為天人，今次的菜單除了保留在內，原來亦有另款加以選擇，侍者看我們心大心細，逐說會來上兩盅，所以建議每款各來一盅，既是不錯的提議，自也找不著拒絕的理由。本身用料親鮮，加上火侯足夠，兩樣因素配合起來，這店的老火燉湯自也清甜之至。相對上次的白菜及豬肺頂組合，今次初嚐的西洋菜豬踭生魚湯，其鮮甜味道可更勝一籌，起碼來得濃身。每人分得二至三碗之餘，還請不要錯過其湯渣，無論剩吃及沾上醬油，本屬