將軍麵館

Open Now

Now Closed

今日去到天水圍新北江呢間將軍麵館吃晚飯，點左個將軍撈米線，都係２６蚊，我再加２個餸，再加支豆漿，都係５０蚊有找。舖頭算細, 坐滿人, 都幾迫下。碗麵配料多，有芽菜、花生、自家炸醬…撈埋一齊好香口，賣相豐富而且好大碗！我仲食唔哂。配菜方面亦都好多，詳情請睇餐牌。我就推介豬頸肉，肉質鮮嫩，香而不辣，有番咁上下質素。另外我叫左水餃，不過不失。女朋友叫左墨魚丸、魚皮餃。其實價錢都好平民，得閒經過既話可以一試。

同朋友食完一次又一次，今次已經係第n次嚟食， 真係好鍾意食 ，每次湯連麵都食曬，都大碗。今次帶家人嚟食 ， 屋企人最喜愛酸辣麵。 每次嚟食都要等位， 我們等咗大概10分鐘就有得坐。食物見到張圖片就已經知道好豐富 ，好多餸，好足料，好多配料。叫左個豬腸牛肚 將軍酸辣炸醬麵。個面係粗麵手打自家制的，好彈牙，有口感， 個湯呢話係冇味精，但係好濃味嘅湯，最後係成碗飲曬，酸酸辣辣好開胃，麵呢又吸咗啲酸辣，所以都好入味 ，我嗌咗小辣所以唔係好辣， 個豬肚煮得好好食， 好入味， 有口感， 食起來好爽，個豬腸又洗得好乾淨，好食，好入味，我們吃得好開心另一個係將軍牛展麵 ，個牛展都好食， 個牛展都有好多塊，好好食 ，好入味，銀勁十足。聲稱湯底係用豬骨淆，無味精，但我同朋友都飲曬，但都覺得係有味精，不過就真係好好飲。這裡是無吧台，只有氣水及豆腐飲

想食包，可以去牡丹樓食期間限既既將軍漢堡。想食麵，可以考慮試去新北江新開既將軍拉麵。之但係又唔使話哼住“將軍令”咁去食既，不過今日都叫做四條 King (KKKKQ) 咁去食，輸人唔輸陣呀我自己就頗為欣賞佢個"將軍麻醬撈面", 印象最為深刻,另外就係"新北江"大部份食店面對的問題, 就係坐得頗為"迫夾", 特別係午餐晚餐時間. 食慢少少都會有些少壓力的留意返兩樣野，碗麵份量都頗為大碗，我食到三份二時已經拎定條白毛巾出來，有咩獲利回吐既跡象就拋白毛巾投降。不過好彩唔浪費，最終都食得晒。第二樣係店舖不設水吧部出品的，如果想整返杯回魂茶檸啡就欠奉了，可樂雀檸豆漿就有供應的。

之前見到新北江開左間麵店叫將軍麵店，見佢個名幾特別就試下啦，一試愛上，絕非一般貨色！幾乎每星期都食！個人喜歡幼麵，貪佢掛湯夠多！麵身有少少似上海麵，有咬口唔會太淋，絕對高質過另外幾間車仔麵啦將軍牛展麵：一個餸唔夠可以加餸，豬耳微辣脆口，好食！湯底本身清淡，但將炸醬撈均之後變得香濃帶甜，但順口唔口乾，會想飲多幾啖每張枱都有一樽紅色辣椒油同一樽咁嘅黃色野，原來係海南辣椒，比一般辣椒油更香，但建議遂少加，因為真係幾辣

呢間算係咁多間食肆入面比較新既一間食台灣面/米線佢有得任選唔同既送同有指定既面款佢所有面既份量都多既同埋佢既面質係比較有質感，中2食上海面既人應該都會喜歡不過個人覺得佢個湯底偏喊同重味重口味既人應該都會喜歡但我就麻麻地啦

每次經過新北江將軍麵都好多人等位，經過見到人地食緊好大碗，今日終於去食啦，個湯底夠濃味，面份量多又好食，有肉碎，酸菜，加黃牙白菜絲，我加左一個餸，醬爆豬肉丸，成件事好夾，我要既係小辣，好好味，唔駛加餸，就係咁叫一碗10號仔 將軍酸辣炸醬麵已經好飽$26蚊，點搵呢個價食呢個質數，強烈推介，講真而家呢個時候，仲邊有咁真材實料，咁多麵底咁足料既麵店，仲要係好食，下次再食要加菜，因為加菜，菜又有甜味，真係一試難忘，再試無妨

新北江我最愛的滇川不幸結業，我帶著傷感重新出發，又要搵下呢度邊度有好味嘅麵線。是日中午出巡新北江，發現將軍麵館爆場，立即坐下試一試。我最愛酸辣，所以叫返碗將軍酸辣麵$26+腩肉$6感受一下。先呷一口湯，湯底豬骨味道濃郁自然，並無口渴嗆喉感覺店家都說湯底是用大量豬滑淆制，不加味精，可放心飲用酸辣味略為不足。手工麵底牙有嚼勁，麵條份量頗多，配以大量酸菜白菜炸醬，唔似出面啲麵店2啖無哂。腩肉鹵得入味，一啲都唔肥老公就試將軍撈麵$26，據說味道沒有酸辣麵那麼濃味，但配料一樣多，也很不錯。加配罐裝飲品只是$6，大大支豆漿都是$6性價比很高，以後想食麵又有好選擇了。

今日放假中午去行新北江商場見到有間食堂新開我就去試下🤔，呢間叫將軍麵館，我坐低感覺環境就窄少少，有大約8張枱每一張枱坐大約7至8人左右但都夠坐嘅，於是我就叫左個將軍牛展麵加罐無糖可樂，咁我見36蚊碗麵加6蚊有罐可樂飲，其實我覺得都好平民價錢，其實佢重可以加餸嘅，但每款6蚊，都算係平嘅，咁我等左大約5至6分鐘左右，碗麵嚟到我見到麵底係十分有份量，如果細食嘅人我建議兩個人都夠食，我再食佢牛展肉，食落去夠林又有肉汁，佢碗麵加左京式炸醬加埋個麵底又煙韌其實又幾襯㗎，咁我再試下飲佢湯底，感覺好濃尤如似北方麵咁，我食哂碗麵後感覺真係好飽，呢間麵館都算低食，我下次都會再嚟試下其他食品

將軍麵館開了一段時間, 之前經過都冇察覺佢咁多人食。 今日中午食飯時間原本想去街尾的譚仔, 經過了將軍麵館, 見到原來都好多人幫襯。我立即停落黎, 仔細望一望食客枱上的食物, 睇落超得,即刻轉場唔去譚仔。首次幫襯, 先研一研個菜單, 然後點左個:將軍酸辣炸醬麵$26+豬耳$6+豬頸肉$6豬耳大條好爽脆, 不過略鹹, 可能係因為另上冇放湯中同吃的關係…豬頸肉肥瘦適中又爽口。豬骨湯底看似清淡但又十分夠味, 夠酸夠辣，而且不加味精, 食完唔會覺得口渴 。手工麵麵質彈牙有咬感。配菜白菜亦係芽菜以外的好選擇, 更覺鮮甜。暴力青瓜$18呢個拍青瓜原來一啲都唔暴力, 因為底層淋左芝麻醬, 上面仲有蒜泥芝麻粒同埋小量麻辣醬油, 令個青瓜除左有好小好小的辣之外, 仲有點點香甜。加多罐冰凍汽水先$6味道好, 價錢亦非常親民, 好抵食!!!

新開既時候試左次就食上引~由於同個商場工作，所以好多間都食過~新開第二天就試，叫左個酸辣米線，加餸點左個腩肉，辣可以揀小，中，大辣~我要左中辣~一打開見到配料有肉碎，酸菜，芽菜，大白菜絲~好大碗~先試左湯底，個味好濃，試下d米線，岩岩好唔會過淋，再食落去有好多芽菜同大白菜係底，非常岩我鍾意多菜既人，腩肉片數都算多，都有7-8片，又大塊~~其實一個餸已經夠飽，如果鍾意多口感可以點多一個餸~但我見堂食仲大碗~下午茶14:30後會送野飲（星期六，日或假期唔送），有各種汽水或黑，白豆漿~我次次都係下午茶叫外賣，（但外賣要自取）叫一個餸包豆漿先$33，真係好掋食~主要係食完唔會口渴~值得一試

今日返晏，又係出新北江覓食既時候了，今次來到將軍麵館。餐廳有撈麵或湯麵揀，亦可以好似食米線咁額外加餸，價錢都唔貴。今次食湯麵，叫左將軍牛展麵加墨魚丸，因本人唔食蔥同芫茜，所以叫佢唔駛落。先試豬骨湯底，相當鮮甜，配埋自家製京式炸醬，味道香濃，麵條質地煙韌，唔會煮過龍而淋晒，牛展炆得非常入味，亦煮得夠淋，配埋白菜絲食感覺一流。唯一美味不足既係墨魚丸雖則味道唔錯，但略嫌唔夠爽口，有少少粉既感覺。整體黎講，呢間麵店味道唔錯，份量亦幾多，下次黎真係要試下佢個撈麵。

將軍麵館是我覺得新北江其中一間有質素的麵店，不論份量還是價錢，味道等都屬不錯之選。之前媽媽說這裡的將軍腩肉麵很好吃的，她說如果下次我來吃的話定必要試試看，那我今次就點來吃。將軍腩肉麵的湯底很濃郁，但不是重味精那種，而是富豆瓣醬的濃香，喝完也沒有丁點口渴感。至於麵條方面口感彈牙，沒有討厭的軟綿綿感，所以我很喜歡這裡的麵食。主角腩肉配菜亦深得我心，不是一般可怕肥膩的腩肉，軟腍的腩肉入味得很，與湯底和麵配合得很好。另外額外加配的豬肚同樣美味，肉質爽口，而且毫無腥味，處理得很好。

聽說天水圍新北江，有一間新開的將軍面館，他的名堂十分大。故此，必須必須來這裏試食一下。我點了一個 將軍酸辣炸醬麵 $26 酸菜的味道很重， 有點像大陸即食麵裡的酸菜味。 味道不太好吃，酸得會有點像化學味的感覺。而他的炸醬麵則十分好吃， 面身彈牙， 咬落口感煙韌。 超有咬感! 味道上，有蛋黃麵粉的味， 沒有偷工減料。很不錯而下午茶再會送一罐飲品。 可以選擇豆漿或者飲料， 而我選擇了雀巢檸檬茶。 溫度十分夠冰凍，並不會是室溫的暖， 在炎炎夏日，喝它馬上能解渴解暑。整體而言，它價錢很平價，很抵吃。 見其他食客點的麵，都很吸引很好吃，只是酸菜的味道有改善空間， 希望這小店繼續加油，製作更多好吃的麵，給大家品嚐!

喺天水圍好趕咁要食個quick dinner! 就去左好多野食嘅新北商場搵食，時間尚早，未到晚飯時間，但有好幾間麵檔都滿客！為左唔中伏，我地就入左最多人食個間到食！這個是將軍腩肉麵，湯底好清甜無落味精，腩肉好林好juicy，唔會咬完之後變左湯渣咁。重點係！哩間鋪頭嘅黃色辣椒油！好辣好辣！但超香超好食！令到碗麵加左兩倍分！我一路食一路加，食完條脷都痺痺地，不過無後悔哩個係京醬撈麵，麵質好彈牙，又粗身，30蚊一碗做晚餐夠晒飽，超抵食啊！個京醬好好味，唔會食到尾就覺得咸得制架～哩個加埋黃辣椒醬落去食，更佳

今日自己放假，所以瞓醒後已中午11點幾，覺得有d肚餓，於是決定行遠d去新北江商場搵食^^ 行左一轉後都系決定食番將軍麵館。之前同老公都來食過两次，两次都系食撈麵，大大碗，醬料配得好好味，麵條是自家手作，麵條夠彈有口感👍🏻今日我決定試湯麵 (因見到好多人食湯麵，相信都應該吾錯) 😝將軍腩肉麵 $30--碗麵真系超大碗，有炸醬同腩肉，仲有吾小白菜碎，湯底香濃豬骨味同有少少辣，惹味，腩肉入味爽口，麵質彈牙，抵食！