尚香 (Closed)

之前岩岩開個陣排晒長龍，想食好耐又唔想排隊.....終於比我等到啦，終於唔洗排隊，一於買個睇下佢巴唔巴閉先！佢係即叫即蒸，等左十分鐘左右先有得食，望住個湯包，正到講不出聲！首先今日凍凍地，個湯包又熱辣辣，吸啖湯包個身即時暖晒！果然係神奇的包子，相信夏天應該唔會有咁既感覺！吸下又吸下，啖啖濃濃既湯隨著獨有既飲筒，一啖一啖咁運送到口邊，湯底散發出鮮香蟹皇味，好有濃湯個種膠質感，超級好飲，都吸左十幾啖，湯量果然有番咁上下！打開湯包，入面竟然充滿蟹黃，夠晒驚喜！再叫左個蟹黃小龍包，熱辣辣，絕對可以媲美某台灣小籠包店，仲要價錢平一大半，性價比超高！絕對可以番check！

今日同朋友行旺角，行到咁上下，大家都覺得肚餓。就周圍揾小食。咁岩經過呢間小食店，原本見到價錢都覺得幾貴。但見到佢貼出黎既海報，話入選舌尖上的中國。咁就一於試下佢最出名既蟹黃湯包啦。首先係用飲管吸哂佢d蟹黄汁，鍾意食蟹既人，一定鍾意飲呢個湯。飲到咁上下，就可以好似食包咁夾黎食。肉質普通，但蟹黃味唔錯。而且食一個，其實已經可以填返個肚。

經過旺角見到有新野就去買黎試下, 買左個蟹黃湯包, 俾完錢好快就有啦...個湯包有一支飲管插入包內俾你吸入面既湯汁, 第一支吸了兩口, 已經俾啲唔知乜野塞住左支飲管, 去攞第二次再吸黎飲, 即頭一支都飲唔到, 簡直浪費, 可以講話那支飲管"廢"架,  最後要咬破個包皮就咁飲落口, 入面既湯汁唔會話好熱, 微暖咁, 但係唔夠肉汁香, 蟹粉亦極小, 個包皮都薄身, 入面啲肉餡一般, 冇特別......其實食得頗為論盡, 應該唔會再幫親下一次!

一早就到旺角掃街， 之前行經此店，常有好多人在排隊， 可能今日時間尚早，不用排隊便可買到。買了一個蟹黃湯包45蚊。收銀台已放有蟹黃湯包專用飲管 。湯包內有好多湯，而且非常非常熱，要小心飲。湯包內有蟹黄及蟹肉，味道不錯。飲完湯後，便把飲管放在纸盒已設有的窿位，再在店舖前取牙籤把湯包挾起一口吃下去.湯包不會黐住張纸, very good.由於湯包好熱, 在街邊吃都好 麻煩。

假日到旺角行街，行行下見肚餓又未到晚飯時間，不如去掃街食少少野，好耐冇行登打士同廣華果頭，原來多左唔少新店，見到呢間門店寫著舌尖上的中國-尚香，上網一看原來在國內甚有名氣的小店，售賣蟹黃湯包等食物，好吸引呀。 除左蟹黃湯包，仲有小籠包及糯米燒賣，即蒸即賣的，要耐心等待約5分鐘。 自行落醋、薑絲及拎竹籤。 蟹黃湯包，$45，賣相好吸引呀。 湯包用紙盒盛載，用飲管邊吃邊飲，好方便呀，湯包外皮夠薄又煙韌，熱騰騰的湯汁，蟹味十足夠鮮甜，內裡的餡料真係有蟹膏及鮮肉，好味呀。

朋友說要與我預早慶祝生日，因深知我喜愛上海菜，打算放工後帶我到上海菜館吃一頓豐富晚餐，睇戲再直落，可惜這天要OT，把原本的計劃都告吹了，來到旺角已經沒太多時間，只能草草的吃點東西，便趕往百滙睇電影。離油麻地地鐵站不遠，就在廣華街附近，有一間專賣蟹粉小籠包的食店 – 「尚香湯包」，相當受歡迎，遠望去已經看到舖面外排了一條小人龍，而大量食客更在街上品嚐著蟹黃湯包。我與朋友即場點了蟹黃湯包來試試，由於是即叫即蒸，所以要花上點時間等待。約2分鐘，熱辣辣的蟹黃湯包終於到了，店員還細心的提醒我們，吃湯包時小心被湯包內的湯汁熨倒。 湯包SIZE約有掌心般大，吃時先以飲筒插入湯包內，把內裏的湯汁喝掉，之後再慢慢吃餡料。 特大牌的湯包內，裝了滿滿的湯汁，而它的味道相當鮮味，帶有濃郁的蟹粉鮮香，打開湯包，清楚可見金黃色的蟹膏及蟹肉，伴著鮮嫰的豬肉餡料，肉汁飽滿，感覺真材實料，每一口都香濃滋味。 另外，我們還點了蟹黃小籠包，小籠包一客5個，皮薄餡多，入口既有蟹膏的甘香，同時亦有豬肉的脂香，吃時可加入酸醋，來把蟹香的味道提升。 可能吃了味道較鮮味的蟹粉後，糯米燒賣就相對變得沒有驚喜，味道亦較失色，不過，燒賣內

食小籠包唔一定要去X泰豐, 旺角都有一間值得去食的小店出名蟹黃湯包, 不但大, 亦真材實料, 惹來不同媒體的報道終於去到一試啦!店鋪得四款食物既選擇, 但都惹來一大堆人響門口等候全部食物都係即叫即蒸非常新鮮蟹黃湯包 $45/個超級大個湯汁豐富, 一穿湯包皮就瀉哂湯汁, 湯汁一睇就知用蟹整成飲既時候真係要睇熱,餡料分別係蟹黃、蟹肉連湯汁就知, 蟹味十分豐富, 濃郁店舖的鮮肉小籠包亦值得一試肉汁豐富, 香濃, 皮薄, 配上醋連食, 酸酸的去除肉的膩感, 亦更突出鮮肉的美味到旺角不得不到場一試的小店

偶然都很喜歡在旺角掃街~~ 又平好多好東西吃~~ 上星期近月尾工值心慌慌時期, 想吃得省些唯有去旺角街頭找食吧~ 看到這間叫尚香的店子~主打是賣蟹粉灌湯包 見出面都大排長龍, 每個人都站在路邊吸啜着湯餃 見HKD 45 都可以接受, 於是也來試試~ 其實店子只打3-4款食物, 主角當然是大大的蟹粉灌湯包! 足足有手掌般大的湯包, 內裡除了肉就是滿滿的濃包~ 另外不吃蟹粉也可點普通小龍包, 又或是糯米燒賣, 一樣好味又便宜! 糯米燒賣 - 一客4隻只是HKD20的價位, 真的便宜得無話可說~~ 外皮很有咬口, 內裡的糯米超入味又煙韌 個人覺得好味~~~ 來到主角- 蟹粉灌湯包 超級巨型的灌湯包足有一個手掌般大!!! 只需插個飲筒就能喝到鮮味十足的蟹粉雞湯～ 說實雞湯份量很多, 喝很久都未完, 不過真的很鮮味而且喝到粒粒蟹膏呢~ 看看看, 內裡滿是黃黃的蟹粉膏, 混合豬肉在內, 香口又惹味呢~ 不過唯一缺點是立食, 喝湯時雞手鴨腳, 不少湯倒在地下, 心痛呢~ 另外它可以賣走(雪藏), 6個起計, 如果要開Party又或home gathering, 賣走6件自己在家弄熱,

同朋友行街，他介紹了我去廣華醫院附近有間食小籠包店，大大隻，好好味，不得不試😍😍之前都有睇雜誌介紹過，今天終於到訪！蟹黃湯包（$45）即叫即蒸，等了20分鐘才有得吃！皮薄，感受到內裡的熱力，而且用膠兜盛裝，不會痴底；餡足，輕輕咬開一口，先用飲管吃一口湯，精華所在，很清甜，亦有很濃的蟹粉味！而且還用了蟹肉作餡，不是一般的豬肉！👍蟹粉小籠包（45元5粒）同朋友一人一個湯包不夠喉，再點了蟹粉小籠包吃，也是即叫即蒸！皮薄湯正，但略嫌普通了，只有面頭的蟹粉，吃下去和普通的小籠包不大分別！

我勁鐘意食小籠包，成日去吾同上海舖都必叫，有日去旺角食糖水見到間食小籠包的小店但只限外賣，所以一直都冇機會去試，難得今日買完可以去朋友度食當然必買啦。這店食品得4款，我最後每款都買一個再加2個湯包黎試下，外賣包得吾錯而且仲有醋和筷子，結帳差不多$200已經都幾飽下，都幾抵食。大約15分鐘左右就有得食，原來這裡係即叫即整而且剛剛勁多人排所以就要等下..我地行左陣野食就整好啦。終於見到啦，蟹黃湯包$45…放左枝竹飲筒落去吸湯熱又香吾太咸，差不多飲完湯加醋就咬落去，蟹味重而香就沖出黎，蟹肉蟹膏都有吾少有驚喜，味道剛好但好似冇咩肉，所以好清蟹味，鐘意食蟹的朋友不容錯過。我地叫左2款小籠包：蟹黃小籠包$45和鮮肉小籠包$35每款都有5個…食落去同平時果D味道有點吾同，首先入面勁多湯喎，湯都濃而香，肉份量吾少而肉味相對比上海店的小籠包深色而味道濃少少，幾特別，我覺得似係山東餃子感覺，而皮都適合吾厚身又冇爛，蒸得吾錯。蟹黃就偏少，可以因為肉味味道比較濃，蟹味偏淡左少少。糯米燒賣$20有4個…份量都幾大粒喎，熱呼呼到黎要等一陣先食到，我覺得味道剛好吾太濃味，糯米少濕又軟但一點都吾硬吾錯喎，反而這個不用

早排經過旺角廣華街，見到有一間小店排長龍，貪食既我走上去望下，睇下有咩好嘢食小店叫尚香，專賣湯包，門口細細，店內冇座坐，只可以外賣，海報寫著蟹黃湯包每日限量供應，賣完即止見到多人買完後，隨即喺門外品嚐，心思思想試下今天同友人喺太子，順道試一試湯包湯包有四種，蟹黃湯包、蟹黃小籠包、鮮肉小籠包及糯米燒賣蟹黃湯包湯包大個，雖然皮不太薄，不過，煙煙靱靭，首先用特別竹吸管飲湯，湯鮮味，有蟹香，鮮甜，再品嚐裡面蟹黃及蟹肉蟹黃小籠包蟹黃鮮味，一啖一隻，配少許醋，令蟹黃更鮮味鮮肉小籠包小籠包皮薄煙靱，肉味香濃，上湯美味，配埋薑絲及醋，好味

由一見果陣要排隊已想試... 都隔左好耐先有機會今日去旺角試啦...初初不懂為什麼要有「舌尖上的中國」大招牌？一試之下果然，有中國飲食文化的傳承特色，感受到中國人千差萬別的飲食文化和獨特的味覺，沒有言過其實：首先試的是手掌大小的1.蟹黃湯包（$45/1個），附一支竹製飲管，湯汁好多的一個鮮味湯包子，份量有成半碗咁多湯，當中見到有蟹黃蟹肉，份鮮味湧現出來。2.蟹黃小籠包$45/5個既小龍包個皮都唔算厚... O係頂端有橙色的蟹黃,摺口位既皮食落就厚咗少少，肉很鮮美滋味加埋個醋食都唔錯既... 但就無乜湯汁果種小籠包子><美中不足地方；另3.鮮肉小籠包$35/5個也是豬肉鮮嫩滑，滑到不用咀嚼，彷彿不是在吃肉，但也有同樣的問題頂端皮太厚糯米燒賣$20/4個 外型好似朵花，食第一粒好似食緊爉味飯既感覺⋯好有咬口，第二粒就開始有點膩啦～「千年湯包，萬里尚香」都名符其實！

旺角區一間外賣店 專食蟹粉包 之前舌尖上 都有介紹過雖然可以點外賣 但呢d即叫既蒸既食物當然即食最好 所以寧願辛苦少少企喺度食 食店得4 樣野叫 我全部點哂蟹皇湯包 45 蚊1 個用一個盒仔盛載住既蟹皇湯包 大慨有6 cm直徑 首先用飲管 插入面飲佢既蟹皇湯汁 好熱 要慢慢飲， 飲得出有超香濃既蟹鮮味 , 然後吸到d汁甘上下， 就整開薄身既包皮 會見到入面充滿住蟹膏 蟹肉 連埋湯包皮一齊食 所以蟹味合埋一齊 超好味！ 推介  蟹皇小籠包 45 蚊 5 個成個小籠包上面放滿住蟹膏 一咬落去 首先係皮夠薄 但蒸到入面既肉汁冇爆出黎真係好考功夫 所以入面一咬開d肉汁必哂出黎 肉汁仲同蟹膏撈埋一齊一食落去啖啖蟹肉同蟹膏味 連埋裏頭既豬肉到齊食 本身已好夠味 若果再唔夠味 可以喺收銀前面拎黑醋同薑 . Yummy 鮮肉小籠包 35 蚊 5 個同蟹皇小籠包一樣 皮薄餡靚 一樣喺收銀前面攞薑同醋點黎食 入面既豬肉十分juicy同煙韌 一咬爛個皮 d小籠包肉汁全部必哂出黎 超正 而且肉汁又同黑醋勁match一次過食5,6, 個都唔會滯 糯米燒賣 20 蚊 4個唔好睇少佢係燒賣 其實只係出面黃白嗰陣皮係

旺角街頭同美食展成日見到人地啜呢個湯包，我又貪得意試下先之前行過廣華街都見到長長人龍......當日下午同男朋友經過竟然冇人排隊，所以趁機試試。小店只賣4款食品，包括蟹黃湯包、蟹黃小籠包、鮮肉小籠包、糯米燒賣。當然最多人叫招牌蟹黃湯包，用紙盒盛載，方便進食。大大個蟹黃湯包（$45）熱辣辣十分燙口🔥插枝飲管落去就咇晒d汁出黎！滿滿的湯汁充滿蟹粉鮮香~飲完即刻暖笠笠湯包皮偏厚，揭開外皮有少少蟹黃同蟹肉 。食完大大的湯包未夠喉，再叫左鮮肉小籠包 （$35/5個）。因為係即叫即蒸，大概等左十分鐘就包好一袋俾我地攞走（已附有醋同竹籤)。 鮮肉小籠包外皮較蟹黃湯包薄，咬落肉汁滿滿，豬肉餡亦鮮美不油膩。

咁岩放工又口痕想食D野先去睇戲即刻上OPENRICE睇下有咩新野食唔講都唔覺最近廣華附近多左好多新既小食店!!今次我地食既係最近好HIT既小籠包!!!我地四條友嗌左2個蟹黃湯包，2份蟹黃小籠包同1份鮮肉小籠包$35/5因為人比較多既關係，我地等左5分鐘先落到單，再等多15分鐘先食到蟹黃湯包$45/1食評：一打開，「哇」聲不斷，因為真係成隻手咁大，而且店家好細心，會比埋飲管我地吸D湯水，成個湯係勁濃郁又香又重蟹味，加上原來入面係有蟹肉成個包真係皮薄多汁，友人食到成台都係汁哈哈，證明真係多汁！！蟹黃小籠包$45/5食評：未食之前覺得小籠包冇俾飲管我地，應該少D汁，但原來唔係！！一咬落去D汁BEE哂出黎，都係KEEP到好濃郁既湯汁味道，呢個比湯包更正既地方係，食落冇咁「拿手唔成勢」，一啖一個就搞掂，而且皮夠薄，好正宗！鮮肉小籠包$35/5食評：呢個肉質會爽口D，湯汁會咸D，但係都KEEP到皮薄呢個水準，因為有朋友係唔食得海鮮，所以我地嗌左一份黎試下，同大公司既質素有得FIGHT！！一點都不失禮！！