心夜來潮 (Closed)

朋友們突然間calling做節, 星期一晚利用openrice揾左呢間潮洲野餐廳. 在此多謝openrice提供全面的資訊同網上訂座之方便. 我同朋友們都被餐廳2XX個讚騙了! 首先, 大家要知道, 進入餐廳門口係要上2層樓梯的, 有老人家, 行動不便同拎大包小包的朋友要留意. 進入餐廳後, 每張枱既空間都太小. 基本上你郁一郁就會撞到隔離的食客. 服務態度還好, 如果落單後服員主動再覆一次單更好!!!! 菜式方面,我地叫左黃油炒豆苗, 辣酒花螺,蠔餅,炸鰻頭,臘味炒芥蘭,鵝件. 先唔講點解潮洲野餐廳只有幾款潮菜, 我唔明點解潮洲餐廳餐牌既海鮮類比酒樓仲要多=.=". 對於菜式既評語如下:黃油炒豆苗 - 正常辣酒花螺 - 大部份螺都唔新鮮, 肉是霉的, 而且好明顯辣酒還辣酒, 花螺還花螺, 有客人叫上枱時咪將2樣野撈埋一齊囉蠔餅 - 不如改名叫炸粉餅丫 =.="炸鰻頭 - 正常 (呢樣野好難唔正常.........=.=")臘味炒芥蘭 - 臘味肥D囉, 芥蘭老D又有渣囉鵝件 - 店員話呢款超得喎, 點知係另一個大騙局呢......碟上每一件鵝件都咬唔開, 而且墊底既豆腐根本就無同d鵝一

餐廳感覺入到去餐廳都大既，都坐得舒服唯獨侍應態度差d😒都幾適合多人一齊聚會👍🏽今次都叫左好多嘢食都，佢地d料都ok多😋我地三個人叫左8樣嘢再加兩碗飯都係每人二百幾左右👍🏽

約左啲朋友出去行下街同食野咁我地就去左食食間打冷喇因為我朋友食過佢話依間都唔錯喇咁就要試下喇環境係啲中式嘅感覺都算坐得幾ok由於佢都好多野食得都睇左好耐最後就決定左依以下個幾樣酸菜鮮甜白蜆湯成碗湯幾鮮甜啲蜆嘅量都幾多下粒粒都新鮮如果唔新鮮就會破壞哂成碗湯嘅味道但酸菜味反而唔多覺佢有喇可能啲酸菜係後加嘅 所以酸菜味較少石板燒汁茄子上菜個陣熱辣辣勁香仲要睇到啲汁係個鐵板仲滾緊平時少食茄子嘅我都覺得依個好好食每一舊茄子都包滿哂啲醬汁嘅味道好夾香得黎有好微嘅辣 令到你食指大開加碗飯食得諗仲更加惹味呀饅頭都有得炒？見到個名好特別就想試下喇原來係炸過嘅饅頭炒啲椒成件事都幾特別食落都幾新奇個饅頭脆得黎都吸左少少小炒嘅醬汁令到個饅頭特別左由一個平平冇奇嘅饅頭加添左色彩潮汕砂鍋粥咁依個粥係自選唔同嘅配料嘅咁就叫左個膏蟹 蠔仔 蟶子王 成碗粥好鮮可能係全部都叫哂海鮮令到成煲粥都好鮮甜啲粥好綿個份量都好大下啲配料煮左落煲粥到好似搵唔返咁但整落個細碗到啲料又明顯啲見到可能係碗嘅大小問題喇炒通菜我就覺得同平時人地食開打冷個啲差唔多冇咩太大嘅分別

旺角-心夜來潮：金黃雞油豆苗（$78）、花膠豬手墨魚脯煲 （hk$138)、傳統鴨旦煎蠔烙（$86）、醬滷鵝（$132）-天氣開始凍，有時都係想食暖笠笠既中菜。黎左旺中對面南記樓上呢間潮州野，見到呢度每枱人都點左一爐野，滾下滾下幾吸引，有粥/湯/魚...但都貴貴地，最後我揀左親切的侍應叔叔推介既幾道菜最喜歡一入冬就好靚既豆苗，用雞油同唔少薑粒去炒，真係非常翠綠同爽嫩！媽呀點解屋企炒唔到咁好食，超大碟堆到一座小山咁高，岩哂幾個人share食，推介！-另一味叔叔話熱賣30幾個既花膠豬手墨魚煲，充滿膠質，炆得好淋同入味，不枉叔叔極力推介。-而去得食潮州野我就算喉嚨痛都想叫呢兩樣🤣煎蠔烙，好大份，好脆，蠔仔都幾大粒，夾起見到幾層，有成5cm厚，其實餅皮好薄，食落感覺似薄脆同餅底中間夾住d蠔仔；醬滷鵝，味道較濃，底下暗藏驚喜，係勁滑又入味既滷豆腐，難得！我點完先在另一個餐牌見到鵝片🙈最後叔叔仲送左馬豆糕比我地食❤️-PS. 呢度由5pm開到4am，深夜之選。

🥢心夜來潮🥢清湯牛腩煲($188)呢個牛腩煲幾有驚喜，個湯好惹味夠鮮甜，牛腩唔會煮到好老又幾有口感幾入味，而且份量好多，我地三個人食都食唔曬。金黃雞油豆苗($78)呢碟豆苗賣相唔係特別吸引，不過其實幾好食，好快就比我地三個人清曬。豆苗加咗雞油去炒，所以好香口，而且唔會覺得油膩，又炒得幾乾身，值得一試！醬鹵鵝片($140)鵝片煮得幾淋，而且鹵得幾入味。佢個鹵水汁亦都幾香唔會太濃味。黃金一口炸饅頭($38/9個)雖然冇影到相，不過呢個炸饅頭真係值得推薦。炸到外脆內軟，加埋煉奶好好食。而且$38有9個真係幾抵。-👅味道：8.5/10🧘🏻‍♂舒適度：7/10💸性價比：8/10👀回頭率：8/10

話說已經係第二次食 都係無令我失望🤘🏻店置非常方便 就係正旺中對面～除左有必試既潮汕砂鍋粥之外 其他菜式選擇都非常多😋今次就試下其他野😆😆1️⃣ 潮汕海鮮烙 $98超 推 薦 ‼️‼️外層炸得酥脆香口 內餡既海鮮超足料好厚身每啖都食到海鮮餡料 好滿足😝2️⃣ 醬滷鵝腸 $58鵝腸爽口入味 唔會過鹹～3️⃣ 醬醃海膽炒飯 $88海膽份量極少🙊 加上海膽係醃過 比較咸 但溝落炒飯到就岩岩好除左有少量海膽 都仲有好多配料🤘🏻炒飯夠乾身 做到粒粒分明🍚4️⃣ 潮式啫啫通菜 $78用熱鍋上 上到黎仲係熱辣辣架🔥😍通菜新鮮爽脆 好香蝦米味🦐

行完兩層樓梯就到我地今晚食晚飯的餐廳🍴其實我同家人已經食過荃灣分店的心夜來潮，不過今次是同事們飯局，當然擇番間位置方便的分店就番大家！我地六個人叫左大size的潮汕砂鍋粥，之後再自己配搭材料，擇左花甲王、膏蟹、鮮螺片，非常期待！真係好大鍋呀！真材實料！每人可以大概食到二至三碗！啖啖都鮮美十足！蠔餅大碟過隻碟，炸得香脆又唔會覺得好油，D蠔仔仲好肥美！由細到大都好鐘意食炸饅頭！沾勁多煉奶好好味！雖然呢度好多粒炸饅頭，但我嫌佢細粒左DD ，當晚個皮重有點硬添～一班人最好就是叫滷水拼盤，大家可以每款食D！好入味，必叫！

同男朋友係旺角睇完星夢情深，再去埋新之城都Shopping，醒起之前去福苑GE南記分店食野時，見到D廣告寫住再上一層係食打冷、潮州野，上次已經心思思想食，反正近，咁就簡左去食呢間。上到去大約8點鐘，嘩，全院滿座咁濟，不過我地行狗屎運，好好彩咁俾我地坐埋最後一張2人檯。一坐低，待應即刻幫我地倒水，同拎左本好厚又重手嘅Menu俾我地，打開一睇，超級多選擇！考起我地呢2個有選擇困難症GE人！待應見我地簡左好耐，所以好好咁一步步咁引導我地，同埋推介左D撚手小菜俾我地，XD係佢地GE幫忙之下，我地終於簡左雞油豆苗($78)、家鄉隔水銅盤蒸雞($138)，同埋個潮洲麵線線兜亂($88)，本身想試個米粿，可惜今次黎無哂。家鄉隔水銅盤蒸雞呢道菜要等20-30分鐘嫁，但等係值得嘅！蒸雞要蒸得好食，首要嘅野一定係要有一隻嫩雞，而放係傳熱快GE銅盤斬件蒸隔水，雞唔單止快熟，而且傳熱均勻D，唔會搞到D雞一D熟一D仲係生。呢道菜上檯時飄黎陣陣嘅酒香味，見到D雞全部都油油亮亮，就Feel 到佢好好食。呢度雞整得實在出色，用左雲耳、紅棗、杞子、冬菇、薑、蔥等材料去煮，再搭配少少D蠔油、糖、醬油去蒸，出到黎雞火喉剛好

這裏的工作人員是很有heart的，但第一次幫襯的經驗就有些不稱心！首先是營業時間，我開頭還以為openrice 的資料錯誤，及後才發覺該店是白紙黑字寫明下午五點營業的，不過據悉出品要到1745後才開始，行了兩層樓梯特意幫襯，換來閉門羹，感覺不太好！不過比隣同系牛肉店的工作人員主動出來說項，解釋原委，氣也沒用，惟有轉頭，到開店時再行多次，算是開胃運動。到了店，叫了胡椒豬肚湯，檸檬魚，蠔咯、炒豆曲，每一個出品都有水準！惟獨是蠔咯是沒蠔，後來據稱有四隻左右，最後轉達店家，店員也立即入廚房更換，味道頗佳。此外，叫了一枝1664，還是漏單！店員在提點後也很快補回。這裏出品沒有好吐嘈的地方，祇不過是每個小節都像出了點問題，可能店員都疲憊了！這裏有很多選擇，醃海鮮有蟹、有蝦、有龍蝦、林林種種，相信下次會有更佳的經歷！還有，原來七點前結賬是七五折的（酒水除外），就更加抵食了！發覺這裡滿滿是年輕人，令氣氛更佳！如果沒有之前的小缺失，這一餐應會更完滿！

跟得夫人跟左男朋友去同佢朋友食飯飯，約左系中間點食飯飯，上左Openrice搵，見到呢間餐廳個名咁得意，叫做心夜來潮，於是簡左黎食，Try下潮汕菜。我地大約7點幾到，剛到GE時候都仲未算好多人，後尾未夠8點就已經全院滿座Lo。潮洲麵線線兜亂($88)本身以為呢個麵線可能會好似臺灣麵線咁，好似糊咁，但原來佢系炒麵黎GE，而呢個面GE質地好有趣，佢唔完工炒麵果種咁幹GE口感，軟身D，同掛醬汁GE能力都強D。店家炒野都幾夠火喉夠味，上臺D煙系咁向上飄，而且非常多充料，落左好多魷魚、冬菇、椰菜、豆芽等等果D去炒，我地一台食人，果果都食2碗先肯停手！秘制花膠豬手墨魚腩煲($138)花膠+豬手=養顏聖物，身為貪靚人士之一GE我又點可以唔叫個黎試下呢。我唔太鐘意D花膠同豬手煮到融哂GE口感，而呢度GE花膠同豬手系入味得黎，系仲系有咬口，QQ彈彈爽口果種，幾鐘意佢地GE調味料，鹹甜拿掐岩岩好，好食！傳統鴨蛋煎蠔烙($86)去食潮汕菜唔食蠔餅好似有少少對不起自己，呢個蠔餅GE粉漿系用鴨蛋開的，所以食落去香口好多，店家非常大方，蠔仔好似唔洗錢咁，食個蠔餅都系蠔，啖啖肉，啖啖都補呀！蠔餅香脆可口，蠍仔咬落去

🐐🍲羊坑腩煲（$388)又到秋冬適合食羊腩煲既季節喇！🔥🔥 今次率先去心夜來潮試下佢地嘅秋冬新菜式☺️ 佢地出咗好幾個暖粒粒煲仔系列，有羊腩、滑雞、牛尾同牛腩等等，我地就叫左羊坑腩煲😆大約等左幾個字，店員將羊坑腩煲用瓦煲呈上，夠晒風味🤤 羊坑腩肥瘦適中啖啖肉，炆到好入味，無羊羶味，送飯一流！呢個份量仲夠3-4個人食，推介！🦀🌱金衣蟹粉扒豆苗（$168)好邪惡嘅一道菜！食肉獸既我見到呢道菜真係唔叫唔得😎 秋風既季節又係食蟹嘅時候，喺幼嫩既豆苗淋上誘人嘅蟹粉，未食都流晒口水🤤 豆苗鮮嫩清甜，蟹粉甘香濃郁，真係忍唔住瘋狂係咁食！

之前食過荃灣覺得不錯，見到原來旺角中心位附近都有間十分方便就想來試一試，上到來都是以木桌和有不少中國風的裝潢係度，因為之前常吃這裡的粥，今次就試其他款式，當中不少這店的新菜式啦，食品都好快來到十分香口，價錢方面都抵食吾貴。見到有新推介當然試試，臘味炒芥蘭，份量比心目中多好多，芥蘭口感夠脆又新鮮，口感十足。臘味有臘腸和臘肉，味道咸度剛好，炒得夠香口，份量大到差點食吾晒添。喜歡涼瓜的我見到有涼瓜湯當然試試啦，涼瓜黃豆排骨湯，最後每人都有二碗多，帶點涼瓜味又清甜，入面有吾少渣都十分好味道，排骨仲保持到軟熟口感，窩心這裡有不少薑碎，不用擔心太涼。路邊炒米粉，炒得香口而且入面有不少配菜，炒米粉味道剛好，吾會太咸，炒得夠乾身，配上辣椒醬十分惹味。

新式既打冷好打地方，仲要係旺角真係超方便～ 哩晚我地食到飽再飲埋啤酒都係$300左右，算係唔錯，性價比高😋😋😋哩到出名砂鍋粥同醬醃蟹🦀，但係因為驚食左就試唔到其他野，所以要留番下次先有機會試啦🙈叫左幾樣野可以試多D，炒鵝腸🤪🤪 可能真係唔係人人都食，但係如果會食既朋友仔真係必試，鑊氣勁夠，成碟都清得哂😅😅食打冷緊係要有蠔餅啦，足料又炸得夠香口，GOODGOOD😍啫啫通菜💚除左哩D平時係出面打冷都會食到既野之外，話得係新式既打冷，果然真係有D新既FUSION野，竟然可以係哩到食到海膽炒飯，而且仲要味道唔錯😆😆

旺角宵夜好去處😆身為潮洲人真係好中意食打冷。之前見網上好多人推介依間 - 心夜來潮，心思思黎試下係咪真係咁好先😋-🍴京燒蝦碌 $128鐵板上熱辣辣香噴噴，酸酸辣辣幾開胃，蝦肉🦐都算大隻，送白飯一流。-🍴生啫魚膘煲 $128用石鍋上菜，上枱10分鐘依然「滋滋炸炸」，入面除了魚膘外，更有我大愛的萵筍片，石鍋令醬汁及傑身同入味😍但略嫌吃到底的魚膘會痴底同埋過熟韌左少少。-涼瓜黃豆排骨湯 $88大約有4-5碗的份量，但依個湯帶微辣。湯頭涼瓜味道欠奉，黃豆更是硬的，比較失望😞

去左終於可以去心夜來潮食野😭不過呢間野食相比荃灣少。—————————-砂鍋卜卜蜆 (10/10)蜆超鮮甜，而且食得出唔係味精湯，而且有配菜（金菇，粟米，粉絲）所以感覺好健康❤️另外， 可以加$45 去有個蔬菜。不過係要自己煮， 有生菜同菠菜。。沙白蒸水蛋（5/10）感覺同普通蒸水蛋冇也分別，正常。而且分量比較普通冇乜驚喜只不過係多左D沙白不過總括來講其實人均消費都幾貴下， 一個人賣單都要150多少少#心夜來潮 #卜卜蜆#蒸水蛋