心夜來潮 (Closed)

風吹雞蛋殼 財散人安樂12/05 7:20PM 去食母親節晚飯原本開開心心，點左個炒蛋但第一啖已經有雞蛋殻，最可怕嘅係，係照上嘅雞蛋殻只食一面，下面一層仲有更大塊蛋殻！我好想即時投訴，但我無咁做，因為我唔希望破壞同屋企人食飯氣氛同我唔需要同佢地浪費時間理論！因為絕無下次，我本人十分唔推薦呢間食店，我明白香港職員壓力大，但都唔好黑我面！各位準備去食嘅朋友，你地要好好考慮清楚我唔係一個好專業嘅食家，但連一個唔專業嘅食家都覺得好似食馬垃圾咁，可想而知有幾難食！

以前在地舖去過一次，餸菜小巧精緻很有味道今次我姨遠道回來，所以特別帶她來。細問之下，老闆是汕尾人，所以造就了這間汕尾風味美食，一望餐牌就吸引左我姨話要試 雙拼小食👌🏻的，不過炸，唔係好合老人家胃口小炒王爆炒秋葵芝麻茶 係呢個唔合格，可能唔同位置的汕尾，所以味道會唔同掛如果論獲氣，舊舖會好味d，但餐種類，現在多d

突然好想食潮州野, 所以就黎試下呢間心夜來潮好彩星期六既夜晚唔使等好耐就有位姐~菜脯煎蛋大大塊既菜脯煎蛋, 成塊pizza咁食菜茶第一次試呢個菜茶, 好特別, 入面有花生, 蝦米, 臘肉, 菜等等, 仲有脆卜卜既米, 咸咸地, 當湯飲都幾好味卜卜蜆煲呢係蜆真係俾我想像中大, 估唔到係咁多蜆, d蜆重要冇咩沙, 真係啖啖肉, 而且仲有粉絲粟米, 吸哂d湯汁, 食落好入味, 2個人食真係差d食唔哂呀其實佢出名係食粥, 但2個人真係食唔到咁大煲粥, 唯有下次同多幾個人黎先再試啦~

👦🏾話好食係要講既，事緣佢都幾嘴刁，佢話得好食，咁就係真心唔錯咖啦😂我們好少去食中菜，不過今次又食得幾滿足，所以要介紹下💁🏻‍♀️首先黎個 💚潮式啫啫通菜煲 $78，有點辣，但我都接受到👍🏼 最好係佢唔會太咸😘 我鐘意呢個❤️💚海豐小米餃 $32，有成十隻😯 外層煙煙韌韌的，入面個餡，有啲似魚皮餃個餡~ 💚之後兩個人叫左個砂鍋粥 (小)，我覺得好犀利！😂 因為原來份量夠三個人食！叫放入粥既餸，叫滿$200就ok!! 我們叫左蟶子, 雞, 牛肉, 魷魚, 元貝...好豐富🤩🤩想再去，見到隔離枱有蠔餅好正，下次要食！

哩日老婆心血來潮約我同一位好友去心夜來潮食晚飯,三個人出街食飯就可以試多D菜式,入到店内發覺D位幾闊落好坐,坐低後立即打開本設計得好骨子嘅menu,交頭接耳咗ㄧ輪之後決定㸃以下菜式:1.爆炒醬啫秋葵香辣惹味肉碎拌爽脆秋葵,用熱辣辣嘅石鍋上,一食就好想叫碗白飯,不過我哋早已柯打咗飯,就係...2.生拆原隻蟹肉蟹膏撈飯上菜時個炒飯係同蟹肉蟹膏分開上,再由店員响我哋面前將蟹肉蟹膏撈落炒飯喥,哩鍋炒飯食落幾乾身,而且仲幾大兜吓,其實menu都已經寫到明係四人份,我哋三個今次真係眼闊肚窄,但既然叫咗就唔好做大嘥鬼,一於努力食晒佢!3.潮式香辣魚仔炒新鮮蟶子王蟶子王大大隻,香辣魚仔係哩味餸嘅亮點,夠晒香口惹味!4.傳統鴨蛋煎蠔烙蠔烙勁推介,金黄香脆蠔仔又肥又多,食到心花怒放!有圖有真相。5.海豐小米餃第一次食哩款餃,外皮嘅食感似粉粿,裡面個餡料食落似雲呑,新奇有趣!非常過癮!6.秘製新鮮豬手墨魚脯煲豬手燜到離晒骨,索晒墨魚味入D肉裡面,個汁好濃好好味!又一煲送飯妙品!食咗咁多香濃惹味嘅嘢,我建議大家飲萍果醋嚟為哩個豐富大餐劃上完美句號,舒服晒~~~menu中仲有好多吸引美食,真係要嚟多幾次至食得晒

all I can say is I felt I got scammed. congee was not white... more like a soup with a lot of msg... have the option to have abalone but do not have fork or knife to cut. they only have plastic fork... the condense milk with bun... bun is the size of a 2 dollar coin and the amount of condense milk given was so cheap.. don't come here... go somewhere else

人，年紀愈大，對自己家鄉的文化，習俗，飲食等都會多關注，雖然在香港出生，在香港長大，但談到籍貫，也毫不猶豫，我是鶴佬人。對於家鄉食品，印象全來自孩提時代與祖父母同住的十年八載，但卻有刻骨銘心的記憶，畢竟腦袋仍新。看餐牌，潮汕食品為主，也有夾雜海陸豐食品，先點脆香小食拼盤，有三款小食，一口牙籤雞，巨型手打魚蛋，脆炸獅子頭。尤以手打魚蛋最能勾起鄉愁，味道正是祖母的版本，有鐵甫魚乾的惹味，魚蛋的結實質感，吃出回憶。而其餘兩種，因以前沒有試過，沒大感覺，但味道也可以。椒鹽鮮鮑魚，吃鮮鮑魚，吃的是鮮味，煙韌彈牙，以椒鹽來處理，惹味倍添。傳統鴨蛋煎蠔烙，份量很大，鴨蛋比雞蛋味濃，與蠔肉和地瓜粉混合，煎炸得很香脆，蠔肉飽滿，好香口，吃得很滿足。家鄉粉絲兜亂，用番薯粉做的粉絲，是最典型的家鄉食品，加了臘腸，唐芹，魷魚乾等同炒，十分滋味，吃著吃著，彷彿回到從前，真希望可以帶老爸來，但事與願違，有點遺憾。

其中一位朋友想食潮州嘢，於是另一位朋友提議到這店，這店屬於新派，沒有傳統潮州飯店多食物選擇，總括來說食品好得，但是服務態度真的。話說我們已經把食物差不多食完，侍應前來問問是否已食完；我們同意，之後便把餐具收拾，這過程沒有笑容，還擺出你哋依家阻住張枱做生意。我們都明白旺角繁忙區，做生意一定想做多幾轉，可是過了一陣子，突然把單據放在枱上，便説「唔該埋咗張單」，實在太冇禮貌，比起其他食店，人哋都問吓要不要甜點或禮貌地提出因有其他食客等位，可埋埋單先才編給我們。

有個鄉下屬潮州的朋友突然想吃菜茶,在香港,可以吃到潮州小食的地方不多,🤔我曾經到訪過心夜來潮荃灣分店,那一次去有些不愉快經歷(我曾經在較早前的食評描述過),然而這間店卻有制作菜茶,為了我的朋友吃到想吃的,於是決定給他一個機會讓我改觀。我和友人2個女孩比較喜歡蔬菜類🥒點了石板燒汁茄子🍆($68),汕尾菜茶($52),方魚炒芥蘭($68),蒜蓉粉絲蒸大元貝和蟶子($42/隻)1️⃣石板燒汁茄子用鐵板呈上上桌時還燒著,口感有點油,還有點辣,但燒汁味濃,完全被茄子吸收,配上一些蝦米仔,雙重口感🤡2️⃣方魚炒芥蘭聽落有趣!方魚是類似魚乾的食材芥蘭幼嫩清甜,還用蒜頭起鑊,是鑊起小炒👍🏻3️⃣汕尾菜茶是我來的目的,果然不失所望菜茶中有花生,臘肉,肉絲,蝦米,菜絲,還有卜卜米,味道咸咸香香,是飽肚食物,湯還可以喝,大愛😍4️⃣好奇想在這裡嚐一嚐大元貝和蟶子,到底出色不出色,實在是有驚喜!$42一隻尚可接受,貴一點就不能了,畢竟2隻起叫,必須讚蒜蓉鼓油汁不咸濃香被粉絲吸收,大元貝和蟶子新鮮,有海鮮酒家的水準😆曾經光顧荃灣分店,那一次的經歷令我卻步,今次勇敢重來,果然不失所望!✅更值一提的是侍應生態度相當熱情!傳菜的會叮

朋友約食，旺角區俾左幾間我揀。其中一間係心夜來潮，都好喎，話時話好耐冇潮過，都係時候了。朋友話呢間都 full ， 所以佢book 定枱穩陣。去到，果然好多人呢！揭開menu 第一頁，已經俾佢個砂窩粥吸引住了。對上一次吃正宗砂窩粥已經係N年前响深圳食的，現在尚在回味，今日一於會一會佢。砂窩粥係自選配料的，有成廿幾種料可以揀。細窩要滿$200配料，我地揀左膏蟹$120 + 響螺片$60＋豬潤$30 。 要食好嘢梗係要等一等，我哋都差唔多等左十幾二十分鐘先有得食㗎！一上枱，嘩！好大煲喎！兩個人真係食唔晒，相信足夠三或四人食。一望就見到有成隻蟹，Size不大，但係都算多膏，仲係橙黃色，正呀！另外豬潤數量都唔少，目測起碼超過10片，全部都緊緊熟， Good ! 反而好似唔見咗響螺片，再搵吓，oh 原來切碎晒，了吓了吓都唔少㗎！大家即刻整返碗，香噴噴、熱辣辣、軟綿綿，個粥底好有味。蟹仔細細，但係蟹肉好鮮甜，真係食到甜味㗎！豬潤呢，最好味當然就係緊緊熟。wow ， 邪惡的人間美味。反而響螺片就平平無奇了，下次再叫的話，我會飛起佢轉入同樣價錢嘅海蝦，粥既鮮味應該可以進一步提升 ！另外，我地仲叫左個秘

與友人又逛旺中，走出商場，見到對面有間叫做心夜來潮的店子，我們都覺得店名很有趣，即決定一試。鹵水鵝肉厚而嫩，入味卻又不會過鹹。鹵水汁非常味美，鹵豆腐盡吸其味。此外的鵝肝以及鵝翼皆亦不俗。砂鍋鮮蜆的蜆超勁大隻，所以有很多蜆肉。蜆洗得很乾淨，沒有一粒沙，吃蜆肉，加口湯，一樂也。潮式炒飯跟一般炒飯沒多少差異，吃不出有甚麼特別之處。總之落了甚麼料都好，飯炒得不夠乾身，兼且頗為油膩，調味亦不足。菜茶是類似潮州擂茶的物體，卻非每家潮州食店經常會見到的。上湯裡有臘腸、冬菇、切碎的菜等等，加上米通和花生，一啖裏集齊脆口煙靭濕潤；是茶非茶，果然妙品。回頭的原因一定是為了菜茶。

有很多朋友仔都會在深夜時分覺得肚餓，要食宵夜才睡得着，究竟是真的肚餓？還是心癮？我就一向都沒有食宵夜習慣，不過....今夜突然 “心”夜來潮，同朋友吃了頓豐富的宵夜。店子裝潢富中國色彩，灰泥磚牆身、水泥地、木枱及無背木椅、中式大燈籠、木雕刻畫、大牌匾、通花木門、大圓形木架等等，猶如走了入一間客棧，古色古香，是拍武俠片的場景嗎？哈！店子正正方方格局，地方頗大，設有兩張十多人的大圓枱及四行座位，每行均有四五張二至四人枱，每張枱泊貼在一起，大家坐得親密一點。越夜越多人, 臨走時還差不多坐滿客人，場面熱鬧，很有氣氛。餐簿也設計得很有心思，刻了書法字的黑皮套相當精美, 好似本武林秘笈，一翻開它，應是飲食秘笈才對。內頁圖文並茂, 相片吸引之餘, 還闡述了一些有關潮汕美食的知識, 讓客人對每道菜式都略知一二。餐簿共有十一篇, 分別有潮汕砂鍋粥篇、家傳鹵汁篇、醬醃咸鮮篇、打冷凍鮮篇、新派潮汕菜篇、潮味湯品篇、清心蔬菜篇、潮汕地道小食篇、潮式炒粉麵飯篇、潮式甜品茶粿篇和飲品篇。******************************我倆都是魚痴, 第一時間已看中這款秋冬期定推介的潮州話梅檸檬原條鱸魚

今晚約咗兩個波友睇波，12點正曼城對車路士。長夜漫漫，開波前梗係要食嘢打底先。之前朋友去過荃灣嘅心夜來潮食潮州嘢，話晚晚都要等位，而家呢個鐘數應該唔駛等，一於試吓。餐廳喺西洋菜南街，新之城對面。裝潢幾有中國古代客棧feel，灰色嘅磚牆、木製枱櫈、中式燈籠吊燈。但木櫈櫈係冇椅背嘅，對於我呢啲冇乜腰骨力嘅「老人家」，坐得比較辛苦。樓底幾高，感覺寬敞。 【天地壹號$18】近排天氣熱返啲，又唔想飲汽水，飲蘋果醋又開胃又有益，但就唔係好夠冰凍。【傳統鴨蛋煎蠔烙$82】好大塊嘅蠔餅，上碟仲係熱辣辣。啲蠔好大隻，蠔身飽滿，味道鮮甜，完全冇臭味，絕對新鮮，食得放心！用鴨蛋煎出嚟蛋香味特別重，成個餅都好惹味，食完已經飽咗超過一半。蠔餅煎得好乾身，碟底只有好少油，香脆可口。【潮汕砂鍋粥】粥底係免費嘅，材料就揀咗膏蟹(中)$200同海蝦$60。係用真砂鍋上，夠晒風味。用鮮蟹鮮蝦煲嘅粥幾鮮甜，海蝦處理得好乾淨，總共約有7-8隻，全部都已開邊方便進食，鮮甜爽口。蟹就奇怪啲，話係膏蟹完全冇膏，不過蟹肉都幾鮮甜。另外仲有好多蔥同芫茜可以自己加配。一窩（小）砂窩粥其實都好大窩，三個人都食唔晒呀！餐廳開到凌晨四點，地點

今日行開旺角中心， 為新年準備添置新衣服， 經過幾小時的shopping, 終於買齊所有野。 行到累， 又到晚飯的時間，咁啱旺角中心對面又有幾間特色嘢食， 看到這間心夜來潮， 估計是食潮州嘢， 正想食下蠔餅，就決定行上去食這間。這間餐廳位於二樓，要經過行樓梯才上到去。 在樓梯旁邊已經有餐廳餐牌重點介紹食什麼野， 上到去感覺這間餐廳兩位特色， 排排木枱木凳配合三面專長， 很有古色古香嘅味道。餐廳侍應招呼殷勤， 個個都很有禮貌， 不停為你添水，加上親切嘅笑容， 令你食得開心。而這間餐廳除了主打潮州菜外，還有一些酒樓食到嘅菜式， 例如鮑魚、 帶子和水煮魚， 多種選擇，正!話到明食潮州嘢 ，我們當然少不了食個潮州蠔餅，再加這裏特色嘅潮州話梅檸檬魚、海膽炒飯和蒜蓉粉絲蒸大帶子, 潮州野加海鮮， 咁豐富的一餐，來過味蕾大解放。先來窩潮州話梅檸檬魚， 其實同水煮魚食法差不多。但這裏的特色是湯底用了數大粒話梅，令湯底飲起上嚟有種甜甜酸酸嘅感覺。 而檸檬魚用上原條桂花魚，整條桂花魚切開一片片， 薄薄的沒有魚骨， 啖啖肉食起上嚟特別興奮。魚吸收了湯底精華，鮮味加上話梅和檸檬味，多重味道魚。湯底用了大量嘅黑

平時打冷都係一定來來去去就是凍蟹、蠔仔粥、蠔餅等⭐️今次黎到呢間新潮打冷舖，菜式別具特色當中的潮汕砂鍋粥以膏蟹為粥料，滾熱辣的蟹粥，粥身軟綿綿，夠晒鮮甜！🤤其他菜式如石板燒汁茄子和爆炒醬啫秋葵都超級惹味，香噴噴上枱🍲而蠔餅又炸得相當脆口足料，醬鹵六小碟夠晒入味新鮮！👍🏻食得多正宗打冷，不妨試下呢間新派打冷舖，會有意外驚喜！