忠記粥品 (機利文新街)

Open Now

Now Closed

天氣寒冷, 早上只有5度.. 一心想去上環食米線, 太凍太遠既關係, 改食粥暖下身果然一去到.. 勁多人!!好迫好快, 叫左艇仔粥, 皮蛋碎牛粥加碟叉焼腸天氣實在太凍既關係, 不消一刻鐘, 個粥已經唔熱...=.=唔知係咪人多, d 料完全係少晒囉..叉焼腸又皮厚少餡, 實在no good!!如果唔係寒冷天, 我唔會食佢!!點解d 食評之前話佢ok good 架......?!?!

今天天氣忽冷了幾度, 吃早餐想吃得清淡點熱一點 , 再到這粥品店, 由卑利街到機利文新街, 我通常是吃艇仔粥加一碟炸兩,。今天要了魚片瘦肉粥加一碟炸兩 (HK$14+8 = HK$22)店小但比在卑利街簡潔和光猛魚片瘦肉粥看起來很對版，有米花, 粥底煲得夠綿軟，味道適中；用料很足，魚片和瘦肉的份量不少，花生很脆又香, 配上少許超幼薑絲及蔥粒帶出香味。炸兩是我一定吃的, 炸兩即做的, 好脆及腸粉皮帶著微微的米香. 加芝麻真的很不錯 ,水準之作 , 令我覺得滿意的炸兩!服務尚算滿意.

為咗健康著想，都係食番餐粥！之前，聽個同事講，上環買碗雙拼粥要成 $35！聽起嚟都幾唔抵食喎！我有次走過機利文新街，發現呢條街有好多餐廳；有粥檔、茶餐廳、.........。睇到呢間粥檔貼上價錢，多數粥賣 $14，最貴嘅只不過係 $21。相當抵食！今次第一次幫襯，試吓係點！ 魚片瘦肉粥 $14一叫完，話咁快有得食嘞！我好多時食粥會辣親條脷，所以，小小心心一羹一羹慢慢食！突然間，出面傾盆大雨！今次真係可以慢慢食！粥底煲得夠綿軟，味道亦鹹淡適中；用料很足，魚片和瘦肉的份量不少，配上少許蔥粒帶出香味。魚片砌得夠薄，仲要係唔腥，好似打邊爐咁，只係喺生火滾粥拖一拖就上枱，食起嚟夠滑。加咗一些超幼薑絲用嚟辟腥，就算食咗都唔覺好辣。瘦肉原來係入味嘅咸瘦肉撕為一條條嘅豬肉絲，起碼容易入口，又唔會韌唔會嚡，最緊要食起嚟唔會有楂！ 腸粉 $8腸粉係即拉架，所以食得出香滑得嚟有啲腍，仲有係熱辣辣！Hm... 我估大約有4 ~ 5 條，個碟睇嚟有好多嚿！搭枱嘅兩夫婦食客，位食客先生，見我第一次嚟唔知道要自己落花生醬....，所以，佢將花生醬、甜醬、芝麻、牙簽擺哂喺我面前，跟住佢哋埋單走人。真係非常唔該呢！！

星期六既早上. 係慰勞自己既一天. 早餐當然要買好d.原先想去威記買炸兩. 但行返公司o個時見到忠記. 倒不如一試哩間.炸兩用膠袋+紙顫底, 好舊式呢.雖然袋裝, 3條炸兩依然排得整整齊齊呢真係好好味! 外面腸粉雖然厚, 但好滑, 入面既腸粉包完後一點都冇淋, 仲好脆, 真係好正呢~唔記得幾錢, 大約7-10蚊左右, 完全不貴呢食晒3條飽晒了

久地從遊, 未食先見到價錢加了. 不過價錢仍是平的, 一坐下, 叫了艇仔, 鮮牛, 腸粉及炒米.1. 艇仔$14, 未食已嗅到米香, 牛肉不太重味, 尤魚量多, 十分合我個人口味.2. 鮮牛$21, 等到10分鐘先有得食, 只係用電磁爐所以比較慢吧,見到阿叔十分細心甘係甘check下d牛肉有無熟. 上台既 粥, 鮮牛100%well done, 不過仍是滑既.味道很不錯, 不知何解粥底有點魚味, 不過都好鮮甜, 最緊要食完唔會thirsty.3. 炒米$6, 味道不錯, 不過沒有蔥,芽菜及太油4. 腸粉$11, 即叫即做, 米香很香非常好食 聽老闆說, 佢地無用味精. kaka不過我見到有雞粉wor. 不過對比其他粥店,佢地既粥真係好似無咩味精既.

近日想吃得清淡一點，早餐吃碗粥又如何？到了這間位於中環的粥店，其實附近包上環孖沙街那邊，仍是有數檔粥店可選的，但見未吃過的，是想來試吃的。通常也是吃魚片粥的我，今天一反常態，要吃得街坊一點，吃個艇仔粥加一碟炸兩，應該很夠飽的了，先來的是艇仔粥，看起來很對版，因為至少有米花，而且夠熱，是吃粥兩大基本的要求，可是吃下一口，艇仔粥是味粥，幸好師傅下得不太嚴重，還可吃到些許米香，而且很綿，有米花，加入的花生很脆又香，是炸過的貨色，而魷魚鬚爽口非常，可是最害怕也是那些牛肉，就是一貫吃牛肉粥的那些免治假牛，一條條如蟲蟲一樣，牛肉的肉質全無，味道又沒有，真的以後也不敢再吃此品了。炸兩在不消兩分鐘已上枱，可能是日早吃早餐的關係吧，用上炸定的油炸鬼包出來的炸兩，竟仍是脆的，真令人感動，真的不要說笑，本人很久也沒有吃過脆的炸兩了，雖然皮不算很薄，但也是可以接受的厚，加上大量的甜醬麻醬，及一點炒過的芝麻粒，味道不錯，如果芝麻粒可以炒得久一點會更香，這確是是難得能令我覺得滿意的炸兩，當然比起神級的蓮園還有一大段距離。吃了一道好的，一道差的，總算是有得有失，但肚子就肯定很得，因為被很多很多的澱粉質塞滿了。

在中環吃碗有味粥,加個炸兩的話,除了威記之外,在機利文新街也有間"忠記".同樣是賣各式粥品,腸粉.早上十點來,開放式廚房內的師傅,正忙於做油炸鬼,好多粥店只會在大清早炸油器,如果晚一點來,通常也是又凍又淋.到時真係搵鬼食.炸兩即做,腸粉皮包著熱辣辣的油條,已經是水準之作.做炸兩沒有秘抉可言,只是腸粉皮有米香,不易破,油炸鬼還是香脆的話,便是好的炸兩.就係這麼簡單,可惜很多粥店,仍舊整定一大堆,結果腸粉皮面全部都是倒汗水,入面的炸兩有如濕水炮仗,又怎會響?艇仔粥賣$12一碗,材料也是豬皮,魷魚,肉碎,花生等等.粥底較稀,有米香,結尾清甜.以這個級別的艇仔粥,算是不錯.在寸金呎土的中區,仍然有好像這些消費低廉的食店,是眾中環打工仔的太平門.不過,要賣幾多碗粥,幾多碟腸粉,才能夠維持?

這天一早要到中環影相,在星期天早上想在中環食早餐,沒有很多選擇,多數只有快餐店開門,決定來忠記.兩人點了: 皮蛋魚片粥 - $13, 魚片新鮮, 粥底也算綿. 皮蛋及第粥 - $13, 足料, 好味. 即拉腸粉 - $7, 夠滑, 再加埋醬料一齊食, 無得彈. 油條 - $5, 自家炸, 夠脆, 不過有d油膩.埋單: 38元,平宜又好味.

今天走錯道,卻被我撞到忠記.我點了艇仔粥 ($11) - 是比平時食開的為稀,不過味道很好, 粥底很香甜, 料也很足及味道很好,食完唔會有thirsty既感覺.炸兩($7) - 好脆及腸粉皮帶著微微的米香.真的很不錯. 已經很久沒有食過黎種味度了.(記得要加芝麻)食緊野既時間見到師傅在炒芝麻及後好細心檢查芝麻炒得是否夠香,真係好似好有誠意甘wor, 下次經開一定會再去.

2009年10月02日，09:25難得週五放假，便到勝香園。被這店傳來的濃郁粥香，深深吸引著了。太座曾向我推介這店。所以在勝香園，吃半飽，便再到這店。見仍有外賣人龍，不想阻礙上班族，便繞了數圈才進店。店小但簡潔和光猛。供應粥品花式少，半飽不想食鹹粥。便要了白粥和齋腸。米皇：綿、香，滑，感覺好舒暢齋腸：香滑，加上三色醬料，更可人。這區租金頗貴，鄰近食店多次易手。但願這種古早小店能挺下去。

很喜歡食佢地的齋腸粉，因為真係好鬼滑！而且佢地還會提供甜醬、麻醬、芝麻，算是非常充足，可惜並不夠熱和細碟一點，再熱一點一會更好食！混醬腸粉加涷豆漿清清地，是一個我很喜歡的早餐！今早試了牛腸，也不錯！齋腸粉 $7涷豆漿 $5牛腸 $10

四月廿四日早上八時三十分, 陰天.最近天氣忽冷忽熱, 昨晚雖然睡得早, 但晨早起床人仍浮浮的, 原本逢周五去的勝香園也得要放棄.經過這裡, 有好幾間茶記跟咖啡小店, 想吃點粥, 粥店應是理想之選吧!大清早, 吃粥的人絕對不少, 吃白粥太寡, 又想試有味粥, 就來個及第粥啦!及第原本只有豬心豬肝(潤)豬粉腸, 今時今日已經進化到添上豬肉九跟豬肺了.粥底也感綿滑, 配上韭黃卻是非主流. 配料方面, 店方大方的配上好幾件豬潤, 有少少筋, 但吃下軟腍, 大慨是新鮮貨來吧~~!可能是碗大的原因, 其他配料沉在碗底, 吃到中段才發現.豬粉腸有兩三條, 不過腸裏較咸; 豬肉九整體沒有硬崩崩的感覺, 有肉味; 豬心有兩件, 個人而言是偏少, 但總好過沒有. 豬肺有點苦澀, 要改進.同時間要個牛脷酥, 味道跟質感皆不及威記.二十五元正, 阿姐忙到漏單, 幸好服務尚算滿意.

星期五中午唔知食乜，行到機利文新街，見到很多人排隊，又排埋一份。終於排到我啦，等成廿分鐘，真係好耐。叫咗艇仔粥，炸兩，蒸蘿蔔糕同炒米粉，共30元，外賣返公司食。因為排咁耐先買多d，因為唔會有第二次，就耐幾好吃都係假，要排咁耐隊。d野食不過不失，不過覺得海皇粥店好味d。不過中環除咗羅富紀之外，好似無乜其他粥店，如果唔使排咁耐隊都值得一試。

中環行經此地, 就試下喇在機利文新街開了新店子食左個炸兩同皮蛋艇仔粥.粥好多料.炸兩脆而以呢個價錢o係中環都算唔錯!但係唔係特出.$20 食一餐, 平丫,清清淡淡的午餐，感覺很好.下次可以食.

正月廿四‧雨水 如果有即拉腸粉，有即炸的油器的話，店子差極有譜，這是我選粥麵店去吃的準則之一。在機利文新街開了新店子，集齊以上條件於一身，當然找個早上來吃早餐。 在這條街，店子前總是人頭湧湧的，多是買外賣，堂坐反而不難找位。要了白粥及炸兩各一，選選水準如何？ 白粥不算綿，稀底，比起老店子威記，是欠了點火侯。吃起來還好是有米香，不錯；炸兩件頭小小的，看油條已知就算炸得外脆，也不會內鬆軟的了，吃起來果然如是。不過是即拉的，腸粉熱辣辣，下點芝麻，醮甜醬及辣醬，總不會差。 埋單12蚊，經濟抵食，不失為吃早餐的其中一個選擇。 當然如果可以行上兩條街，吃粥比這裡好一點，吃炸兩也好一點。