慈雲山小食館 (Closed)

十幾年前，同學仔帶我去慈雲山，第一次食炸蛋，一試難忘，平平無奇嘅魚旦炸到硬過石頭，但係口感好新奇，個辣汁仲好好食添～～～今日再約朋友仔一齊去慈雲山行下食下野，懷念一下以前讀書嘅時候。小食店喺個唔太起眼嘅位置，舖頭細細，坐位唔多，所以每次都要等一陣先有位。今次叫咗炸蛋、魚肉翅加豬豬同墨鬚，咁多年，味道都無變👍🏻炸蛋都係一樣好食，但係就唔夠老～魚肉翅好足料，墨鬚個醬汁辣辣地同甜甜地，好夾呀～～最近收到消息話小店在1月底結束，覺得非常可惜😢希望會有有心人頂手啦！

小食館係我二十幾年前由小六食到中五畢業既地方，大家知道老闆將會榮休一月尾結業都好唔捨得！人潮不斷！連久未露面既老闆都要親自落場，老闆說係平日生意既4倍！所以約番中學時既飯腳一齊去懷緬一下，事前明知無得賣炸老旦，炸老柴，汽水，即「聯合國」(將幾種汽水溝埋一齊）都唔會有，因為炸唔切，汽都打唔切。雖然有點可惜，不過都無損我地既心情^^一行六人，等咗半個鐘左右，終於等到啦，仲可以坐係老闆水吧前既坐位，超開心！先黎豆腐花，其實係蜜瓜味既大菜糕黎既，唔好誤會呀，亦係特色之一。再order咗雜錦（即豬皮，蘿蔔，豬紅），炸旦，炸紅腸，炸魚餅，墨鬚，公翅（即碗仔翅撈公仔麵），翅針(即碗仔翅撈銀針粉), 翅撈大腸加豬紅，生菜魚肉，另外記得一定要叫多碟沙嗲醬，因為係自己炒㗎！我叫既翅撈大腸加豬紅好大碗，呢度既翅腸豬紅好好食，絕無偷工減料無溝水，真正既平民美食！最後6個人食咗$360，真係勁飽勁滿足。好想再去食…

兒時回憶。其實我帶過好多人黎食 反應都是好一般。覺得點解會食埋d咁唔健康既野。哈哈 但是中學讀左七年 食足七年 真是好有感情。每次必食 老蛋和老柴。其實只係將魚蛋同腸仔炸到好熟 外面脆脆硬硬。口感好特別。粉仔亦是至愛 銀針粉配上蔥 冬菜冬菇 簡簡單單 街坊味道。雞翼尖 我一次可以食兩三碟 煮得好入味。什錦 有蘿蔔豬紅豬皮生菜 重點係配上佢地秘製沙爹汁。正。每次黎 都必飲聯合國一杯。其實只是將唔同味道的汽水撈埋做一杯。其實煮法同食物 真是好普通 但我始終定時定候會黎懷緬一下。

慈雲山，除咗睇烈火雄心聽過佢個名外，對呢個「國度」可謂一無所知，今次有朋友帶路，拓寬自己嘅尋味地圖！第一站有 「慈雲山小食館」！首先有重口味嘅「牛腩加豬大腸」，已炆至稔身嘅牛腩好入味，入口肉質鬆軟，食唔停口，夾埋個腸大腸，超惹味，個味如果可以配埋碗白飯就一流！炸魚蛋，比想像中平凡，係炸得好香口，但內部水份收乾，食落口有啲太dry⋯⋯

網上見到碗仔翅入面有麵食, 可以加公仔麵, 粗麵, 河, 米......茶記有既麵食.幾特別, 一次又試到2樣野, 而且仲好飽肚. 即刻約朋友仔去試啦.碗仔翅公仔麵 , 什錦, 炸老蛋 ($48) :碗仔翅做得幾好, 甘夜去, 都唔會過咸, 又唔會太杰身. (因為有d由朝煲到晚, 味道會變得好濃).因為我都好怕太咸, 太糊仔既口感. 香姑同粉絲比較多, 有少少肉絲. 味道好正宗, 平時既碗仔翅味.加左公仔麵. 大大碗 $20, 夠哂飽肚. 公仔麵煮得岩岩好, 硬身少少個隻, 連埋d 碗仔翅食. 湯底都慳返.好特別, 而且好好味.什錦 有豬皮, 豬紅, 生菜, 蘿蔔. 由於我食唔到太辣, 所以沙嗲另上. 沙嗲好香而且唔算好辣.豬紅好味, 而且唔算太味精. 豬皮同蘿蔔 都好入味. 蘿蔔好甜好多汁, 有少少根.炸老蛋 未見過又未聽過. 原來係炸左比較耐既魚蛋. 炸到好透, 直頭冇左彈牙肉質甘. 食入口係, 香脆爆d油出黎. 我本人就唔中意, 友人推介佢又中意. 我唔識欣賞.不過另外有炸蛋, 炸魚蛋黎既, 會有返魚蛋既彈牙肉質感個款.

屋村的小食餐廳慢慢比人遺忘，但這家小食餐廳一直都保留原有的味道。是現在很多新興餐廳沒有的。我個人對於這種味道還是比較喜歡的碗仔翅一直都好喜歡食的一種湯，因爲中意酸酸甜甜的口味，耐人尋味。再加上紅醋，更是我的最愛。這家的碗仔翅好足料，其實配料先係碗仔翅的精華，而這家的配料絕不馬虎。魷魚也是這家店的必點之物，點芥末簡直一流。既開胃 又野味。

聯合國炸蛋火牛聯合國可樂、雪碧、芬達及忌廉溝埋一杯. 今次忌廉味較重炸蛋火牛炸魚蛋, 炸牛丸好普通既一樣野. 但好好味. 有味口8點打洋. 7點45分到. 仲有小小野食. 下次記得早D去 最想食既碗仔翅撈麵, 冇哂碗仔翅, 冇得食

在推介潮玩潮食的社交平台看見這家店的資料，和友人相約遠赴慈雲山一試其滋味。墨魚鬚，友人怕辣所以點走辣的。其實有點可惜，有辣應該好吃很多…不過算了，這個也挺脆挺美味，但份量很小…炸老蛋，一元一粒，很好吃。平常不會吃到的食物，值得。啫哩冰，是只有一點點甜味的水，不值得。雜果冰，沒有特別，就是很純粹的雜果冰。不過是汽水加上水果，很消暑，夏天值得一試。魚肉碗仔翅，小女子生平第一次吃碗仔翅，不清楚味道，友人說普通。這家店的份量真的很小，至少我們點的這些都很小…七十二元，午餐和下午茶的合體，是飽的。是否值得再吃呢？

小食店係香港買少見少, 難得黎到慈雲山, 就同朋友走入咗呢間好有懷舊味道的小店對於係屋村長大的香港平民, 細個一定幫襯過呢D小店. 食客話我知, 呢間店由佢小學已經存在, 裝修都一直無變 (食客望落都有四十 ) , 即係話已經有三十幾年歷史!!!望住個餐牌好多選擇, 兩個人好似前世未食過野咁, 乜都叫. 三溝碗仔翅: 魚肉彈牙, 碗仔翅足料! 仲有大碗細碗分, 想食多D其它野可以叫細碗 , 我見對面個位食客點了一客碗仔翅加公仔面, 第一次見人咁樣食, 下次我都要試下炸蛋 (炸魚蛋): 呢隻炸魚蛋同一般食的煎釀三寶唔同, 細細粒, 個皮炸到皺皺地 (應該係發大咗再縮返水), 加埋特製豉油, 好正!!炸魚片&炸腸仔: 小朋友最愛的食物, 香口美味炒面: 好夠鑊氣! 牙菜比好多唔故寒, 正!!魷魚鬚: 呢個好好味! 精髓在於個醬料, 甜甜地咸咸地. 係魷魚鬚先會配呢種懷舊醬料 (以前南山村出面個魷魚鬚伯伯, 就係買魷魚鬚會變魔術個個伯伯, 都係用呢隻醬料). 同炸蛋一樣, 一定要試天氣熱我叫咗杯雜果冰, 裏面除咗雜果, 仲加入咗啫喱粒粒, 好用心的一杯飲料, 都係$13乍!!最後黎多客大菜糕

第一次見有碗仔翅配麵呢個配搭,我從小就成日食呢類小食,都係第一次見碗仔翅加麵,佢地係我心目中,兩樣都係主食,所以唔會同時出現但呢間小店將不可能變成可能叫左兩樣野,一係炸蛋,二係翅麵。炸蛋一叫就到,剛上枱時係脹起,但吹一吹之後即時縮水,而且比原有形狀更細,應該係用左豉油魚蛋做,食落更煙UN不過有少許帶苦。主菜到,食落無令我失望,麵有FING乾水之後再放翅,並無稀釋湯底而且碗仔翅材料足,食到尾都無出水。加上麻油,醋同胡椒粉更可提味,小店提供麻油任落,著實細心。抵食,足料懷舊店!

炸蛋算係呢間小食店嘅招牌小食 好鍾意佢炸到外脆內軟 咬落仲幾「煙"UN"」再配上麻辣嘅沙嗲醬 真係1級棒 雖然食之前我朋友叫我點甜豉油但食左呢次之後我發覺原來唔一定點豉油 因為佢果度嘅沙嗲醬個味都幾正除左炸蛋之外 啫喱亦都非常好味 仲有特制嘅聯合國 將所有汽水溝埋一齊 都只係5蚊!!簡簡單單30蚊就已經食得飽 真係講得上係平靚正架

之前一直聽呢度嘅炸魚蛋好好味，一直想試試，今日放學後終於黎呢度試試啦一黎呢度就即刻叫炸魚蛋試喇 試過之後，發現佢好味嘅最大原因係啲汁好好味，（好似話係秘製架）再加上啲魚蛋好彈牙，好爽口，真係好好味啊啊啊

可能因為工作不如意的關係，近來的心情都不太好，但無奈工作就是工作，而且不是單純替人打工，有一半以上都是為了自己而做的，所以我不會埋怨任何人，包括我自己。當然我並沒有放棄的念頭，只是有點洩氣，這個時候才放棄的話，我就愧對從前努力過的自己了。要說怎樣可以讓自己的心情好一點的話，第一個想到的選項就是：出外走走吧！於是乎，我就在放工後進行了一段短距離的散步。散步是好事，對，散步總會帶來好事，我因它而得到的好處已多得數之不盡，這個心情差透的時刻做這種事應該不會帶來壞結果吧。起初我是這樣想著的。不過行了一段距離，我就發現自己未知為何越走越消沉，可能因為天色陰暗的關係，又或是IPhone為我所選擇的隨機音樂氣氛不太歡樂的關係（我可不記得自己有要求過Siri播放傷感的歌，不過無論如何，它就是播了），總之當我登上慈雲山的時候，就決定要終止這場短短的散步，同時找點東西吃吃。沿著毓華里走，我吃了點小吃，也喝了點果汁，可能心情影響，讓我吃粟米完全吃不到甜味，喝果汁都喝不出味道，甚至連沙翁都覺得不夠甜，舌尖上掌管著甜味的味蕾都似是已經失效了一樣！有人可能會說我是瘋了，不過這問題的出現是鐵一般的事實，說到底，自己

原來元朗之花是在慈雲山長大的，她一直有向我提及慈雲山小食館有非常好吃的碗仔翅。但我從未踏足慈雲山，我只知道慈雲山有公共屋邨，也不太清楚慈雲山在哪兒…我們由鑽石山港鐵站出發，真的要上山…用Hip Seat帶著蝦米腸上斜真是要了我的老命…幸好友人是「地膽」，我已經行少很多「冤屈路」了。下一次，還是坐車來毓華里好了…（笑）一坐下，友人問我要甚麼碗仔翅，碗仔翅不外乎魚肉翅，還有甚麼選擇呢？原來這裡的百搭麵包括碗仔翅，可加米粉、麵等，可惜這是我回家後，上網爬文才知道的…當時又熱又累又餓，蝦米腸還在「打功夫」，我根本沒有仔細看餐牌。我的魚肉翅和凍芝麻特飲、友人的碗仔翅加豬腸和凍檸樂，還有炸蛋和墨鬚，總共$90。坦白說，碗仔翅沒有預期中的驚天動地…碗仔翅夠熱夠稠，有大量的粉絲和肉絲，如果冬菇絲再多一點就好了。魚肉是一般貨色，沒有特別。我比較喜歡這裡的小食，友人點的炸蛋是「老蛋」，炸至外層乾硬，別有一番風味。有嚼勁的老蛋內藏溫熱的油，我覺得很滋味！再加上店家的甜豉油，正！不過應該不是人人都喜歡的…墨魚鬚是很實在的，沒有發泡過。醬汁是沙嗲黑椒汁，感覺有點曖昧，但幾香口。最後要彈的是凍芝麻特飲，分明就是芝

小食館賣的食物是平常「掃街」可見的。不過可以坐下吃，有冷氣，當然比站著吃好。炸魚旦外皮故意炸得「老」，內裡彈牙，口感特別。配合沙爹辣味汁，辣得更開胃。碗仔翅可加錢加面。不過碗仔翅較淡味道，未知是否因為多人會加辣汁吃，所以原味較淡。碗仔翅靈魂在於辣汁，加辣的確食得過癮。