新匯聚打冷小廚 (Closed)

今日係觀塘收左工同同事即興約食飯，都異口同聲話想食打冷野之後我即刻捉咗佢黎新匯聚打冷小廚之前食過覺得佢性價比幾高呢間餐廳係位於觀塘嘅成業工業大廈入面喺停車場行入去只係需要5分鐘就會見到唔算難搵為咗食客安全呢度都會提供酒精搓手液同埋要先探熱先至可以入去嘅枱同枱都會有1.5米距離同埋個板去隔住老闆都非常之有良心，係呢一個咁艱難嘅時期都推出推出左一個抗疫套餐！所以性價比更加之高話明食打冷梗係要食滷水鵝片啦！$110咋大大碟下邊仲有勁多豆腐！全部都好滑脫脫而且滷水味好香唔會好鹹水準唔錯跟住我哋嗌左一個椒鹽豆腐豆腐又係好滑嘅熱辣辣新鮮炸起非常之香口配埋椒鹽簡直係惹味十足仲有蝦子柚皮呢一道菜已經好難搵到可以喺呢度識到簡直係非常歡欣！吸晒蝦子嘅味道好Juice最後店員仲送咗一份美味嘅紅豆糕俾我哋食！

最近同朋友食小菜，黎左新匯聚，原來因為最近經濟環境唔太好，餐廳推出左晚市優惠，兩個小菜連飯，湯，甜品最平都係$160，真係好值得食。我地叫左$180set 金銀蛋浸娃娃菜健康但亦唔會太清淡，配上咸蛋皮蛋，份量很足夠。蜜糖黑椒薯仔牛柳粒每次黎都會叫呢個，旨因味道好惹味，薯仔加左蜜糖炸香，送飯一流。之後散叫左豆腐炆倉魚，本身諗住豉汁蒸，最後師傅推介用豆腐炆，真的十分推介!蒸魚很滑又入味。豆腐係峰巢豆腐，但唔同一般既食落口感咁疏，呢個好實心，好似魚蛋咁彈牙但又有豆腐味，成碟最後食晒。甜品係椰汁紅豆糕，今餐好滿足。

走進了神秘的工業大廈，餐廳位於觀塘的一座工業大廈之內，並不容易找到。 全因為工業大廈有太多的出入口 ，幸好還有指示牌， 看起來有點像一個大型的food court。下午茶時間到來 ，吃的東西當然也就是香港的特色， 而我點算的食物就是瑞士汁雞髀配香脆曲薯條。 雞髀份量十足，巨大的雞髀看起來也令我有點懼怕， 沒想到這次我的胃口雖然遇到強大的挑戰，但我當然也能迎刃而解 ，發揮我的小宇宙。 味道方面，瑞士汁雞髀完全沒有雪味， 還帶點淡淡的鮮雞香，真想知道廚師的烹調功夫到底出自哪裏，如此美味。 另外，曲薯條方面比m字頭的連鎖快餐店，更為美味，因為外脆內軟，口感更佳。

之前朋友話呢間新匯聚打冷好好食，一直都未有機會去觀塘，今晚去開就一定要食下。芝麻雞外皮炸得好香脆，加埋海量的芝麻係表面，食落陣陣芝麻油香味，雞蛋都幾好咬口，算係幾多肉，整體不錯。滷水鵝翼併墨魚墨魚好好食，勁爽口，配上醋一齊食，又酸爽又開胃，白食仲有甜甜的墨魚味。滷水鵝翼份量都唔少，鵝翼夠腍，吸收晒滷水的甜味，鵝肉軟熟香滑。蒸原隻日本扇貝，好大一隻，超多粉絲，好強。凍檸檬蜜甜甜酸酸夠晒開胃，最岩夏天飲！

呀媽話要食打冷，係觀塘揾左間隱世小菜，原本以為淨係打冷，點知佢小菜甜品飲品乜都做齊仲要唔貴，我下次都會食下佢d小菜滷水鵝片就走唔甩啦，大大份，下面d豆腐勁滑，我平時好衰格，d豆腐就唔食因為難食，依間我有食呀，所以水準幾好蠔餅好大餅！我就真係食唔晒啦，食晒d蠔就算，配埋魚露，都ok，炸得香脆，又係幾十蚊，算係咁。叫返個菜清清地，叫左蒜蓉芥蘭，炒得偏油，大家可以叫其他菜🤓🤓🤓或者叫佢落少啲油，但味道都係好既最後就係食甜品！叫左楊枝甘露芒果布甸，三十五蚊但兩碗一齊上，覺得自己賺左！😎😎😎🥰🥰因為真係好食，真係估唔到中菜廳都整得咁好食甜品，真心嘅。埋單唔貴三百內搞掂，good!🤗🤗🤗

之前舊同事帶我去過觀塘新匯聚打冷小廚，試過d菜式唔錯，老公一向喜歡食小菜，今晚就帶佢去試吓！新匯聚位於工廈，地方夠大，地方整潔。椒鹽鮮魷拼欖角骨：小菜都有雙拼，方便我呢d人少的客人可以多嚐一個菜式。椒鹽鮮魷用上等厚肉的新鮮魷魚泡製，即叫即做，炸得香脆可口，配椒鹽十分惹味！夏天味覺有點沉悶，來一個味道特別又帶甜絲絲的欖角骨，用新鮮金沙骨做，肉質鮮嫩多汁，好好味！薑蔥魚腩煲：啖啖魚肉加上魚腩的油脂、爆香過的乾蔥及薑，真的可以吃不停口，是一道惹味又好送飯嘅家常菜！福建炒飯與一般的炒飯不一樣，最特別的就是飯上面的菇菌蝦仁汁。菇菌蝦仁汁的食材非常豐富，有蝦仁， 菇菌、雞肉和青菜粒等，材料豐富，美味可口。生力啤最後還有甜美的馬豆糕奉送！

叫左個2人套餐$180，可以自己揀兩款小菜，包埋兩個白飯、無味精老火湯同是日甜品。鮮磨杏汁燉豬肺，豬肺洗得乾淨唔會有腥味，仲有雞腳、豬骨等湯料，飲落好鮮甜。椒絲腐乳炒通菜，醬汁惹味唔會過鹹，加埋炒得爽口既通菜係絕配。蜜糖薯仔牛柳粒，平時去大排檔必食嘅小炒，呢度炒得都幾夠鑊氣。薯仔粒外脆內軟，味道好香濃。散叫既香脆蠔餅，呢個幾有驚喜，蠔餅既份量十足，炸到金黃色脹卜卜，睇見都想食，而且蠔肉粒粒飽滿，鮮甜大隻。今餐3個小菜、1個小食、例湯、燉湯、白飯、甜品咁多野，食到勁飽先每人200有找，真係超抵食，平靚正推薦！

在觀塘搵食一點都不困難，幾乎每個角落總有食肆在附近。今日幫公司送文件到觀塘，便和同事在附近找吃的醫肚，走得身水身汗，隨便坐得舒服就好了。結果來到這間位於工廈裏的新匯聚打冷小廚，冷氣夠，座位多，枱與枱距離寬闊，不感壓迫焗促。菠蘿海鮮炒飯配料有蝦仁、菜粒、菠蘿粒、墨魚粒...... 米飯軟硬程度恰到好處，炒飯炒得夠乾身，鑊氣夠， 雞蛋和米飯混合分量適當，口感好，而且份量多。由於份量實在太多了，我還打包了一半做晚餐。同事點了一份索女餐（特濃蕃茄牛肉公仔麵拼蟹肉蟹子炒蛋配牛油多士）賣相都非常吸引，試了一口，番茄味非常濃郁，炒蛋也很嫩滑，配合爽口蟹子，口感特別又美味，下次再來也要試一試哩！

晚飯曾在「新匯聚打冷小廚」用膳，小炒與打冷都很滿意，今日在觀塘購物，午飯也選擇在「新匯聚打冷小廚」，第一次幫趁午市套餐，發覺抵食夾大件！午市是自助形式，先購票，再自取。腐乳通菜炒牛肉，腐乳炒通菜很惹味，腐乳味道不過鹹，牛肉與通菜十分嫩滑可口，一碗大大碗白飯已經足夠我們兩人分享了！椒薯仔牛柳粒，薯仔與嫩滑牛柳粒鑊氣十足，香氣撲鼻而來，令我們胃口大開，兩道小菜份量頗多，而且只是街坊價，每款$49。 大家都楝少甜、少冰的檸蜜幫助消化，好棒！

放工同老公係觀塘區搵食，見呢間野都幾旺場，就膽粗粗試下。一坐低見到串燒，好想試下，就叫左幾款。燒得幾惹味，火喉岩岩好，有驚喜呀。蠔仔粥我就最鐘意既，蠔既size大小適中，粥水比例亦唔錯，係上盛既出品。黑椒豬手又係我另一個最愛，濃濃既黑椒汁加埋啖啖肉既豬手，真係無辦法唔食多兩碗飯呀。而且個size 都幾大，差少少食唔哂。食咁多肉就梗係叫番個菜黎中和下，金銀蛋津白，上湯香味濃郁，津白幼嫩，質素非常好。呢度既菜色出品好好，另一樣想讚下既係好少打冷中菜館咁乾淨，又闊落，令人食得好開心，飲得好舒暢。

講真，唔係人地帶黎，都唔知觀塘區內有間咁正既打冷。老實講佢似一間中菜館多過打冷，因為佢除左潮州菜仲有好多唔同既小菜都做得好出色。打冷就一定唔小得蠔仔粥，非常足料，蠔仔又大仔又多，大大碗，好味道！呢度d蠔真係好正，唔止蠔仔好食，連桶蠔都同樣出色，我地叫左個砵酒桶蠔，d蠔大隻到呢，又鮮甜，加埋砵酒既香味，真係不得了呀。燒汁鱔球又係令我好深刻，外面脆皮，內面乾身，燒汁惹味。最最令我吃驚居然係呢飲招牌檸蜜梳打，聽落去平平無奇，飲落去新奇刺激！佢味道好似益力多，好特別，加埋有汽，超爽！一路以黎我以為工廠區既食肆都係粗製濫造，但係估唔到搵到間同大排檔有一樣水準既中菜館，無得彈呀！

放工唔想周圍走，就响公司附近搵嘢食晚上的工廠區通常都比較少人，今晚試了觀塘工廠區工廠大廈裏面的新匯聚打冷小廚兩個麻甩佬梗係要叫個滷水拼盤加支酒啦，啤酒飲得多，今晚轉飲紅酒，自攜紅酒又唔收開瓶費，very good另外叫了招牌菜，蜂蜜欖角骨，上面有欖角碎及鋪滿蜜糖，但欖角可以多一點，令味道更濃郁。滷水拼盤有鵝肉、紅腸、豬大腸豬耳、豆腐、墨魚。當中以豬大腸及鵝肉最入味，淡淡滷水香，吃得出有藥材八角的味道，不會一味只得死鹹，送酒非常合適。除了送酒，還想有些米氣到肚，於是點了潮州蠔仔粥，上枱時粥是超熱的，最喜歡這個溫度，蠔仔非常非常大粒，配以胡椒粉及唐芹粒，提鮮又提味，食完一碗又一碗。最後意猶未盡，經過侍應的推介，點了$45有三款的串燒：豬頸肉、雞中翼及雞腎。當中雞腎有些少偏鹹，但雞中翼就出奇地好味，而豬頸肉則有火腿的感覺，哈哈。全部都是下酒的妙品，吃着吃着而紅酒也剛好飲完，非常滿足的一餐👍

今晚約了朋友到觀塘這間新匯聚打冷小廚晚飯相聚，餐廳位於成業工業大廈內。餐廳是工業大廈的地下層，所以樓底較高，很有空間感。餐牌都有很多選擇，蒸、炒、炆、煲仔…等都有。鹵水鵝肉$90食潮洲打冷，我們當然要食打冷必食的鹵水鵝肉，鹵水鵝切得較為大件，鵝本身很肥美，鵝味較濃，肉質腍滑，當然是打冷必食之選。鹵水鵝底下有很多一粒粒的花生，綿中帶腍，很香口。乾炒牛河$75乾炒牛河面上洒有一粒粒的白芝麻，裡面有洋蔥、芫茜、蔥、芽菜，當然，一片片的牛肉，切得較為大片，炒得很香又不會韌，整個牛河炒得夠鑊氣又夠香口。酥炸美國桶蠔$170美國桶蠔炸得顏色啡金啡金的，例牌較大隻，當真啖啖肉，入口外脆內軟腍，好味喔！可樂$10食打冷及酥炸桶蠔，配上可樂，感覺食得更是滋味。最後餐廳還送上個甜品紅豆糕，又軟又有一粒粒紅豆的口感，再加上奶味很濃，甜度適中，食完感覺當真滿足。

今日約咗個friend食飯去咗觀塘食晚飯，佢推介係工業中心嘅潮州菜食打冷，此店在工業大廈內要穿過停車場或者電梯口先可以去到，有啲難找。我哋點左滷水拼盤，二人可以叫小份，拼盤裏面有鵝片，墨魚，紅腸，豬耳豬大腸及豆腐，滷水味道不錯，不至於死鹹，可惜鵝片太肥，位置不對，豬腸清潔不太好有點豬味，豬耳整體太肥，又不夠爽口，隨碟的辣油，又不香又不夠辣。另外點的蠔仔粥，蠔仔非大隻爽口及新鮮，但湯底欠了方魚的味道！此店仲有其他選擇，會有好多前菜有優惠推介，芝麻雞，鹹豬手，串燒或者甜品等等...值得一讚食物選擇很多，各有特色，非常適合下酒。今次就冇試，所以唔清楚水準如何，此店價錢尚算公道，但味就道一般般。

Book咗七點單遲咗少少去，職員都冇詐營非常感謝🙏🏻，地方第一次去唔算好識搵😝叫咗出名嘅芝麻雞，芝麻雞嘅皮真係好脆好多芝麻，但係肉質就好乾。咕嚕肉味道好夠🤩一啖接一啖正呀😋仲有一個薯仔牛柳粒薯仔多個牛柳好多😕，同埋牛柳太韌啦😕😕😕全晚最出色一定係避風塘九肚魚配炸蝦丸🥰九肚魚好香口蝦丸都好正🥳蠔餅都炸得好香脆，但係炸粉太多，有時會食到成舊都係炸粉冇肉啫啫通菜煲好正，夠鑊氣又夠味😋