新樂園魚蛋粉

Open Now

Now Closed

嘩！今次試咗佢哋家嘅牛腩粗麵，真係正！牛腩嘅肉質好滑，咬落去唔耐咀，又保持咗啱啱好嘅嚼勁，放喺香氣四溢嘅湯底裡頭，真係渣都唔剩！麵條勁彈牙，吸滿咗牛腩嘅味道，每條都分明，無一條散漫。除咗牛腩，印象深刻嘅仲有佢哋炸魚皮🐟。薄薄一片咁，每啖都咬落去卜卜聲，唔止好吃，連聽都過癮！飲品方面，個凍檸茶🍋甜中帶酸，消滯又解渴，做完Perfect結尾。唯一要㨂嘅可能就係坐位嘅舒適度啦，如果你同我一樣，中意啲空間大啲，就選圓桌坐會舒服啲。但話哂，食物咁掂，少少不便都值得！快啲試下啦，我保證收貨唔會後悔啦！👍

話説呢間新樂園魚蛋粉，門面普普通通，但其實係臥虎藏龍,因為佢嘅食物係有返咁上下質素，亦已成為我同朋友每星期某一日的必食飯堂，相聚一番。COVID逐漸放緩,好多時大家都想搵個地方歇歇腳, 但餐廳好多都仲未回復以往的營業時間,但呢間餐廳可以俾我哋坐到晚上12點😆😆有次同友人一行十人，做完運動都已經到傍晚九點幾十點，急急腳入黎補充下energy, 叫左佢5/6個煲仔飯食，叫下d 炒麵，個炒面好好食，又叫下d 小炒，都好惹味，最難忘係個蜜椒薯仔牛粒，真係每次必點，邪惡得來真係忍唔到口😋薯仔外面焦脆，内裡軟綿，調味很適中。煲仔飯我最鍾意川雞味😆凍凍地有煲仔飯落肚真係一種享受～每次都食得好開心好餓，同朋友傾下偈，都無點影相，曾經影過臘腸章魚餅煲仔飯,都相當唔錯㗎！

新樂園既煲仔飯係原汁原味用爐火煲的，而且當中的排骨及滑鷄味道好好，肉質軟滑，飯粒乾身，加上有任落自家製豬油，夠香、夠惹味。飯焦可以成塊起出，焦脆，不會太燶。值得一試！

一般茶餐廳環境,價錢唔貴但質素算過得去,而且款式非常多,除左雲吞同牛腩粉麵之外,仲有大路既炒粉麵飯,什至連焗飯都有,而且午餐時間仲有自助免費餐湯任飲,雖然係免費,但係好足料,潷湯時會見到有半煲都係豬骨,落重本~

當日成夜晚九點幾都未食飯，仲開緊嘅餐廳唔多。見到佢仲開緊冇咩點諗就入咗去，講真都好少食茶餐廳🤭🤭.原盅蟲草花鴨腿湯飯 $48枝竹斑腩煲 $68.依個湯飯幾有驚喜，有兩舊冬瓜，一隻鴨腿。冬瓜同鴨腿都炆到好冧，特別係鴨腿已經炆到骨肉分離🤣而冬瓜亦都好入味。成個湯都好清，唔會油淋淋！味道都夠味，唔會話太鹹太淡，又唔會有味精味！成個湯配飯都好舒服🥰班腩都有幾多舊，size都唔算細。粉漿厚度接受到，唔會只係食到粉！但係枝竹有啲失望，因為真係唔入味，冇咩味🥲🥲特別要講下，當日我同朋友兩個女仔去食，加上夜晚唔想食咁多飯，同佢地講要一個飯就ok! 啲侍應都好好咁問我地夠唔夠食，係比碗我地share嘅時候又有幫我地用熱水洗一洗先，好好人☺️

等待了超過30分鐘一直未有得拎, 最後問完佢地先思思然走去煮, 仲要一句唔好意思都無, 嬲到我要寫呢篇食評比大家拎到返公司,. 蓋都無蓋實, 一拎出黎, 倒到成地同成身都係!!!!! 我發誓唔會再幫親呢間垃圾店雖然衛生方面我承認呢個價錢係做到幾好, 但係基本野做到咁差係不可以原諒!!!

早餐，環境乾淨，裝修聽聞都十幾年，不過keep得幾好，而且地方光猛，食物上師傅出野快到，2分鐘有得食，正！沙爹牛唔錯，無乜筋，冧滑，奶茶都中上水平，而家價錢唔貴，會再黎！

嗰日凌晨去到鰂魚涌我心知不妙，周圍冇嘢食得返呢間開。根據我30年經驗呢間野都係好普通。但維持生命機制冇辦法啦。講真嘅服務唔錯好有人情味，老闆娘同老闆公都好好，但呢個劣評一定要俾！係希望你哋以後做得更好梅菜扣肉飯又酸又苦，廚房師傅，我以曾經討教四大廚神其中兩位的名義講。你梅菜冇出水啊大佬，正常你蝦眼水，出出水。咁就去除嗰種苦澀味同酸味，之後你用返，豉油同師傅就好好食，你唔落師傅落雞粉都得。呢味餸已經唔係好多功夫底，俾啲心機啦！師傅！努力/加油/奮鬥，大家食客想支持你㗎！你知唔知道你隔離幾間，細個過你，好生意過你幾倍！希望你努力！

坐底叫咗碗牛丸米，煮野食果個啊叔無帶口罩不得之，仲要邊講嘢邊噴口水，一滴一滴咁滴落前面嗰一兜湯到！極度嘔心，俾左錢無食即走！太嘔心！毫無衛生可言！大家千其吾好去食，絕對無誇張！

為咗星期五個workshop，煩咗成朝⏱ 本來唔關我本嘅嘢，唔知點解都要我嚟安排🤨 好在仲有時間出去食個lunch舒緩下情緒💭 不過時間唔多，唯有喺公司附近填飽個肚就算🍜 #首領 提議我哋去 「新樂園」... 雖然 #新樂園 嘅環境唔多討好，不過收得你街坊價就唔好嫌三嫌四啦，況且 #新樂園 啲食物都ok嘅😌一於咁話啦！#小秘書 今日叫咗碗 #牛腩河 🍜 同 #油菜 🥦 幸運地師傅又比咗啲幾靚嘅🐮我，牛腩邊位爽口得嚟又有啲啲肥🤤 可過碟油菜 #芥蘭 就唔多得，食落仲有啲苦苦地🤪 不過整體係唔錯㗎👍🏻👍🏻

小秘書其實唔係咁鍾意嚟「新樂園」食飯，因為前前後後、左左右右、十居其九都係地盤工人/麻甩佬😌想吸吓啲「鮮肉味」都難😩不過「新樂園」啲食物又真係大件夾抵食嘅🍚所以間中我都會就吓啲大胃王同事😂陪佢哋「草根」一吓！小秘書今日餓餓地，見午餐有「豉汁蒸鯇魚飯」，諗住清清地可以試吓。碟魚🐟上枱嘅時候賣相都ok嘅，啲豉汁又好野味😋 但唔知點解，成舊魚骨就多過肉，仲黑蚊蚊咁🤨我揀揀埋埋起哂啲骨已經所剩無幾🤭 不過我撈埋啲汁送飯都夠飽嘅 呵呵😄

好多人為咗方便，都會去選擇茶記去食飯嘅 ，當然忙碌嘅香港人最講嘅就係方便快捷喇。 呢排工作都比較忙，連食飯都冇乜時間，只能夠去茶記解決， 純粹求其喺公司附近嘅呢間茶記食飯。 午飯嘅時間人比較多， 而且啲位都比較逼， 所以是應都會要求食客快快落單，然後都好快送上食物。梅菜扣肉飯其實都真係幾肥㗎，不過呢睇到隔離嗰位叔叔 ，大啖大啖肉咁食，我都忍唔住買咗一個梅菜扣飯 ，佢係用一個碟仔裝住，一兜既分量都唔少，梅菜扣肉蒸好之後，會配上大大兜飯。加埋梅菜汁咁撈飯，真係好惹味㗎，而且梅菜扣肉又冇骨，最啱我呢啲懶人直接咬完之後，就可以 食飽飽。午餐而言，四十零蚊連嘢飲不過不失啦。

午餐時間未到但已經有小小肚餓！行過新樂園就想食返小小野。就食平時最鍾意既牛雜米！碗米黎到都有幾多牛肚、三舊牛腸、牛膀、牛肺。碗米唔會話煮得太淋！蔥、芫茜同炸蒜放響湯匙度，想要就加。牛肚小有地唔癡牙！牛腸中間無肥膏，只有外面既小小。牛膀唔係粉晒又或者乾乾的。牛肺都唔會話煮到變晒質。成碗粉既料唔係不停滾不停滾既感覺新鮮得黎又唔會唔入味！碗米唔係太濃，我騖口左小小辣椒。小小就已經夠辣落單時侍應問要唔要飲品！當我話唔要後，佢係專登拎杯水俾我！細心

平日有去食早餐。一般貨色，冇特別。晚市近年第一次，食小菜晚飯。出奇地，又幾出色喎。豬腩蓮藕煲，三色蒸蛋同芋頭蒸排骨。唔太濃味，豬腩腍入味，蓮藕都唔太少。煲仔上，夠熱。蒸蛋，滑，豉油咸甜適中。排骨就遜色左少少，芋頭好似搭枱咁，同整碟餸冇乜關係咁。以後又多個晚飯地方。係奶茶就差d啦！

因為下午茶食得太飽，晚上同親戚去左呢間新樂園魚蛋粉食輕盈的晚餐。我點左酸辣湯米線，揀一餸：牛扒，無飲品，$42首先酸辣湯我要小辣，因為未試過唔知有幾辣，但食落是幾乎無辣的，要自己再加辣，而酸味都不太酸，靠d咸酸菜出酸味，靠一點辣椒碎出辣味，我以為點都會有d紅色湯(正常理解酸辣米線應該是有紅色湯), 但這裡的是港式的口味，不是所想那種四川雲南酸辣米線，如果一心想食酸辣米線的就不要選這裡，不過米線的質感就不錯，算彈牙不發水。親戚選的牛腩米線$30，牛腩好夠淋，入味，不錯。老公揀左常餐$42, 蕃茄雜菜湯麵加煎雙蛋多士，一杯熱飲。蕃茄湯可以，不會太酸，雜菜多，蛋和多士沒有特別，一般茶餐廳質素。再加兩碟油菜，菜心好靚，通菜又嫩，$15 一碟，不錯總結是，食一般港式粉麵沒要求的可以選擇。