新肥泉海鮮大排檔

Open Now

Now Closed

今日朋友話帶我食放題，以為又係果啲大XX食日式刺身壽司果類，點知去到原來係大排檔，真係夠哂驚喜。地方雖然偏僻左啲，但估唔到都有唔少人幫襯，咁應該真係靠得住。黎大排檔食就一定要試小炒，我地叫左椒鹽豬扒、尖椒炒雞雜、回鍋肉、水煮魚。椒鹽豬扒香口惹味，豬扒夠淋身，唔會好鞋口，配椒鹽食簡直無得輸。豬雜牛雜就食得多啦，雞雜真係好小餐廳有，所以忍唔住叫左黎試下。雞雜裏面有雞腎、雞肝、雞腸，雞腸係最特別，有咬口得黎又好香雞味。回鍋肉好夠鑊氣，五花肉充滿油香，椰菜爽口，增強口感同豐富左成道菜既層次。水煮魚夠哂辣，魚肉嫩滑無骨，食得好過癮，份量多到差啲食唔哂。

爆旺場既大排檔佐敦新肥泉係我最喜歡的大排檔，呢度雖然係街市樓上，但其實識飲識食既一定知道呢個地方。今晚又來食晚餐，因為佢既美食真係好吸引，超夠火候，真係超級地道的香港🇭🇰大排檔風味😌點左幾味必食菜式，絕對食到lamlam 利：1. 薑蔥生蠔煲 $168 超入味夠火候既生蠔🦪煲係最愛，每次來到都必食，生蠔新鮮大大顆，咬落去超juicy, 激讚👍🏻2. 肥泉小炒王 $118 小炒王也是食過最好味既，蒜苗超鮮嫩，仲有蝦米，爽口魷魚🦑腰果，真係足料好味🤤3. 避風塘軟殼蟹 $168 今次第一次試避風塘軟殼蟹，小小辣但易入口，而且好岩送酒🍻另外點了兩碗絲苗白飯，呢度價錢都好合理，整頓飯夠3 人份量，好多人結伴來食就可以點更多菜式share, 真係好食又抵食🥰

📍🇭🇰 新肥泉海鮮大排檔 (佐敦).來到佐敦熟食中心，估唔到有間大排檔竟然有多款任飲任食放題揀！.我們兩個女仔就揀咗最平的放題餐！試試佢先！餐牌款式選擇多到花多眼亂，選擇困難症的我們，最後揀咗六款，就已食到好飽啦！呢度真適合約埋三五知己一起飯局！食足咁多款！.1️⃣ 黑椒薯仔牛柳粒：薯仔炸得香口，配上一啖一口牛柳粒！😋👍🏻2️⃣ 椒鹽鴨舌：平時很少食到鴨舌，原來椒鹽鴨舌是幾香口，最適合邊飲酒邊吹水！3️⃣ 椒鹽雞軟骨：這個炸得酥脆香口，我們很快便清哂！4️⃣ 小食：可愛BB鴿一隻5️⃣ 七味豆腐粒6️⃣ 肥泉小炒王.整體嚟講，食物很有鑊氣，我們有讚冇彈，捧腹而回，感覺值回票價！還有很多款都未試完，下次再來真係要約埋成班朋友一起來食同聚會先得！

啫啫芥蘭煲一上枱，就見到煲仔滾滾冒煙，真係好吸引。芥蘭炒得翠綠爽脆，蒜蓉香味撲鼻而來。我試咗啖，真係好惹味！芥蘭嘅清甜味同蒜蓉嘅香味完美融合，再加上煲仔嘅鑊氣，真係食到停唔口。老乾媽炒四季豆嘅份量都唔少，四季豆炒得爽脆，配埋老乾媽嘅辣味，真係好惹味。我平時唔食得辣，但係呢碟菜嘅辣度啱啱好，食落唔會太辣，反而會越食越開胃。

朋友帶左我去佐敦官湧巿政大廈度搵食😋🐓炸子雞皮脆肉嫩，仲有旁邊嘅蝦片應該好多人同我一樣都會好鍾意🦀椒鹽軟殼蟹椒鹽香口，軟殼蟹厚肉有膏🦐沙嗲粉絲大蝦煲粉絲索曬沙嗲汁好入味，蝦肉都算彈牙新肥泉海鮮大排檔(佐敦)地址:佐敦寶靈街17號官湧市政大廈2樓熟食中心

//新肥泉（任飲任食）//我哋今次食咗佢$288小菜任食嘅套餐，一打開個餐牌見到粥粉麵飯，肉類，菜類都好足夠，仲有砂煲同好多小炒😍😍可以話啱晒唔同口味同需要嘅人士！😋😋我哋今次就試咗⭕️肥泉小炒王⭕️京蔥炒牛柏葉⭕️ 菠蘿拔絲咕嚕肉⭕️ 豬潤啫啫鮮雞煲♡̴ 肥泉小炒王大排檔必食嘅小炒王！好夠鑊氣，堅果亦都炒到卜卜脆，韭菜仍然保持到香甜爽脆，仲有佢哋嘅蝦乾好有鮮味，為道菜增色不少♡̴ 京蔥炒牛柏葉裏邊嘅牛柏葉吸晒啲味汁，好惹味，咬落去爆汁，京蔥亦都好足料，熱辣辣食落去好滿足，送飯食一流♡̴ 菠蘿拔絲咕嚕肉咕嚕肉皮爽肉嫩，配合菠蘿夠晒開胃，個汁啱啱好，唔會太甜，亦都唔會太酸，仲真係可以做到拉絲嘅效果！好食！♡̴ 豬潤啫啫鮮雞煲啲雞肉好嫩滑，啖啖肉，豬潤食落都好綿香，又有咬口，加上個味汁好出色，有少少辣味好香口，加埋一齊真係絕配！💰$200-300/1p⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆評分(五星為滿分)⭐️⭐️⭐️ ⭐️ ⭐️

📍新肥泉喺官涌街市樓上大排檔，如果怕污糟就唔好去，暫時天氣唔算太熱上去食飯都OK，有大風機吹下，但天氣再熱D，三十幾度我就頂唔住～🥢潮爆黃金炸魚皮每片炸魚皮包上薄薄嘅鹹蛋黃醬，咸咸香香，佐酒🍺一流🥢炸大腸大排檔梗係要食炸大腸啦，外脆內軟有質感，又冇臭味🥢蒜片頭抽煎海蝦🦐蝦碌大大隻，頭抽入晒蝦度好鮮味，啜埋個蝦頭蝦膏，正呀😋🥢薑蔥生蠔煲🦪肥美蠔肉加埋勁多薑蔥煮吸收晒蠔嘅精華，搞到D蔥係最好食🥢金銀蛋菜芯🥬怕炒菜太油，所以揀咗金銀蛋上湯煮菜，感覺健康D🥢芥末炒牛柳粒🐮牛柳粒切到bite size,每粒俾調左味Wasabi醬汁薄薄包住，味道唔會公鼻🥢老乾媽炒四季豆🫛火候控制得好好，肉碎四季豆炒得好乾身，少少辣好惹味🥢味菜炒牛柏葉牛柏葉吸收晒鹹酸菜嘅味道，不過芡汁太濃2️⃣支啤酒🍻5️⃣支汽水💰是日晚餐$1270💰人均消費$320評語：新肥泉小菜嘅價錢牌同一般酒樓價錢差唔多，不過佢碟頭都大，餸菜比較濃味，正宗大排檔味道同環境，想試大排檔風味就可以試試。

自助餐同日式放題就試得多，大排檔小菜任食你又試過未？今次嚟到位於佐敦嘅官涌市政大廈，準備大擦一餐！第一次黎食所以叫左個最平嘅任食黎小試牛刀，$288 可以任飲任食90分鐘，菜式包豬、牛、雞、小食、粥粉麵飯、小炒、砂鍋煲同各款飲品，想食海鮮嘅可以叫$488 嘅任食。所有食物嘅份量都係例牌，唔會因為人數而改變份量，所以如果想試得多款就要同多啲朋友一齊黎。今次我只係同老公兩個人黎食，但我地戰鬥力都唔野少，兩個人食左十道菜，不過份量真係好係好大，有時真係食到生無可戀，提提大家記得係限時內要食完所叫嘅食物，否則會被罰款架，所以最緊要係食得曬，先好嗌！-🌖香辣新鮮魚皮 $68魚皮爽脆，厚薄適中，香辣程度屬BB級，令人一啖接一啖。🌗麻辣嗦螺 $98一窩入面有非常多隻，每隻都細細隻好入味，不過進食方法稍為麻煩，唔太適合任食時order。🌖特色金沙雞翼 $108一碟10隻雞翼，隻隻都大隻肥美，而且沾滿金沙鹹蛋黃醬，鹹中有大少少酸味，似係特意為金沙雞翼消除膩感。🌖酸薑皮蛋 $48皮蛋有雪花紋，酸薑份量夠多。🌗潮爆黃金炸魚皮 $98魚皮有薄有厚，每件都沾有鹹蛋黃，而且份量超爆多！食到生無可戀😂，兩個人嚟真係

OpenRice 見到咁多人推介，一心諗住大排檔平平哋食晚飯，四個朋友食飯，傾下計吹下水，食咗普通小菜及平價海鮮,味道一般不是出色，但係價錢貴，食咗涼伴魚皮、鮑魚煲、豆腐魚雲湯、上湯菜、烚蝦（例排）、花螺、埾上炒米粉，味道不算好好食，海鮮份量亦唔多，飲咗幾支汽水，埋單加埋一服務費$1700😱街市大排檔加一，超出我想像😅

今晚與家人去到佐敦。由佐敦站C2出口，數分鐘便到達新肥泉海鮮大排檔。大排檔位於佐敦寶靈街17號官涌市政大廈2樓熟食中心，如果乘搭高鐵至九龍站，亦可經站內通道步行至柯士甸站F出口，再由廣東道轉入寶靈街，十分鐘左右到，非常方便 。 首先，我們點選了這裡引人入勝的鮑魚雞煲。大塊嫩滑的鮑魚與香氣四溢的雞肉在煲內交相輝映，入口彈牙的鮑魚搭配著鮮嫩多汁的雞肉，好味道在口中瀰漫，讓我們回味無窮。雞汁濃郁鮮美，絕對是這道料理的一大亮點，溫潤滋味，深得人心。 接著是肥泉小炒王，這道菜肴淋漓盡致地展現了大排檔風味的獨特魅力。每一口都香氣撲鼻，韭菜花在鍋中迅速炒製，保持了食材的鮮嫩口感和原汁原味。香氣十足的醬汁讓這道菜更加引人入勝，一口接一口，讓人難以抗拒。 而酥炸墨魚餅則展現了惹味的一面。墨魚鮮嫩彈牙，外皮酥脆香喷喷，每一口都散發出濃郁的墨魚香氣。搭配上特製的醬料，酥炸墨魚餅更是美味至極，讓人欲罷不能。 最後，配合絲苗白飯，更是最好配襯。米香四溢，口感細軟，每一口都讓人感受到滿滿的幸福。絲苗白飯的清淡口感與其他菜式的濃香鮮美形成了完美的味覺平衡，讓整餐更加順口。 總的來說，這裡給人一種美食大排檔風味的享受

我今日放工後，順道約同好友去位於佐敦寶靈街17號官涌市政大廈2樓熟食中心的新肥泉海鮮大排檔食晚飯，環境闊落開揚，舊式大排檔的搭配，人頭湧湧，很是熱鬧。我點左個松子黃花魚$208，好友點左個招牌涼瓜炒蛋$108，及黑椒野菌牛柳粒$128，白飯1碗$10，另外要加一服務費。黃花魚炸得皮脆肉嫩，很香口和好妹，伴菜豐富及拌著開胃甜酸汁，整體賣相不錯。招牌涼瓜炒蛋份量好，蛋炒得嫩滑好味，涼瓜翠綠爽口；野菌牛柳粒好有獲氣，熱辣辣的牛柳粒好鮮嫩入味。

上星期與朋友來到新肥泉海鮮大排檔吃晚飯，位於佐敦寶靈街17號官涌市政大廈2樓熟食中心。乘搭高鐵至九龍站，亦可經站內通道步行至柯士甸站F出口，再由廣東道轉入寶靈街。無論是由港鐵柯士甸站F出口，抑或佐敦站C2出口，只要步行約數分鐘便很快到。 先來一鍋粟米魚肚雞粒羮，這是我的至愛。每一口都充滿了濃郁的雞湯味道，加入了鮮嫩的魚肚和粒粒粟米，口感非常綿密，入口即化，讓我回味無窮。 椒鹽脆鮮魷是我另一個極力推薦的菜餚。這道菜是大排檔特色中的經典之一，外皮酥脆的魷魚坯配上香氣四溢的椒鹽，一口咬下去，鮮嫩的魷魚肉質立刻彈牙，加上微微的辣味和鹹香，實在無法擋！ 接下來是黑松露帶子炒飯，這道菜集合了黑松露的獨特香氣和帶子的鮮美，絕對是一道高級的大排檔美食。每粒飯粒都充滿了黑松露的香味，帶子的鮮嫩更是令人驚艷。整道菜看似簡單，但其中的烹飪技巧卻十分考究，每一口都帶著濃濃的海鮮風味和黑松露的馥郁滋味，非常惹味。 最後是濃滾燙海味青菜煲，這道清湯海鮮青菜的湯頭濃郁味美，每一口都充滿了海鮮的鮮甜味道，而且燉煮的過程中讓青菜入味，鮮嫩可口。青菜及粉絲吸收了湯汁的滋味，一口下去，清新的青菜味和海鮮的甜美交織在一起，十

最近廟街有夜繽紛，車仔檔小食都比較貴，行過啲轉個彎就見到熟食中心，決定上去探一探。喱間比較起廟街入面個啲好似性價比高啲，兩個人叫咗3個餸。豬膶啫啫鮮雞雞煲 $128超好味，香味撲鼻，好推薦比大家，真喺正如其名，「鮮雞」，雞肉好彈牙，即使係雞胸都唔會好霉，味道又唔會太搶，豬潤亦都好新鮮。避風塘軟殼蟹$168真係外脆內軟，又鎖到啲鮮甜蟹汁，餸啤酒汽水真喺一流，食完一啖又會再食，同埋都真喺幾大碟，食極都仲有。招牌海蝦球$138無錯就喺酸酸甜甜嘅菠蘿咕嚕蝦球，口味上喺比較甜，所以好好餸飯，同埋啖啖肉無骨最重要。行完廟街搵唔到食咩？真係要過嚟試一試。

第一次挑戰呢個大排檔90分鐘小炒任食, 每碟都係例牌份量黎ga! 平日每位$288就可以任食大排檔小菜同任飲汽水啤酒同無糖茶😳✨ 可愛BB鴿一隻預先切為4份, 味道就正常發揮啦! ✨🥔黑椒薯仔牛柳粒🥩黑椒汁香辣惹味，薯仔香脆可口, 牛柳粒仲一D都唔UN! ✨菠蘿拔絲咕嚕肉🐷咕嚕肉份量佛心, 味道酸酸甜甜，非常開胃✨🐓當紅炸子雞半隻 外皮整得真係幾薄脆, 有酒樓質素, 都幾驚喜! ✨🐮黑椒牛仔骨醃得夠入味, 口感鬆軟✨豆腐肉片魚雲湯真係勁足料! 豆腐質地嫩滑，仲吸收晒湯底嘅鮮味!仲面仲有豬頸肉﹑ 魚雲﹑魷魚同白菜仔等, 魚湯味道都幾濃!

新肥泉海鮮大排檔，呢間野真係唔係朋友帶上黎食都唔知有間咁既餐廳。佢係係個佐敦街市個d熟食中心入面。一開頭入咗去，見到無冷氣，心諗大獲了！但坐落又幾舒服，因為個度好寬敞，跟住又有超多風扇，通風好好，食哂全程都無出過汗。今次嚟到呢度，朋友仔叫咗幾款招牌菜，包括避風塘軟殼蟹、豬潤啫啫雞煲同埋拉絲蝦球。先講軟殼蟹啦，呢隻蟹真係三樣入面最好食，軟殼炸得脆口。個避風塘香料妳好香口，蟹細細隻，兩啖食哂。豬潤啫啫雞煲都係我好鍾意嘅一道菜。雞肉質嫩滑多汁。加埋爽口唔梅既豬潤，一個字正👍最後嚟緊拉絲蝦球，個名已經好吸引我。啲蝦球炸得金黃酥脆，每一口都飽滿彈牙。蝦球上面灑上啲拉絲醬汁，酸甜味道好開胃。新肥泉海鮮大排檔係一個值得一試嘅餐廳，雖然個位置真係偏僻咗dd。但係就會係小人d，坐得舒服，同埋d餸菜鑊風都好夠，食到傳統香港既味道！！😆