新記煲仔雞粥 (Closed)

一路聽說新記雞粥，馳名，老字號。所以特意深夜走進元朗一嘗名氣食店。1.香脆炸倆腸份送到枱上，第一口發現冰冷無比，內裹油炸鬼又冧又韌。2豉油皇炒麵亦是冰冷，無味。全無鑊氣。3.蜆介鯪魚球，十分之咸。4貴妃雞粥，十分平庸，但算是所有菜式唯一可以。5凍奶茶淡冇茶味向店員表示炸倆及炒麵質素，只換來：噢！咁樣，一係炒麵幫你整返熱佢啦，炸倆就冇辦法。非常失望，希望改進。但我們就不了，謝謝🙏

咁耐無黎新記食野呢到呢質素差左😟貴妃雞豬潤粥 $52唯一一樣水準無變就係佢既招牌雞粥雞粥吸收哂雞既精華裡面既雞同豬潤都好足料👍🏻紅燒脆皮乳鴿 $65都幾大隻 啖啖肉至於脆皮方面我就覺得一般火腿炒米粉 $29米粉多過料🙄香脆炸兩 $20炸兩完全唔係脆😑蒜泥汁脆皮豆腐 $33難食到一個點 豆腐就咁炸炸到勁乾勁硬蒜泥汁同個豆腐完全唔夾我落d鹽食仲好食過個汁😤香脆炸大腸 $52正正常常無乜特別個汁酸酸甜甜 幾開胃

Restaurant Review📋Food🍽Chicken🐔Oyster🦪Rice Porridge貴妃雞蠔仔粥- the rice porridge has a nice mushy texture with umami Chicken🐔and Oyster🦪flavors- Chicken🐔was tender and Oyster🦪was umami and plumpy- Be careful⚠of the Chicken bone🦴fragments in the rice porridgeDeep-fried Dace Fishballs🐟with Clam Sauce蜆介鯪魚球- Not crispy due to not dining in the resto- the clam sauce has an unique savouriness which enhances appetite😋- Be careful⚠of the Fish bone fragmentsClassic HK🇭🇰Style Squid🦑酥炸魷魚鬚- Not crispy due to no

放假入咗嚟元朗國梗係搵啲地道嘢食啦聽朋友講元朗有幾間粥店好出名其中一間就係新記粥麵嗰個Li都話要食佢個雞粥但係我就想試吓佢個海鮮粥啲粥都幾足料入邊有原杯蟹魷魚等等嘅海鮮食落口仲好鮮甜！ 搞到我忍唔住食多兩碗再食埋個叉燒腸呢個早餐就夠晒滿足啦，腸粉好滑溜，叉燒嘅肉份量都唔少喎，果然即叫即做嘅最新鮮！最好味！仲有好多唔同嘅小食可以揀本來仲諗住食埋個馳名貴妃雞粥但係太飽啦都係下次先嚟食！下次一於叫返四五個人一齊食咁就可以試多啲嘢啦

放假當然想輕鬆一下，之前因為疫情都躲在家中，真是悶瘋了。現在疫情有所改善，我也急不及待相約朋友吃東西，我們去了久違的新記煲仔雞粥吃下午茶。先來品嚐香脆炸大腸，大腸外層炸得香酥，一入口不會過於油膩。雖然大腸外表乾脆，可是裡面仍很彈牙，標準的外脆內彈，越是咀嚼越能吃到大腸獨特的香氣脂味。我很喜歡XO醬拍拍青瓜調味，酸酸的帶XO醬的鹹鮮，青瓜大小剛好，作胃前菜挺不錯的，吃一口XO醬拍拍青瓜，頗有解膩開胃的作用。秘製雞中翼一份五隻，色澤金黃的雞皮香脆可口，雞肉滑嫩多汁，看起來垂涎三尺。雞中翼不用蘸醬吃已經很有味道，因為雞中翼事先醃過醬料才去炸，吃時風味十足。朋友很喜歡貴妃蠔仔雞粥，她十分欣賞貴妃雞鮮嫩滑溜，雞肉有夠鹹香。蠔仔飽滿細嫩，海味濃濃，粥底細綿，吸收貴妃雞和蠔仔的精華。重點是她覺得貴妃蠔仔雞粥料給得超有誠意，料好實在。吃貴妃雞蠔仔粥的同時，怎可缺少它的好伙伴豉油皇炒麵。豉油皇炒麵製作簡單，卻美味無窮，芽菜爽脆極緻，麵條富彈性，充滿鑊氣，豉油香味挺足。

假日入元朗，朋友介紹了一間出名的粥店，餐牌既菜式好多，真係睇到眼花撩亂，咩都想試下，最後2個人叫左5道餸。天氣都比較熱，先叫2個前菜冷盤開開胃，第1道冷盤叫左我至愛既涼伴皮蛋，個醬汁唔太辣，如果辣少少會更加惹味。第2道冷盤就係海哲手撕雞，份量頗多，海蜇爽口, 雞絲嫩滑唔乾柴，而醬汁既味道就相對比較淡，反而唔會蓋左海哲和雞絲本身既味道。黎到粥店，當然要試下佢既粥，於是叫左馳名海鮮粥，用砂鍋上, 里面有蝦兵、蟹將和帶子，用料豐富，粥煲得夠綿滑。除左粥出名外，呢度既炒粉面都有好多選擇，簡左道簡單既火腿炒米粉黎送粥，米粉炒得岩岩好，唔會太乾亦唔太濕，但整體粥和炒米粉既味道都偏淡，呢個時候配上濃味蒜茸炒螺肉就一流，蒜茸炒螺肉夠鍋氣，仲有洋蔥，三色椒等作配菜，最正係d螺肉全部去殼，唔洗自己慢慢撩,夠晒方便，螺肉彈牙，夠惹味。

突然想食粥都要特登出黎元朗食「新記雞粥」😂平民級嘅平堂平。靚。正😘.🔸貴妃雞粥 $52美味指數：🌕🌕🌕🌕黎得「新記」必叫呢碗最受歡迎嘅貴妃粥啦🙆‍♀️亦係鎮店之寶👍師父每日揀選最新鮮最鮮嫩嘅母雞再用多種藥材，香料，蝦乾，瑤柱熬煮雞肉嫩滑無比，更帶少少鹹香再配上泰國絲苗米滾成嘅粥每啖粥都帶有濃郁嘅雞香好快係不知不覺中食哂成煲粥🤣.🔸火腿炒米粉 $29美味指數：🌕🌕🌕🌕🌓食得雞粥，一定要配埋呢碟炒米粉廿幾蚊大大碟，好抵食👍米粉吾會炒得乾柴食落帶住陣陣鑊香仲有火腿絲，紅蘿蔔絲做配菜添🥰.🔸蔥花蝦米腸粉 $20美味指數：🌕🌕🌕🌕入口滑溜爽嫩，蝦米同青蔥滿鋪腸粉上既有口感，米香味濃💕.🔸XO醬炒蘿蔔糕 $52美味指數：🌕🌕🌕🌕蘿蔔糕切成方塊狀再香煎至四邊薄脆加上XO醬，青椒，黃椒，洋蔥一齊粉味道自然更香濃啦😍若果再辣些少，就更惹味🥳.🔸凍奶茶。凍檸茶 $19美味指數：🌕🌕🌕🌕🌘呢到嘅奶茶同檸檬拍得住茶餐廳水準奶茶香滑順口檸茶茶香帶酸吾會苦澀～

元朗又新街出晒名多野食 多數小食宵夜比較多 今日晏就去原來新記雞粥都有開🤩 二話不說就拉左朋友仔入去坐低🤣 餐牌上有勁多選擇 有選擇困難症既我見到樣樣都想食😂 最後當然必點左個貴妃雞豬潤粥 呢個真係推介！ 用黃油雞煲出黎既粥特別香又滑！ 豬潤又粉嫩😋粥底又好綿！岩晒喜歡食雞粥既我！2個人點夠食呀～仲叫左碟芽菜炒河！份量唔算多但只係$27 仲要勁有鑊氣😝 仲有好多韭菜同芽菜加小小辣椒醬真係忍唔住食多2啖😆雖然炒河粉好邪惡🤣🤣 我地仲叫左2份小食酥炸魷魚鬚同脆皮乳鴿🤩兩樣小食都係即叫即炸 上枱熱辣辣好吸引呀！ 魷魚鬚炸左唔會好似擦膠咁咬唔開 反而仲好易咬 再配埋醋 中和返晒 岩岩好完全唔會太油～ 乳鴿都算幾大隻好有肉 又唔會炸到乾爭爭 仲有好多肉汁 好juice😝 炸乳鴿當然要配埋淮鹽🙈咁邪惡既野當然要叫返2杯飲品潤返啦 原來呢到有d特色飲品叫左杯話梅柑桔冰同檸蜜🐝 杯話梅柑桔冰好出色 朋友仔飲第一啖已經大讚好好飲 因為酸酸甜甜好香話梅味！ 杯底真係有粒話梅同柑桔 想要酸d可以督多幾下🤣 平時夜晚呢間都好多人 試下lunch食都唔錯呀🤣🤣

元朗想食粥， 首選立即諗起新記， 有好多款粥揀， 粥又夠味今早二人同行去左食，先揀左兩款人氣粥品， 一個係貴妃雞黃膳粥， 另一個係海鮮粥， 另叫左葱花蝦米腸粉及乳鴿，最後想坐下， 就叫多個蒜茸雞翼尖，兩碗粥都比預期中快到， 諗住未必好入味啦， 但雞粥出奇地入味， 仲要好多舊雞同膳， 超值， 另一個海鮮粥雖然唔夠雞粥咁有味，但就足料， 有兩隻蝦半隻蟹同埋幾粒帶子， 豐富抵食， 腸粉蝦米足，無因為$20 咁平就求求其其，另外乳鴿好食， 唔會好重味，食落香脆，雞翼尖就個人覺得有點乾身，不過味道同入味， 而且都係$27, 量又好多， 好抵食， 總括黎講絕對係抵食又有水準既粥品店， 店內亦衛生乾淨

呢段時間好多地方都有做外賣自取優惠，新記煲仔雞粥都有八折。今次係第一次幫襯新記，買咗兩樣外賣回家，魚腩豬潤粥及貴妃雞飯。魚腩豬潤粥粥底好味，又棉，依家好多粥店都已經變成米水粥，搵唔到幾多粒米，新記啲粥真係唔錯，魚腩好味又滑，豬潤略嫌薄咗啲，所以煮熟咗之後偏硬。貴妃雞飯估唔到貴妃雞咁好味，鹹香惹味，忍唔住要食多兩啖好多人喺門口等外賣，服務員姐姐係包裝外賣方便好亂好亂，我係經外賣平台落order，佢叫嘅Number，根本就唔係外買平台提供嘅order code，要自己金睛火眼咁望住姐姐打包裝，遠觀佢嗰張單據，先至估到係叫自己，跟住姐姐就會叫你自己睇清楚張單據係唔係你嘅，個名係你嘅就攞走啦！

同男朋友第一次約會 佢就帶我去呢間店 拍左8年拖 就食左8年 😳 有幾次同朋友食宵夜 佢哋都提議食呢間 證明佢岀名 又好食 平時食開貴妃雞粥 今次就試下 貴妃雞蛀仔粥 $64 本身雞粥就已經好食 加埋啲蠔仔 增添一點鮮味落去 蠔仔份量都多👍🏻.紅燒脆皮乳鴿 $65 呢個每次黎都必點的 外皮夠脆 肉好香鴿味 又唔會鞋口 .火腿炒油麵 $29 呢個炒麵類都係必點 米粉 麵 河粉 到今次炒油麵 全部都好食 有鑊氣🔥 我自己鐘意叫埋火腿 豐富啲 食素者 可以唔加都得😆.酥炸魷魚鬚 $55 條條都好大條 岩哂同朋友一齊黎叫分享美味 分享熱氣😂.叉燒腸粉 $24 食腸粉 我鐘意2面都反一反索多啲豉油 入味先食 有冇同好？.豆漿 唔知飲咩 好 所以叫 估唔到又幾好飲 甜度適中 好香豆味.📍新記煲仔雞粥 (元朗) 2442 5129元朗又新街60號地下D2號舖

趁中午可以堂食，當然要食粥！粥店年輕一代未必很有喜好，不過就這家的貴妃雞粥，連我不喜歡食粥的家人都說好食。在元朗算是老字號吧，在其他地方都開分店了。.當然要叫招牌：貴妃雞粥比其他粥要黃一點點，相信是雞的精華。入口有雞的咸香味，鹹鹹地不用加胡椒也味道十足。雞件多，食完一兜超飽的。.貴妃雞（例牌）因為食到雞粥的雞不錯。另外叫了一例貴妃雞，肉多而滑，那種咸香咸香的味道令人忘懷。.碎牛粥碎牛多，加點胡椒就perfect 清清地。.香脆炸兩好食！入面的油炸鬼是炸過來的，所以好香脆！.秘制雞中翼$29 五隻，在小食類中算叫便宜。.菜芯果然貨真價實，$30給了一大碗。特別要煮得林身少少，有照做！.在元朗食粥店，這家應該是挺出名的。

今日決定食粥，嚟咗呢間出名食雞粥嘅新記。咁當然要叫雞粥食啦！粥底本身都夠味，算綿，都唔錯。雞件有胸位有髀位，雞胸位難免嚡啲，髀位就當然滑啲。夾夾埋埋都有七八件雞，份量OK。.另外都有叫腸粉，呢度啲腸粉好似都出名。叫咗鮮蝦腸，腸粉都算滑，收貨啦。一碟有三條，每條腸粉有兩隻蝦。皮蛋我拎嚟送粥食😉皮蛋同鯪魚球整體都OK。鯪魚球即叫即炸，食落熱辣辣。火腿炒米粉，必加甜醬！炒米粉撈甜醬好食。.整體正正常常，如果想食粥腸粉炒粉類嘅話，都係一個選擇。

之前都成日見到新記，個燈色招牌都幾養眼，但就冇入去食過，因為平時去開元朗食粥第一時間會諗起發記，但成日都要排隊，今次唔想等就過左對面呢間新記試下。入到去發現原來佢唔只食粥同腸粉，仲有好多小食賣😲.招牌貴妃雞粥 $52粥底充滿雞味，唔係個啲白粥加啲雞落去就話係雞粥個款，就算冇雞你都食得出粥底裡面散發住香濃嘅雞味，而雞肉雞胸以外嘅部位都好嫰滑（利申好唔中意雞胸😂）.乾炒鮮牛河 $54乾炒牛河都好足料，裡面好多牛肉，牛河炒得夠乾身，記得襯熱食。.香脆炸倆腸粉 $20係熱架，呢點好重要！好食😋.鮮蝦腸粉 $27一條腸粉裡面有兩隻大蝦，隻蝦都算幾大隻。.酥炸魷魚鬚 $55呢個見差唔多枱枱都會點魷魚鬚即炸，夠爽口，少炸粉，入口唔油膩👍.四川麻辣鵝腎$33抵食，裡面除左有鵝腎，仲有菜頭（應該係）食落好爽口，好啱送粥，而且話就話係四川麻辣，但實質同麻辣唔係好關事，辣味麻味極之輕微，反帶有甜味，so far都幾推薦。.凍豆漿 $9/1豆漿都係自家製，有豆味，飲落口感有少少滓，感覺更天然。

元朗真係好多嘢食😍但係揸住架車你要搵位泊就真係好難🤷‍♀️ 難得今日搵到個位泊車🚘見到隔離 #新記煲仔雞粥 好似好多食物選擇咁， 即刻走入去試下姐姐話炸魷魚鬚係必點， 估唔到55蚊咁大碟， 好鬆軟香脆， 皮脆肉厚😍😍之後就係重點貴妃雞粥， 即叫即煲 ，粥底好香好綿， 雞件都好足料食到底都仲有好多🤣炸大腸係老公指定嗌嘅， 好香脆，配埋個汁就更加一流， 鍾意食內臟嘅就 唔好錯過乳鴿其實係見到隔離枱叫完就叫就試一隻， 乳鴿都算香脆，早知叫佢唔好切開就更加原汁原味🤪食咗咁多嘢嗌番兩杯飲品凍咖啡 加埋 話梅柑桔冰超級解渴， 下次要試埋佢嘅炒麵