村爺爺車仔麵 (Moved) New Location

今日又再次嚟到油蔴地這一帶覓食, 在轉角位置見到村爺爺車仔麵, 我也好一段日子沒有食過車仔麵啦, 所以便揾位坐。店舖內坐位不是很多, 坐满人都會好逼。坐下後, 以為是填纸落單的, 原來是係門外排隊叫餸落單。因為出左糧加左小小人工, 所以我今天比較豪氣一點, 來個 (A) 餐----殿-特濃龍蝦湯麵。我揀完食物, 店員著我揾位坐, 不久, 我的食物遞上。半隻龍蝦已經佔據了整個碗，店員亦奉上開龍蝦鉗子, 三餸和時菜分開上碟的。最後店員亦奉上紙包飲品一盒。現在介紹一下套餐有什麼和味道先, 套餐包括有1.波士頓龍蝦半隻- 龍蝦亦分很多種, 呢隻真是波士頓龍蝦, 绝不馬虎或取巧地給顧客其他品種, 龍蝦肉很爽很鮮甜亦很多肉, 龍蝦頭亦有很多蝦膏, 無懼膽固醇, 食左先算。😁2.自選三個配料 - 我揀了冬菇, 雞翼尖, 蘿蔔。冬菇肉厚肥大有香的菇味, 而且份量亦很多, 又夠腍, 好似食緊啖啖肉😂。雞翼尖亦很腍很入味，份量都有十隻八隻。蘿蔔亦清甜, 亦很入味和很腍, 𡁻起沒有根和渣, 很不錯。3.上湯時菜 - 韮菜很多很大碟, 煮得很青緑, 很入味。4.龍蝦湯麵 - 我揀左粗麵, 湯底係用龍蝦餚製,

村爺爺車仔麵，之前已從朋友口中聽聞過。它的特別之處是龍蝦湯底，車仔麵o黎講真係好豪下IMG:4]首先到店外點餐，林林總總的餸多到要諗左陣先諗到食咩，最後揀左C餐：龍蝦湯米線，黑毛豬露筍卷及任選3餸。點餸後便進店坐，不到一會便有店員把食物送上，仲即時幫我加上海鹽及黑椒粉在龍蝦米線上，話會再好味d！湯同餸是分開的，首先嚐一口龍蝦湯，夠味亦好鮮甜！果然是特式招牌湯底！剩飲湯都已經覺得好味米線夠滑，唔硬唔林啱啱好。至於3餸，我揀左魚腐，鹵水雞翼及生茶，都是平日車仔麵會食到既餸。黑毛豬露筍卷就一定要講講！估唔到車仔麵店可以食到咁特別既小食，半肥瘦既黑色豬包住爽脆既露筍，口感一流，仲要配埋芝麻醬，呢個配搭真係好得，香口又唔膩，值得一讚！套餐連可樂，絕配！呢間特色車仔麵難怪舖仔細細都咁出名見到對面食客的龍蝦伊麵賣相好正，大大隻龍蝦，下次試呢個！

出去旺角行街，一落車就覺得好肚餓，行過對面就見到一間車仔麵，就拉埋個朋友過去醫肚。前排朋友工作需要，要研究車仔麵文化，所以全程佢都有講車仔麵嘅歷史，原來都幾有趣嘅，因為以前香港人無錢開店，就砌一架木頭車出嚟，上面放唔同款色嘅菜任君選擇，久而久之演變成今日嘅香港車仔麵。去到呢間車仔麵，見到餐牌好多選擇，他們的形式是先點餐後取麵，花多眼亂，而我酒店左最基本的豬骨湯底套餐。以前細細個已經食車仔麵，已經知道豬紅豬皮雞翼尖係車仔麵嘅精髓。豬紅同豬皮都好入味，豬紅爽口沒渣，豬皮咬落清爽，我的口味來說如果再林啲更好。雞翼尖入味又惹味，份量多，我這些貪心鬼吃得滿足不得不讚個湯底，好濃郁同清香，飲落好舒服，配什麼麵都很適合，我點的是油麵，以28元來說，真的大碗又抵食，仲有3款餸和生菜配，加了5元有野飲。不過電視只有無限loop 同樣的片，應該是不停播餐廳老闆的說？！

叫左個C餐黎食！又幾特別喎！每張台都有食法睇！跟個食法飲啖湯先！嘩！真係有好濃既龍蝦味！湯底好濃好香！少少咸之中有強烈既海鮮味！個伊麵又夠彈牙！同個龍蝦湯好夾啊！C餐仲有三個餸揀！我揀左南乳炸雞翼！炸墨魚手指！同魚皮餃！炸雞翼正啊！有陣陣既南乳味係入面！炸到又夠脆！入面雞肉又夠滑！好食！個墨魚手指就好彈牙啦！唔會有空氣咁！係好扎實個種彈牙！個餐仲有個黑毛豬蘆筍卷！估唔到食車人麵又有咁正既野食！個蘆筍勁幼嫩！唔會有渣！好食！

今日陪朋友去廣華醫院覆診，覆完診就去咗附近揾食，行行下就泥咗呢個村爺爺喇~雖然，餐廳都有提供豬骨濃湯湯底，但餐廳以龍蝦湯底作主打招牌，我就梗係唔執輸，要試下啦！今日一早就出咗門口，冇咩點食到野，所以就揀咗份量比較多嘅極上（夏）特濃龍蝦湯底，除咗主打龍蝦湯底麵線，仲可以自選3種配料，同黑毛豬蘆筍卷。而我就揀咗牛肋條、牛筋、南乳炸雞翼嘅龍蝦湯底米線。餐廳唔同其他車仔麵店，冇將啲材料直接放係湯麵上，而係將配料另上，所以就唔洗擔心炸物會因為長期放係湯上而變淋。用龍蝦熬成嘅豪華湯底，味道濃郁，有海鮮嘅鮮味，可以當湯飲，米線煮至偏軟身，吸左唔少海鮮味；牛肋條份量充足，幾抵食，牛筋就好腍滑，粘稠度高，有口感，南乳雞翼就比較重味，有濃烈南乳，炸到卜卜脆。跟餐配嘅黑毛豬蘆筍卷，兩個蘆筍卷以交叉形式上碟，視覺效果都幾靚，薄薄嘅黑毛豬片包住蘆筍，再配上日式芝麻醬調味，食落就冇咁單調。

咪話貓貓成日食開貴野，貓貓都鍾意食道地野食。貓貓自細食開車仔麵，好懷念細個車仔麵既味道。貓貓order特濃龍蝦湯伊麵。見到個湯底，好濃郁。試左一啖，龍蝦味超濃。伊麵質感好，完全冇鹼水味。火雞腎葉得夠味，鹵水汁香濃。夠曬惹味貓哦！牛肋條質感彈牙，味道足。黑毛豬蘆筍加埋芝麻醬，貓貓的最愛。盛惠68蚊。食得好很飽，貓貓又再次濕左個嘴！間舖雖然細，但野食齊全，搵到細個鍾意個陣車仔麵味道，希望你keep住加油！

由細到大都十分喜愛食車仔麵， 以前就叫那渣麵，而家就一啲都唔 那渣， 而且有好多都做到好高級，選用上等嘅食材去 淆個靚湯底，再加埋啲精選配料，一碗那渣麵閒閒地都差唔多快一舊水， 矜貴到不得了。 同朋友仔旺角行完街走咗嚟村爺爺度食佢哋最出名嘅龍蝦湯底車仔麵。 淨係個 龍蝦湯底都用咗三個小時佢炮製架， 又鮮又香又濃， 一嚟到已經飲咗半碗湯😋 一般我都會揀豬大腸雞翼尖同蘿蔔，貪佢夠曬入味，加上炆到腍哂，好味到不得了。 朋友仔就揀咗個響螺雞湯底，話貪佢清清地喎， 我心諗邊一忽清呀， 個湯淆到杰達達鬼咁溶， 仲結果阿媽煲咗啲湯😂，飲佢都飽哂啦！ 佢話佢好鍾意食個豬紅喎，好入味。 我就覺得個咖哩魚蛋 幾出色，偷食左2粒，覺得個咖哩味整得幾香辣。不錯

平民化的車仔麵，無論基層市民或是上流社會的人士都會吃過。但將平凡的車仔麵變得不平凡，的確需要多點心思才能夠突圍而出。區區有伙，各具特色；特別在油麻地區食肆林立，多不勝數，走到橫行見到【村爺爺車仔麵】。 門外一大牌坊，清晰可見各種材料的定價；以旺區來說價格也是合理。另外一方有小電視機看到連某大電視台都有報道，可見此店的車仔麵確有不同。入內雖然狹小，不過有一種親民的感覺，牆身貼有不同的藝人光顧的相片可見有一定受歡迎程度。 餐牌的款式的確是特別，豬骨湯底以車仔麵來說是正常，不過另有龍蝦湯底實屬少見之物。價格也是抵食之選，一碗特級特濃的龍蝦湯車仔麵 配上 黑毛豬露筍卷 ；只是 $48這個價錢沒有抗拒的理由。 小妹覺得吃車仔麵都是選擇最傳統比較好，豬皮、蘿白、魚蛋米粉是我的最愛。米粉吸入了龍蝦湯底，味道相當濃郁而有味。豬皮爽口而彈牙，蘿白軟身帶點清新，魚蛋加入咖哩是匹配之作。 黑毛豬露筍卷將肥美的黑毛豬卷下幼身的露筍，放有芝麻醬更加滋味!份量相當適中，一個人都能夠吃得完不會浪費食物。最後，還有一盒紙包飲品都選擇低卡的烏龍茶是我必言之選。 普通的車仔麵能夠在此區突圍而出，確實並不簡單。無論任何時間

大家喜歡吃車仔麵嗎? 又會必揀什麼麵料呢? 屈指一數, 自己都有好幾年沒有吃車仔麵, 皆因豬紅、魚蛋、豬皮、雞翼尖等等, 通通對我來說都不吸引。不過, 朋友今日帶了我去一間以龍蝦湯作為車仔麵湯底, 而麵料還有波士頓龍選擇。吓! 咁豪氣!? 聽到都覺得很吸引, 當然要去食返碗。店子小小, 客人要先在門口排隊點菜才進入內裏安坐。門面貼滿多份餐牌、麵料選擇, 還有多款預設套餐, 選擇相當多, 單單麵料已有四十多款, 睇到我眼花撩亂。湯底有三款選擇, 分別有豬骨湯、特濃龍蝦湯和響螺鮮雞猴頭菇圓肉湯, 連車仔麵的湯底都咁矜貴, 正! 最欣賞是有長者優惠麵餐, 每月逢星期一可以$10選購一款麵餐, 真有心。下了單便入坐, 內裏地方小小, 只設有兩張五人枱和一張八人枱, 地方較狹窄, 大家都要坐得親密一點呀! 牆上鑲了一部大電視, 不斷播放着介紹小店的飲食節目, 收看完的確對小店的食物製作多了認識。******************************特濃龍蝦湯底是小店的招牌菜之一, 不得不點。特濃龍蝦湯車仔麵有七款, 包括「殿」、「極上(春)」和 「極上(夏)」、 「村爺爺大盛之選」和三款 

一直覺得他們就是普通的車仔麵，但今天一看，被龍蝦湯麵吸引了，我點了個伊麵底，配大腸牛筋香菇枝竹，麵和餸是分開上的，龍蝦湯和伊麵果然是絶配，餸中配以鹵汁提味，我再試以倒入鹵汁，不過並無為龍蝦湯底加分，不過亦無所沖突。配料仍是評定車仔麵水準的首要一環，本想點牛蒡，奈何沒有，大腸有嚼勁，卻不過不够入味，牛筋卻還可以，厚實的蠔油大香菇，剛好可以塞住把口，看到他豬骨湯會配以和牛油，感覺值得一試，期待下次再會，新式車仔麵

殿。特濃龍蝦湯套餐 $88• 波士頓龍蝦半隻• 自選三餸• 上湯時菜• 龍蝦濃湯麵或撈麵這個龍蝦麵套餐簡直超值，用料郤高級過人，用上日本花菇、日本魷魚、西班牙黑毛豬，加拿大牛腩等做材料，用M9級和牛油煮滷水汁、龍蝦殼熬湯底，怪不得那麼多人慕名而來 ！• 村爺爺車仔麵• 油麻地咸美頓街14號地下大大隻龍蝦，湯底鮮甜細滑！有圖有真相，爆蝦膏爆蝦籽，極為吸引！附上開殼器，進食十分方便，不要忽略了龍蝦鉗，裡頭啖啖肉！時令菜選了韮菜。自選餸：魷魚,蘿蔔,豬皮，調味夠入味。

今次去到村爺爺既店，聽聞呢一度有大龍蝦食，所以就尼走一趟啦！原來村爺爺有分湯飯同車仔面兩間鋪，其實相距都唔係好遠架咋，一個街既轉角位度，所以呢當一邊要等位既話可以隨時去另一邊，一樣感受到龍蝦既味道！咁今次因為我朋友叫左龍蝦餐，所以我就叫另一個推介既黑毛豬蘆筍卷餐啦！咁我地就可以分尼食。呢一個餐主食當然係黑毛豬蘆筍卷啦，之後再可以配上三種配菜。呢一個蘆筍卷味道好好食，黑毛豬既味道唔會太濃所以唔會覆蓋哂成個卷既味道，而且蘆筍食落好新鮮下，夾埋小小麻醬既配搭，入口非常好味。而且啲配菜我係叫全部有關牛既配菜，亦都好好食！

聽講村爺爺一直出名龍蝦湯，今日係油麻地就試下見到門面好多人，原來呢間車仔麵分叫餐同散叫餐牌選擇好多，配搭都有好多。仲有個豪華餐，有龍蝦，仲可以揀伊麵定係油麵。叫左A餐殿，特濃龍蝦湯撈伊麵，揀咗牛筋牛腩牛柏葉，仲有碟時菜揀。有半隻波士頓龍蝦，會俾埋龍蝦鉗你開，撈麵嘅話龍蝦湯會分開上。湯底好濃，好香濃既龍蝦味，唔會太咸，如果無麵成碗湯飲都無問題。 雖然半隻龍蝦，但已經成個碗都放吾晒，好大隻，仲有好多膏，d膏好重龍蝦味，而肉都好實好多肉，啖啖肉。肉質好實好爽口，好厚肉，好多膏。隻龍蝦有一隻手掌咁長，有籽。幾十蚊有咁大隻龍蝦，好滿足。另外估唔到配料都會醃得咁好，牛腩肉好淋，醃得好入味。 牛柏葉好爽口。配料都做得好好。另外叫左個C極上，特濃龍蝦湯伊麵。前菜有黑毛豬蘆筍卷，黑毛豬肉味好濃，配埋芝麻汁，爽口非常夾。同樣可以揀三個配料，我揀咗豬紅雞翼牛肚，三個配料都好味。豬紅咬落去，唔會碎。再者，加$6有得加炸響鈴或者魚皮，兩樣都有加，魚皮成大碗脆好食，仲有紙包嘢飲。整體來講，車仔麵有伊麵食真係好特別，加上用龍蝦依個配搭好有創意，而且品質又好龍蝦又大隻，配料入味。

是日下就3點幾黎到村爺爺食個晏奏。呢一度可以選既配搭都有幾多，車仔面既選擇都有好幾個格比我去簡咁。但係我就唔打算選車仔面果一邊，因為我想簡個特濃龍蝦湯撈麵。呢個撈面餐88蚊一個，仲可以自己簡多3個配料，又有碟生菜，達成目標，今餐又做到均衡飲食啦！呢一度仲會有清楚既指示教埋客人點樣食先最食到佢最完美既味道，幾貼心。呢碗龍蝦撈麵真係唔簡單啊！面好大碗，重有大大隻波士頓龍蝦訓系面上邊，睇到都流口水啊！個龍蝦湯好鮮味，龍蝦肉食落好爽口，至於配料，我就簡左豬大腸，貢丸同雞翼。村爺爺既貢丸，好鮮味又彈牙，黎到真係要試下！而豬大腸同雞翼都一樣好味。呢一餐非常豐富，加埋杯熱奶茶正好作個完美既句號。但係當我之後有時間既話，必定會再黎光顧。

光猛的招牌，媒體推介的廣播聲，廚窗飄出的食物香氣，這間車仔麵店於橫街内甚為特出！開放式的廚窗，林林總總的餸菜一覽無遺。店內隨處可見報章雜誌電視媒體等報導來頭不小，蠻有名氣。“湯底配料升呢！高級龍蝦車仔麵！平凡車仔麵配半隻龍蝦連湯底都用上龍蝦湯，將平凡變得不平凡，果真食得招積！龍蝦湯底鮮味香濃，龍蝦膏飽滿，龍蝦肉爽彈，一試難忘！龍蝦湯配粗麵。（另有多種粉麵供選擇，當中檬粉,銀針粉較特別）自選三餸：腐皮墨魚手指，豆卜，炸雞翼。時令蔬菜有西洋菜選擇，較小見。