村爺爺車仔麵 (Moved) New Location

今日一病好就覺得好想食車仔麵，因為車仔麵有好多餸可以加，最啱符合我呢一個啱啱病好嘅病人，可以識到好多唔同嘅嘢二又唔會好heavy。 同朋友行到油麻地，見到碧街附近有一間叫做村爺爺車仔麵，個鋪頭外有好多人排隊，因為都係午膳時間，好多上班一族都為咗節省時間，快快手手食一碗麵就再返工。我哋大概等左10分鐘，店主就安排左兩個座位俾我同我朋友坐。店裏面嘅位置唔算多，不過都覺我拎住兩件衫再抱着一個袋，哈哈。 一坐低睇到個餐牌真係乜嘢都想叫，見到有個豪華餐！有隻大龍蝦喺裏面仲可以揀伊麵定係油麵，真係令人花多眼亂啊。平時喺酒樓食嘅龍蝦伊面一定係撈芝士，但係呢一度可以揀有湯底嘅伊面再配龍蝦。我就揀咗牛、大腸同鮮甜嘅蘿蔔，而我朋友就揀咗一啲清菜魚片同豬皮。 落單同埋上菜都係7分鐘之內嘅事所有野已經到齊啦，我大口大口咁樣食嗰啲伊面連湯，發現個龍蝦湯真係好鮮甜諗唔到一間細細的車仔麵舖裏面都可以煮出咁好食嘅嘢。仲有啲牛啊！非常之多汁同埋明顯係烹調過好入味。豬皮都好淋，係我鍾意食既軟度。唔可以唔提，就係嗰啲豬紅，呢度啲豬紅一定一定唔係雞血，我一咬落去，成舊碎晒！係正正宗宗嘅豬紅黎架，真係喺香港好少食到

之前食過村爺爺湯飯覺得好味又冇味精（起碼食完吾會口乾），今日又經過附近見到間寫村爺爺車仔面（應該係分支店吧），個價錢又吾貴就去試下，原來佢有分開叫或套餐，竟然有我最愛伊面餐……C餐極上夏$68，加響鈴和飲品$6，共$74，見野食都吾少就叫一個試下。黎到已經好香龍蝦味，這個特濃龍蝦湯底都幾足料喎，飲落去吾會太腥同咸ok，伊面叫左生少少，煮得剛好，有口感。這個餐有個黑毛豬蘆筍卷，芝麻醬配蘆筍一定冇得輸，反而黑毛豬如果煎一煎會更好。自選三餸我選了腐皮墨魚手指條，蘿蔔，冬菇…係姐姐推介，蔔白食左冇渣又入味，冬菇都幾厚身，怪不得咁多人叫。手指條份量如果再多點更好，但好彈口同有腐皮味好味。其實我之後見到吾少人食半隻龍蝦都好吸引，都諗住下次叫男人同我一齊黎試下先得。

廣華睇中醫日。睇完趕住返工 油麻地達人介紹我去食龍蝦車仔麵 廣華行去唔洗10分鐘 方便 正！小店細細 貼滿周刊專訪和名星照片 原來小小店都咁出名～達人話必試龍蝦湯 其實仲有秘製豬骨湯 但我好有興趣 叫左極上特濃龍蝦湯伊麵配累毛豬蘆筍卷 再自選3個配料。黑毛豬蘆筍卷～黑毛豬肉味好濃 質地幾軟 蘆筍好嫩 一點渣都冇 配埋芝麻醬 好yummy!! 配料揀左豬大腸 頂級蠔油花菇 腐皮墨魚手指～花菇真是無得彈 入味而且炆到好腍好滑 真是超讚！墨魚手指新鮮炸起 香脆彈牙 粒粒墨魚粒。豬大腸好乾淨 有咬口。登登登登～車仔麵有伊麵食已經好驚喜 伊麵仲要煙韌彈牙 唔會過熟。龍蝦湯係真·特濃。好香龍蝦味 鮮甜 咸度適中 配上伊麵係好好味。雖然只是快食一個車仔麵 但都感受到街坊之間既人情味～ 持有長者咭 全日$16元 有一大碗麵 逢星期一 仲$10！呢位'村爺爺'真是有人情味 我決定下次再覆診 要過來支持支持。

好耐冇食過車仔面啦，經過呢間叫村爺爺嘅車仔面，見到好多明星相，店員又好nice咁介紹我地入去，就一於試下佢龍與鳳先。入到去，地方吾算大，但整整齊齊，menu都簡單但食物多元化，估吾到食車仔面都會有波士頓龍蝦吧，最後嗌左一個極上特濃波士頓龍蝦伊面，同都係龍蝦湯底嘅車仔面。先講個龍蝦伊面，雖然嗌左半隻龍蝦，但已經成個碗都放吾晒，好大隻，仲有好多膏，d膏好重龍蝦味，而肉都好實好多肉，湯底真係好濃嘅龍蝦味，好味道，夠晒正，又夠平，幾十蚊有咁大隻龍蝦，西餐廳最少都百幾二百吧。而另一個車仔面都選了龍蝦湯底，佢係面同餸分開上的，就咁餸都一大碗，仲多過d面咁濟，好夠料，要讚牛根好淋好入味，蘿蔔都好正，吸晒d龍蝦湯，要一提加幾蚊有得加炸響鈴or魚皮，兩樣都有加，響鈴吸晒味正，魚皮成大碗又多又脆好食。吾怪得咁多明星相係店，又有好多雜誌介紹咁，都真係吾錯，又平又好食。

行旺角心血來潮想食車仔麵 上網搵車仔麵搵到村爺爺所以就去試試。睇食評話係高檔車仔麵，原來只係麵同餸分開，我原本想叫豬腸雞翼腸仔，叫完豬腸見到只有4舊仔，心諗我叫三餸姐都唔洗比咁少下嘛，最後我叫左兩份豬腸一份雞翼，滷水雞翼得兩隻仲要唔入味，豬腸好硬咬唔爛而且分量都真係算少。男朋友叫左豬腸牛肋條炸雞翼，牛肋條唔差。我本身想叫瀨粉點知冇所以點左油麵，有些少鹼水味，豬骨湯還好，滷水汁我加左兩次都冇味，認真失望，兩碗麵加兩個可樂要成$101，車仔麵黎講好似貴左少少。一定冇下次！

今日去油麻地時，行經一間車仔麵鋪除左有傳統嘅車仔麵，呢間餐廳仲推出咗豪華版車仔麵套餐晚飯就唔介意貴少少，所以就貪得意試下特濃龍蝦湯車仔麵有三個套餐選擇，我就揀左"殿"唔單只有特濃龍蝦湯，仲有半隻波士頓龍蝦就係為左呢隻龍蝦，所以就叫左最貴嗰個餐 隻龍蝦有一隻手掌咁長，而開心既係，隻龍蝦是有籽的喔 (覺得自己好好彩 撈麵加入埋沙爹醬，沙爹既香口、又惹味就算怕辣嘅朋友都可以試下，因為只係有輕微嘅刺激性三款配料我就揀咗鹵水雞翼、牛肚 ，仲有魚皮餃 鹵水雞翼好入味，牛肚都新鮮爽彈、魚皮餃就不過不失 當中最突出嘅始終都係龍蝦同埋畫龍點睛嘅沙爹醬 時菜就送上佐生菜 估唔到生菜有咁大碗， 感覺好抵，餐飯變得更健康

身處在油麻地，這地方對我來說已經非常陌生，咸美頓街更加好像沒有聽過，我就是典型的香港島人。朋友不斷在介紹上海街，碧街，轉左轉右轉左轉右，我已經聽不下去，很不容易才找到一間像樣的茶餐廳停下來。來到這間餐廳，最特別是老闆將明星合照相，雜誌介紹，貼滿全間鋪頭，好像很架勢堂一樣，頓然給了我一絲希望，希望下午茶餐好睇好吃。見到餐牌，下午茶非常抵吃，由於我們都沒有餓意，志在用一杯飲品的時間，將事情寫低記下重點，就點了相片最討好的，黃金一口西多士套餐配熱飲＄28。大約等左15分鐘，西多士上枱，真的被它的外型吸引住了，連平時不會拍照的朋友也忍不住拿出相機來，我實在忍不住一口把它吃下，味道不錯，它不像其他餐廳用糖漿一起食用，廚師用了煉奶，是我最愛的煉奶，若果它內裏可以有一層薄薄的花生醬會更好味。我對這店舖刮目相看，下次會再來試其他食物。

一直都想試下呢間雜誌成日講既車仔麵. 過開旺角, 終於走去試一試.鋪頭其實不大, 15-20個位左右. 不過裝修同衛生環境以車仔麵來講算唔錯.叫左過$38既套餐, 有雞翼, 冬姑,蘿蔔同豬紅. 湯低真係不錯, 不太濃, 同好夠熱. 蘿蔔夠林同好甜. 不過,  雞翼唔夠入味 ,豬紅亦唔夠爽.整體來講算合格啦...............................

在公司附近四處遊走，見到呢間車仔麵好似比較特別，而且價錢比其他的貴少少，又另類少少，好奇心軀使下，決定試一試👍🏻今日食齋😂配黑豆漿，盛惠$40相中為 炸枝竹，豆卜，金菇同蘿蔔必制牛肉汁）再跟河粉 ，河粉好食，唔係平時拎黎炒果種又厚又硬果啲 ，值得讚蘿蔔好入味好甜，仲帶陣陣薑味，好正金菇睇得出唔係大陸cheap野，👍🏻好爽，食落唔會靭而豆漿有黑/白你揀，食味都幾重，幾香，跟餐加$8 有一枝，是個唔錯嘅選擇

唔係去開呢頭真係未必知呢度有間車仔麵。門口有電視賣廣告，又有好多雜誌介紹既報道，應該唔會差，就試下。餐牌清楚易明，一目了然！最後選左龍蝦湯底，三 食送 +黑毛豬露筍卷！飲品叫左蘋果汁，飲落呢個牌子既果汁幾好。龍蝦湯公仔麵湯底好濃！飲落甜甜地，好香濃既龍蝦味！唔咸，成碗飲晒都無問題！加上好耐無食公仔麵啦！麵加埋個龍蝦湯食，好味！牛肋條炆得好淋，入晒味。而蘿蔔當造，好清甜，亦炆得好淋，點埋個和牛油鹵水汁同秘製沙爹醬食，好好味！秘製沙爹醬同出面既真係唔同，呢個更香口，辣辣地，無甘結，鍾意食沙爹醬既一定會上引黑豚毛豬露筍卷豬肉肉質較淋，露筍爽口！加埋個麻醬好夾！唔錯既一道小食！！車仔麵黎講，呢間做得唔錯！估唔到有龍蝦湯底，仲有露筍卷！下次會再黎食過！

呢個車仔麵檔細細間，可以係門口位置選食物，再入入面坐等食物上枱。黎時係四點零五點鐘，客人不算太多，所以由我落單到上枱都係五分鐘到！估唔到車仔麵都可以有龍蝦食！！先講下個龍蝦湯，超濃郁！！有好多龍蝦膏既感覺，好香，個湯好似人地餐湯甘濃，睇得出用左好多材料去淆！正！！龍蝦有半只！身既肉好容易整甩，真係啖啖肉！肉質好實好爽口彈牙！仲會俾埋龍蝦鉗你開，貼心！叫左檸粉，夠淋！吸晒啲龍蝦湯，入晒味，正！！佢地 食送 係另上，都係熱既！炸魚皮好脆口，又大塊！鹵水雞翼好林！入味！個底有和牛油鹵水汁，好香，甜甜地！飲品叫左campal牌子既蜜桃汁，之前係出面都未見過呢只，所以試下！好濃郁既桃汁！雪凍左，好味升級！枱上有招紙教你食既次序唔錯！

村村爺不是第一次食，如不落辣油及沙爹醬，是不好吃的，今次叫了炸雞亦生菜紅腸冬菇豬紅米線，整體都可以，最唔可以就係，嗰位疑似老闆娘，佢幫你包食物既時候會問你，飲啲咩?汽水豆漿，小心!唔係免費架，你答要，佢就幫你自行加埋錢，唔會話你知，通常你答唔要，佢就唔高興黑你面，今日我答唔要，當然立即唔高興黑你面，跟住就再好唔高興咁講而家下午茶送紙包飲品咁你要唔要，緊係要啦!呢包先係免費架,大家留意喇!

每星期黎旺角一至兩次，知道呢度有龍蝦車仔麵，聽個名已覺得吸引，所以特登去試～叫咗個（A）餐「殿，特濃龍蝦湯」，前菜有黑毛豬蘆筍卷，配埋芝麻汁，爽囗好味～ 個車仔麵除咗有大隻龍蝦啖啖肉之外，仲可以揀三個配料，我揀咗大腸，冬菇，腐皮墨魚手指，三個配料都好味，連埋粗麵配埋香濃嘅湯，好正好味！！ 無諗過材料高級但價錢可以相宜～另外叫咗個（C4）餐「村爺爺大盛之選」，內容又係好豐富，有哂腐皮墨魚手指，紅腸，腸仔，牛肋條，貢丸，牛丸，滷水鷄翼，蘿蔔，全部都係想食的～好味好足料，會再encore～

普通的車他麵就食得多啦，唔知海鮮車仔麵你又有無食過呢？上次跟個住呢頭既朋友黎食，覺得自己食左餐豪既，不過仍然唔貴。同朋友一人叫左一個豬骨湯底，一個龍蝦湯底，自選三款菜式。貢丸墨丸雞翼、蘿蔔菇同豬肚，每樣都唔錯，比起平時食開既口感較好。講到重點當然係湯底啦，無論係豬骨定龍蝦都十分濃郁，不落味精，以數小時煲出來，味道先會咁出。吃的時候，湯汁掛麵，唔會有麵同湯分開的感覺，一切都融洽。另外叫左炸魚皮，剛炸起都唔會油，所以非常香口香脆；仲有係車仔麵鋪都食到西餐廳的豚肉竹荀，加上芝麻醬非常可口同鮮甜，大家不妨一試。

喺油尖旺區一間名不經傳既車仔麵車仔麵 一般50 至60 蚊 麵質可以選矇粉 薯粉 米粉等 我點左一個6x既牛類類車仔麵 有牛肚 牛丸 牛肋條 好正尤其係佢既醬汁充滿牛肉味 而且牛腩十分彈牙 配埋矇粉一齊食 真係勁match另外， 最出名既龍蝦粉88 蚊 湯底成隻龍蝦做餸 湯底完全龍蝦 餸菜88蚊可以有三樣餸 好似生肋條 墨魚餅 全部配埋龍蝦味既鮮甜湯底都好正 值得一試