村爺爺車仔麵 (Moved) New Location

食車仔麵食到用龍蝦配搭你又試過未？小弟起初都以為會好貴，但今次就到一間車仔麵店，100元有找就可以潮食龍蝦車仔麵😝😝88元的殿車仔麵餐，有波士頓龍蝦半隻、自選三款配料、時菜一碟，仲有龍蝦湯麵！小弟覺得價錢比普通車仔麵略高，但其實都算很抵食呢！先到門口選擇配料麵底，之後再入內等候進食！稍等一會，店員就將車仔麵奉上！龍蝦湯麵！龍蝦真係好大隻！好吸引！😍😍麵底選了油麵，湯底入口，好濃香的龍蝦味，湯底濃郁，油麵吸收了湯底精華，毫無腥味而且鮮甜！湯底除了龍蝦，還用了豬骨、雞腳熬製而成！龍蝦選用了波士頓龍蝦，拆開食落啖啖肉，肉質彈牙鮮甜，認真靚貨！👍🏻👍🏻麵店除了龍蝦毫不欺場外，連其他餸菜都不會吝嗇！牛肋條、豬大腸、魚片頭都係主打配料呢！平日食到車仔麵都是牛腩，村爺爺就用了牛肋條，牛肋條入口比牛腩味道更濃郁煙韌，肉質也很嫩滑呢！豬大腸看似平平無奇，但就特別在醬汁，滷水出位，麵店先用M9和牛炸出油，再加入滷水，令到滷水更香更滑，然後沾麵或點菜吃，也覺得特別好味😆😆魚片頭麵店選用矜貴的食材，利用門鱔手打而成的魚片頭，入口比一般的魚片頭彈牙，令魚香可以更出位！的確，食材選得好，味道也不平凡，看似普通的車

相信作為香港人都無可能未食過車仔面，但今日朋友帶我去了一家平凡中的不平凡食車仔面，就是這家村爺爺車仔麵，外觀跟普通麵店無異，但入內卻感覺到有點不同。原來是有龍蝦的車仔麵，還有牆上貼著很多老闆跟藝人們的合照和雜誌訪問等，原來小店的人氣比想像中高。特濃龍蝦湯撈瀨粉+三款自選配料+時菜 $88蘿白、豬紅、貢丸、西洋菜龍蝦湯濃郁鮮甜的同時亦能食到豬骨湯味，用後囗腔充滿龍蝦味，肯定用了很多材料花上不少功夫時間淆製出來，真美味。龍蝦肉質好實在，爽口彈牙，蝦鉗也有好多肉。濛粉爽囗也淋，配上龍蝦湯真不錯。蘿蔔好清甜，入囗即溶。是次的”高檔車仔麵”，一試便愛上，一定會再來。

今晚隨意地入了這間車仔麵店，坐下再看看食客都在吃龍蝦，方知道這間並不是普通的車仔麵店！店員阿姨主動地介紹餐牌上我車仔麵套餐，服務態度不錯。最後我選了《Set C 極上特濃龍蝦湯（湯麵）$68》，套餐包括龍蝦湯底配自選麵+三款小食+黑毛豬蘆筍卷，再加$6更有時菜及飲品，十分抵食！龍蝦湯麵方面我配了銀線粉，只因我很久沒吃過這些可愛小粉。龍蝦湯很香濃，銀線粉浸在湯中亦變得入味。三款小食我選了「豬紅、蘿白及牛丸」- 豬紅口感實在；蘿白燉得算尚入味；牛丸驚喜不大。套餐指定小食「黑毛豬蘆筍卷」只有兩件，配上麻醬變得惹味。

車仔麵吃得多，配上龍蝦及其湯底挺新鮮。村爺爺車仔麵位於油麻地地鐵站A1出口再步行1分鐘。是次點了殿堂級的有特濃龍蝦湯（湯麵 / 撈麵）+ 波士頓龍蝦 （半隻）+ 自選3個配料 + 上湯時蔬。 配料多達十數款，從懷舊的豬皮，蘿蔔以外，還有特別的腐皮墨魚手指，牛肋條等。。。。。。只係麵底己有10款選擇（特別的須加 4-10），適合各人不同口味！蔬菜也有好幾款呢！ 而紙包飲料按該套餐定價每人一包。而罐裝及樽裝須加6 - 9 蚊。總括來說湯底特濃且沒有口渴還有黑毛豬及上等龍蝦作主打，肉也挺多！ 配料入味還吸了濃濃的龍蝦湯，鉗也會為你貼心準備，不得不讚！ 配料另上，可分享給三五知己。

經油麻地意間鋪大大聲播放意間店訪問影片，令我停低睇睇，知道意間鋪湯底製作認真，材料十足，更用上大量龍蝦作湯底，十分矜貴。龍蝦湯底有三大類別，有半隻波士頓龍蝦，有其他配料等等^_^龍蝦湯底配三個餸都只係$48，價錢大眾化。如果無想法食咩，又可以睇睇推介參考一下。除左龍蝦湯底，其實仲有豬骨湯底選擇。店內座位大約十二三個左右。今次食豪d，叫左個$88殿龍蝦車仔麵。真係有半隻波士頓龍蝦。伊麵同龍蝦真係絕配，伊麵索哂龍蝦湯，每一口充滿鮮甜味道。龍蝦份量十足，尺寸大，肉質新鮮彈牙。真有驚喜！還有秘製辣汁，味道惹味，不錯^_^配料當中腐皮墨魚手指，個人十分喜愛，外脆內軟，口味非常。

經常行油麻地現時點ins嘅我，常常經過依間村爺爺車仔麵，鋪頭外面放置一部大電視播放着訪問的片段，片段當中大約是講湯底材料十足食材揀手。今次點左個龍蝦殿套餐。單睇價錢$88好貴，但有半隻波士頓龍蝦三個餸有時菜，其實係抵食既。另有豬骨湯底套餐，啱晒選擇困難的人， 方便快捷。今次同老婆去食所以帶咗兩兜配料。主角龍蝦伊面出場，湯底十分鮮甜香濃，加上伊面索味，每一啖面都充滿着龍蝦湯，的確滋味無窮。龍蝦尺寸不太細，肉質新鮮彈牙。腐皮墨魚手指是香脆，豬皮豬紅爽口。原來依間店也有不少明星幫襯過，都是不錯的小店。

平時食車仔麵好多時都會比老公罵，因為揀餸對我嚟講真係好苦惱，往往要用好多時間先決定到餸的組合。 今日老公又帶我去食車仔麵，好擔心 ... 望住個餐牌，見到既唔係十幾廿款餸，而係一個個四餸組合，當堂覺得輕鬆好多，因為好快已經揀到想食既組合。 門鱔魚片頭，魚腐，墨丸，牛丸米線 $38性價比都唔錯，$38四餸都幾豐富，配埋大碗米線，其實一個女仔都未必食得晒，仲可以比老公食，唔怕佢唔夠飽。店內主打豬骨湯再加和牛油，令到湯底有牛香味，牛丸較腍身，魚片頭就好爽口。 今次食車仔麵連老公都讚我揀得快！

聽到車仔麵呢三個字都已經定性為頹食Hea食，冇驚喜，但凡事總會有例外。今日係旺角行街，一直行，行到油麻地附近既一間車仔麵見肚餓就入左去食。一睇餐牌已經比大大隻字 - 龍蝦湯車仔麵吸引住，車仔麵都可以咁豪真係要見識下。$88 可以食到半隻波士頓龍蝦，自選三餸，上湯時菜再配番湯麵/撈麵其實都真係豐富。龍蝦拉麵都幾有睇頭，龍蝦睇得之餘裡面都好多膏同肉，而且龍蝦湯味道都幾突出，又唔會過咸。餸既選擇同樣好多，揀左炸魚皮，秘製滷水雞翼，腐皮墨魚手指。炸魚皮夠晒脆口，滷水雞翼都幾入味，而腐皮墨魚手指都幾香口又唔太油。唔入嚟食過都唔知原來食車仔麵都可以食到咁豪！

今晚一個人開飯，但又不想吃得太頹，所以來了油麻地吃一碗高質車仔麵。這間小店雖然只賣車仔麵，湯底也獨沽兩味，但在區內已甚有名氣，牆上也貼滿不少雜誌訪問。桌上也放了吃車仔麵的教學卡：值得一提的是餐廳環境很乾淨，坐得也很舒適。我選了豬骨湯底，套餐雖然比較抵食，但貪心的我又想魚與熊掌兼得，最後決定自選配料。豬骨湯底十分濃郁，但又不會太鹹，調味剛好，而且小店強調不加味精，令人吃得放心。配料我選了魚皮餃、豬大腸、門鱔魚片頭及頂級冬菇，上碟時用小店獨創的和牛油汁浸着。門鱔魚片頭因爲是手打，所以十分彈牙爽口，口感十足，份量也頗多，約有三大片，吃得滿足。另一驚喜是冬菇，沒有想過車仔麵會用上如此優質的冬菇，冬菇很滑身，用蠔油炆得入味上色。其他配料雖然比較普通，但和牛油的油香令它變得不簡單。飲品加錢配了蘋果汁，健康又好飲。今晚吃得又飽肚又滿足，下次一定會再來試試龍蝦湯麵呢。

車仔面係香港獨有的風味, 根據自己喜好選擇面底, 餸菜, 可謂碗碗不同車仔面以價錢平, 選擇多而有名, 當然, 平也見質素麻麻香港人對食的要求愈來愈高, 愈來愈重視質素, 平價車仔面已經滿足不到大眾口味平時返工辛苦, 收工梗係要食返好既獎勵下自己啦! 車仔面可以食, 但要食得零舍唔同!無錯! 就係佢! 村爺爺, 聽個名好特別! 賣車仔面賣到大排長龍門口已經見到餸菜好吸引 佢最有名既係 高級食材, 但價錢大眾化, 仲可以食出質素龍蝦湯面、波士頓龍蝦半隻、有菜、自選三餸 都係HKD88蚊 我就點左 龍蝦湯伊面、自選三餸 同 黑毛豬蘆筍卷 HKD68蚊 都唔貴龍蝦湯伊面, 湯底真係好濃郁的龍蝦味, 色澤都好濃, 一點都不覺腥原來用左龍蝦、豬骨等材料 二十二小時精製而成，唔落味精，食完唔覺會口乾，果然係唔同d!!!伊面吸收了湯底的味道, 面條唔腍, 食落仲好香黑毛豬蘆筍卷蘆筍入口爽脆, 黑毛豬 肉質好滑 連醬汁, 蘆筍清脆而不膩, 黑毛豬嫩滑而不羶, 醬汁入口更是點綴兩者的美味同朋友交換餸食, 食盡不同的出色魚腐, 蘿蔔, 腐皮墨魚手指, 滷水汁汁底係好香好吸引, 響舖外已經聞到成陣香味, 令

龍蝦湯！龍蝦湯！龍蝦湯最近都很喜歡試跟龍蝦有關的食物今次仲要係我最愛既車仔麵 😍😍店鋪小小 眼見客人都好似係常客一客黑毛豬露荀卷、另加3餸 豬腸、鹵水雞翼、蘿白龍蝦湯米粉同餸係分開碟既先飲啖湯 😍 好鮮甜又入味 勁正👍🏻真係好好味唔係講笑！！！佢個建議食法係將餸汁倒入碗麵一齊食但我實在太鍾意個湯底，又怕餸汁太油 所以無咁做鹵水雞翼、蘿白都非常入味又夠淋👍🏻豬腸都幾好味但略嫌肥膏多左d黑毛豬露荀卷 配芝麻汁黑毛豬味道香濃，但都係肥肉太多I will be back! 試下半隻龍蝦😍

車仔麵要做到平凡中見不平凡，除了創意絕不可少，我認為店主對食物的用心也極其重要。村爺爺就是將平民車仔麵升呢，用上優質食材，令食客可以以親民的價錢吃到最極致的一碗車仔麵。入面只提供兩款湯底：特濃龍蝦湯以及秘製豬骨湯。看牆上貼滿的雜誌報導可以知道，豬骨湯用上豬骨和雞腳熬足22小時，而龍蝦湯則加入龍蝦及龍蝦膏再熬製，絕對是誠意之作。別以為吃龍蝦湯車仔麵一定十分富貴，其實一碗龍蝦湯車仔麵自選三種配料才$48！豬骨湯三餸甚至只需$28！我選的「殿」龍蝦車仔麵餐（$88）非常豐富，除了可自選三種配料外，還有極具份量的半隻波士頓龍蝦以及一碟時菜，隨餐還附送飲品。店員先送上油麵，大大隻波士頓龍蝦岀場時立即引來旁邊食客羨豔目光，不過鄰座食客表示不知有這套餐，原來岀面車仔麵的落單位置並沒有把這些套餐放在當眼位置，看來小店也可落力推廣一下。龍蝦肉質鮮嫩有彈性，沒有欺場。先試一下湯底，龍蝦味道比較淡雅，只是清清地帶岀龍蝦的鮮，喝得岀不加味精，比較健康，而且配合油麵，吃完整碗也不覺濟。油麵頗為爽彈，沒有鹼水味，但因為湯底不算濃稠，掛湯度只屬一般。配料我選了腐皮墨魚手指、秘製鹵水雞翼及牛肋條，上碟時配料已放在秘製

車仔麵食得多，但升級版嘅龍蝦湯車仔麵你又試過未？特濃龍蝦湯湯麵 有半隻波士頓龍蝦，仲可以自選三個配菜，仲送埋時菜，真係好鬼抵蘿蔔 腐皮墨魚手指 豆卜 配菜係另外上，附上咗車仔麵既湯底蘿蔔同豆卜一樣，吸收哂湯底嘅味道，而墨魚手指係自家製，肉質好彈牙，而且外皮炸香左村爺爺車仔麵 湯底真係有海鮮嘅鮮味，味濃得黎，並唔會太膩平時唔會飲湯底既我，都飲左幾啖果然係招牌湯底龍蝦比我想像中大隻，而且肉質結實，唔會鬆包包，都幾新鮮係次唔錯嘅車仔麵體驗

你以為龍蝦剩係出玩係高檔地方就錯啦！今日朋友介紹我去一間位於油麻地嘅村爺爺車仔麵就有別於傳統車仔麵！聽聞師傅會將大大隻龍蝦放上車仔麵，我就來試下係味咁勁。店位唔算大，有5張檯容納到17 18個客人。周圍貼滿左老闆同明星食客嘅相，認真勵害！餐牌分A B C 3個餐，老闆好細心同我地介紹有咩好食。套餐A $88半隻龍蝦 自選三餸 時菜，龍蝦湯底用秘方淆足22小時，湯底有濃郁嘅龍蝦味，真材實料。伊麵滿滿一碗，麵底索曬龍蝦湯味，好好食！時菜有五款揀，我揀左娃娃菜。菜煮得好淋，加埋腩汁係意料之外嘅配撘。以為送嘅會好hea，但其實好足料。自選餸蘿蔔，有3舊，舊舊入口即溶，用腩汁煮足幾個鐘，唔錯👌🏻👌🏻牛筋，唔講唔知以為係花膠😂睇落似花膠，食落更加似！又係好淋，腩汁味，膠質豐富。鹵水汁雞翼，有2隻，鹵水汁鹵得入味，雞肉有小小老，但味道一流！食到最後老闆會比個鉗你夾龍蝦鉗，真係服務一流。

今日揸車經過，見到一間車仔麵係以龍蝦湯底車仔麵為招牌菜，好奇入去試吓。一入去其實已經差唔多坐滿晒人，於是我同朋友就坐平排位。👫侍應們都很有禮貌招呼，隨即俾咗餐牌我哋睇，佢都有介紹餐牌上以特濃龍龍蝦湯車仔麵為主，分別有三個套餐，我哋每人同樣地叫咗一個「殿」A餐，有撈麵同埋湯麵選擇，在自選三款配料，配料有好多選擇，例如有滷水腸、雞翼有炸同滷水、蘿蔔、魚片頭彈數之不盡，最後我揀咗我之愛嘅龍蝦伊麵食。😍睇緊嘢食嘅期間，見到鋪頭場上面有好多老闆同唔同明星影嘅相，佢哋都係幫襯過呢一間鋪頭嘅客，所以我對準備嚟嘅嘢食期望都好高。😇唔夠5分鐘，就嚟咗會龍蝦湯，效率非常高，而且龍蝦湯果然係特濃，龍蝦味十足。到主菜啦，隻龍蝦真係好大隻，龍蝦肉非常爽口彈牙，一食就知係新鮮龍蝦，而且個撈麵好香，係個麵嘅旁邊位置有沙爹汁，沙嗲汁好惹味，而且有少少辣🌶，可以比客人隨自己喜歡嘅辣度撈嚟食，除咗龍蝦之外，我就揀咗貢丸、魚片頭同埋雞翼三款配料，另外仲配埋一碟菜，我記得有西洋菜、菜心、生菜同埋娃娃菜等等，我就揀咗娃娃菜，以我咁大食，其實一個套餐都已經好飽，仲要跟埋一包野飲🍹，正。不過我見到人哋食蘆筍，我就即刻點左嚟食，佢又