橫濱家系町田商店

Open Now

Now Closed

日本第二大拉麵連鎖店登陸香港啦！日本分店超過五百幾間，香港第一間分店就係啟德airside地舖，有室外又有室內位置，見到好多可愛嘅狗狗！紅黑色為主調，夠哂型格！有卡位有窗邊位，好chill！👉🏻魚介豚骨沾麵 $118濃郁香醇嘅沾麵，湯汁厚稠而不油膩，麵條有彈牙嘅口感，浸係湯汁中後吸收了湯汁嘅鮮美！👉🏻橫濱終極MAX拉麵 $118可揀粗麵或幼麵，香氣四溢嘅叉燒、溏心蛋、菠菜、海苔紫菜仲有鵪鶉蛋，非常豐富！👉🏻章魚小丸子 $40共六件，大大粒，章魚肉餡，咬口都幾Q彈！👉🏻日式餃子 $58共六件，餃子皮薄餡多，而且爆汁juicy！👉🏻綠茶 $20👉🏻烏龍茶 $20罐裝，不過都係日本直送到港！

店舖外觀10分時尚，比較吸睛平日六點半入座，帶位店員0笑容，少西面但用詞較不當「呢便」 一個「請」字都冇，對於一間開唔夠一兩個月既食肆黎講幾失敗坐底，用qr code落單又唔講聲，雖然見到可能會明，但係咪都應該提一提呢？作為一間日本料理店都幾失敗水杯有味，應該係水杯過完洗碗機未吹乾就擺返上去，導致有噏味上餐大約係10分鐘左右不過不失但作為橫濱家系，係一定要襯一個白飯嘢食上嘅時間差距唔算好長，可接受試食：湯底好水同味千拉麵差唔多個面好似好求其咁煮完全唔掛湯同埋好彈白飯，好乾，又濕濕地，似係煮完擺咗好耐餃子食得出係大工場製品冇乜特別最後同店員講番，個飯好乾唔新鮮，店員話今日係煲，雖然我都明佢係Hea緊我，但作為新開既食肆，有呢啲失誤都真係幾失敗枱面上冇提供紙巾，再要主動向店員問總括嚟講，我去Donki買一個橫濱家系碗麵仲好食其實見到個menu咁大都知伏伏地，但估唔到連service同基本野都差成咁呢間冇下次完

與友人打算在airside美食配閒聊，殊不知中！大！伏！1.麵疑似煮比嬤嬤食完全冇口感可言 淋到入口即溶 懷疑餐廳知道我在箍牙 不能進食過硬食物2.湯底鹹到把聲沙曬除左要比差唔多$100嘅拉麵外，仲可能要比埋睇腎科醫生嘅醫療費！3.中日合璧鵪鶉蛋喺日本食拉麵有糖心蛋就正常嘅，呢間就特別啦，我哋仲可以回顧中國農家莊嘅味道，碗麵入邊淨係得一粒鼻屎大嘅鵪鶉蛋4.喺寒冷中生存嘅肉同牛油睇嚟店員驚我哋食得太急焫親個嘴啊 所以肉同埋牛油都係冇解凍過㗎 yeah！塊牛油仲要係方方正正咁樣停留喺個面上面完全符合我呢個完美主義者啊

暑假又到又可以帶同小朋友去旅行，準備又去日本啦~~未去日本之前都想食碗拉麵，趁放半日假的關係去左啟德Airside一樂也，個人都幾鍾意呢個商場，人流唔算好多行得好舒服而且會有不同的餐廳進駐此地,大人小朋友都有的餐廳。準備去東京既我地，見到【橫濱家系町田商店】食飯時間人頭湧湧，估不到已經下午1:30人龍不絕，現場所見都有客人持有積分卡的關係，可能都會成為再次光顧的原因之一。場內的地方比一般的拉麵店都寛敞，而且有卡位或是吧台的位置，相當舒適。餐牌上有各款的拉麵或沾麵，更有正常份量或是加量版，還有各款麵、飯、小食(例如: 章魚小丸子、餃子、唐揚炸雞、枝豆、南瓜、香菇、沙律等等),相當多元化。斑馬大蒜牛油拉麵 $98大大碗的牛油拉麵，頂層有一塊厚切牛油，湯底以豚骨湯為主好濃郁，附有拉麵帶有煙韌的口感，以及內含大蒜香好惹味。豚骨沾麵 $118沾麵湯底才是靈魂所在，本身需要杰身又濃郁並且內含筍肉粒，相當唔錯的選.要選取粗麵底的吸收湯底的精華，有流心蛋大滿足又飽肚。章魚小丸子 $40即叫即製的關係，小丸子能夠做到外脆內軟並沒有太多粉漿，炸至香脆無比,好吃。唐揚炸雞 $50/5件大大件的唐揚炸雞好Ju

食物推介：極品叉燒拉麵加付味蛋 $173，唐揚炸雞五件$48，香辣雪魚子 $40每次到日本，我都會去町田商店吃拉麵。現在，太開心了，費用飛往日本也可以吃到。最近發現啟德站的AIRSIDE 開了町田商店，這店是全港第一間分店，日本分店超過五百多間，當然要去試一試。店舖出面有戶外空間，可供Pet friendly。今天非常幸運，不用排隊。另外，送餐速度快速，五至十分鐘已經上好餐了。極品叉燒拉麵加付味蛋 $173有五大片叉燒，肥瘦比例適中，比較其他拉麵店的叉燒，這裏的叉燒更加軟綿綿，非常容易入口。特製的湯底，也真的不錯，一口氣喝了整碗湯底。唐揚炸雞五件$48份量十足，非常抵食，而且雞炸得非常香口，熱辣辣，雞肉滑捋捋。香辣雪魚子 $40相信是丁田商店香的其中一特色，很少店有這味小食。辣雪魚子、鹹，作小食一流。綠茶 $20

網上睇資料，今次呢間來頭唔少架，佢開業於1974年，嚟自橫濱市，直到目前為止，喺日本有超過500間分店，實屬當地第二大嘅連鎖拉麵店。今次首度登陸香港，選址Airside，唔單止自己一個人可以嚟悽，連主子毛孩都可以入座添！🍜橫濱終極MAX拉麵 ($118)店內嘅招牌拉麵之一，湯頭用上豬骨湯同醬油雞湯混合而成，味道偏濃。配菜方面，可以話相當豐富，除咗3塊肉質軟嫩嘅叉燒、3大塊紫菜、成粒溫泉蛋之外，仲有附加一小粒其他拉麵店好少食到嘅鵪鶉蛋。如果怕一碗拉麵未夠喉，呢度亦有小龍蝦沙律、唐揚炸雞、餃子、章魚小丸子等其他小食可配，價錢都係由$40起，份量唔少架，就好似阿叔今次叫嘅餃子一樣，6大隻，隻隻脤卜卜，包你食完即刻飽晒！🤭🤭🤭

近來喺網上見到唔少報導提到町田商店，因為佢喺日本有過500間分店，而依間係香港第一間分店，仲係pet-friendly～橫浜終極max拉麵、極品叉燒拉麵🍜依兩款基本嘅配料有菠菜、鵪鶉蛋、紫菜，分別在max有3塊紫菜同埋溏心蛋，極品就係有5塊叉燒，兩款都可以揀幼麵或者粗麵，麵條有彈性亦都掛湯，醬油豚骨湯底非常濃厚，叉燒煮得入味而肉質輕易化開🥢另一個特色係可以追加嘅項目成十幾款，溏心蛋、紫菜、筍依啲常見嘅配料固然有得追加，少見啲嘅有野菜、麻辣炸彈、黑蒜油、牛油，加完應該會變成另一口味嘅拉麵🧈唐揚炸雞🍗雞肉嫩滑有肉汁，新鮮炸起又唔會好厚粉👌甜汁燜南瓜烏龍茶係罐裝嘅

在日本的人氣拉麵店真的來到了！就在啟德Airside ，地鐵一出上一層就到😎。我們在平日午飯過後去的，因為人流較少可以慢慢用餐。黑紅色格調簡約裝修，有餐桌和吧枱可選擇。拉麵有小份和正常份量選擇，對女生是好事因為胃口不大會吃不到的，這樣不用怕浪費食物🙈。-▪︎餃子 HKD$58｜章魚小丸子 HKD$40日式小吃選擇算是多的，點了兩款香口的來吃，也是金黃色的賣相欵。兩款小吃也是有6件，餃子外脆內軟的質感，外皮厚薄適中。小丸子熱辣辣送來，木魚絲在舞動的感覺，口感豐富味道惹味。-▪︎魚介豚骨沾麵 HKD$118平常喜歡吃沾麵，這裡有當然要試試看啦😎。這款是正常份量，裡有叉燒和溏心蛋等配料。熱辣辣的湯味道挺香的，質感濃稠微咸。湯汁沾在麵上感覺惹味，這款麵質較有嚼感。-▪︎橫浜終極MAX拉麵 HKD$118朋友推介要點這個，所以就試試看唄。這個也有叉燒和溏心蛋等配料，是多了鵪鶉蛋😏。可選擇粗或幼麵，點了粗麵來吃，因為挺喜歡這個質感。湯汁雖然清澈，但味道挺香的。-

呢間野既既店員服務態度好一般啲面質勁硬，你同店員講啲面想要林啲，佢會同你講唔好意思，整好哂湯底個味其實唔差，但好明顯廚房hea 做比你，啲湯係凍既，大佬你去食碗拉麵，唔會expect d 麵係凍既真係可一不可再

今日放工，見去到無人排隊就試一下新開的這家拉麵店。入面裝修坐位寛落，感覺服務。窗邊有一些Bar位，望著公園和日落，心情愉快。這拉實在難食得很，很久沒有食過這樣難吃的拉麵。能比味千更差既拉麵，應該這個一定有份。未去食既，真係唔好去排隊，你硬要去排隊既，那麼就不要有什麼期望好了。

Airside新餐廳梗係要去試吓啦，見到呢間門面同裝修都好似好靚咁，同埋長期都好多食客，咁心諗一定冇伏…但我錯了🥲首先入到去坐低，淨係俾咗個QR code我哋，冇俾Menu，因為scan完QR code入去嗰條link淨係得食物名稱，完全唔知佢有啲咩食材，所以我覺得有埋Menu會揀得清楚啲！跟住發現枱面剩係得一壺水，但冇比水杯我哋！然後我由點餐成功到有得食等咗接近15分鐘，我朋友碗正常拉麵就比我早3至4分鐘到，我叫咗沾麵，我嗰一刻仲心諗可能比較少人叫呢款麵，所以要等耐啲～好啦，食完之後就同白色衫哥哥，應該係經理嘅人物講，想幫沾麵加湯，跟住佢話「唔可以加湯㗎喎！」，我話平時食完沾麵都一定會加湯，跟住佢話，但我哋啲湯冇味㗎喎，我問佢係滾水定點，佢話係豬骨湯，跟住佢就拎咗一碗白色豬骨湯俾我 （相中後面果碗）我當堂都仲係一頭霧水，我心諗，乜你哋唔係喺日本franchise過嚟㗎咩？乜原來你哋冇為食沾麵嘅客人準備任何嘢？仲要好似無人知道個正確食法咁樣😱喺門口見到有張應該係日本總公司寫俾佢哋香港公司嘅證書，我真係有啲想同佢日本總公司反映，原來你哋呢間分店係冇人知道點樣正確食沾麵🥺🥺總結，有基本服務

今日放假同屋企人去附近商場行街，見到有間新開嘅拉麵店，諗住去試一試。。。點知變咗試伏專員🥲打開餐牌都覺得唔對路，講到日本人氣過江龍拉麵店；九唔搭八有章魚燒、天丼、鰻魚飯😅、又壽司呀咁…睇完一頭霧水都算喇，心諗正正經經點碗「人氣」拉麵，成$140一碗麵，點都無死啩。殊不知碗拉麵嚟到，啲叉燒係凍嘅，夾起啲麵，麵餅無撩散成餅嘢咁；最失望係成張枱得筷子同水，日本拉麵店最傳統嘅蒜粒或者蒜蓉、紅薑、芝麻，乜都無🥲。湯底無乜味，食完仲有啲口渴…

雖然沒有任何期望，但仍然失望。總括而言，拉麵的份量少，味道一般。章魚小丸子裏面的章魚大概比一粒米還要少，要啤酒沒有啤酒，要服務態度沒有服務態度，紙巾還要自己拿，味道比普通還要普通，最後還要收+1服務費，如果你喜歡失望的話，強烈推薦你去試一試。題外話：當時陽光極度殘眼，但沒有任何窗簾保護，好像要在日落的太陽裏吃拉麵，但店員彷彿關心的，只是有沒有其他客人坐滿所有客位。真的不明白為什麼會那麼多人排隊。可能我的智慧不足吧

今日特別走嚟Airside 朝聖，睇吓依間橫濱過江龍有幾巴閉。新開嘅關係，門面好熱鬧，因為怕多人，5點就嚟過Early Dinner.曾經見有人話好細碗，咁咪諗住叫多兩個小食。點知中計啦，原來會拉麵大大碗，我一個女子真係食唔晒，要搵人幫拖橫濱終極Max拉麵 $118唐揚炸雞五件 $58餃子六件 $58碗拉麵好滿意，三塊叉燒又滑又嫩，肥瘦適中，糖心蛋超級入味，最重要係湯底一啲都唔肥膩，完全係日本橫濱食過嘅感覺。炸雞好鬆軟，炸衣好薄，一啲都唔覺得油膩，我覺得高水準。餃子就一般啦，可能因為我炸雞太出色因為我覺得啲小食實在太好食，下次想兩個人share一個拉麵，我想食多啲唔同款式嘅小食，因為真係好多款式選擇

今日下晝行過啟德見到有新拉麵店開張 原來係出名嘅橫濱家系町田商店 全球第2大的連鎖拉麵店 好多年前喺日本食過！入邊坐滿晒人 見到又唔使排太耐隊 決定試吓～ 店內氣氛幾好，坐得舒服Menu嘅選擇都唔少 主打傳統豬骨湯 為咗保持日本水準九成嘅食材都係日本空運到港等咗一陣就熱辣辣上枱了！未食已經聞到好香豬骨味～湯底係拉麵嘅靈魂 先試吓個湯底 有好濃好香嘅豬骨湯 好鮮甜係真材實料👍🏾 湯底一滴不剩曬 飲完唔會覺得太鹹太滯豚肉叉燒入口即溶 脂肪同肉嘅比例啱啱好 拉麵軟硬度剛好 質地彈牙 煮得啱啱好溏心蛋亦沒有失準👍🏾總括嚟講 $100左右嘅價位食到咁高質嘅拉麵性價比高 最讚嘅係湯底 下次嚟試埋豚骨沾麵同埋其他小食！