清真牛肉館 (打鼓嶺道)

Open Now

Now Closed

是晚原先想係又一城食飯，但周圍都好多人排隊，唔想等～就落左九龍城～男友話呢度牛肉餅好正，今晚一於一試餐牌上有各類推介既點心！牛肉餅：的確唔錯！雖然皮唔算好薄，但唔會太粉！最欣賞既地方係佢好juicy! 咬落去可以話係爆汁函料調味適當，真材實料！ 實屬唔錯之選！其他食物就不過不失！

我記得第一次食⋯我老公話要帶我去食牛肉餅，我心諗點解要走去食肉餅（我以為係果啲會煮果啲蒸肉餅）哦原來係一塊煎餅，裡面爆汁加牛肉一試難忘外面層皮好脆，同埋層皮唔係超厚食落又唔會好油仲要一咬就爆晒汁，食到好樣衰真係要先咬一細口，飲少少汁先

一場尼到清真牛肉館，其實都係為左佢既牛肉餅！牛肉餅熱辣辣上枱，影得一張相就比人搶曬啦！！！食既時候一定要小心，如果第一時間食，細啖D咬會好D，因為佢既汁真係多到爆出尼，濃濃既牛肉汁配埋牛像餡，食兩個都唔夠啊。

好少係香港見到有清真餐館，難得見到就入去試下環境同茶餐廳相似牛肉餅 $16牛肉餅我見好多人都有點，所以我都order左試下我中意食餅係直接手拿，就眼看好似幾吸引，外皮鬆脆，咬落酥脆香口，裏面是肉汁四溢服務都ok,會主動添茶比我

好耐沒去九龍城, 今天去行街拍拖, 多左好多新樓, 不變是食店,舊式小店一樣多, 但我鍾意, 有香港味!泰菜日本菜咩都有, 但天是去一間聽了很久,但從未去過的"清真牛肉館", 本來是去總店, 但太多人等位, 咁很去分店睇睇, 哈,不用等位,正!店地方不小, 好像還有二樓, 舊式裝修, 但咁先好, 唔會因裝修靚而影響價錢和食物質素!兩個人點左牛肉餅, 咖哩羊腩飯,牛肉水餃,炸銀絲卷。先來咖哩羊腩飯，分碟上，好，咖哩微辣有香味，羊腩份量不少不太"蘇"，但我愛"蘇"！但羊肉不夠"淋"，要用ｄ牙力！汁好正，我留來沾銀絲卷食！牛肉餅上場，feel到熱氣，Ｄ人話好多汁要小心，細細啖咬落去，"嘩"好多汁好熱! 熱死我啦!D汁由側面噴出，噴到隻手，６死我啦！　有牛肉味，汁濃，咸左少少，好食！最後牛肉水餃，都有肉汁，不錯！會再同家人來試其他食物！

原本係約左去旺角打邊爐，但塞車遲左，冇左張檯。所以，走入九龍城食清真野。黎到呢到一定要點返個清真牛肉餅食，拿! 好熱辣辣嫁，辣親咀仔冇錢賠嫁。皮薄餡靚，一路食d肉汁一路流出黎，真心好味道。又熱但又要食個種感覺好滋味，haha。黃金蝦，由於我地點菜時冇睇有價錢個餐牌，只睇得圖個幾張，埋單先知呢碟蝦都成百幾蚊。蛋黃夠多，香口惹味，不過層粉就厚身左d喇。小龍包(牛肉餡)，男友話有得要羊肉餡。皮唔厚，但都唔算薄，可接受啦！肉多且多肉汁，正！蝦子豆腐真係好多蝦子，豆腐煎得金黃，個汁都開得都幾好味，只係蝦子味唔夠濃。飲品方面係豆漿，都幾細杯下，唔太甜，但豆味香。

每次來此店，必吃的一定是牛肉餅，奌心，粉面，炒反，咖厘等已分別试过，但只有牛肉餅，令我一而再，再而三返此店，皮薄餡多，肉汁juicy,煎到金黄而外脆內軟，一食就令人食上隱的感覺，食时要小心，因肉汁滚熱辣，要用食爆醬肉丸的技巧，不然肉汁横飛，越写越想食，要尽快安排下先！^^

原本想去油尖旺食韓國烤肉個啲 但因為同行有2個人唔食韓國野 所以轉黎呢到食首先我地有6大1小既人數 絕對覺得要book定位 點知佢話唔洗book 可能因為我地9點半先食 個時段少人掛 ？一坐底就已經覺得好凍 因為食正風口位 拿拿聲幫呀仔同自己著返件褸先***呢到冇bb凳，張木凳亦都唔可以疊高，只得圓膠凳可以疊(仔仔2歲9個月 淨坐木凳唔夠高自己食，要跪係到自3夠高) 所以坐唔穩個啲bb建議唔好去食住，一黎辛苦自己要手抱，二黎太濃味 未必咁太細***好啦 入正題 首先我地就叫左 牛肉餅 每人一件岩岩好 雖然要趁熱食不過要小心 朋友一咬就辣親個咀 即刻紅啲牛肉唔會話太熟易 "銀"得濟亦冇好似山竹牛肉咁粉 第2樣 清真小籠包 羊肉小籠包 我淨係試左牛，亦同牛肉餅入面啲肉冇咩分別如怕熱氣可以揀小籠包第3樣 羊肉春卷 本人唔中意食春卷 所以冇試 但聞唔到so味第4樣三絲粉皮 冇想像中好食 麻醬雖然好夠味 但個底有太多豉油 搞到成碟野係咸 比豉油搶哂味入面有雞絲 青瓜 牛肉 粉皮第5樣椒鹽豆腐但呢碟好正 去到一定要叫 第6 芝士年糕蝦球以為會比芝士搶哂D蝦味.但竟然冇.最期待係

對上一次食完覺得所有食物偏鹹，食完好口乾之後就無食一段時間。今日去九龍城搵野食，見到無人等位就再試一次。招牌牛肉餅：皮薄多汁，外皮煎得有少少脆，流出黎既汁有一湯匙咁多，而且冇上次食覺得鹹食完今次會再去，下次多d人食可以叫多d野試

九龍城有兩間清真牛肉館大家都知,一街之隔,味道已經有所不同。大家有同感嗎?今次一班友人食的是九龍城打鼓嶺道33-35號地下的一間,明顯比另一間好味。咖哩牛腩，好好味，唔會太辣，牛肉炆得好淋好入味。牛肉餅，水準明顯比另一間好得多。肉汁多左好多，而且肉汁好鮮甜。正。銀絲卷，炸會比較好，另一款比較易散。蝦子鍋塔豆腐，這個做得好好，豆腐好滑，蝦子個羹味道剛剛好。推介。京燒羊腩，好味，沒有羊的蘇味，燒得好香口，羊肉都好嫩滑，又有肉汁。必選。

明明九龍城滿街美食，卻完全引不起我的興趣。經過清真牛肉館，多口問句，"有沒有吃過它的牛肉餅？好出名"。男友便把我拉了進去。下午5時，店內只有零星一兩枱客人。只去過總店，分店較寛敞、整齊企理，但少了一份熟悉。打算回家吃晚飯，由於有最低消費，每位＄34（正是一份牛肉餅的價錢），便多點一道小籠包。牛肉餅牛肉餅爆汁的程度比小籠包更甚。包煎得脆，包著厚厚的牛肉餡，滿口牛肉湯，不枉它遠近聞名。羊肉小籠包店員盤著蒸籠走過來，熱呼呼的，白煙正冒。一打過，便見到4粒脹卜卜的小籠包，相比酒樓扁扁的小籠包，明顯足料。先咬個小口，試試濃湯。味道超濃，一陣羊肉香，而且很多，啜極都有。包很薄，包著大大份餡。肉味很鮮，羊羶夾著香草的調味，嗜羊的朋友必試。分店跟總店水準一樣出色，但較喜歡總店的氣氛。

This is a branch of the old shop nearer to the Prince Edward Road, much more spacious and no worry about getting a seat too late, but whether foods also carry the resemblance of the old shop may be controversial, at least it was the impression I got yestersday.No worry for sharing a table with strangers or stand waiting at the entrance for seats, I turned my attention to the quality of foods, which turned out to be a bit jinxed, with mistakes people would consider amateur for a restaurant with t

去到九龍城工作，不知不覺又來到這裡，本想試其他的，因為這區選擇很多。但始終鐘情這裡的牛肉餅、咖哩羊肉，拍青瓜等等美食！自從新店開了後，每次都會來這間，因為坐位多，環境較舊店舒適！而今次必食是多汁美味的牛肉餅，然後試了鮮蝦牛肉湯雲吞(因為回教餐廳，所以無豬肉供應)，所以味道不及傳統的雲吞美味，只嘗到牛肉的調味 ，而蝦亦不太鮮味！全日是不收加一，免茶芥，也有下午茶供應！

We love the original Islam Food, so we decided to try their second branch just around the corner.  We loved it as much as the original and, in fact, may have enjoyed it even more.This branch is much roomier and more modern than the original.  You do not need to share tables and they have an English menu as well as a picture menu.We ordered the classic 'veal goulash', chicken dumplings and Xinjiang style fried lamb.  The lamb came out first and it was excelent.  The small pieces of lamb were unbe

清真牛肉館,聞名已久.是夜點了二人餐.有炒青菜沙薑雞咖哩羊當然有青真牛肉餅還加了葱油餅牛肉沒想像中的出色,内裏的湯份量很多,小心燙口.返而咖哩羊騷味濃,配合咖哩,的確令人回味.而其他的食物質素只是一般.