漢興茶檔

Open Now

Now Closed

今日又上新嘢，不過同事講定要有心理準備，要排隊等位，兼食物要得好耐！因為即叫即做，攪笑係要好似以前茶樓搵位咁企响張枱旁邊，好彩去到有人剛走剛走，居然5分鐘有位，而另一攪笑，係未有位就可以叫定食物！地方殘舊，牆身剝落，我坐嘅位置仲要地面不平，不過大家都唔介意，我坐低之後，出面已經出現人龍，落單阿姐好急好燥，落單好亂，不過又唔係無禮貌，只係急啲啫，佢都會提我們叫咸牛蛋餅要等30分鐘！最後落好單，食物唔按次序出場！熱檸茶：玻璃有耳杯比較少見，夠熱，茶底夠濃唔澀！出前一丁：平常出街食嘅丁麵，好多都唔啱心水，呢間係少有合晒我心意，麵唔會好淋，少彈牙，湯底夠濃，正！等多10分鐘，主角終於出場，咸牛蛋餅：而家少咗茶餐廳用咸牛做早餐！賣相好特別，像一個蛋糕，蛋餅裡面好多咸牛肉，味道咸香，好鬆，夠熱，好味！店內好似打仗，店員上菜好像街市叫賣咁！不過客人都好好，一食好就走（都唔坐得耐），一個麵都唔貴，但加一個餸（雞翼式豬扒）已經好貴，因為無套餐！全部散叫！

是日到粉嶺BBQ!BBQ是在5-6點, 在這之前還是要吃點東西!友人推介又平又好味的漢興。以南區人來到新界其實真是大鄉里! 好多地方都好有新鮮感!本身就是個愛吃蛋牛治的人, 一進店裡就見好多人好多人點這個!所以也必須的點了一個嚐嚐!而且, 只要二十元不到! 有這麼大的一個蛋牛餅, 還有一碗出前一丁!真係去邊搵呀?蛋牛餅咸香咸香的, 又很鬆不死實, 超好吃!配上出前一丁或是配上什麼都好吃吧!?在這時代, 能吃到這麼良心的食物, 必須要感恩呀!

咸牛肉炒蛋，大部份坊間都會炒得比較實，食不到兩者軟滑的感覺不過，在此你可以找到一般較舊式老店的裝潢，但食客人頭湧湧，多得要排隊的，在附近餐廳難得一見難得有位，不理三七二十一即叫名物 - 蛋餅 (即咸牛炒蛋)配出前一丁這裡是分開上的，麵會首先登場，出前一丁沒有可評，一般味道，不作評。主角上場，可以整成一個餅形，起初以為會較實，點知一咬，感覺好奇妙外稍微結實，保持外形，但內在卻是軟滑，而咸牛肉亦保持本身軟軟的狀態，但散發著香氣實在不易，如果你好食咸牛肉炒蛋，絕對要來到一試。大約20蚊包一碗麵，技巧，功夫

在舖租奇貴的今天，一間開凌晨五點，但又收下午三點的店舖是否有點怪？其實這個時段，正正是當年街邊茶檔的營業時間。看看餐牌，食物種類不多，但價錢相宜，要了碗出名的咸牛肉蛋麵加餐肉，麵底可選出前一丁或是福字麵。咸牛肉加入蛋漿，煎得兩邊微焦，食落咸香，成個咸牛肉餅一樣，夾少許配出前一丁麵，非常惹味，而午餐肉竟然有一整片，十分難得，相信只有在粉嶺這種舊區先搵到。夾少許配出前一丁麵，非常惹味，而午餐肉竟然有一整片，十分難得，相信只有在粉嶺這種舊區先搵到。

好懷念港式茶檔夠傳統奶茶 - 香滑 炸雞翼 - 有 garlic味~ 正!! 奶醬多 - 邊脆包軟 鹹牛肉 - 整到好似漢保排咁出前一丁 - 無敵, 好彈正價已經唔貴, 佢仲有下午茶特價. 真係好低同好食

粉嶺最出名係豬手同牛丸.不過呢個地方仲有好多平靚正的食店...呢間茶檔賣的係方便食物.出前一丁.福字麵.米粉.我情願食出前一丁..價錢又唔算貴.一碗麵加飲品都是22元....鹹牛肉蛋一丁.鹹牛肉係罐頭加埋蛋一齊煎,成個包咁.不過蛋比例係8.牛肉係2....麵有點過林...餐廳煮法係一早煮定味精粉湯.灼好碗麵才加熱湯.今次麵較林.......呢間店的好處係即叫即煮.....凍華田..奶太多.令到華田勁甜....埋單22元.............無可批評,如果專登去粉嶺食出前一丁,有點無聊...應該不會回頭

聽說這間在粉嶺的漢興茶檔是很有名的，最出名是豬扒麵，門外經常排長龍。好怕等位，於是就早點去吃~！奶醬多 $6 - 麵包新鮮香脆，奶醬夠多，好味！雞翼出前一丁 $15 - 出前一丁軟硬適中，雞翼炸得外脆內軟豬扒福麵 $15 - 福麵味粉夠惹味，豬扒醃得入味，肉質實在，不會la到軟趴趴的~偷拍了同桌的奄列多士餐，看來好像很不錯！;P想幫襯要注意營業時間，從上午5點開到下午3點就完了，星期日更休息呢！

因為好近 早餐就會去漢興食我真係好鐘意啲雞翼麵 有出前一丁 好香啲雞翼都有4隻hehe跟住佢個占醬多係會漏啲汗架..好多好甜好好味^^最正係佢仲有樽既朱奶!!我好耐無見過喇...其實佢個麵都唔貴又幾好味 啲占醬多係屋企係整唔到架

今日去左漢興茶檔食早餐,食左佢果咸牛肉蛋出前一丁,佢煮既麵真係好香,唔知點解好食過自己煮.另外佢既咸牛肉蛋真係整得好好味,好香好正.同埋不得不提佢既辣椒醬,係自己整既.唔係太辣,岩岩好.越食越想食.最後就係佢杯凍奶茶,奶同茶既比例岩岩好...正....食完真係好飽.

surprise話說…又係同dearest lunch time既時間由於有野做, 差唔多2點先食野~~本來打算去食下特餐,點知裝修緊之後諗住去延苑啦...之後點知2點就完左午市好沒趣地....好彩有刨定openrice xd見到有間茶檔0的奶茶好好飲平時經過都唔望下呢間野感覺好似一般似的見到有食家話奶茶好飲我就帶左dearest黎呢間野…呢間野無飯, 只有麵同包~~丁/福麵/通粉/米粉同價~~唔洗加錢~~dearest嗌左個豬扒丁我嗌左個咸牛肉福麵~~由於果陣都兩點半 所以加麵兩蚊就有野飲~~dearest嗌凍奶茶走甜我嗌左凍檸茶(唔飲得奶茶又見到好多人飲緊檸茶嘛)overall而言,不錯的.奶茶更加是比expect中高出了~~咸牛肉蛋就多咸牛肉少蛋~~ 多返少少會好0的 個人而言有點多左少少( 不過足料是美德 )dearest食完又嗌多左個奶醬多~ $5頗好吃啊, 剛烘好而且是正方型的 我本以為只是三角形而己~~在dearest吃奶醬多時還鬧出一個笑話,當我們在談論game的時侯,他說: 遲d出跑馬地!!~~我說: 甚麼?出跑馬地online(game)呀??他說: (呆左)是出跑

踫到囝囝返學校練歌,兩公婆無無聊聊唔知去邊,食個下午茶打發時間最啱我.此店售賣食品種類不多,但早上繁忙時段可以話人頭湧湧,一直以黎都無試過.餐鹹牛肉麵 : 其實仲有另外一碗餐蛋麵,不過單係講呢個都差不多了. 麵是出前一丁,淥的生熟程度正好是我所喜歡的,略帶透明的顏色,而麵身不會過稔,餐肉是大路貨色,不提也罷,反而鹹牛肉是處理得非常有特色,店主會將罐頭鹹牛肉混入蛋漿,然後再煎,做成漢堡扒大小另上,份量真的不少,十幾蚊一碗,可以話有驚喜.聯和墟果然潛龍伏虎,簡單的一碗麵,都能花點心思作出變化.

好細個果邊往,成日食佢,個人食番d feel 番哂黎..!!個公仔面唔知點解,硬係特別好味,仲有杯熱奶茶真係一絕!!但係收好早,唔休做.ahah!!好有人情味既一個地方1)XX公仔面(XX means 你地鍾意咩就咩,蛋都整得幾好食)2)正宗絲襪奶茶(冇講笑真係絲襪,堅滑堅香)3)人情味 (咁多年都係咁nice 個老闆同老闆娘,一手一腳做)

這裡是正宗的茶檔，即是說只有公仔面、多士三文治，沒有飯吃的。味道好，效率也高，唯獨叫蛋牛治／面要特別耐，阿姐總會提醒顧客「要等嫁喎」，令很多食客不解。面可選丁或福，不用加錢的，配料的雞翼、豬扒都是炸的，煎蛋、炒蛋都做得很好，值得一提。下午茶時間是二至三，十多元包面包飲品。經過可以一試。