爺爺雞煲皇 (Closed)

以前既板石結業了，現在變了這家新開張幾個月的爺爺雞煲王。裝修幾搶眼，黃色黑色為主，沒有多餘的襯托。元朗放題食得多，有校長雋太瀛喜等等等。雞煲少食，今次就一試龍與鳳。名叫爺爺雞煲，有種家庭溫馨感，父親節將至，亦提醒我要好好準備父親節。圓形電磁爐，第一次見！可惜係國產，印象分打了折扣，不過，煮到野食就得啦！枱面設定，整齊，傳統得黎有點型格風。裝修，新派優閒風格，也有電視，播著翡翠台，滿足了我這個電視迷，也適合一家大細來晚飯，享受一下。混醬，都很新鮮，不像一些任食火鍋提供的霉爛蔥茜，這兒的料估計是即日準備的。我們2 人點了一隻雞雞煲。要辣的。店員就捧著兩大碟雞去廚房煮了。估計也要等10分中，就先來一碟三文魚，不記得幾錢了，好像$50-60很新鮮很好吃。你看下圖就知道，厚切的，線條分明，絕不欺場。雞煲來了，店員會講解如果何品嚐，也會落手幫忙搞拌，一大鍋的雞，食也食不完。這種辣有別於一般的，絲絲滲出，雞煲很香，不多油。與一品比來，各有千秋。原來不可比之。飲品方面，啤酒汽水都有，我被夫人下了禁酒令，所以點的是鴻福堂夏枯草，清熱氣嘛！

聽講元朗爺爺雞煲都好味，所以由港島專程去元朗一試入到去，地方都很闊落。店員安排了卡位給我們。 雞肉肉質嫰滑，這是一隻雞，我和友人都愛吃雞好快就吃完，吃完就當然來到火鍋啦 響令冇想像好吃。就像在超市買回來的質感 這碟牛，不是入口即溶的，但脂肪比例好，有口感，亦有牛味 牛肉粒越煲越淋好好味這碟肥牛是送的不好的是，一開始已經同店員講左可唔可以黎左刺身先，因為不想吃吃下熱食，然後吃凍食，佢話ok,最後都是食食下先黎雖然帶子肥大，但口感不好，沒有鮮味，亦冇帶子應有的鮮甜，只有大件！值得一吃的是那個鹹蛋黃墨魚滑，真係有墨魚粒係入面，而且鮮甜，好味可惜忘記了拍照。

香港人愛食雞眾所周知,除白切雞外,本人最愛還是惹味的雞煲。是次一眾友人到元朗爺爺雞煲聚腳開餐, 爺爺雞煲是樓上店,地方細細,但環境都尚算舒適,可能因為有早茶市的關係,店內座位有不少卡位供客人選擇, 約8點時都有不少2-3人的組合來食雞煲,地方冷氣夠,唔會越食越熱之餘,仲唔會食完成身雞煲味。是次選了爺爺招牌雞煲($198大),少辣,味道不錯,雞的份量充足,而且雞肉都幾入味,只是豆板醤份量稍為多了,令雞煲咸了一些,不過整體都不錯。推介這個新鮮肥鵝腸 ($78),價錢合理,賣相好吸引,新鮮而且肥美,同一般比起冰鵝腸完全無得比。 八味金磚豆腐 ($30),味道OK,外脆內滑,上枱時仲好熱辣辣,小心燙口。 即炸嚮鈴($38), 嚮鈴係大部份港人都會點的食品之一,這個尚可,不會太油,但唔夠香口。 極品豬大腸($38), 份量都OK,但味道就完全俾鮮肥鵝腸比下去。 爺爺冰豆腐($28),這個不是本人的那杯茶,没有品嚐,友人就覺到不錯。 白切牛坑腩($58),好好味, 煮3-4分鐘淋度啱啱好, 但又不會散開,又唔會韌。牛肉味又濃

呢到係一間打邊爐食雞煲的地方,無錯,係打邊爐,但其實早上是有茶市,人流唔多,點心有特色,呢到都係傳統點茶開茶式,不會一大壺茶,先來雞包仔,無咩料,有雞,冬菇,尚可錦繡麒麟盒,幾香口,入面有咸蛋王,同一些肉碎什菇雞絲腸,腸粉ok,但其怪入面酸酸地,妹仔話可能菇出問題 豬手有南乳,花生,都入味,但唔夠諗主角就係佢,燉雞腳,原來湯來,好甜,好好味,必試推介總結味道唔錯,特別係燉雞腳,服務ok

今日7點45分到爺爺雞煲王...門口派位，著住黑衫阿姐.. 應該係經理.. 我同佢講 四位.. 阿姐就話.. 留低電話有位就打比我.. 之後我落一落便利店 就上返去等..一路都有人上黎 不過人地有訂枱..我明白！但個阿姐不停係咁問我地幾位 問完又問..後來有四個女仔上左黎.. 我地四個同另外一對夫婦都聽到佢地話冇訂枱.. 但係竟然比佢地入先..我地問佢 點解佢話冇訂枱都可以入先..佢就堅持話人地有訂枱.. 但幾個人都聽到佢係冇訂.. 阿姐態度開始好差 同我理論..最後佢揮揮手 叫我走 話我可以唔食！服務好差.. 以後都唔會再去！

如果要說近年最多新食肆的地方，相信元朗可以位列三甲；基本上每次經過，都會察覺到有新店，加上原有的傳統舊店，走在元朗街上，不愁找不到好地方。反正近日有空，找了幾位好友飯聚，雞煲雖然是早前的大熱食店，自已反而少光顧，今次正好有機會試試。餐前先來一份八味金磚脆豆腐，外層炸得很香脆可口，內裡軟綿香滑，其實不錯，只嫌炸得太深色。再來是主角爺爺招牌雞煲，因為要遷就大家，辣度選了輕盈一些，配料都是洋蔥、青椒及香料之類，總之大同小異，吃落都偏向惹味，雞肉都非常入味，如果加碗白飯可能仲好。吃過雞肉便可以加水變火鍋，即炸嚮鈴只須放入湯內泡浸一下就可以，口感還是不錯的。難得有新鮮肥鵝腸，當然不能錯過，連著脂肪的鵝腸，真夠邪惡，入口豐腴甘香，人間美味。手打四寶丸是火鍋常客，但給濃味的雞煲蓋過了原味，只感到爽口彈牙，可惜。而極品豬大腸又是連著肥膏，少許的羶味更可口，而且事前早已炆至軟稔，吃起來不費勁。爺爺冰豆腐是朋友摯愛，充滿孔孔的豆腐，可以吸收醬汁，咬落軟綿綿的，很有特色。白切牛坑腩亦是炆得夠稔，但個人始終喜歡帶點肥位，令口感更豐富及具層次。吃火鍋當然不能缺少牛肉，手切本地肥牛拼牛頸脊只須放入湯內焯十零秒，

或許跟很多人不同，筆者打邊邊食雞煲，係無分季節的，春夏秋冬都可以烚下烚下。食雞煲仲有一個好處，就係可以邊食邊等，尤其是遇著我呢啲經常放唔到工的麻煩人。又遲到，萬分抱歉，還要謝謝甜魔媽媽Yan借出既靚相。趕到來，好肚餓，先吃些唔使等的金磚脆豆腐，香口的東西永遠合我心，即使是放涼了，依然唔差。可以想像，熱呼呼放入口時，是多麼的正斗。事不宜遲，要向雞煲進攻。我不知道大家柯打的是什麼辣度，但於我的角度看，這應該是小辣，不算太刺激，還滲出微甜的味道，個人頗喜歡，當然雞件嫩滑，也是討好的地方。在嚐雞件之同時，大家早前放入去的丸子，已經可以食了。看得出是手打，牛丸肉味頗濃，蝦肉都合格，仲有比較少機會試到的鯪魚丸，挺特別。我呢個正義既人，一定會將邪惡既東西消滅，什麼鵝腸呀，豬大腸呀，統統同我走出來。這次，我會較喜歡對付爽脆多脂的鵝腸，實在太邪惡啦！在香港地，打邊爐食雞煲，豈能沒有靚牛呢?! 來了碟雙拼，分別是本地手切肥牛，同埋牛頸脊，單是其雪花紋理，已說明一切。總之，兩者各有千秋，三兩下手勢就被我吃清光。一碟牛是滿足不了食肉獸的，加份鬆化的牛腩片，就差唔多。怕不夠飽，再一碟雲吞，每人整幾粒，夠晒飽肚。

平日甚少到元朗覓食, 上星期就由住在元朗的好友帶路下去了爺爺雞煲皇食晚飯.由於我不太食得辣, 所以好友相就下選了小辣雞煲.雞煲上枱後, 煮多一陣便可以食.醬汁對於我來講辣咗少少, 但可以接受, 若醬汁再濃郁一點會更好,而雞肉肉質還可以, 但略為硬咗少許.食完雞後, 先來一碟小食, 就是八味金磚脆豆腐.豆腐外脆內裡好滑身, 味道剛剛好, 當小食一流. 接着當然就是打邊爐, 我地點了不少食物.有手切肥牛拼牛頸脊, 白切牛坑腩, 即叫即炸響鈴, 手打四寶丸打邊爐混醬不少得, 可以因應自己口味而選擇.這是我的醬汁.手切肥牛拼牛頸脊上枱已見到好靚, 脂肪分怖平均.兩款牛牛味幾濃, 牛頸脊較為有口感, 即使食全熟的我, 也不覺得硬. 另外, 點了白切牛坑腩. 平日食火鍋我較少點牛腩, 怕肉質太鞋身.但這款牛坑腩出奇地幾腍, 怕牛味太濃的話可以點牛坑腩. 打邊爐丸類也一定要點, 想一次過食幾款丸, 就點了手打四寶丸, 包括鮮蝦丸, 墨魚丸, 鯪魚丸和牛丸.四款丸都算彈牙, 唔會太粉, 我自己較為鍾意食牛丸.最後, 當然要食埋即叫即炸響鈴才完滿. 我自己鍾意滾到好軟身, 等響鈴完全吸收晒鍋裡的精華,這

識我的朋友都知我勁like食雞煲，無視熱氣無視爆瘡，總之食左先算！男友已經同我食到怕怕，所以今晚是girl's night^^看到張落單紙，覺得這裡和平常食雞煲的地方有點不同，因為這裡的菜式款式超多元化，無論是之後打邊爐的食物，還是開胃小吃，更有時令刺身，而且仲要係多款~三文魚啦、劍魚腩啦、甘海老啦、海膽啦、牡丹蝦啦，不下十數款！不過食雞煲就雞才是主角啦，因為朋友不嚐辣，點了個微辣來試，個汁幾濃有小小香，雞好入味完全變成啡色的，可惜唔夠滑，如果滑啲就更好。食完雞，先來點開胃小食，這款八味金磚脆豆腐簡直食唔停口呀！又脆又薄加小小椒鹽同炸到啱啱好金黄色的感覺，一咬開，又軟又滑的豆腐，兩種口感，配合好得不能再好，完全愛上這個磚頭呀！而響鈴是即叫即炸的，所以保證新鮮，而且夠脆，一食完雞放湯前先浸響鈴，濃濃的汁被響鈴完全吸收！好味到不得了！在等水滾的時候，就是刺身時間了！甜蝦夠大夠甜，三文魚夠肥夠厚身，每款都好新鮮，最正是竟然有櫻花魷魚，超甜口感，滑而鮮的味道，一放入口就好像要滑落食道，當然我不會容易放過它，要細意感受每一小條的甜味才會吞的！劍魚腩肥美的程度也不得不提，就好似食緊魚肝油魚的感覺，

元朗出名多好東西吃，所以我常常到元朗覓食，前天就相約了幾個住元朗的好友去試雞煲—爺爺雞煲皇點菜後先來混合吃火鍋必備的醬料。這邊的配料不算很多，有基本的醬油、蔥花、蒜蓉、辣椒、花生等等。先來一款佐酒小食>八味金硬脆豆腐微辣，豆腐炸得皮薄香口，外脆內軟非常惹味，大推薦。>刺身拼盤有三文魚、劍魚腩、甘海老、北寄貝、希靈魚及櫻花魷魚刺身很新鮮，我吃了其中的三文魚及甘海老都很鮮甜，肉質嫩滑更帶有豐富油脂，口感一流。主角上場!>秘製爺爺招牌雞煲(細、小辣)即更是小辣但味道也不會太淡，淡淡的麻辣香味辣而不嗆，當中的雞件肉質軟滑相當入味好吃。(細)份量四人吃剛剛好，吃光雞件後更可以加入上湯開始火鍋。>叫即炸響鈴新鮮即炸，上檯時熱辣辣的，我認為炸響鈴是吃火鍋必備配料，能吸收湯底精華，吃下去好過癮。>手切本地肥牛拼牛頸脊放入鍋中稍稍涮幾下便能起鍋，個人偏愛手切本地肥牛多一點，肉質的雪花分佈細緻又平均，豐富油脂讓肉質更加鮮味細嫩，不用沾醬也非常好吃!!! 而牛頸脊相對之下比較有口感，但牛肉味道更香濃。>白切牛坑腩坑腩口感軟腍不硬，瘦肉和軟筋相連，牛香味濃郁，好

吃雞煲真的會上癮！繼美味的陸陸雞煲及奇華雞煲後，老公常常哦道要再吃雞煲。一天與食友聊到元朗的爺爺雞煲其實也不錯，馬上相約飯腳來開餐了～紅棉圍厚德樓怎麼走呢？其實就在千色廣場對開，往街市方向一直走，認到這個招牌就對了。見到光猛的入口後，要上一層樓梯，然後就是偌大而且也算舒服好坐的用餐區，圓檯與沙發都有，這晚我們選坐圓檯，感覺較close。飲品是來貨，我點了少糖的夏枯草，很對味；然後等人之際，先吃八味金磚脆豆腐($48)。成品份量挺多，外層金黃香脆之極，而中間的豆腐又細又嫩，很好吃，幾乎停不了口！終於人齊，也是時間開始雞煲環節！點了爺爺招牌雞煲，大的($198)，並要了少辣版本，味道香濃中帶點微甜，十分豐富惹味，十分好吃，不消一刻2斤多的雞件飛快給掃光。吃完雞件也是時間加湯，繼續part 2火鍋環節。特別點少辣，就是想火鍋環節可以吃出食物原味；而不好辣的，其實也可選點其他湯底，最便宜的皮蛋芫茜湯／蕃茄薯仔湯才不過$38起，十分抵食。首先點了即叫即炸嚮鈴($38)，成品不是來貨，而是新鮮即炸而起，油分並不多，心思值得一讚。老公超愛鵝腸，難得這裡有新鮮肥鵝腸($78)，當然要大快朵頤了！我不吃

估唔到呢間雞煲店…日頭居然會有早茶點心食…可能上樓既關係…並不太顯眼吧…地方細細…8點半去到…唔駛等位…反而9點幾開始多人…點心紙得3張…好快就選定target啦...雞包仔～餡少少…無咩汁…包鬆軟…南乳豬手～幾入味…豬手唔太腍…雞扎～有好大舊芋頭…棉花就細細舊…一般…錦繡麒麟盒～幾香脆…餡料有d似咸水角…都ok...什菌雞絲腸～腸粉尚算柔軟…食落有d酸味…唔知係咪d菇出左問題…葯膳燉雞腳～等得最耐係佢…最初以為係果d鹽水浸雞腳之類…但原來係燉湯黎…有足一碗份量…都只係$17…量足無味噌…至抵係佢…

多謝各位好友同事，趁假期入來元朗探我和小popcorn，一盡地主之儀，我就帶大家搵食。元朗素來都有不少美食，香港各區的食民為一親芳澤，再遠都過來一試。今晚先帶他們吃雞煲！其實我亦是第一次試這家雞煲，在千色店附近接過傳單得知它存在。一行四人之中有不愛辣，所以要了少辣，一半斤雞。醬料架幾乾淨齊整，需要額外每位$6。我個人認為這個可以省掉，因為雞煲本身已經很夠味。上桌時已傳出濃濃香味！炒一炒更香！看到不少花椒八角，風味十足！愛辣的朋友不防試中辣以上，相信會更惹味！雞件肉質滑溜，讓人一件接一件食不停口！店員建議在加湯前先加牛坑腩和豬大腸炒一炒，讓香辣醬汁沾滿兩者！我獨愛這裡的響鈴卷，看得出比其他地方散散爛爛的不同，原來是自己特製，即叫即炸。吸滿辣雞煲汁，內疚同時好味道！本地手切雪花肥牛拼牛頸脊，一看就知道不是街邊貨色，雪花紋均勻，入口即溶般美味！而牛頸脊即牛味十足，食肉獸必試！這裡的四寶丸均是新鮮手打，彈牙鮮味。滾了良久，亦不見體積暴漲十倍，證明用足料！脆肉鯇片，朋友至愛。不得不提，爺爺這裡的食材全部都乾淨得晶瑩剔透，讓人食得放心。少不了點些蔬菜中和一下吧！蔬菜亦見新鮮，尤其是大大片的翠玉瓜，

今次和友人來元朗食雞煲。雖然本人不是特別喜歡吃雞煲，但也覺很入味，雞煲份量也很足，有大，中小和走辣選。而我地點了小辣，對我來說小辣都很夠，有特別的醬汁，辣椒。另一味，炸豆腐粒份量也很夠，我就忍唔住食左好多粒，雖不是什麼特別的菜式，但雞煲配豆腐粒，一辣一軟，特別配合。另一味，豬粉腸。加上雞煲的辣味也不錯。本人喜歡肥瘦適中偏少肥，這裡的粉腸也不錯，野味得來也不會太肥。綜合來說，在元朗區來說，是不錯的選擇，本人未試過，希望還有麻辣選，相信會更好。

即將投身元朗人的行列, 近日為新居打點經常要往來元朗區. 對於居住了二十多年青衣的人來說, 心情可謂十分複雜, 一來不捨, 二來又期待, 三來又怕不適應. 搬到這地方來, 最大的得着莫過於找吃再不是問題, 現居的地方, 一過了9時多, 基本上除了往便利店補及外, 已沒有什麼選擇. 但在元朗, 也可說是新界西的不夜城, 任何時間想找吃也不成問題, 選擇也多. 自懷孕以來, 就變成不折不扣的辣媽, 無辣不歡. 認識的媽媽group又經常send相放毒, 雞煲有一陣子成為大家掛在咀邊每天想吃的食物. 本來沒有太大的雞煲癮, 但看得多, 自己也想吃一份. 這天剛巧回新居打點後, 就在元朗區找雞煲吃. 在網上看見爺爺雞煲好評頗多, 又剛下着毛毛細雨, 不想再行再找了, 就決定一試.幸好這天人不算多, 在樓下跟侍應寒喧了一會, 她看得出我是孕媽媽(這也太感動了, 因為我的肚實在不顯眼!), 主動的拿了張椅子給我坐, 又温馨提示不要坐近風口位, 本來已有點疲倦, 這一下舉動實在太窩心. 原來爺爺雞煲早午市有點心賣的, 晚市才搖身一變雞煲火鍋店. 還跟老公說, 待搬到元朗後, 要找一次試試來這裡飲茶,