留民料理

Open Now

Now Closed

係屯門小曼谷一帶有唔少餐廳水準都幾好，呢間留民料理就係朋友推介話已經回頭幫襯過幾次，今日帶我嚟試吓💛店內滿佈和風裝飾，座位不算太多，給人一種地道溫馨小店的感覺。-🔸蟹籽海葡萄宮城大真蠔 $88/pc大大隻鮮甜又肥美，蠔味重膏感唔強，口感比較實在海葡萄第一次食，鹹鹹地咁幾得意😂-🔸椒鹽雞軟骨 $48小食計份量都幾多配上椒鹽香口又惹味-🔸日式生炸BB乳鴿 $68無諗過居酒屋都會有乳鴿食😳睇到報導話呢隻乳鴿係曾經得過獎，以日本萬字醬油、味醂、清酒等醃製過夜再燒製，有別於一般酒樓傳統味道用醬油醃製過都唔會太鹹，調味剛剛好皮薄肉嫩好juicy-🔸串燒拼盤 $118想試多幾款當然又要叫拼盤拼盤共有5款，有齊雞牛豬 and 蔬菜類分別有翠玉瓜、雞翼、牛柳粒、豬頸肉、五花腩整體燒完都唔會乾，保留到肉汁👍🏻-🔸日式甜咖喱炸軟殼蟹燴飯 $148軟殼蟹大大隻外脆內嫩燴飯混入左翠玉瓜、三色椒增加色彩同口感配上唔辣嘅甜咖喱一人一啖好快清曬😬

蟹籽海葡萄宮城大真蠔 $88隻蠔都幾大隻幾新鮮，好小見係配海葡萄，都幾match麻辣牛筋 $96一碟大概10舊左右，食落都幾彈牙，幾有口感。真係好麻辣，食得辣既人可以試下豆腐魚餅 $48個面煎得幾香，食落軟綿綿，裏面有淡淡魚肉味，加埋芝麻醬，飯前食都幾開胃。原條茄子（串燒）$42一向串燒都必食茄子，佢配埋鹽同辣椒粉，更加惹味當日食都幾滿場，整體食物質素都唔錯。留民料理📍屯門青山公路351號彩華花園地下1號舖

大家唔好以為經過門口，係一間好普通嘅餐廳。入到去環境舒適，有一種好WARM嘅特色小店，依家買少見少，雖然唔係有太多人服侍我😂但係我最鍾意就係咁，可以自在啲，放鬆啲☺️本以為食物平平無奇，點知一上枱，有擺盆，有心思，仲要好好食，感受到大廚嘅熱誠😍尤其酥炸軟殼龍蝦🦞，真係好特別，啱晒唔食蟹🦀嘅我，好開心，乳鴿又多汁入味，聽聞係攞獎㗎🫢，仲有個黑豚薄餅個味道係好夾☺️我哋忍唔住要嗌多兩份😅我話過我一定要再去幫襯😆

住咗大西北咁耐，先發現一間隱世嘅居酒屋🏮，食物質素都幾唔錯㗎～～-1.前菜：蛋沙律佢比我嘅感覺都係好Fresh好開胃嘅感覺🫶🏻魚子以及蛋嘅混合比我想像中好，蛋液包裹住d菜，以及少量嘅海鮮味混合一起，仲有少少芝麻醬嘅配合，食完之後即刻想食正餐。2.前菜——燒美國牛肉片黑醋沙律呢款嘅沙律菜有用到黑醋作為調味，車厘茄嘅酸酸甜甜中和左牛嘅油膩感。和牛用咗黑蒜胡椒等調味，食落去好滑唔會鞋。-3.日式生炸BB乳鴿我自己都係第一次食乳鴿，識落去有少少似燒鴨嘅感覺，肉質會再偏嫩滑少少，而且油脂所散發嘅香味以及油脂比較重，建議可以配合沙律菜一起食用。食落去幾脆口，不過容易滯，可以同朋友一齊分享食🫰🏻4.鹿兒島A5和牛膏香蔥炒蛋呢款牛肉會比美國牛肉更加滑嫩，飯就粒粒分明，仲有少少牛肉嘅包膏包裹住，食落去都幾滿足㗎。除此以外亦有翠玉瓜，令到成道菜冇咁油膩，以及更有口感～～

今日入開去屯門爬蟲館 行完之後突然間想食串燒 醒起之前食過一間 @liuminliaoli 於是乎就再去睇下有冇位 好彩早去 一入到去仲有兩三張枱 岩岩落完單之後就開始人多 全院滿座今次叫左個頭盤 第一次食 海葡萄 上面有蟹子同木魚做陪襯 海葡萄嘅口感同蟹子好夾 大家都脆卜卜 食落好爽口 味道都好夾 少少海水味加上木魚嘅少少咸香然之後叫左隻炭燒脆皮乳鴿 碟邊有七味粉加椒鹽 為乳鴿加上幾分美感 不過作為主角嘅乳鴿真係肉質非常嫩滑 唔用手食真係唔尊重佢 將每一忽肉都吮乾淨🤣之後再食埋串燒，分別係雞頸，七里香同埋鰻魚串燒，最有驚喜就係七里香，表皮脆得黎肉質鬆軟，但仲有軟骨嘅咬口。雞頸口感似雞軟骨咁，脆卜卜咁，第一次食咁嘅串燒，有好好嘅第一印象！鰻魚就十足十便當嗰啲蒲燒鰻魚咁，但表皮香脆，點少少七味粉同玫瑰海鹽，照燒汁嘅甜味加上海鹽嘅咸味非常襯。最後就係五花腩香蔥燴飯，五花腩嘅油香同肉味完完全全將原本平平凡凡嘅燴飯襯托到非常出色，五花腩亦都非常厚切，冇偷工減料。

屯門｜留民料理🇯🇵新鮮食材·原汁原味· · ·令和の怪物 ···🔸蟹籽沖繩海葡萄生蠔🦪 $88 (重口味)- 生蠔口感爽滑，帶點海水嘅咸味而唔會腥🤤- 蟹籽同海葡萄啵啵聲咁爆開，除後更帶出生蠔嘅鮮味，十分之夾👍🏻👍🏻🔸金磚豆腐 $68- 外面香脆可口，入面嘅豆腐非常軟滑💕- 以炸物嚟講，唔會好油👍🏻- 即炸即出，食到最後一粒仍然係熱嘅～🔸留民串燒拼盤 $98 (共5款)👑五花腩 最好食😋- 油脂同濟州黑毛豬嘅口感一樣，食落超級爽口🤤🤤另外有：牛柳、雞腎、雞翼、雞patpat🔸鹿兒島A5和牛燴飯 $168- 日式risotto，配料有翠玉瓜、瓜洋蔥、和牛膏、和牛碎～- 上面嘅和牛🐮油脂分布平均，食落去帶有微微黑椒味(+$18) 蟹籽溫泉蛋沙律🥗- 溫泉蛋凍凍地，配埋蟹籽、新鮮生菜、麻醬，即刻開咗個胃🤣🔺有加一服務費整體而言▪️味道 4 / 5▪️環境 4 / 5▪️抵食 4 / 5📍屯門青山公路351號彩華花園地下1號舖

🥢蟹籽溫泉蛋 $22佈滿芝麻醬連同蟹籽粒粒多左野咬, 前菜黎講一份仔都唔錯。😋: 🌟🌟🌟🌟/5🥢 麻辣牛肚 $98佢既麻辣都唔會過辣偏麻, 但又幾過癮🤣 牛筋同牛肚都好入味, 份量都足夠。😋: 🌟🌟 🌟 🌟🌟/5🥢 日式生炸BB乳鴿 $68店員話呢道係獲獎菜, 咁就試下佢。有用醬油同清酒醃製, 有中日混合感, 仲配埋炸蒜, 都幾香口。😋: 🌟🌟🌟🌟🌟/5🥢串燒拼盤 $118有五花腩,牛,豬頸肉同雞翼, 咁多唔同款式既串燒算係包羅萬有既串燒。😋: 🌟🌟🌟🌟/5🥢金箔蟹籽拖羅燴飯 $198拖羅直頭中正我最愛, 加上粒粒蟹籽個飯增添口感。舖上金箔個賣相即刻華麗哂🤤😋: 🌟🌟🌟🌟/5

#屯門 @liuminliaoli🏠朋友搬到屯門, 專程早早放工入屯門賀佢新居入伙! 就樓下有間得奬大廚主理 Fusion 菜, 好彩我哋一早到, 唔訂都有位! 🦵泡椒雞腳 $46 ~ 既然寫明新到必試, 咁我無理由唔識吧! 雞腳爽口, 唔係腍到爛嗰種, 微微辛辣, 好開胃! 🥗燒美國牛肉片黑醋沙律 $128 ~ 份量好多, 沙律菜新鮮爽脆, 黑醋唔會過酸, 原來同燒牛肉好夾! 🍢串燒拼盤 $118 ~ 豬頸肉、牛肋條、七里香、雞腎、秋葵! 本人呢, 真係好憎食秋葵, 但呢個串燒切料上, 我都食咗2粒, 讚! 七里香基本我係唔會單點, 但拼盤有我又唔介意食, 油脂滿滿但不肥膩! 牛肋條好軟滑, 滿滿的牛肉香! 豬頸肉好爽口, 經燒烤過後油份已大減, 讚! 🐖慢煮滷水原隻大豬手 $178 ~ 必點! 很大的一隻豬手, 炆得好腍好腍好腍, 一刀切落即散, 入口即溶! 豬皮 Q 彈又軟滑, 滷水很入味, 🖥旁邊有電視片段播放老闆大廚的奮鬥史, 好勵志的故事, 加油啊! 

這間餐廳真的很出色，是本人最欣賞的屯門區食店，完全係感受到每一款餸菜，廚師都是用心去製作的，所以今次又要帶屋企人來品嚐一下。餐廳比較細間，座位不算太多，但可能係環境和燈光的影響下，我又覺得幾好坐。蟹籽溫泉蛋 - 簡單做法，食完已經令人回味，心郁郁想叫多隻。脆皮炸BB乳鴿 - 上次嚟order時竟然係缺貨，今次終於嚐到，乳鴿炸得香口，但又保持到肉汁，而且肉質十分鮮嫩，果然係招牌菜，不同凡響。貴妃雞卷 - 脆片鬆脆，但唔油膩。雞卷厚肉，味道好好食，我有點喜出望外。胡椒海鹽燒焗黃腳立 - 燒焗到魚皮面十分脆香，內裡魚肉新鮮，魚香濃烈，就連不太喜好食魚的我都忍唔住食咗幾啖，實在美味。A5和牛膏飯 - 貌似Risotto的製作，每粒飯都比和牛膏的油香濃濃的包著，味道濃郁，好食。

約埋朋友試吓屯門呢間隱世特色居酒屋🏮打破一般日式居酒屋傳統，佢哋係無國界的🇭🇰🇨🇳🇯🇵🇹🇭🇰🇷位置有d僻靜，要細心找才發現門口其實就在民居住宅大門旁邊，店內裝修也走無國界風，牆上佈滿各式各樣的裝飾品，食客可一飽眼福！🤩食物也充滿特別風格，各國嘅特式菜都有機會喺呢度試到 前菜先來一客泡椒雞腳和麻辣牛肚🌶🌶🌶麻麻香香，又唔會辣到入唔到口，刺激一下味蕾先🤪再來些串燒🍢🍢幾香口，仲有‼️大推既「椒鹽鮑魚」😍😍厚肉、入味、爽口唔韌，真心正！食埋個是日精選「金箔海膽蟹籽燴飯」🧡質感有啲近似Risotto，滿滿蟹籽再配埋新鮮海膽😋 味道不會過濃，適合喜好輕怡口味的朋友。飯面真的鋪上大塊大塊的金箔🤩高級感滿分！！我地兩個女生食量唔大，飽飽了！🤰🏻🤰🏻等下次再來試埋其他特色菜🥳🥳🥳

好食既餐廳有兩種，一種係用錢買高質食材，堆砌成一餐高級料理，靚既食材基本上點煮都會好食；另一種係用平民食物，靠廚師既功能料理成高質料理。而留民料理正正係後者！留民料理主打Fushion中菜，我地叫左好幾個小食。🐓 泡椒雞腳 （$46）總數有6隻雞腳。我本身唔食辣，係男朋友好辣，但個雞腳只係微辣，而佢做得好惹味，唔係淨係得個辣字！好食到連平時譚仔叫清湯既我都食左兩隻！（雖然飲左兩杯水😂）🐄 麻辣牛筋 （$96）同雞腳一樣，雖然佢辣，但唔係淨係得個辣字，係超香超好食，啲牛筋又要好冧好易咬。結果最後我仲食得多過好辣既男朋友！🧱金磚豆腐（$68）本身我地兩個已經好鐘意食豆腐，哩碟豆腐係無得挑剔！個皮炸到好鬆脆，啲配菜有炸蒜同蔥，夾埋一齊食勁香口！🍢串燒拼盤（$118）+ 原條茄子（$42）個拼盤都好多款！有豬頸肉、五花腩、牛、雞翼x2同一串秋葵。啲調味一樣做到好惹味，去到哩到終於忍唔住，我地決定要叫兩杯啤酒配哩堆咁好食既小菜！😂條茄子配左木魚又出奇地夾，成條茄子都好甜！🐮 鹿兒島A5和牛膏片燴飯（$198）個飯煮法有啲似Risotto，而配既料又似中式炒飯。雖然用左和牛膏，但食得唔油膩。明明已

唔係黎探朋友嘅話我諗都好少會嚟到屯門既呢邊😅不過全靠佢先食到咁滿足嘅一餐日本料理😇店內裝修好有居酒屋🏮氛圍👍❤️蟹籽溫泉蛋 💰2️⃣2️⃣面頭有蟹籽同類似炸蒜既物體，爽口又脆口😋蛋白同蛋黃都呈現流心狀，入口超滑！就咁食定撈飯/意粉食都好正好夾😍⭐️鱈魚干💰3️⃣2️⃣夠香脆😋邊傾計邊食住黎等主菜，一流！😁❤️牛脷串 💰4️⃣6️⃣爽口！略帶油脂好香口😋❤️貴妃雞卷 💰3️⃣2️⃣外層既皮燒到勁脆！裡面肉質又超嫩滑！真心出色！！😵😵⭐️豬頸肉串 💰3️⃣8️⃣肉質較肥，咬落去爆汁，邪惡但好食🙊😆❤麻辣牛筋️💰9️⃣6️⃣佢既‘麻’十級香！唔會太辣，牛筋夠淋，冇諗過喺居酒屋食到咁高質嘅偏中式菜式！😱❤️金箔鮮海膽海膽醬意粉 💰2️⃣9️⃣8️⃣賣相勁吸睛！😍面頭舖左好多金箔同海膽🙊海膽好鮮味完全唔腥🤤意粉彈牙，仲掛左滿滿濃郁既海膽醬，加埋蟹籽脆口口感，又係勁出色！🤤🤤第時去探呢個朋友一定要再黎！！😆😆😆

「留民料理」串燒、西餐、海鮮、刺身乜都有位於屯門嘅無國界料理小店有款食物仲攞過獎㗎‼️⭐️日式生炸BB乳鴿就係佢喇‼️佢係拎咗《世界鴿王美食大賽》金獎，醃製過夜先炸，好入味😋皮脆肉juicy👍🏻好嫩滑❤️用手食超滋味🤭⭐️蟹籽溫泉蛋配有沙律菜同胡麻醬，味道豐富，爽口鮮菜加滑嘟嘟嘅溫泉蛋，咬落唔單調👍🏻⭐️鹿兒島A5和牛膏片燴飯好creamy好濕潤嘅燴飯，和牛膏混入飯內好香濃鮮甜，油脂豐富嘅和牛片好軟熟，粒粒分明嘅燴飯配埋翠玉瓜粒，口感有層次😋⭐️串燒拼盤有蘆筍、五花腩、牛舌心、茄子，鍾意五花腩😋夠肥夠香夠軟腍💕茄子🍆好香濃入味店內嘅氣氛好啱同朋友食嘢傾偈飲酒🍻記得要book位呀🤭

留民料理 (屯門)屯門青山公路351號彩華花園地下1號舖居酒屋🏮裝修令人好relax，入邊播嘅歌都係好有回憶，比其中一部電視吸引，入面係播緊老闆同呢間餐廳嘅故事，好好睇，感動，未食之前已經充滿情懷同埋期待。泡椒鳳爪$46少少麻辣，鳳爪脆，好易甩口，冰凍感能夠提升食慾。滷水大豬手$178豬手充滿骨膠原嘅感覺，炆燉得好好食，肉質係好林，肉香散溢，慢煮7小時嘅功力，你唔嚟試過唔會知道有幾好食，師傅手勢絕對有功架。A5和牛膏燴飯$168飯粒粒分明，口感充足，和牛高嘅油香充滿着每粒飯，翠玉瓜粒都特別好食，必食推薦‼️食過返尋味，下次一定會嚟再食，性價比極高。串燒拼盤 $118有燒茄子、雞翼、五花腩串、牛肉串、雞腎串好欣賞茄子上面有木魚，係有心思嘅鋪排。牛肉串非常嫩滑，雞腎爽。Encore，一定會再嚟食飯，太有意思，食緊嘅係一種情懷。

今日黎到呢間隱世料理店😶‍🌫️之所以話佢係隱世 因為佢真係好低調 低調到就咁行過都唔會發現佢個隻😲店舖細少 環境燈光暗沉 帶有種神秘感🤫牆上掛有日式既裝潢🏮亦見有好多店主既心頭好貌似居酒屋 但佢食既都係無國界料理🌏比較fusion少少呢度日式西式串燒海鮮等等既野都有得食😋仲有set dinner提供 所以無論你係一個人定係一 班人呢度都可以好高質咁幫到你醫飽你😮‍💨- 🔸日式生炸bb乳鴿  呢個係必點既✅可以話係呢度既signature‼️炸到攞晒獎既乳鴿🏆黎到唔試都對唔住自己🤭溫馨提示👉🏼要襯住熱辣辣食 咁樣先係最正🤤細心既店員會提供刀俾你切 我就保留傳統 用手食✌🏼一撕開乳鴿 啲肉汁係咁滴出黎 接都接唔住呀💦肉質係好嫩滑 好juicy 仲要配合埋個塊脆皮 炸個個時間要拿捏得好好先做到呢個效果😌咸香既乳鴿再用少少七味粉灑係面 無懈可擊👍🏼- 🔸香草蜜糖雞翼  跟住呢個就係比較西式啲既小食 雞翼大大隻 好入味 香草同蜜糖既配搭好夾🍯仲食到一陣微微既炭燒香 呢個先係精髓😋比起普通既蜜糖雞翼 多一份感覺😌-🔸自家制雞肉捧  呢個我覺得又係必試既 從未食過咁好食‼️粒粒軟骨碎混合雞肉 造成一碌肥嘟