百利火鍋海鮮酒家 (Moved) New Location

香港人喜歡打邊爐,不分季節,炎炎夏日都可以開行冷氣大涮特涮.一個人嗎?可以去"拮嘢家",適合成幫人的食店也不下千萬間;其中百利算是幾好的選擇."幾好"並非指稱其食物有多好,而是就地點氣氛而言;地點,甫出地鐵站斗大招牌就在眼前;氣氛,那𥚃真夠熱鬧,滿是剛陽氣.所以兩口子談談情涮涮肉就不大適合,成幫人嘻嘻哈哈倒沒所謂.火鍋這門料理真是很簡單,基本上一煱滾水也可燙出味來,只要材料夠新鮮,雪藏東西沒有過分雪味,蔬菜洗得乾淨,豆製品沒油膉,各類肉丸夠Q,手切肥牛有油花,甲殻類沒毒素,餃子菜肉均勻,脆鯇皮夠爽肉不腥..而場所地下不油膩,廁所沒積水..最緊要是食客如我者是玻璃肚,吃完沒有拉肚子.以上各項正正是此火鍋店吸引顧客反覆光顧的原因.下趟我們想起吃火鍋,也可再考慮這裡..到時會否又踫到杜琪峯?

百利是打邊爐好選擇牛靚湯底香食宵夜送鮑魚,啤酒半價都唔駛醉雞夠香椒鹽魚托，十分好食，次次黎都點炸到金黃香脆，魚肉重好滑雞子就收鋪，唔夠貨，水餃併菜餃，重好，可以食兩種，味道佳

宵夜時段求其一餐豉椒炒聖子個肉質既嫩滑又爽口，正豉油王鵝腸,鵝腸夠彈牙,我鍾意食埋下面既芽菜椒鹽大尿蝦6隻,不太辣又惹味又彈牙另外還點了干炒牛河炒得唔錯有鑊撈,牛肉切得好薄加入了少許鬆肉粉，所以肉質頗腍d河粉又香又滑熱辣辣同香噴噴,令人回味無窮.食完大滿足~

有日, 朋友相邀到他的公司喝喝啤酒, 很久沒見在談談近況。彼此也說到心目中火爐的愛店, 當然各有想法。其中, 朋友說到了此店又平又抵, 擇日不如撞日, 倒不如就叫些朋友晚上去吃。鋪頭在太子永合隆斜對面, 是舊式火鍋店裝潢。樓面分兩層, 門口放有一格格不同的火鍋用料, 可以見好即點。因下午喝了不少啤酒, 感覺也挺撐肚的, 所以大家都不餓。但邊等朋友邊啤啤, 就點兩個前菜吃吃。第一個是牛, 味道只一般般, 口感略粗, 而且切得厚, 肉質太硬, 不太推介。在心想朋友的口味之時, 再來第二個前菜卻令我完全改觀。一口薑蔥魚皮, 薑蔥辣青澀而鮮香, 口中有爽而帶微鮮辣。魚皮爽脆可口, 涼口之餘還多一點暗暗的鮮爽味道, 感覺很好。這樣口味及處理都很好的魚皮前菜彷彿現在已不多地方可吃到, 真是極度推介。選擇湯底, 朋友首推清湯蕃茄蘿蔔牛坑腩。要其湯底清鮮, 而牛坑腩在上桌時已炆至半腍, 邊爐至中後段也腍淋可口。口中腍中有爽彈感覺, 加上蘿蔔入味與可口, 風味不錯。三個人火鍋, 而且有兩個已不餓的人, 其實可能只是簡單一個鍋底, 一碟肉, 兩籃菜已可叫飽。但是鋪頭卻好端端的端來三隻鮮鮑魚。細問朋友何以

地方dirty, 食品质素好差， 埋单每人$200!嗰番茄湯底有只唔新鮮的蟹,加埋两条排骨要$118!食完仲肚瀉!!!!!!!!!!!!!!!!!!!!!!!!!!!!!!手切牛肉一D油花也没有（$260一碟！）簡直揾笨!!!!!!!!!!!!!!!!!!!!!!!!!!!!!!

KsMeow曾跟家人在那里火鍋，但那次沒有相機在身...當同事說跟我們這對壽星女慶生時，貪吃的我，二話不說提議這里！一眾親愛成人之美，令這份食記重生！嘿...．．．這間火鍋店的位置極方便，就在太子港鐵站附近！店面沒裝潢可言，大部份店員也很年長、態度冷漠（包括老闆），跟替我們落單的和藹年青店員，形成強烈對比！在他的提議下點了椒鹽魚鮫，椒鹽魚鮫份量超大的一碟，我們一眾未吃已感興奮！炸得金黃的外皮異常脆口，里面魚肉嫩滑得入口即化，鮮而不腥；想不到一間火鍋店可做出絕讚的椒鹽美食！雖很上火，還是安哥了！店員看到我們吃得津津有味，再推薦了椒鹽魚扣！吃來質感有點像花膠般，很有嚼勁；但較厚身，椒鹽味道不能滲進其中，食味普通！相對椒鹽魚鮫，這道魚扣較失色！．．．當然，要再嚐那里的撈魚皮，邊吃邊等正在路上趕來的朋友；魚皮大大塊，入口爽脆且帶麻油香，水準依然，拌著當中的薑蔥絲、花生、芝麻同吃，惹味！連不太吃魚的同事也讚不絕口！．．．人齊，慶生第N擊正式開動，火鍋以該店名物海底狗肉鍋作湯底！等等...... 狗肉鍋？！大家不用擔心，那刻我們其實同樣驚訝！那里居然明目張膽賣狗肉！店員指其是沙皮魚肉鍋，絕不是狗肉

老公生日去打边爐,一想起就是這里,好味好新鮮又吾貴叫左个豬肚湯底飲下个湯先,好鮮又有火候店員一一講解今日新鮮貨,我們点左........石班扣:正呀像吃花膠,又有少許爽口,好甜,掂鮑魚:大只又新鮮,又吾難咬,好味聖子又系靚仔啦,鮮甜又大只蝦圓,一定好得啦夠爽,新鮮手打,仲到蝦顏色架,數一數二啦手切本地牛.大碟有雪花,有牛味,又甜又冧,good啦明星菜靚菜心,又大棵又甜冇楂架,正呀服務員每樣野話比我地知滚几耐,完全系專業啦

一向幫襯開百利想起打邊爐就喜歡去百利 有時撞到大明星TIM!今次一行5人 our orderts:-花蟹湯底-本地手切肥牛 (大)-新鮮魚皮-炸魚皮-鮮鵝腸-生蠔-墨魚滑-蛟子-象拔蚌刺身 今次集中講幾樣比較出色既食物吧!花蟹湯底 叫左花蟹湯底 一個字 "甜"!材料十足 大大隻花蟹響入面煮左差不多半個鐘我地就將隻蟹消滅左實在係太鮮甜 D肉爽口 一梳梳的蟹肉令成個湯底都好濃郁蟹味 又清又甜 比起豬骨湯底又好 起碼不會油油的本地手切肥牛 (大) 肥牛是每次必叫厚薄適中 油脂分佈均勻睇到呢件肥牛已經胃口大增肥牛大約烚15秒已經可以食 肉貿嫩滑 牛肉味十分濃郁 整個口腔都充滿濃濃的牛肉餘韻 真係絕對推介!象拔蚌刺身 呢隻象拔蚌係我地自己選的 秤過後覺得SIZE OK就要左呢隻來做刺身大約$400幾蚊 上碟時美感十足 附上壽司豉油+wasabi入口冰冰涼涼的 一咬下 爽脆到不得了 幾乎聽日"chop chop"聲而且好鮮甜 直情食得出好新鮮 無怪味 只有新鮮海水味 和象拔蚌本身的甜味 不沾任何醬油都好好味!另外我們都有將象拔蚌烚一下 烚過的象拔蚌又是另一番口感依然是爽口的 吸了一點湯底的味 都

一行六條友去百利,叫左個花蟹湯底,正,好鮮甜,有D 料到!跟手叫左碟本地手切肥牛,睇D 紋路就知好野,果然入口即溶!魚腐,鱔片,更加冇得彈!魚腐吸晒d 湯既鮮甜味,好正,值得推介!不過,奉勸大家千其唔好叫牛柳粒,超難食,好似食緊擦紙膠咁,咬唔開!!!!anyway,呢間野既質素不過不失!可以一試!

服務態度差 老闆不知所謂！名大如實！食物質素差不在話下份量更離譜 點一份雞片只得三塊 正常顧客都會要求更換啦 點知換來李性老闆粗野問候 真係佛都有火 年初三幫客開年？定赤口想應節？

今次是第二次去百利，上次去食時，可能人多，服務也錯。 侍應叔叔還介紹出名及較新鮮食物，但魚扣就一早沒貨。今次更差...首先...當然爆滿，等約10分便有位，入去後當然未清枱，企咗10分鐘左右，先有人執枱，坐底沒想點菜....又要等15-20分鐘，先有侍應幫忙落單。花竹蝦刺生 - 每人最小要點2隻....4隻就要365元，大隻爽口，鮮甜不足。 估吾到炸蝦頭先上，奇怪是蝦尾冇炸，炸得夠火喉，所以外脆內軟鴛鴦湯(沙嗲拼清湯) - 有一段時間沒食沙嗲湯底，但這湯底較失敗，微微辣，冇沙嗲香，有少少燶味，可能沙嗲湯胆燶咗。清湯是大白菜加豆腐加大地魚乾，這個就一定正常。 上次蝴蝶腩湯底，超級好味，要好好食量才好點這湯底...大大嚿蝴蝶腩(10嚿以上...飽肚)手切肥牛 - 今次唔軔及有牛肉味生蠔 - 少少腥，都算大隻鱔片 - 算新鮮，沒有腥味，但瘦咗少少...唔夠肥雞腸 - 仔仔吃到有"屎"味，所以...全碟由我清...我又食吾出有怪味魚腐 - 上次煲咗個幾兩個鐘先淋，今次一上枱就全數放落煲，估吾15-20分鐘就淋...必點...會有好多肉...最想吃的魚扣、鴨粉腸、牛爽、牛舌定...所

下午經過呢間嘢, 再睇下門口嘅廣告, 咦!應該可一食喎!所以行完街街後就去試下, 點知, 原來係好多人食嘅, 結果要等成10分鐘先有位食!入到坐底, 無人招呼, 叫咗好耐先有人記得要開茶俾你!見到有出名嘅烏魚扣, 侍應話無, 咁我問有啲咩出名嘅介紹下啦, 點知佢好唔耐煩咁答我: 你自己睇啦!!!!嘩, 我心入邊立即……..先呢度<咁好>嘅效率, 立即拿拿臨叫咗個貴少少嘅狗仔窩湯底先, 果然不出我所料,由叫至有都要至少15分鐘先肯浦頭!!!嚟到就梗係睇下呢個話出名嘅湯底係咩料先啦, oh! 見有魚有冬菇等等, 所以見一滾起就夾起晒啲魚肉先, 費事熟得滯而晒咗, 點知, 食落都係太熟?!而且無魚味, 仲要一定係雪過嘅唔新鮮貨, 唉!!!!立即令我知道有少少乃嘢嘅感覺同令我想起高流灣嘅海鮮湯底, 價錢差唔多, 但係人哋就有魚有蝦有蟹…等等, 仲要係新鮮有味嘅新鮮嘢!!!!睇完菜牌決定食咩後, 打邊邊就一定要叫牛肉啦, 另一個侍應話有$48同$118兩種, 我問佢有咩分別, 係SIZE上定係質素上呢? 佢就好行咁答我話梗係貴啲好食啲啦! 我夠知啦, 但係邊方面先! ?如果只係份

食物新鮮, 價錢抵食, 是再三光顧原因之一.手切肥牛肉, 牛疆, 各樣海鮮魚蝦蟹都有水準可惜這次被安排到閣樓, 這層的空氣質素很差, 空氣中充斥著焦油及尼古丁氣味半餐邊爐都在半蔽氣之下進行, 真係食山珍海錯甚至龍肉都無味這裡侍應個個都好醒, 招呼週到, 值得一讚但對於空氣質素就無辦法兼無行動改善環境尤其空氣對於享用美食很重要, 總括這次用餐, 感覺並不很良好, 功不抵過, 所以要比喊面

今年聖誕節o岩o岩好凍,個個都話好有氣氛,咁凍天時,亦好適合打邊爐啦.趁尋晚啲人應該去晒食西式聖誕大餐,應該唔多人打邊爐,就搏一搏o係傍晚即慶時打電話o黎男友之前食過o既呢間問重有冇位,接電話o既亞叔問我o地想幾點?我答8點,佢答8點半有,就咁決定,橫掂我同男友都要去買o野.之後問爸爸去唔去打邊爐?佢見要去太子都唔出,唉!然後搵女友人DC,好彩佢都有興趣打,山長水遠由將軍澳出o黎.由於我o地早o左10分鐘o度到,就等一陣啦,o岩o岩見到執料o個張枱串o左唔知咩o野,就多口問問,亞姐答烏魚扣,好爽好食o架,一條魚得一個,賣完就冇o架喇.DC問一碟有幾多?亞姐答7串.我見所剩無幾,就問亞姐可唔可以留一碟畀我o地?(佢知我o地等邊張枱呢.)佢笑笑口答得.準時8點半有枱喇,果然今日打邊爐鬆動啲.坐低後,即同亞叔講要$50.00一碟o既烏魚扣,亞叔反問我,實有o架?我指住出面話有呀,亞姐應承留畀我o地o架.然後就落單,要皮蛋芫茜煲,亞叔係咁推介我o地食乜食物,結果要o左:1. 鮑魚勁新鮮,上枱時重郁o既,烚o左6分鐘,o岩o岩熟晒,口感o岩o岩好,味道都仍有鮑魚味,唔錯o既.2. 生蝦有啲係比其

Highly recommend this hot pot restaurant in Prince Edward. 平、靚、正!!! Beside those special items like 肥牛、海鮮, other regular items are only $20 per plate, 唔細碟ga!! 茶芥$10位include drinks like*足料酸梅湯 & 竹蔗水(all u can drink). If埋單within 2 hours, each adult gets a free bottle of Asahi(large size). 勁抵食!!!!!!!!!!!!!!!Recommended items:湯底 - 蝴蝶腩鍋 $108 (tomato + almost 20 pieces 腩連筋)手切牛肉 $180 medium size (half price after 9:30pm)安格斯雪花肥牛 $100 medium size (personally I prefer this one more)鮮鴨腸 $20 (好爽)吊筒 $20 (y