石之牛石板日式料理 (Closed)

深水埗開咗間平民石板燒，咁啱經過都可以試試！裏面到入邊都有唔少位置✅最平$58就可以食到200g嘅牛板腱😳入邊都掛咗唔少日本嘅裝飾，食飯之餘都可以望到唔同嘅擺設，基本上係不設劃位，位置唔算多，都有唔少街坊黎食，可能晚市都要排隊！只要order任何一個晚餐，可以任食羅宋湯，白飯，自搖沙律菜杯！當然仲有唔同嘅醬汁俾你選擇，呢個價錢嚟講都算實惠！✊🏼百零蚊就可以試到唔同嘅牛部位，我就order左2份，西冷牛扒同埋牛肩胛。一拎上嚟基本上得1成至2成熟，要靠嗰塊石板整熟佢，期間都需要你不斷地反轉，落少少鹽會更加好食！牛黎講，其實都好睇技巧，最緊要唔好整到窿晒，上面👆兩種都建議大家試試！🤝每一個餐都會有少少薯條，同埋粟米，其他任食嘅湯同白飯就要自取，當然仲有醬汁，推介蜜糖芥末🙌🏻環境嚟講，整體都算可以，唯一係需要小心熱，可能兩個人需要坐四人枱會比較方便， 畢竟塊石板好熱！😹

今日特意去石之牛試下佢地d牛扒，結果d牛扒又鞋又冇味，d湯同飯又少又涷，d薯條同樣係涷既，連d黑椒汁都係涷既。咩都話任食，結果d飯得個底仲要筆俾客食，d湯水了了既，d沙律同樣冇幾盒係外面。我想試下d牛扒所以只係叫得一份，結果被d樓面嘴話兩個人一定要叫兩份，否則唔岩規巨，但佢唔好食我點解要叫第二份呢，何況我由始至終只係羅得一碗菜，一碗飯，一碗湯，佢就好似我食左佢隻居咁，話任食就要叫兩個餐，但我又冇羅多佢地喎。

深水埗呢個平民美食地方，竟然開左間食石板牛既餐廳，即刻走入去睇下咩料石板牛最平做緊58蚊份，抵到開花order完，佢有d bb巾俾你用信我，一定要拎黎用薯條粟米餐會跟一份沙律湯全部任裝任飲如果你咁岩糧尾要計到盡，58就有吃到飽既餐份牛由職員送上，一擺低滋滋聲而點解我會話bb巾一定要拎因為佢一擺低，塊板拎威力太大d油真係會彈到件衫，所以為免整污糟衫，記得戴上牛肩胛口感較腍軟，牛味較出，油脂都較多，但好食牛牛有跟塊牛油仔，加埋燒緊，個種香氣混牛味真係好正而因為塊板係持續咁熱可以係見到你鍾意既生熟度時夾起，就可以避免過熟真心，呢人個價錢抵食，我可encore白飯仲任裝

三個人去食，第一次食，叫咗牛小排$188，牛板腱$62，羊架$110。野飲$10罐。唔記得影張單，價錢係憑記憶寫。落單時，職員聽錯牛板腱做牛肩胛，我們指出錯誤，職員說：「牛板腱好鞋架喎！」（牛板腱係餐牌上係寫住本期推廣，所以堅決一試。味道：牛小排，正常，價錢偏貴。牛板腱，相比之下真係幾鞋，但未至於難食，所謂一分錢一分貨。羊架，一開頭上餐，見到隻色都怪怪地，啲色似豬扒咁，之後味道好怪，食咗一啖唔敢再食！最後，小心啲油係咁彈！

深水埗長沙灣有間街坊餐廳的石板燒，餐牌上有各款牛肉選擇，我自己就點咗兩款比較常食嘅等咗大概15分鐘。上菜嘅時候，石板燒到牛肉吱吱聲，牛肉豐滿且厚厚的，每一口都帶有濃郁的牛肉香氣和鮮美的口感。牛肩胛部位肉質較為鬆軟，入口即化，而西冷牛扒則較有嚼勁，帶有微微的嚼感。石板燒的烤制方式讓牛肉外皮微焦，內部卻保持了肉汁，讓口感更加豐富。牛肉上的牛脂肪也被完美地烤出，增添了牛肉的香氣和滋味。客人需要自助烤肉，這種用餐方式讓人可以享受到烹飪的樂趣和互動的氛圍。在石板上烤肉的過程中，客人可以根據自己的口味和喜好，調整牛肉的烤製時間和方式，讓牛肉烤得更加完美呢！除了牛肉本身的質感外，米飯和沙律都能夠與牛肉完美地搭配，讓整體口感更加豐富。建議將米飯和沙律放在石板上炒熱，讓它們吸收牛肉的香氣和油脂，更加美味。

今次我去咗石之牛石板日式料理，試咗佢哋嘅肉眼牛扒set同燒汁鰻魚set，味道唔錯！所有set包一杯熱飲。而仲有羅宋湯、日本珍珠白飯同自搖沙律菜杯，全部都係免費任食，好抵食！佢哋嘅肉眼牛扒好嫩好滑，牛肉嘅肉汁都好豐富，令人回味。而燒汁鰻魚煮得好香，鰻魚肉質又好嫩，燒汁嘅味道都好正，配埋白飯食好夾！另外，佢哋嘅醬汁都好多選擇，可以自由揀擇。扒醬汁有芥末醬、黑椒汁同蒜茸汁，而沙律菜醬汁有胡麻醬同蘋果醋兩款。白飯亦有海苔同芝麻兩種口味，真係好貼心。最後，佢哋現時仲有推廣優惠，只需要$58就可以試到牛板腱set，真係好抵食！如果你鍾意日式料理，特別係牛肉，石之牛石板日式料理絕對值得一試。

最近要去深水埗黃金電腦中心，買些東西。放工去了深水埗，買完之後，想找間食店食飯，就上open rice。睇到有間石頭燒牛肉㗎食店，價錢超值，最平58蚊🎉🎉🎉有得食石燒牛板建，真係快餐店都唔得啦。被價錢吸引了，立刻行去試吓。我一早晚上6點就到飯店，先到收銀點了牛小排餐，然後自己找個位置。呢度係屬於自助形式，自己去攞羅宋湯，珍珠飯加紫菜芝麻，醬汁，水，沙律菜🥬都有。全部都可以無限添食添飲，喺咪好抵呢！👍👍👍到了6點半，全餐廳都坐滿了。我嘅🐂牛小排💗都到了，仲有薯條跟上👍。我第一次食石頭燒喺德國，之後，返嚟香港都食過，今次喺最平㗎啦！。但提一下，石頭燒不要燒太耐，因為石頭溫度超高，見顏色差不多，就要仲快拿起，否則就太熟了。吃過這餐後，非常滿足。價錢超抵。日後會再嚟幫襯。😋😋😋

琴日晏晝勁大雨，經過深水埗去食呢一間石燒牛，兩個人叫咗兩個套餐，每人都包任食嘅沙律，飯同埋湯，性價比幾高，坐得又舒服，值得一試。叫咗一個西冷牛扒同埋一個鰻魚西冷牛扒嚟到都仲有血水，但係燒嘅過程一定要盡快，我影咗兩張相之後再燒，已經覺得太熟，肉味好濃郁，但係可惜係佢熟得太快，肉質有啲韌。如果佢可以額外有多個碟放就會更好，可以逐塊攞嚟燒，等佢熟嘅程度慢慢嚟。鰻魚好好食，好新鮮，燒出嚟好香口，油脂亦都好足夠，值得一試。佢嘅套餐全部有50幾蚊起，仲要包任飲汽水，任食沙律，任飲雜菜湯，同埋任食飯，對於男士嚟講絕對適合🤣🤣

深水埗開左間新嘅石燒牛扒價錢好平。人流爆燈要等位，所以行多幾個圈8點半先開始有位。。。有個門口位，不過咁熱，算了入面環境麻麻，所以價錢反映menu 係咁新開張，所以有discount. 應該因為係咁，咁多街坊都要過黎食西冷  (200g) 餐 $144跟炸薯條，沙律，白飯，凍檸茶。自己燒幾得意，牛扒唔錯。足200g唔太un, 有肉味，易切炸薯條，新鮮炸起沙律係任攞白飯都係任食。湯住飲所以咁多人地址: 深水埗元州街153號新元州大廈地舖

深水埗元州街有間石之牛石板日本料理，店外有張黃色椅，配紅色門框視覺上店舖很突出。石板牛類價錢有平有貴， 免費任食羅宋湯、日本珍珠白飯和自搖沙律菜杯。可以自助點餐或店員落單。自助餐飲區，有沙律菜、飯、湯和醬料。西冷牛扒 $138鐵板非常熱，吃石板牛是與時間競賽，你手快還是牛熟得快🤣🤣西冷牛扒上有一塊牛油，令肉不容易痴在石板上，但牛扒筋位較多，有一點點韌。牛小排 $188三塊牛小排，肉質嫩亂👍🏻配有粗薯條和粟米。羅宋湯自搖沙律菜杯沙律菜新鮮，可自行加醬料，小編喜歡加千島醬，一個人吃了兩杯不過分😂日本珍珠白飯熱檸茶

石之牛石板日式料理 (深水埗)※今日同朋友去深水埗行街，見到有間非常抵食的石板燒， 喺門口已經聞到香噴噴嘅味道。餐廳光猛， 坐位闊落，而且充滿日本式的設計， 我哋禁不住入去食。※餐廳有不同的套餐供應，凡惠顧牛扒餐，即可享用免費任飲任食，好抵呀。羅宋湯、日式珍珠飯和沙律杯都係任飲任食㗎。 羅宋湯酸酸甜甜，好開胃。珍珠飯好飽滿，好有日本風味。沙律杯有沙律菜同粟米，新鮮好味。而且自助吧也會有不同的醬汁，牛扒醬汁包括有芥末醬、黑椒汁及蒜蓉汁；而沙律醬汁則包括芝麻醬及蘋果醋，總有一款啱你口味。1. 牛板腱餐$58朋友叫咗一個牛板腱套餐，廚師會先將牛板腱表面煎熟，入邊仲係生嘅，就靠我哋自己喺鐵板上燒。呢個做法幾特別，食客可以自己烹調美食，控制生熟程度。咁我哋就煮得啱啱好，牛板腱食落又香又Juicy。2. 燒汁鰻魚餐$68鰻魚大大條，表面仲鋪滿燒汁，賣相非常吸引。鰻魚燒過後更加香口，魚肉食落肉質嫩滑滑，醬汁調味啱啱好。# 所有套餐配即炸薯條及牛油粟米，抵食。

屋企附近開左間石板料理，放假同女朋友一齊去食！石之牛石板日式料理，點左一份石板肉之後，可以自助沙律、湯同飯，全部都係任食！我地西冷牛扒同肉腿牛扒，主食未上先拎沙律同湯。湯非常足料，好附雜菜同肉粒，入口好甜蔬菜味，好正！沙律正正常常，可以配胡麻醬或沙律醋，全部用盒裝好，乾淨衛生！牛扒五分鐘左右上枱，好快手！簡單可以配海鹽，另外仲有蒜汁、黑椒汁、芥末醬。個人最鍾意黑椒汁同蒜汁，配牛扒特別惹味！西冷肉味濃，肉眼肉質嫩，各有特色👍🏻

深水埗開左間石燒牛餐廳，而家做緊推廣大特價，牛板腱$58/200g，而且每個餐都有薯條、牛油粟米、熱飲，好抵食。餐廳有單人枱高腳櫈、卡位、二人或四人枱、室外仲有兩張梳化櫈，人流多都唔怕無位。除左櫃枱落單，仲有部點餐機，點左食物就可以去自助區，羅宋湯、日本珍珠白飯、沙律杯都係無限添加；醬料區有黑胡椒、岩鹽、黑椒汁、蜜糖芥末汁、蒜蓉汁；另外近門口位置有圍裙提供，真貼心。牛板腱：上枱係一成熟，所以比埋舊牛油，等你慢慢煎下，幾得意；牛板腱肉質有彈性，牛肉味重，煎起嚟塊扒好香。燒汁鰻魚：鰻魚好厚身，魚肉細緻，少碎骨，調味適中既鰻魚汁，好入味又唔會太甜，無蓋過鰻魚本身既魚油香味。總結，雖然價錢親民，但食物質素唔馬虎，位置便利，性價比高。

去左深水埗一間石版燒牛扒，真係好正啊！我嗌咗佢哋嘅肉眼扒同西冷扒，啲肉質咁嫩，真係好好味！肉眼扒燒到有一層焦糖嘅外皮，好吸引，啲西冷扒又唔太瘦，燒得啱啱好，啲肉汁又保留得好好，好多汁。而且餐廳都有唔同嘅調味同醬汁選擇，可以自己揀，好貼心啊！除咗燒牛肉，餐廳啲沙律、湯同埋珍珠飯係任食唔嬲！我食咗佢哋嘅沙律，啲生菜好新鮮，同埋啲醬汁好開胃，好啱開胃菜。湯就燉咗好耐，啲味都煮進咗湯裏面，啲湯汁好濃郁。珍珠飯有可能係黎自香港人既鄉下。幾好味！總括嚟講，呢間石版燒牛扒餐廳真係幾正，唔止肉眼扒同西冷扒好味，餐廳環境都好舒服，啲服務員都好友善，好貼心，真係好滿意足。如果你好似我咁係食肉獸，咁就要嚟試吓佢啲扒，我諗住下次試和牛。因為普通扒都已經幾好食，和牛應該更加好食。

這間新開的鐵板燒料理，晚上六點鐘，已經坐滿顧客，非常受歡迎。🤩🤩🤩shake shake沙律菜，非常有gimmick，大人細路都愛shake👍👍👍任食日本珍珠米飯、羅宋湯及沙律，一定夠食，非常有滿足感。鐵板牛扒一上臺熱辣辣，出曬煙非常吸引，西冷扒和肉眼扒都非常肥美可口，份量十足，將蒜蓉汁/黑椒汁倒入鐵板中，咋咋聲，非常有聽覺的享受。聞到香氣已經垂涎欲滴，食指大動，驚喜非常！😋😋😋凡惠顧晚餐免費任食：羅宋湯、日本珍珠白飯、滋擾沙律杯設有多款醬汁，供顧客自由選擇：扒醬汁：芥末醬、黑椒汁、蒜蓉汁沙律菜醬汁：胡麻醬、蘋果醋白飯：海苔、芝麻*如果空調開大一點，會更加食得開心！