石之牛石板日式料理 (Closed)

環境乾淨但質素麻麻價錢中等但茶餐廳質素食過一次就算呢個價錢石以有其他更好選擇牛扒擺上塊熱石到拎到埋枱都已經係熟晒無咩牛味因為已經熟晒好似食香口膠咁其他啲沙律、湯質素唔太差又唔太好

這間新餐廳位於深水涉，主打石燒牛肉，有多款牛肉部位、和牛及其他肉類等等，每份約200G(七安士左右)，一共十款選擇，可任食自助區，包括白飯、沙律及羅宋湯。店內環境寬敞舒適又衛生，有送餐服務，性價比高。醬汁方面，有芥末醬、黑椒汁及蒜茸汁三款，亦有黑椒粉，令味道變化多端。西冷牛扒 - $138大大塊西冷牛扒大約三成熟，慢慢被熱石燒熟，半溶花的牛油添香氣，油花不算多，但勝在分佈夠平均，肉味比起肉眼更濃郁，入口軟嫩有彈性，邊沿白色的肉筋略帶香脆。配有外脆內軟的粗薯條及香甜粟米。肉眼牛扒 - $118同樣有一片香甜的牛油、粗薯條及粟米，肉眼含豐富的油花，中間有著明顯的油脂，肉裡有油脂化開的甜美。羅宋湯紅通通的羅宋湯酸酸甜甜好開胃，有少許牛尾肉燉煮增添肉香，還有椰菜、紅蘿蔔等香甜蔬菜。日本珍珠白飯可自行撒上芝麻飯素及海苔更惹味。自搖沙律菜杯一杯杯新鮮翠綠的沙律好衛生，自行淋上胡麻醬或蘋果醋。凍奶茶 & 凍檸水 +$6飲品需要加錢加配，可控制糖度及冰塊。

📍 石之牛石板日式料理 (深水埗)深水埗元州街153號新元州大廈地舖熱石料理係以前富貴D既人先食得起，而家終於有平民價既熱石牛扒！地點仲要係深水埗，港鐵出口行五分鐘就到，十分方便!👉牛小排套餐(200g)💰$188😋😋😋😋.5/5同朋友一人一份牛小排套餐，呢間舖已經食過好多次。石板就係面前燒舊牛扒，幾成熟都由自己決定。落單後由店員送上兩塊牛扒，喺鐵板上滋滋作響，預設只有一成熟，如果你想食熟啲，就要自行控制喇！☺️店員非常有禮，介紹出面的沙律菜、餐湯和白飯是任食，非常飽肚的一餐！牛扒食落去口感一流，而且一刀就可以切得斷，肉汁爆棚。回頭: yesyesyes，平時鐵板牛嘅店舖會比較迫，但係呢間舖頭非常闊落，而且我最欣賞嘅就係佢嘅沙律菜，係一份份用盒pack好，夠晒乾淨衛生👍🏻👍🏻💖

石燒牛於近兩年興起，客人可以按自己喜好決定牛嘅生熟程度，但動輒都起碼要一百蚊先埋到單，今日經過呢間「石之牛」，見到只係$58就食到，咁抵一於要黎試下。餐廳環境乾淨寬敞，座位夠晒闊落，坐得好舒服。午餐都幾多選擇，豬牛雞羊都有，仲包熱飲，一場黎到就梗係要試佢個58蚊牛板腱啦。午餐可以任食沙律杯、羅宋湯及白飯，沙律杯都係獨立包裝，再自己加醬汁，保證衛生；羅宋湯相當足料，真係可以飲多兩碗。等咗一陣，主角嘅牛板腱終於到了，都相當大塊，牛板腱肉質軟熟，用刀輕輕力已經切得開，入口都幾多肉汁，散發出濃濃牛香味，以$58黎講絕對超值；套餐包粗薯條及牛油粟米，薯條即叫即炸夠熱夠脆。

位於深水埗一帶有眾多食店係眼花撩亂，眼闊肚窄情況下，俾一間主打石燒牛扒店吸引到環境都相當闊，佈置帶有日式既感覺石之牛採用先俾錢後送餐既睇返menu有多種石燒牛揀，除左牛之外雞豬等最值得一讚係價錢好體貼，有平有貴，特別係深水埗黎講相當唔錯每份餐都可以任食沙律 飯同湯沙律菜都好好，以手搖杯方式，確認新鮮度及乾淨，而且又有幾款醬汁，分別胡麻 蘋果醋等相當開胃另外都有羅宋湯，相當足料帶有少少微辣到左主菜方面，我地叫左牛小排同西冷一上枱大約3成熟左右，記得石板超級熱，不停滋滋聲，店員都有提醒要反一反，否則會過熟先講牛小排，比較嫩，容易入口，亦都帶有少少筋，口感都好豐富，絕對值回票價西冷就一向牛味重啲，肉感比較實，會較為飽肚，係另一種享受😋

石燒一向同昂貴畫上等號 今日試左一間相對平民價錢的石燒餐廳😊餐廳係半自助形式 有六款牛、豬 雞 羊 魚 各一款 共十款可以選擇😍飯 湯同沙津就係任食自取✌🏻西冷 肉眼扒🥩牛肉正常發揮 西冷牛味比較濃有咬口 肉眼肉身較林 喜好因人而異～薯條同牛油粟米都相當不錯👍🏼驚喜位 係沙津菜，配合胡麻醬 蘋果醋好出色！都係任食的，不妨再攞😂 石燒好玩之處 牛肉生熟程度完全掌握係自己手中👍🏼總結就係 抵食！呢個價錢 有得玩有得食～白飯任裝 一定飽肚😊石之牛石板日式料理 (深水埗)深水埗元州街153號新元州大廈地舖

深水埗近來越來越多小店，除咗傳統嘅粥粉麵檔之外，仲有唔少過江龍餐廳，喺眼花撩亂之際，見到尼間個門口佈置得好chill，有我鐘意嘅石板牛排，而沙律同羅宋湯無限任續，咁就佢啦🐮牛小排（200g) $188🥔香脆薯條（跟餐）🌽牛油粟米🥤熱奶茶牛小排上檯時剛好一成熟左右，再按我心意用日本來的石板燒至五成，好多肉汁好香呀，牛味突出，肉質嫩滑，很滿足！跟餐嘅薯條新鮮炸起，好香脆，回味無窮！🐮西冷(200g) $138🥔香脆薯條（跟餐）🌽牛油粟米☕️熱咖啡西冷較牛小排來說，更濃肉味，其中有個QQ彈彈的筋部好有口感，忍不住偷食左好多✌️牛油粟米放上石板可沾滿牛肉的汁水，超級香口🥬🥗無限任續沙律菜、羅宋湯、珍珠米飯及冷熱清水沙律菜一杯杯好乾淨好新鮮，剛剛由雪櫃拿出來，涼浸浸好爽口，沙律醬都是任選的，口味自行搭配，羅宋湯微微辣，有大大粒牛肉，好足料超值滿足的套餐，最適合一班同事暢快淋漓地享受午餐，也滿足了女士們沙律任食的快感，值得一試

元州街出名食店多，諗住食糖水之前先食過早啲嘅晚餐最近食得日本嘢太多，打算試吓唔同種類嘅突然間比呢一間嘅餐牌吸引！價錢非常親民仲有任食嘅Offer，真係要入去睇吓！絕對冇呃你！ $58都有牛食甚至乎免費任食羅宋湯、沙律菜、白飯任裝咁嘅優惠仲可以去邊度搵得到，連公眾假期都有。除咗沙律、飯之外，連免費提供嘅水都係凍檸水絕對可以一解熱氣！羅宋湯都係任裝㗎 ！沙律菜真係好新鮮我哋加少少錢就可以飲凍飲絕對需要～我哋叫咗一份牛小排，上邊用牛油放喺熱石上邊煮熟利苑都已經聞到香味撲鼻而來！肉質甚至好鬆軟，因為佢係一成熟嘅牛煮熟佢，有幾熟可以任君選擇真係名副其實嘅Cooking baba我哋仲叫咗燒汁鰻魚鰻魚更加係起晒骨，啖啖肉，而且燒汁煮嘅時候，味道係啱啱好！配飯食真係一流餐廳仲提供左一次性用圍裙，真係非常貼身！唔怕又彈濕晒之外，甚至可以扮演緊廚房佬嘅滋味所以話今次真係一個非常好嘅體驗！價錢親民之外，味道仲係十分好！下次一定要帶朋友嚟試吓

無諗過深水埗都會有高質嘅石燒牛，平時食石燒牛都係去出名果幾間。今日行去搭巴士嘅時候經過呢間。門口有個女仔好落力咁sell，餐廳仲要好光猛，我地就係咁樣吸引左入去食個晚餐😆😆餐牌好多選擇，仲有鰻魚好特別！環境好舒服，入面大概有10張枱，全部卡位，梳化凳。揀完食物出去落單俾錢，之後就有人送餐咖啦。落完單轉身就可以係自助吧拎野食，有沙律🥗羅宋湯同飯，仲有好多不同醬汁。。。好快食物就送上，個石板好熱要小心唔好掂到！牛小排朋友最中意食牛小排，因為軟淋好味，又唔會痴牙，一份大概200G左右，本身上枱時係1成熟，之後自己慢慢煎到中意食嘅生熟度就可以咖啦。牛小排真係好淋無根好正。本身無調味，自己係自助區拎醬汁就可以，或者可以食原汁原味一樣好juicy羊架一份有3支羊架，好大支。羊架送到上枱係至少都有5成熟咖啦，又係自己再加熱，好多肉汁咇出嚟，所以可以出去拎餐廳圍裙。羊架聞落去好香，食入口唔會有羊臊味。套餐已包括薯條同粟米，啲粟米我地放落沙律一齊食。沙律菜勁新鮮，完全無黃色。重點一杯杯加埋醬汁可以shake嚟食，搖均就食得！好玩又好味。出面食沙律幾十蚊一份，呢度任你食！仲有個羅宋湯，入面好多牛牛粒同雜菜

行過見到新開石燒牛扒門口見到58蚊包羅宋湯任飲+沙律任食就即刻入去試一試入到去環境乾淨同埋寬敞，座位仲可以坐卡位 先坐低，然後去門口收銀機嗰度落單，然後就會送牛扒嚟朋友一見到有和牛就即刻要和牛我就要一份58蚊嘅牛板腱等牛扒期間去拎羅宋湯，非常好飲，最尾我係起碼飲咗三碗自助吧整齊乾淨朋友嘅和牛大塊，鐵板熱度適中，唔會太熱又唔會唔夠熱， 牛扒配咗粟米同薯條如果唔夠仲可以出去拎珍珠米飯可以自己控制生熟程度感覺不錯我自己嘅呢份58蚊 牛板腱感覺真係超值抵食份量又多牛肉質素又不錯， 醬汁及岩鹽都不用加， 牛肉味濃郁沙律都可以飲食好健康套餐配熱飲整體環境舒服價格相宜另一個覺得推薦嘅位係嗰塊熱石 呢一間係用光滑面石，感覺比較乾淨，唔係凹凹凸凸嗰種， 凹凹凸凸嗰種應該唔會洗得好乾淨，呢個就比較安心， 而且石板同木板之間仲有一個凹位，石板啱啱好卡住，就冇咁容易辣親趁仲有58蚊牛扒應該會嚟食多幾次

今日誤打誤撞去左一間新開既餐廳食石燒牛扒🥩 由於係平日，加上時間尚早，餐廳未算好多人。店員送上餐牌後都有為我哋講解，又推介咗佢哋嘅招牌牛扒。依度係自助形式，你叫咗款主菜後，就可以自己出去拎羅宋湯、白飯同沙律。原來仲有圍裙，咁食起上嚟就會更方便🥸佢推介係牛板腱，可能新店開張，平日仲特價$58一份😯 質素一啲都唔差，我鍾意佢既肉質有口感，唔會鞋口，而且充滿牛香味！可以自行調節生熟程度，大大份有成200g，性價比超高⭐️⭐️⭐️我哋仲叫咗另一款貴少少嘅牛小排，呢款就係薄切既，煎一煎好快就食得。依款牛肉味道更突出，對得住個價錢🫰🏻可能大家會focus左落牛扒，但我覺得其實佢嘅沙律先係靈魂所在‼️🤭🤭 除咗有芝麻醬，佢仲有蘋果醋🥙🥗 用沙律菜夾住牛扒一齊食，感覺好像食韓燒，除咗令味道提升，亦感覺更fresh更健康😋😋如果加埋薯條同粟米，又係另一種食法呢😆新店嚟講算做得ok，老闆同店員有禮貌，會主動提供協助～ 食物定價亦都合理，值得推介🫶🏻

地點：🌟🌟唔算特別方便，出地鐵站之後要行多一段時間。環境：🌟🌟🌟🌟坐位闊落，有分室內和室外。食物：🌟🌟🌟200g嘅牛版鍵比較多根位不過係部位問題，質素普通牛味唔算好濃，肉偏薄。價錢：🌟🌟🌟🌟🌟超低食午市時間$58包一杯熱飲可以加$6轉凍飲。可以無限加飯，羅宋湯，沙律菜。性價比極高。

原本想去更前一點的牛極吃的, 途經時發現開了新店便嘗試了一下。買了$188 200克的牛小排, 包一份薯條、粟米和任吃的沙律吧, 白飯和羅宋湯任盛。沙律還是挺新鮮的, 加上蘋果醋很香。那個羅宋湯更是好喝, 喝完一碗後還再盛了點吃湯飯 薯條也很脆, 很喜歡店家似乎沒撒很多鹽, 不會很咸, 配上牛扒剛剛好。就是栗米似乎不是新鮮, 但好像有下牛油, 也勉強算挽救了一下味道吧。但主體的牛小排有點做得不太好。其一, 牛小排切太薄了。其二, 鐵板燒得太熱了, 送到後一兩分鐘期間, 板上的油不斷彈到到處都是, 手一靠近就刺痛, 無法切開牛扒。等到差不多平息了, 牛肉切開才發現已經七八分熟了, 牛肉自然因熟過頭了以致口感太韌。不過牛肉味道還是吃的出來香的, 只是可惜煮過頭而扣了點分。建議商家以後要不把牛肉切成厚片, 要不降一下鐵板温度, 不然食客要調節熟度會有難度。