石之牛石板日式料理 (Closed)

話說有朋友附近做野同佢去食個lunch發現到間正野由於本人極度喜歡食飯見到佢白飯任裝😍！已經吸引左我入去了再望下餐牌$5x 一個餐😱😱仲要湯/飯/沙律任食真係好抵呀我叫左西冷牛$138朋友食鰻魚$5x一個餐仲有薯條送埋🤫鰻魚非常之香口超級惹味 👍👍 吾食牛既朋友都值得一試！呢個我係有驚喜的。但因為朋友吾食牛我黎到緊係試下牛啦！本身仲擔心會吾會好硬。因本身自己吾中意食太硬既牛但佢個牛 對我黎講係岩岩好♥️軟硬度good , 味道，牛質都係非常好我同朋友都食晒～！而最好係有好多種醬汁比你挑選口味黑椒汁，蒜蓉汁，麻醬芥辣 任你配搭牛配黑椒汁，同蒜蓉汁都好夾仲忍吾住食多幾碗飯😂而白飯仲有味飯素比你增加口感同味道呢個價錢 食物質素 同環境 真係無得頂一定會介紹朋友黎食！😃🫶🏻下次想試埋佢既和牛😍😍😍

平時出街食開嘅石燒牛價錢都唔平，今次喺深水埗搵到嘅呢間只需要$58就可以食到正宗嘅石燒牛，而且牛嘅部位選擇都好多，有牛小排、西冷甚至有和牛可以選擇，豐儉由人。除此之外，套餐跟嘅沙律、羅宋湯同白飯都可以任添任食，cp值幾高！今次食嘅係西冷套餐，除咗牛扒之外，仲會更粟米粒同埋薯條。牛扒上嚟嘅時候只有一成熟，依靠鐵板嘅熱力再去加熱到自己想食嘅熟度。牛扒牛味十足，尤其係油脂嘅部份非常之香口，只係因為鐵板真係好熱自己控制火候有啲難，最尾令到牛肉食落口感過熟，調味方面可以任攞自己想食嘅汁，有香蒜汁，黑椒汁等經典牛扒汁可供選擇。羅宋湯嘅味道有少少辣味，入面有椰菜紅蘿蔔紅椒等嘅配料，口感豐富。沙律菜可以係沙律吧到自己揀鍾意嘅沙律汁，芝麻醬嘅味道都幾香濃。店舖嘅環境油煙味有啲重，食完之後三會有比較重嘅油煙味，感覺空氣流通可以做得再好少少。但係勝在舖頭位置闊落坐得都幾舒服，有幾多卡位可以坐。

石之牛石板日式料理 (深水埗)深水埗元州街153號新元州大廈地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：石板牛類晚餐：西冷牛扒($138)等候時間：0分鐘終於到星期五晚，辛勤工作一週後想鋸番個靚扒充實一下，所以選擇了石之牛。這裏的石板煎牛扒別具特色，值得一試！石之牛位於深水埗元州街，乘搭港鐵可在深水埗D2出口或長沙灣A2出口步行約10分鐘便到，交通尚算方便！石板牛類晚餐：西冷牛扒($138)西冷牛扒放在燒得火熱的石板上，熱氣騰騰，由頭到尾石板均保持滾熱辣，不用擔心扒會冷掉，頗有風味！😋😋😋牛扒上碟時尚未夠三成熟，客人可根據喜好調節煎扒時間，三成五成七成任君選擇，靈活性高！😍😍😍牛扒每份重量約200G(約七安士)，又有日本珍珠白飯任裝，可用海苔或芝麻伴飯，必定夠飽！👍👍👍其他配套也是免費任裝的，有羅宋湯、自搖沙律菜杯、三種扒醬汁、兩種沙律菜醬汁，客人可一次過品嚐多種滋味！🥰🥰🥰

n年前 尖沙咀Gateway 嘅 Stone Grill 喺高檔餐廳帶動咗呢一種 石頭燒 嘅潮流。喺屋企真係好難搞，所以今次試吓呢個平民版先。一入到嚟已經有圍裙供應，好貼心。裝修簡潔乾淨企理。話晒都係扒房，油煙肥漏一定有返咁上下，但係呢度都好乾淨。地下枱面唔會癡笠笠。選擇真係好豐富，價錢都合理。抵讚嘅係呢度沙律自助無限供應，新鮮爽脆嘅，每個兜都混合咗幾款沙律菜。沙律醬都有幾款揀，大路嘢冇伏。我就鍾意蘋果醋同埋芥辣醬。牡丹雖好 還需綠葉扶持。唔好睇小呢啲小小嘅粉紅色喜馬拉雅山鹽，佢嘅鹹味真係唔同㗎。我試過嗰啲黑色嘅喜馬拉雅山鹽，嗰啲係有淡淡的陳皮味。不過問題就嚟啦。件扒由上枱時嘅三成熟，食吓食吓變咗九成熟。到最後一啖九成熟嘅扒都食埋啦，舊石頭都仲係熱嘅。

食物質素正常，價錢平民但係衛生欠佳，自助吧嗰度有飯粒喺碗裡面，仲要好油D碗，見到情況咁唔衛生，其實喺進食體驗其實都唔好，希望喺衛生上作出改善，至少確保D食具喺乾淨

今晚來到深水埗想試食新嘢，朋友話有間新開的石板燒牛扒，好抵食，所以嚟試下。店舖裝修好簡單， 但好舒服。我叫咗個石板西冷牛扒， 牛扒喺跟石板一齊出，你自己決定食幾生、幾熟。牛扒幾好食，唔鞋口，跟餐還有粟米、薯條 、同埋飲品。咁嘅價錢真係抵食。朋友叫咗個羊架，有三件，羊架好林，好有羊味，好有口感 ，真係唔錯！真係要分享這裏的沙律係自助和任食的， 更可自由配搭醬汁。 羅宋湯和珍珠米飯 都係任食㗎。咁超值嘅價錢，就能夠享受到咁優質嘅牛扒，同埋羊架。真是十分滿足。

只需$58，竟然可以食到石板燒牛，仲要沙律白飯任食，真系抵到你唔信。深水埗超高性價比石板燒，值得encore。店鋪睇落好闊落，基本都系卡座，坐落好舒適。環境乾淨整潔，街坊鋪黎講，掂。睇好食咩，收銀台落單俾錢就可以坐定定等餐啦。（PS: cash only，唔可以用消費券，so sad）自助區有沙律杯放題，羅宋湯同埋海苔飯，唔同醬汁可以根據個人口味調校。沙律菜勁新鮮，落好醬汁，一shake就食得，食落好爽脆添。羅宋湯好足料，味道酸爽，正啊。主角登場，石板牛牛！！套餐包埋粟米，薯條同飲品，真好好抵。牛牛系大概一成熟左右上枱，根據個人喜好，煎到適合嘅熟度就可以。店鋪準備咗岩鹽同黑胡椒用以調味，當然自助區亦都有自家制醬汁。牛肩胛，肉質好鮮嫩，即使全熟都唔會韌，夠juicy。加少少岩鹽同黑胡椒就已經好好味。西冷扒，好大一塊，呢個火候控制稍微差了一些，熟過頭，少少咬口。下次可以再試下唔好少太耐，就perfect啦。套餐粟米我地落埋去鐵板燒，加埋本身牛油嘅香味，真系別有一番風味哦。總體黎講，街坊鋪，勁高性價比，抵贊。

住在深水埗的親友推介這一家主打石燒扒餐的「石之牛石板日式料理 」，說是性價比超高，很值得一試，所以，就偕友人來此一訪。 從外看，餐廳已顯得光猛，環境闊落舒服，裝修簡約，有不少卡位座，配以好坐的梳化椅，而且，招呼殷勤，侍應態度有禮。餐牌上有很多選擇，有各式扒類，而牛扒亦提供很多不同部份，每份約為200克，並包了薯條、粟米，但飲品需加錢配。選好食物並在櫃枱下單，隨後便由侍應送上食物。 而這裡另一亮點，就是在自助區，白飯、沙律及羅宋湯均是任吃的，更備有多款醬料自由取用。看到自助吧整齊乾淨，讓客人更感用餐安心。 沙律以膠杯連蓋獨立盛起，十分衛生，而且，沙律很新鮮， 對上蘋果醋交換網則以好好吃；羅宋湯內有很多蔬菜，味道酸香醒胃；在白飯之上再灑點白芝麻及飯素，增添風味！ 大大件的「西冷牛扒」（$138） 隨著石板送來，滋滋聲響熱力十足，還伴有有薯條及粟米粒 ，大可以一齊放上石板度加熱，食味更好。牛扒來的時候本身大概只有三成熟，慢慢被石板加熟， 慢慢滲出油香，咬下去肉質軟腍，又富由香 ，沾上點點芥辣，滋味更提升。另一份試了「牛肩胛」（$118），比較薄身，但就大塊多一點，單看外觀就知它比西冷油脂更多

黎到深水埗搵朋友一齊食依間石燒牛扒專門店😬 佢唔算好近地鐵站，但都易搵👍🏻 餐廳係新開業既，感覺整潔！近門口位置有自助區，沙律羅宋湯白飯同埋各款醬汁一應俱全😀由於要慶祝朋友生日，約咗個比較貴嘅和牛😎⭐️⭐️果然係唔同啲，入口即溶，而且充滿牛香味！😛份量更係冇得輸，有200g，同埋薯條同粟米粒😋😋朋友仔仲特登去沙律吧，拎咗啲沙律，mix白飯同粟米，輕易變咗石燒炒飯🤪 雖然賣相唔太靚, 但即時fresh左好多😎其實餐廳仲有其他款式嘅牛扒，我都叫咗今期優惠嘅牛板腱，性價比超高，唔使$100。如果午餐嚟食仲平，我見都有其他選擇，燒雞扒/豬扒之類，可以一邊慢慢燒、一邊食多啲沙律，一邊飲多兩碗湯😛😛

今次黎到呢間「石之牛石板日式料理」，感覺幾新鮮，首先深水埗有好多平價晚餐之選，而以日式的牛石板菜式為主打既餐廳🍴亦漸漸進駐深水埗呢，一於試試呢間有咩特別。點好餐後就可往任食區拎飯同湯啦，米飯係用返日本🇯🇵珍珠米，務求更原汁原味，而湯就係一般羅宋湯，味道較稀。我地分別點左牛小排同西冷牛扒🥩兩個餐，餐飲中規中矩、沙律亦是，是預期內既質素。餐內有薯條同粟米🌽，兩款小食亦可增強飽肚感，不過亦係中規中矩。呢個餐主打當然係板上既「牛」啦，呢份牛小排份量較適合一般食量既女孩子胃，如果自認好大食或者係男士的話，咁就要食多兩碗飯了。不過牛肉口感易咬開，唔多筋，亦唔會散開，咬開亦有肉汁微微溢出，算係對得住個價錢。不過如有份量多返一條就更好了。然後就係西冷牛扒🥩，呢塊份量就剛剛好，相信一般男仔胃都尚可接受，至於肉質方面，無比較無傷害，食完牛小排就當然係價高者勝，但呢塊西冷既口感都還是可以的。

午市套餐除咗有主打嘅牛肉外，仲有魚，雞，羊肉，仲有熱飲附送，價錢有平有貴，豐儉由人，實有野啱食。餐廳座位闊落，坐得舒服，午市好快就坐滿人。自助區有羅宋湯，沙律菜同珍珠白飯任食。沙律菜一盒一盒擺放好，乾淨衛生，仲可以加蘋果醋或者芝麻醬當shake shake沙律，相當唔錯。羅宋湯略酸，如果加點甜，就更好味了。出餐時間快，我仲係自助區拎湯時，個餐已經準備上枱啦。一成熟嘅牛排放在熱辣辣嘅石板上，滋滋作響，即席灑上黑胡椒，聲音同香味都好吸引呀牛肩胛，牛味濃郁，邊沿有少許脂肪同筋，油脂分泌多，牛肉入口滑。西冷牛排，牛味更重，又唔多脂肪，油花平均，肉質實在，就算燒得過熟，都唔會太韌。兩個牛排本身嘅牛味都相當唔錯，但個人喜歡配搭埋芥末醬，更能帶出牛味。跟餐仲配薯條同粟米。温馨提示，石板嘅温度比較高，牛排熟得比較快，千祈唔好掛住傾計，如果唔係就好易變well done㗎

喺西九附近覓食發現左呢間新開石燒牛😍🥩呢度好闊落,而且冷氣好夠🤣👍🏻餐廳裏面仲有好多旗幟望落好和風,室內外都有枱晚市時間去晚餐$58起包沙津、羅宋湯、飯任食價錢相當優惠!好過去食大集團餐廳啲扒餐😂除咗牛肉,仲有羊架、鰻魚、雞同豬可以揀!另外仲有薯條會跟埋添😋點完餐就可以去自助吧拎湯同飯~沙津醬有芝麻醬同蘋果醋揀,都幾乾淨😌等左5分鐘左右主食就送到!好快手!👍🏻嚟到嘅牛肉係一成熟,然後自己可以喺石板上面煎到想要嘅熟度😋牛肩胛油脂豐富😍食落好軟熟同好香,好易切!店舖推介嘅牛板腱比較多筋,但牛味好出而且好厚身!超抵食!石板到我地食完都仲keep到好熱👍🏻兩款牛我哋淨係加左啲海鹽同黑椒調味已經相當不錯，另外亦可以喺出面拎蜜糖芥末汁、蒜蓉汁同黑椒汁😋.兩個人食都唔使$200埋單🤣抵爆!Btw,如落order時會mark低埋客人枱號出餐時會更好🙈

😍認真性價比幾高嘅 石板燒牛扒店，最平有$58-$228不等，平均都係大約$100嘅鐵板燒，深水埗區果然：抵😍牛小排 鐵板套餐 $188 ♥️😚🤤牛小排真係好高性價比嘅牛肉，軟熟稔嫩滑牛嘅部位，且油花分布均勻，好Juicy，睇睇張相每張都影到外面煎香了，裏面依然嫩滑多汁，牛小扒本身就油脂含量豐富且肉質結實，煎完好香、好正、好食🤤牛肩胛 鐵板套餐 $118反之，肩胛是牛經常運動的部位，所以肌肉較發達，肉質較結實；結實但不堅韌，適合唔鍾意食太稔、追求口感嘅朋友們；亦正因為肥瘦適中、價格相對合宜啦！係抵食之選！女生吃法：叫兩款share係基本啦！外面有沙律🥗同白飯任裝，仲有飯素😍♥️，同埋至少有六款醬汁嘅選擇，應該係三款沙律醬+三款牛肉醬，不過冇所謂啦，我都係亂加🤣🤣🤣個人食法、非常自由

太耐冇食過石燒牛，今次就黎到深水埗呢邊揾食。石燒牛最好嘅地方，就在於可以自己決定要燒嘅肉的生熟度，就自己喜好而去燒。呢一度係先點餐再自助吧拎湯，飯，同埋沙律菜。我幾喜歡呢一種自助嘅方法，可以根據自己喜好同食量再去添加自己嘅前菜同飯量。特別中意沙律菜，因為佢個別用盒裝起黎特別衛生，而且沙律菜又新鮮，配上自助添加嘅蘋果醋，入口口感一流，又令到人食起黎更加開胃同朋友分別叫左2樣唔同嘅石板牛類，分別係西冷牛扒同埋牛肩胛。西冷牛扒嘅份量都好大塊，而且有一定嘅厚度，加上肉質上我亦都唔燒得過熟，大約燒到50%-70%左右嘅位置已經可以開餐。牛肩胛嘅肉質上比起西冷牛扒嘅感覺就嫩口啲啲，燒起黎大約50%-60%左右度就可以了，比較怕燒太耐會令到肉質過熟而失去口感嘅問題。

#fafafoodblog日本菜 #fafafoodblog深水埗<性價比高既石板燒牛>🐂呢間石之牛喺深水埗新開 可以以唔同價錢點唔同既石板燒 主要係牛肉 (配唔同既醬汁) 然後水吧出面既羅宋湯 , 日本珍珠米飯(配海苔同芝麻) 🍚 沙律杯(配胡麻醬及蘋果醋) 🥗都任食每一個扒餐都會有一份粟米同薯條 我就試左🍴西冷138 蚊份🐂🍴肉眼118 蚊份🐂首先粟米粒都幾甜 薯條都幾香脆 肉眼比較軟林 肉汁多 加 d牛油喺鐵板上面燒 好入味 加 d芝麻撈白飯都好正 ,.西冷扒 比較煙 un . 牛肉肉質彈牙 牛味濃 就甘食 點 d芥茉醬 都好味#西冷 #肉眼 #鐵板燒 #牛扒 #日本米 #羅宋湯 Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#石之牛石板日式料理 深水埗元州街153 號新元州大廈地鋪~~~~~~~~~~~~#fafafoodblog