碼頭上魚

Open Now

Now Closed

九龍人去完東涌, 朋友生日話不如入元朗食間平靚正川菜, 結果帶咗我嚟呢一間上魚！其實我之前都食過啦, 不過我係打邊爐, 好正！！！ 今次係食小菜！因為要等齊人所以叫咗個蓮藕片, 同魷魚鬚食住等！ 蓮藕片好爽好脆, 而且好香魷魚鬚更加覺得係超抵食78蚊有好多舊！當大家喺度討論應該叫乜食, 見到個十人餐, 唔好諗喇反正個個超大食, 就食個十人餐. 結果食到真係好爆！ 個水煮魚拼酸菜魚啲魚好正, 係用靚魚！唔係出面街嗰啲核突越南龍利柳！配菜好多好爽脆,味道亦都啱啱恰到好處！肥腸煸得外脆內軟, 沒臭怪味, 大愛！口水雞正常但有雞味, 買手好嘢！土豆絲和椰菜花都很爽脆和美味！辣子雞比外面大粒, 大氣.我哋一行八人叫咗個十人餐, 食到好鬼飽, 價錢好抵, 樣樣有！！！最後經理送咗冰粉畀我哋食！感覺好開心, 好富足！

平時住係元朗，散步見到呢間門口好似好古色古香嘅招牌，有種番左古代宮殿嘅感覺，位置拎好方便，就係地鐵站附度近就行入左望下。😊原來呢度係出名食烤魚，咁我就點左蒜香酸菜烤海鱸魚，聽個名好似幾得意咁，一上枱蒜香味傳入我嘅鼻子，令我食慾大增，咬落魚肉嘅質地好滑嫩，酸菜嘅酸酸地味道同蒜蓉嘅鹹味完美結合，真係一絕。另外，配菜可以自己揀，我地點左午餐肉、土豆、鴨血同萵荀片，令味道更豐富！😊接下嚟我叫左佢地嘅招牌菜 XO醬蟹籽皮蛋，第一次食呢款菜式好有驚喜！😲 充滿嘅辣味同時XO醬嘅香濃，皮蛋嘅滑嫩質地加上鮮美嘅蟹籽，一齊食係好夾，味覺上好豐富多彩。🌶️最後，我地試咗碼頭酥肉，外酥內嫩，沾上調味粉後好惹味。🐷

元朗區出名多野食，呢間樓上鋪係食火鍋同川菜，平日經常經過，今日終於的起心肝上樓一試。不過今日冇選擇火鍋，而是選擇了川味小菜，雖然川菜大部份都係辣食為主，但是這裏也有一些較清淡的菜式，所以便點了一些較清淡的家常小菜：椰菜花炒五花腩肉、黃金蝦、薑蔥焗蠔、清炒萵筍、及叫了一支香港製作的甘羅漢雪梨茶。菜式碟碟都好大份量，就連前菜的黃金蝦也有八隻咁多，外殻沾上鹹蛋黃炸得金黃香脆的黃金蝦，外皮脆卜卜，炸過的鹹蛋黃非常甘香入味，蝦肉彈牙鲜甜。椰菜花炒五花腩肉：應該是用了孜然粉炒的椰菜花吧，非常香口，菜花好大朵、好新鮮爽口，五花腩肉是用了最好食的五層肉，肉片切得薄薄，煎得香脆，整碟餸都非常香口，用來餸酒真是一流！薑蔥焗蠔：用粉漿炸了的鮮蠔，用很多不同的配菜再炒香，配菜和鮮蠔也非常入味。清炒萵筍十分清淡爽口，這道菜非常花功夫，需要把厚厚的萵筍去皮，再切成幼細條狀去炒，看來好像十分簡單的一道菜，其實是一門功夫菜！清淡的川菜原來也可以這樣好味！👍😋忘記一提，這裡食飯會附有一壺帶有核桃味的茶，味道好特別，很好飲，喜歡的會很喜歡！

慣左早食晚餐既我，今日晚餐揀左食碼頭魚上嘅川菜，夜晚七點前離座仲有七折優惠，非常優惠🤣 聽餐廳個名就知道係食魚，除咗魚之外，仲有川菜食…蒜泥白肉卷$68肉質嫩滑、包住青瓜配上醋、蒜泥香氣非常開胃。黃金炸饅頭$68饅頭外皮金黃酥脆，內裡鬆軟、配埋糖漿好好味👍🏻爆漿糍粑$68 📌川菜必點呢個比較特別，外層係糍粑，裡面包住黑糖醬汁，咬落去會有黑糖漿流出，有驚喜。黃金魷魚鬚$98魷魚鬚炸得酥脆，配埋鹹蛋黃炸、味道香！送酒一流🫶🏻紅糖冰粉$20呢度嘅紅糖冰粉除咗紅糖醬之外 配料仲有提子乾、花生、合桃，非常足料而且好味道🤤如果你鍾意食川菜，每道餸都睇得出廚師都有心機整，呢度都係一個唔錯嘅選擇👍🏻碼頭上魚 (元朗)📍元朗鳳攸南街9號好順利大廈1座1樓2號舖

元朗有一間很出名的鮮魚湯火窩，主打用鮮魚熬製湯底，今日來到元朗當然要試一試。鰂魚鍋$138，呢個係一個性價比非常高嘅湯底,入邊材料非常充足, 有金菇,油麥菜,大量嘅蕃茄，芹菜同埋薑片，最緊要係有一條非常大又煎過嘅鰂魚，放低之後，職員會係你面前加入湯底，生菜$32，蔬菜非常嫩綠，洗得有乾淨，每一啖都非常爽口，吸埋湯底濃郁嘅味道，特別好味黑豚肉$148（一份）脂肪同肉嘅比例非常平均，入口又唔會太肥，切到薄薄，一片容易入口鱔片$168，每碟有九片非常厚身，有夠爽口，入口一啲都冇魚腥味打邊爐食到最尾我通常都會叫一個出前一丁或者稻庭烏冬，今日揀咗個稻庭烏冬$38，入口夠彈牙，湯底滾咗之後，放入只需2-3分鐘就食得

今日放假喺元朗行街睇戲,睇完戲有啲肚餓喺附近搵啲嘢食下,朋友帶咗我去一間食酸菜魚嘅餐廳,食物質素真係好好。碼頭上魚,餐廳喺元朗鳳攸南街9號好順利大廈1座1樓,餐廳地方好闊落,環境裝修得好有格調,比到我一種好舒適乾淨整齊嘅感覺。坐低點咗個午餐老壇酸菜魚 68元,配白飯,性價比真係好高,酸菜魚分量好多,魚肉非常嫩滑,味道鮮甜,值得一讚嘅就係一啲魚骨都冇大啖肉,加上其他香料令到魚肉嘅鮮味更加突出。脆皮炸bb乳鴿 58元, bb乳鴿皮炸到好香脆,肉質非常嫩滑多汁,香口惹味。碼頭無骨花雕醉雞 58元,花雕味完全滲入雞肉入面,入口除咗有酒香仲有雞嘅鮮甜味,雞肉好嫩滑,雞皮帶點爽脆一啲都唔會油膩,真係好好食。黃金皮蛋 48元,皮蛋賣相更吸引,口感香甜軟糯,鮮滑爽口,溏心入口細膩,蛋白晶瑩剔透。碼頭一品米線 83元一品米線材料豐富,有牛肉,芝士腸,獅子狗,魚腐,貢丸,魚片頭,最鍾意就係佢個湯底,入口味道清甜,加上米線煮到啱啱好軟硬度適中,值得一試。黃金魷魚鬚 98元, 就魚炸到金黃色,香脆可口,外層嘅鹹蛋黃炒到好香,入邊啲魷魚鬚嫩滑爽口,好食到停唔到口,必食推介。

元朗雞地幾乎集中哂元朗好食既餐廳，今日帶左媽媽去食係雞地既碼頭上魚，地理位置好方便易搵，雖然係二樓，但門口好大個招牌好易認呢到除左有實體menu外，仲會提供個qr code比你落單，方便快捷，菜既款式非常多，最後諗左好耐都係揀左個老壇酸菜魚二人套餐，食到我地最想食既酸菜魚同時仲有好多小菜，套餐價$448， 包脆皮炸BB鴿、夫妻肺片、川北涼粉同香辣回鍋肉，散叫既話應該會貴好多落單後好快就上左菜，首先係香辣回鍋肉，肉用左五花腩，切到薄薄地，食落非常爽口仲有油脂感，配炒既娃娃菜都非常鮮甜，真係忍唔住一啖又一啖跟住係夫妻肺片，平時好少食，唔係好知係咩部位既肉，但啲肉幾爽口，配埋牛柏葉口感唔錯，調味都唔會太咸，辣辣地幾香口之後好快就黎左主角酸菜魚，酸味同辣味都好夠，啲魚肉既數量勁多，食極都仲有，肉質非常嫩滑，配菜都唔少，最緊要有我最愛既寬薯粉，爽滑彈牙川北涼粉都勁香，呢碟應該係全台最辣，勁過癮，鐘意食川粉涼皮既朋友可以一試最後脆皮炸BB鴿炸得幾香，同平時食既差唔多水準，鐘意食乳鴿可以叫值得一讚，呢到啲姐姐服務態度都唔錯，比人感覺幾舒服

元朗新開的這間川菜餐廳，以其獨特的川菜風味和精湛的廚藝聞名於中國，並在中國已擁有超過300間分店。甫進入餐廳，裝修風格以中國古代的客棧為主題，有瞬間穿越古代的感覺。翻開菜譜發現菜式選擇非常多，我們叫了一個二人套餐$448有5道菜。份量十足，足夠三人享用。川北粉皮是以粉皮為主料，配上辣椒、花椒和各種香料，辣味十足。粉皮本身具有彈性的口感，搭配上辣椒非常刺激。夫妻肺片。屬於川菜冷盤，將牛肚和牛展搭配上辣椒油和各種調味料，口感鮮嫩，很是開胃。老壇酸菜魚的魚片沒有魚骨，不帶腥味，口味鮮美。魚肉鮮嫩多汁，搭配酸菜的酸甜口感，營造出一種絕妙的味覺體驗。脆皮炸B B鴿以嫩滑的鴿肉為主要材料，外層包裹著酥脆的炸皮。每一口咬下去，都能感受到肉質的鮮嫩和外皮的香脆，一份有一隻乳鴿，斬開4份，啱啱好二人份量。回鍋肉也是必試之一。五花腩炒至金香，非常香口，搭配豆乾、白青菜、蒜葉和青紅椒一齊炒香，非常有鍋氣。每枱都有提供一壺玄米茶，熱乎乎，茶香濃醇，消滯又解喝。

今日去咗元朗，喺西鐵站附近發現呢間火鍋店，材料不但新鮮，環境仲好舒服，冷氣又足夠，地方又寬躺，最重要係我七點前埋單仲有七折，性價比非常高即煮奶白魚湯底的確是超令人驚艷，我選的是鰂魚鍋底，店員將原條鰂魚、煎香至金黃色，加上配料和鮮魚清湯等放入面前的超大鍋中，蓋上鍋蓋，一下加熱至滾水，10分鐘就奶白色的魚湯芬香撲鼻，店員會先給你滔一碗魚湯，自問是魚痴，覺得湯底魚味十分濃，鮮甜無比，熬出來的魚湯，我飲了兩碗，魚肉夠鮮嫩，魚湯底感覺健康沒味精鰂魚是新鮮的，非常嫩滑，是店的招牌魚之一。安格斯肥牛口感豐富，肉質厚實，入口肉味較一般牛隻部分濃郁，味道香濃，肉色鮮红的色澤，完美脂肪比例，牛味香濃，正！特製魚皮餃，入口魚皮煙靭、肉質鮮甜，有口感，真不錯。香菇貢丸，口感非常有彈性爽口，肉厚質美，咬下的第一口嘗到鮮甜的肉汁，配合上香菇的口感和獨特 香氣，味道超豐富。生菜和皇帝菜都十分新鮮，入口爽脆，皇帝菜的味道獨特，我特別喜歡吃。竹笙吸收了湯底的鮮魚味道一絕，，爽口鮮甜。

我一直以為呢度係食打邊爐，因為我一直比較同老公少食打邊爐，所以一直都無試突然loop下OpenRice我先見原來佢仲有川菜食，仲有我最愛既酸菜魚😋等埋老公Ot完再返埋元朗，成9點先到，原來佢開到2點👍真係同朋友吹水打邊爐岩哂，而家多數餐廳好早收工一坐低就幫我哋斟茶，服務好好😌QR code點餐，我哋貪心2個人叫左4樣野，無諗過份量咁大，勁飽🤤✨蒜泥白肉卷✨好好味😋多蒜多蒜，I like it✨無骨花雕醉雞✨超濃花雕酒味😌超入味☺️，推介✨薑蔥焗生蠔✨要講下價錢，$128，我真係冇諗過咁大隻生蠔，同埋份量咁多仲要勁有鑊氣，我連佢啲蔥蒜片同薑片都清哂🥰✨老壇酸菜魚✨我叫左少辣，一開始覺酸味就唔算太重，但食食下，佢果d酸同花椒味越食越出😋魚幾滑，又有寛粉👍埋單$500都唔使，真係幾抵食食完一次，我哋都話會再去，下次等我試吓打邊爐先😍

前排閉關在家，今日終於放監覓食😮‍💨 聽朋友講元朗開咗間新川菜，就嚟試試佢！！餐廳裝修係古代客棧風，令我置身穿越時代，啱晒打卡😝 呢到有魚缸養住魚，即叫即劏保證新鮮😳除咗有酸菜魚、水煮魚、烤魚、麻辣火鍋仲有小炒 好多款式老檀酸菜魚$188 小辣係用無骨黑魚片，配菜有豆卜、萵筍、 豆皮、芽菜、寬粉 。魚片份量都多，酸菜味都夠，豆卜索晒啲汁😆 整體唔錯 味道都濃但油比較多蒜泥白肉$68有8舊都多，白肉半肥瘦再夾片青瓜，完全無咗肥膩感仲帶點清新又爽感覺。個人覺得夾青瓜條口感會再豐富啲薑蔥焗生蠔$128蠔以先炸再炒嘅方式去煮，蠔幾飽滿，同埋都好多蔥同洋蔥😉 愛蔥人士可點花菜炒五花肉$108好多餐廳都係會落酸醋去炒花菜，但佢係落孜然粉去炒，好香🥹🥹成碟都重孜然，五花肉有啲乾身整體價錢都尚可，味道不錯，諗唔到食咩可以一試👍🏻

今日同朋友嚟到元朗呢邊，行到五點幾就開始肚餓啦，跟住上OpenRice search附近有咩好嘢食，發現左一間碼頭上魚嘅四川菜，好近YOHO Mall附近！一嚟到呢邊，已經見到勁多好吸引嘅餐牌擺喺樓下，二話不說踏上呢個碼頭上魚！呢度嘅設計好有宮廷特色，好靚！飲一壺靚茶事不宜遲掃code點餐等緊我美味嘅晚餐嘅 我就靜靜地欣賞佢嘅環境叫咗個老壇酸菜魚小辣，一上菜色香味俱全，好吸引！除咗有美味滑滑嘅魚片之外，仲有好多唔同嘅配菜。有涼皮、豆卜、芽菜、萵筍、老壇酸菜，全部夾埋一齊食多姿多彩！美味無窮！經典口水雞 細份，冇諗過細份都咁大份，好抵食！佢個汁真係正！雞肉都幾滑！涼辣萵筍絲，賣相好吸引，麻麻辣辣，萵筍絲好爽口！香辣蝦，真係超級好味呀呢碟，我好鍾意食呢一味菜，好多隻蝦連個蝦殼都喺脆嘅，望落去好辣，其實唔會太辣啱啱好！我好鍾意食佢嗰啲一粒一粒嘅小黃豆，脆到爆！脆皮炸BB鴿，皮脆肉嫩，調味得啱啱好，可以按自己個人喜好沾上華鹽，別有一番風味！

作為一個香港長大既人，加上唔食得辣，真係無試過川菜哈哈。今次踏出第一步初嘗試，結論係幾好喎~ Surprised!店內裝修好中國客棧風，都幾靚，好多細節位可以留意吓，例如抬頭就望到大型錦鯉燈籠🏮等等.-蒜泥白玉卷好清新，因為每一卷包住左一塊青瓜嘅，唔會膩，份量仲好足🤣-螞蟻上樹見個名咁得意，一於嗌嚟試吓. 幾特別喎又幾好食，佢係粉絲炒肉末，啲粉絲超級有味，唔知係點樣整到，但係啖啖都好滋味! 👍🏻-老壇酸菜魚好貼心，有同店家傾過自己唔係好食得辣，佢地係會俾你揀唔同嘅辣度，我就揀咗BB辣. 啲魚塊超級嫩，入邊仲有好多配料，有酸菜、菇、粉皮、豆卜等等，完全意想不到哈哈，好豐盛🤣-脆皮炸BB鴿相當有驚喜！好少喺香港會食到咁高水準嘅炸乳鴿，呢間做得火候啱啱好，香脆嫩之餘又唔會燶咗，意猶未盡呢～😋見到呢度除咗做川菜之外，仲有得打邊爐，下次再嚟再試吓！✨

位置非常方便，如果揸車人士都方便，因為前面已經係一個錶位場，我食晚上八點，都泊到車。餐廳環境闊落乾淨，有裝修！我哋揀咗自選乾鍋，其實配料有好多可以揀，見到咩都想食，最後揀咗午餐肉，肥腸，土豆片，蓮藕片，牛肉，四季豆，花菜，全部都超級入味，最正係午餐肉，煮到脆卜卜，全部都辣到好過癮，好惹味，非常香口。老壇酸菜魚份量一啲都唔少，好多魚，完全冇骨，魚片滑溜，相當開胃，酸辣清爽不嗆喉，最正係入面有寬粉，煮到入晒啲味，非常掛汁，令到我食完一碗再一碗，正🤤🤤🤤炸饅頭，個size非常之好，可以一啖一個，同埋我最怕炸饅頭下邊有張紙，通常都會黐住晒，搣唔開，呢個唔會，炸到出邊脆卜卜，但係個心係軟，好食！👍🏻👍🏻

元朗雞地出名多野食朋友同我都好鐘意食酸菜魚趁晚飯未多人即刻過黎試下七點前離座仲要有七折😍😍老壇酸菜魚 $188超大盤酸菜魚 魚嘅份量都好多除此之外入面仲有勁多配料寬粉都好入味經典口水雞$ 58開頭見到$58以為好細份點知原來份量都好多 仲要估唔到雞都好滑身 唔算好辣比較容易入口香辣蝦$108濃郁嘅香辣味呢個用嚟送飯一流 蝦都有好多除咗蝦之外仲用咗蓮藕做配菜 脆皮炸BB鴿 - $58BB乳鴿外皮脆卜卜 雖然細細隻，但係都好好肉用嚟送酒非常之適合