碼頭上魚

Open Now

Now Closed

近排見到元朗又新開左埋火鍋餐廳，見咁耐無打過邊爐，一於就入去試下樓上鋪，地方勁寬敞，而且設計得好靚，好有中國風，雖然而家無得返大陸，但去到呢到即刻有以前成日返去玩去食野啲feel，我同朋友都勁興奮呢到邊爐湯底唔同一般餐廳個啲蕃茄、沙嗲、麻辣湯底，而係用鮮魚湯湯底真係見到成條魚係入面，飲落個湯勁鮮甜勁香等湯底煲滾我地就食住熟食等，呢個椒鹽魷魚酥一啲都唔多炸粉，而家加左啲咸蛋黃去調味，好好味，魷魚亦好彈牙湯底條魚拎左黎煲湯自然無乜味，我地再叫多條鱸魚打邊爐但估唔到叫一牒係有成條魚切好晒片每片都勁大片極品黑豚肉，花紋好靚，勁淋勁香豬味，一流自家製手工餃，入面大大舊蝦肉，餃子皮好薄，唔錯最後要讚係佢呢個預先整好左既調味牒，加豉油落去就得，比例岩岩好，薑蔥蒜味都好出，唔會成日自己溝到好咸，正呀

鳳攸街新開咗一間主打吃魚嘅火鍋，今日就來探下店，環境好闊落，全部魚都係即叫即劏，喜歡吃🐟嘅朋友一定要試。鯽魚鍋🐟$138原條鯽魚炸鍋之後用來做湯底，配料有金菇、番茄🍅、薑蔥，姐姐即場到入魚湯底，味道濃郁，建議先飲一碗湯，煮完嘅鯽魚雖然好甜，但比較多骨，最好留返個肚吃條新鮮魚。配料可以任添，入面有炸黃豆真係好正，我都添咗一碟。😆鱸魚一條$198有8種特色魚🐟選擇用來打邊爐，我就揀咗鱸魚，比我想象中大條好多，師傅將魚起得好靚仔，滾3min關火就可以保持肉質嫩滑，而且啖啖肉，真係好滿足！極品黑豚肉半分$83🥩雖然係半份，都有6大塊，2個人一定好夠吃，肉質偏瘦，吃完唔會膩。四色菜籃$68🥬🥕蔬菜好新鮮，擺盤已經好吸引。蘭州拉麵$38雖然已經吃到好飽，但都想試下個拉麵，煙韌有口感，一份有兩餅麵，分量好足。飲品只有支裝或罐裝選擇，個人覺得更加乾淨衛生，而且價錢唔算貴，夏枯草都係$20一支，仲係低糖，都幾好飲。

鴛鴦鍋（鰂魚湯，酸菜湯）$148鰂魚湯見到佢地係煎香左條鰂魚，之後再加湯做湯底。鰂魚湯煮出黎係奶白色，魚湯鮮甜，肉質雪白。熬出黎做嘅湯齋飲都好正！嗰到服務好好，會教你幾時飲，點樣飲同唔魚湯底嘅評價！我哋都叫左半碟牛同羊。用依個湯底煮出黎嘅肉好鮮甜，我食嘅時候冇點過啲醬料。桂花魚$268 須然桂花魚有少少貴，都值得一試。食落肉質真係好嫩滑，肉質鮮美但係唔會腥，而且唔算多骨！如果你哋都唔係好熟唔同魚嘅賣點，你地可以向waiter 請教。佢地好nice 同有耐性咁同我哋介紹每一隻魚嘅味道！紅糖冰粉紅糖冰粉超啱食緊火鍋，食到個人熱晒啦先食。紅糖冰粉有提子乾、紅糖、芝麻、花生同透明嘅凉粉。依加佢地仲有一個優惠，只要like and share 佢哋社交平台 page 就會有一碗免費嘅紅糖冰粉啦。

收工食左間超高質火鍋🤭有別於傳統火鍋店，佢係專門食魚🐟🐟🐟全部魚都係新鮮即場劏，食佢魚嘅鮮味~勁正。餐廳唔提供豉油比大家，反而會比一碗配料比大家，有蒜、蔥、辣醬，直接加魚湯落去，食魚嘅鮮味。鴛鴦湯底 $148有魚湯底(招牌)🤭🤭//辣湯底//酸菜魚湯。我自己揀左魚湯+酸菜湯。魚湯搶曬鏡，全條魚大大條落去煲，啖啖鮮味，勁足料✨✨✨職員話條用係來煲個湯底，唔係食架🙊酸菜魚湯相對清淡，但都好飲。鱸魚$198一上到枱嚇親我，勁大條，職員將條魚起肉切片，切得好靚。魚肉滾3分鐘就可以😌千其唔好太耐，一耐就無咁滑。魚質滑，而且啖啖鮮香好滿足，大推✨✨肥牛半份 $118好在叫左半份咋，因為2個人食，魚已經好大條，好飽。肥牛係靚嘅，有雪花❄️脂肪比例剛好，食落好香好好味菜拼盤 $68都幾大件，併得靚🤭