秘 (偉晴街)

Open Now

Now Closed

好早期已經見到人post 呢間食店❤️ 見到個爐仔，自己燒，幾過癮XD非常美味，性價比高，晚市叫了二個定食再加個蜆，叫埋兩支有氣果汁， 都係$462~👍黑松露牛，一份有十多份件，好抵食； 吉列豬扒都好大份，味道就中規中矩😆 叫埋個蜆煲，d 蜆大大隻， 入面仲有幾舊芋絲，湯底都幾辣，相當惹味～見好多食評話個湯好似水咁無味， 但我覺得ok, 真係飲到清淡嘅昆布蘿蔔味😅 唔係真係咁差。因為無得book 位， 一定要早d 去排隊呢～座位相對迫， 但絕對值得一試， 支持😘

這間坐落在佐敦一旁的日式燒肉小店，平日大排長龍，之前幾次都是望門輕嘆。有一個星期日下午，路過此地，來碰碰運氣，星期日的佐敦，人流不多，餐廳有位。餐廳是小店，大概10張枱，30個位。只收現金。板燒吉列牛 ($108)，上枱時，一片片生牛肉包著一層吉列，有15片，然後自己放在小鐵板上燒。牛肉肉質幾好，吉列很特別。板燒安格斯牛 ($118)，牛肉的肉質更好，以$118的價錢，十多片牛肉，質和量都物超所值，重點推介。芝士吉列豚肉 ($78)，豬肉是厚切，正常味道，有很多芝士醬。浦燒原條鰻魚飯 ($78)，鰻魚正常味道，沒有驚喜。和風薯條配芝士醬 ($36)，薯條，即叫即炸，熱辣辣的；厚切，脆脆的；很多芝士醬，好味的。總評味道：牛肉好好味，物超所值，性價比高；環境：店外環境一般，店內環境可以；服務：上菜速度算快，小店只收現金；衛生：OK，餐廳油煙味，抽氣可以改善。

好抵食既石板燒肉呀板燒安格斯牛😍油脂分佈平均，牛肉吾算重但肉質嫩滑👍🏻每塊既size適中，燒上黎較為容易，食落一塊一啖好好味👅白飯有啲紫菜同飯素，就咁撈黎食都好味

係等緊拎嘉多利法式布甸嘅時候😆就去咗附近嘅秘食午餐啦😍板燒吉列牛 $108午市加配定食 $20被麵包糠包好嘅安格斯牛肉先經炸脆💥切片後再配石板上檯🍴預先經過燒熱嘅石板上有一兩塊牛油脂🧈燒吉列牛嘅時候就唔會痴底🥩食客可以自行控制牛肉嘅生熟程度♨️dpz燒到五成至七成熟夾起🥢點埋附餐嘅醬汁🤤送飯一流🍚午市加配嘅定食有秘之飯素同楓糖流心蛋🍳飯素嘅紫菜同芝麻香脆帶鹹香🍘流心蛋煮得啱啱好💯擺盤好似笑哈哈又好似多啦A夢咁😂有冇人有同感🤣🤣🤣

幾個月前同朋友食過一次LUNCH之後終於帶到老公黎試.. 仲同埋兩個朋友一齊食DINNER. 我地六點就去食, 估唔到己經接近坐滿, 我地坐低之後剩返一張四人枱. 今次我地四個人叫左三個主食, 加兩個小食.同午市一樣, 晚市主食都可以加錢追加晚市定食. 晚市追加定食都有兩款, 研究過都係個湯既分別, 所以我地揀左平果個算. 板燒安格斯牛 + 追加定食份量勁足, 至少有十幾片牛肉熱辣辣石板直接自己燒, 鐘意幾多成熟都可以自己控制. 我鐘意比較生既口感, 所以我燒到3-4成就己經夠, 完全係入口溶化既感覺… 配埋佢個秘製醬汁一齊食真係不得了. 燒吉列牛 + 追加定食吉列牛相對香口多少少, 基本上個口感都同安格斯牛差不多.不過呢個我覺得要熟少少先好食.. 秘。燒牛肉野菜鍋初初望佢鍋仔細細，估唔到一樣都係份量十足。　牛肉好冧, 就咁用筷子都撕得開仲有勁多配料, 冬菇, 娃娃菜, 芋絲, 蘿白, 獅子狗, 全部都好入味. 總結：我地四個人最後埋單係五百幾蚊, 每人都係一百頭. 同埋餐廳都好好, 我地食完仲坐左係度吹水吹左勁耐都唔會趕我地走. 

黃店成日俾人話垃圾 無可否認有啲真係um住良心都讚唔落嘅 但係呢間真係可以令黃店拉返唔少分數💛 無論佢嘅吉列牛 定安格斯都一樣咁出色 朋友order左板燒吉列牛 我就order左板燒安格斯 跟住可以自選加配定食 定食包一碗飯素飯 一隻流心蛋 同一碗湯 如果細食嘅 可以淨係加一個定食同朋友share又得 佢嘅牛唔似平時果啲板燒一大舊要自己切 佢係已經切好哂一片片🥓🥓size厚薄適中 所以燒果時比較易控制 石板面都預備好一舊牛脂俾你搽下塊石 等佢無咁易痴底 個吉列牛 外脆內軟 而個安格斯 油脂分佈平均 未去到入口即溶咁誇 但係牛味都十分濃郁 配合埋個飯素飯 真係食多碗🍚都仲得 而隻糖心蛋🥚都十分入味 生熟控制剛好 成個餐都令人十分滿足 而家無得去日本 不妨去呢度食餐飯 當去左個小旅行都好啦😎

同食韓燒一樣，記得唔好着冷衫嚟吸晒啲牛味🤣 好幾年前食過一次秘，原來依家已經要排隊先食到，多咗好多客👏🏻板燒吉列牛定食 $146冇得輸嘅吉列牛，自己燒自己食可以控制自己想要嘅熟度。牛嘅份量都唔少㗎，加埋隻糖心蛋、飯同湯，係十分滿足嘅一餐呀！記得之前要叫過金魚湯，條魚係有少少似餃子咁嘅嘢，今次就冇叫喇，但個櫻花湯好似冇咩味🤣 鍾意佢個白飯上面有啲飯素，咁好似所長咁唔鍾意食白飯嘅都食得開心啲！另外，想讚吓店員們隨時都留意住客人使唔使加酒精蠟，食晒成餐都唔使特登叫佢哋加，又真係冇斷過火！🔥秘燒牛肉鍋定食 $136個個都食燒牛，諗住叫個鍋食平衡吓啲熱氣，對個鍋冇咩期待但又ok喎，可以有啲菜食吓，兩個人叫一燒一鍋又幾正！鍋都一樣有蛋飯湯呀👍🏻

專登上OpenRice app睇佢哋晚市開1730，點知無咗堂食，好失望。專登搭車出嚟諗住食生日飯，見人地食評話無得book枱就無打電話黎，點知都係失策。。。。。

講起吉列牛嘅話，相信大部分人都會諗起「秘」💛 因為真係實在太出名喇，次次經過都會見到排晒長龍呀😵上次我哋平日夜晚6:45左右到，剛好唔使等位直入～但我哋7:30食完就已經門口排咗20人喇🙈餐廳入面嘅座位好迫，我哋被安排咗坐喺個角落頭位，2邊都有牆擋住，所以埋單走嘅時候都有啲尷尬，要襯隔離客人未開始燒嘅時候就即刻走，因為要麻煩佢哋起身讓位先出到去😬 張枱本身有啲窄，所以如果燒緊嘅時候離開都幾危險，好驚會燒到件衫🙈 而且成間餐廳都幾大油煙，抽風系統有待改善😵‍💫•🥢 秘•燒黑松露吉列牛 $148 (晚市定食另+$38)吉列炸衣唔算好厚，炸得好脆，食落有好濃嘅黑松露味🤤 相對安格斯牛，呢款就厚切少少，牛味相對亦無咁濃～佢哋嘅擺盤都幾有心思，將啲吉列牛排成半圓形，然後流心蛋就好似對眼咁，中間再加啲椰菜絲同蕃茄仔做個鼻，加埋就好似個笑哈哈咁🤣•🥢 板燒安格斯牛 $118 (晚市定食另+$38)呢款安格斯牛睇落顏色唔算好靚，但油脂分佈都算平均～佢嘅牛味就濃好多，燒完之後肉質嫩滑，好juicy😋 呢款對比起吉列牛就薄切啲，而且感覺上件數都少啲，食完有少少唔夠喉～🙈•💬 以上兩款我哋都加咗$38要普通

：「何以秘名之？不求甚解，只以味分高下。」《製》秘《案》✎秘辛，本令人神往；✎餐後，已漠然置之。《品》【秘．燒黑松露吉列牛】$148▪️炸衣不算脆，徒有炸粉沙沙之口感，而具油溢之味。▪️徒有微微黑松露香，淡淡黑松露味，無想像中濃。♦️牛肉嫣紅，油脂分佈平均，油花紅中間白，賣相不俗；♦️可憾牛味不足，味道主要源自醬汁與油香♦️肉質不過不失，不柴不韌，尚可。♦️具普遍燒肉之膩感，但可接受，白飯可解。▫️飯素，基本上無難喫的空間。—————————————————————————【板燒安格斯牛】$11812反而安格斯牛無所雕飾，牛味較濃；🐂味道雖未及「牛角」，但至少不需醬汁搭救。🐂與黑松露吉列牛一樣，偏小而薄，嚼得不夠盡興。🐂質素與尋常韓燒店相若，不值候一小時。—————————————————————————【環境】▪️老饕素來少評環境，專注食物；▪️但此家通風系統欠奉，加上食桌密集，店內煙霧瀰漫；▪️油煙味重，悶得難受，離開後一身油味，值得改善。▪️明白人多，但隔三差五催促結帳，的確有礙用餐體驗。—————————————————————————🗺️荃灣享成街22號地舖🗺️佐敦偉晴街11號地下🗺️元朗教育路105號

：「縱或有秘辛，亦不驚為天人。」《製》秘《品》【芝士吉列豚肉定食】$78🧀與友人一致認為芝士醬鹹味芝士味欠奉，未夠濃郁🧀至於豚肉，炸衣算薄不油膩，可憾肉味淡；🧀口感而言，肉質不算鬆化，但還算過得去。🧀借友人總結，「還是到訪吉豚屋吧」。—————————————————————————【蒲燒原條鰻魚飯】$78🔸鰻魚大條肉厚，木魚絲慷慨，以此價錢而言頗為厚道；🔸熱辣奉上，木魚絲徐徐扭動，可愛。🔸無骨值得一讚，唯魚油香未足。🔸醬汁頗為尷尬，濃偏甜，可惜流於表面，且不夠拌飯。🔸前部肉質有彈性，可偏韌，斷口性低，不能一咬到底；🔸需微微撕扯，口感頗膠，為友人所喜，老饕不敢恭維。🔸後部肉質偏軟腍，方是偏向老饕所喜，但仍不夠腍；🔸私認為，論口感、魚味、油香，未及「魚一壽司」。—————————————————————————🗺️荃灣享成街22號地舖🗺️佐敦偉晴街11號地下🗺️元朗教育路105號鴻運樓地下3號舖

𝙅𝙤𝙧𝙙𝙖𝙣 / 𝙎𝙚𝙘𝙧𝙚𝙩 𝘾𝙝𝙚𝙛𝙨.$128 板燒安格斯牛 午市定食$128 板燒吉列牛 午市定食$30 章魚小丸子(四粒)*只限現金，免加一，排隊約三十分鐘.話說嗰朝紅雨 下晝去食秘都排晒長龍🙈 但好在1340左右去排 如果遲咗 到1420派晒飛 就白行一趟啦😣.講番啲嘢食先🥰 吉列牛嘅油脂分佈平均 外脆內嫩好香口😍 而安格斯牛 食落好juicy 肉味亦比較濃🤤小編就比較中意呢款啦😋 加埋溏心蛋 真係不得了 但唔知係咪小編呢排減肥 食開清淡嘢 所以覺得嘢食偏鹹(又或者係因為牛鹹 秘之飯素都鹹😳 所以有呢個感覺) 而小丸子就不過不失🙆🏻‍♀️ 整體好食 一定會再去🥰

性價比超級高嘅吉列牛套餐～呢間又係一定要提早一攞位的睇睇餐牌先 主打當然係吉列牛啦Lunch time有唔同嘅upgrade 選擇 可以加$20送湯同埋糖心蛋等等 我叫咗個最基本$108套餐 吉列牛套餐 等咗大約10分鐘左右就上枱啦 有個的的式式嘅小火爐 放咗塊小牛油 俾你去自己煎啲吉列牛牛肉係薄薄地細細塊 一啖就食晒 不過有成18片 外邊沾滿咗炸得黃金色嘅麵包糠 仍然係脆嘅 唔會太油 牛肉嘅油脂分布平均 牛味好濃 一入口有脆卜嘅吉列皮 牛肉嫩滑香口 唔使太多調味 點少少燒汁 已經好好食 吉列牛嘅層次感好豐富～牛肉係高質嘅 性價比都幾高 推介推介

經過佐敦搵地方食嘢， 一係去偉晴街， 一係去文英街， 我決定去近少少佐敦地鐵站～～～偉晴街。地方細，平時聽講排隊好多人，但係今日好好彩，等咗兩張枱就有位三個人晚餐埋單總數大约＄300，人均$100， 揀咗一份吉列牛，一份燒安格斯牛肉，一份鰻魚飯：吉列牛$100 ，同$1000 配有高級靚景，係冇分別！安格斯牛坊間太多， 評估為普通貨，鍾意食牛嘅一定會叫！鰻魚飯好好味，入口有少少溶化嘅感覺，肉質有咬口，可以推介！定食跟一碗大碗白飯，一碟醬汁，最後可能剩好多飯撈埋啲醬汁都勉強過關！

同朋友去佐敦，順便食午餐，揾咗間唔少人都話好食既「秘」，咁岩有位唔使等😮‍💨猶豫咗好耐究竟要唔要板燒…一場黎到，都係想試新野，拍板叫咗個…😋板燒安格斯牛😋$118只食板燒太油膩，+ $20午巿加配定食，有🥸秘之飯素🥸，🍁楓糖流心蛋🍁，🥤汽水一罐🥤。先講安格斯牛：份量唔少，賣相好，雪花分佈平均，肉質鮮嫩唔會過肥，燒耐左亦唔會變到好韌好難食👍🏻唯一美中不足既係啲油出得好多，多到我要攞走舊肥膏之後，依然搶火，油花四濺。再講秘之飯素：紫菜多，醬油適量，芝麻香；流心蛋ok流心。最後清哂碟😎朋友叫咗個…😋浦燒原條鰻魚飯😋$78試過一小塊鰻魚，有口感😛再睇下個環境…以下呢個係有得睇無得食🤤🤭🤭全日免收加一，幾抵食架。一場去到不妨一試😏***提提大家攞多對筷子🥢分開夾生熟牛🐂***