第一腸粉專賣店 (Closed)

因為車胎人介紹, 咪走去試下LAW!!!~~~ 但係鬼老的口味同中國人係有D唔同的~~~夢白糕: 足料, 入面的夢白有BB尾指的厚度(非長度)~~ 食左個鴨腸粉: 上錯碟, 黎左碟叉燒腸粉........ 於是我咪話呢個唔係鴨係豬, 佢地話"係咪你叫錯呀~"~ 咁算啦!!! 但叉燒腸19蚊又係幾貴下的~~ 咁個腸粉應該係即做GEI.... 熱呀麻... 但係有少少粘粘地.... 都叫做滑啦(查實同酒店果D差無幾), 但係佢地若係自己拉腸粉的話, 應該無用化學添加吧, 呢個算係加分原因啦~~~ D叉燒, 都係咁的味啦, 但肥左少少~ 我鍾意瘦叉~~熱豆漿: OK啦, 唔重豆味, 好希, 多糖~ ANYWAY, 下次唔俾車胎人米芝蓮厄黎食咩"第一腸粉"..........一個女仔特登坐車去笨蘭街的~~~ 不過, 果邊日頭的治安, 又無我想像中咁咩...都係好正常的人~~~ 可能睇得TVB/古惑仔多啦~~~但係去到X蘭街, 果邊的野食又好似幾多下咁~~~~

今天一心想試試米芝蓮食府而來試試出名的豬潤和招牌腸.雖然要等約二十人但只需20分鐘便有位了, 等候時間尚可.至於腸粉方面, 小妹覺得非常失望, 腸粉皮略厚了一點, 而且有過於粉的感覺, 沒有彈性. 比起我平時去的大埔馳名陳漢x 實在差一點. 如果要食腸粉不如去大埔啦醬油方面還可.服務方面, 不太友善. 友人本想試一試的心態, 先叫一碟, 若是ok的話, 再叫多一碟. 當我們食完一輪後欲叫第二回的時候便被拒絕. 伙計說你需要先結賬, 出去排多一次隊再可進來. 對此, 我們非常生氣. 若有這條款, 他們應在第一次下單的時候便要向我們說明而不是客人下單時這樣回答!!!總括而言, 若不用排隊而隨便吃吃的話, 第一腸粉是一般啦.若要食美味的腸粉可去大埔走一走. 若在太子吃腸粉和點心的話, 不妨考慮旁邊的點起來同樣是即叫即蒸,

此小點名為第一腸粉，咁究竟又係咪真係第一先？自己試過才知道是什麼回事，在這篇文章登出之前，才剛得知道它取了必比登的推介，但基本上不影響本人對此店的評價。此小店故名思義，主力當然是賣腸粉，但其實也有蒸飯、菜乾豬骨腸、蘿蔔糕及簡單的油菜供應，本人一人到來，基本上已經試不了太多腸粉，那麼更沒有力去試其他食物，唯有乖乖的吃兩客腸粉好了。先來一客薑汁豬膶拼招牌第一拉腸，雙拼腸粉貴上五元，滿以為是一碟之內有兩款不同餡料的腸粉，那麼可以讓本人試多一款口味，怎知道原來是在同一條腸粉之內混入兩種餡料，原來自己大擺烏龍。也要等上足足六至七分鐘，腸粉熱辣辣的上桌，看見腸粉的皮是稍為的偏厚，不過基本都是在最理想的範圍之內，吃入口很夠滑身，而且難得的有米香，不過問題是，何解入口有點漿漿的感覺，感覺上數年前的堂記、添好運及陳漢記都比它好一個馬鼻。除了腸粉皮是關鍵之外，餡料夠鮮、而豉油夠靚就更是不得了，是日的豉油確是夠濃夠香甜，而薑汁豬膶除了咬口夠爽之外，其味道也是來得很是豐富，香濃的膶味之中，竟能吃得出當中的薑及酒味；然而來本人雙拼的決定可能真的是超錯，菜甫滷肉的味道濃得蓋過了其他食材的味道，所以如不是本人單吃一

第一腸粉開業唔夠半年，就已經兩度加價。開業時腸粉都只係$15，現在已加到$19。$19食一碟腸粉，真係貴咗少少喎！唔知係咪因為加咗價，無咩生意，所以搞團購。因為住得近，所以買了十張 (@$10)，加選一款腸粉及豆漿一杯。前幾天，放工五點多到太子，於是就去食腸粉。要了豬潤腸粉，即叫即做，等大約5-8分鐘。豬潤份量少了，雖然豬潤爽口，但應該嗱過，所以有點化學品的味道。亦加了薑粒，但薑味不算濃。腸粉質地黏黏糯糯，算可以~

是咁的, 之前在團購網買左張腸粉+豆漿卷, 今日毒自去太子食腸粉呢度店子不大, 但裝飾幾靚我選了一味叉燒腸, 等左一陣終於有得食了看起來冇咩特別, 但食起上黎真係好正腸粉的皮真係水準之作,粉皮很薄, 很滑, 很香口叉燒就一般啦不過食起上黎好正豆漿就好香豆味收銀阿姐好好禮貎, 讚!!

本人最愛小店越小的店買買幾種食物,像台灣的小店是我最喜愛的那天針灸後想食少少清清地的食物又剛經過第一腸粉專賣店又無咩人,就試試吧本來真的很想試拉腸但見到對面枱的籮白糕和菜乾豬骨粥.....又很想食.....又只得自己一人唯有放棄拉腸 好好味呀~我最中意既蒸籮白糕菜乾粥都好好味....普通粥舖無得食~希望有機會再食,同埋試埋D拉腸~~~

是日有個特別工作坊, 完成後都五點幾, 文迪要去買衫, 又拉埋兩位姊妹同行. 之前當然要先找點吃的, 就來了這裡. 地方有點逼, 不過正值下午茶與晚市中間的時間, 要找四個位也無問題. 一場來到, 就試三款腸粉, 另外也要了蒸飯及油菜, 好足夠了.招牌第一拉腸 $17: 8分, 叫得招牌第一拉腸, 當然要一試, 看看是否第一. 腸粉是即叫即拉, 上檯時還是相當熱辣辣. 腸粉皮還算薄, 有米香, 材料包括菜甫以及豬肉燥, 是相當台式的做法, 把港式食物演變成台式食物, 是個幾特別的嘗試. 味道是如台式食物般偏濃, 但出來的效果還算匹配.蜜汁叉燒拉腸 $17: 7分, 至於叉燒腸的叉燒是比較肥, 腸粉繼續是水準之作.名爐鴨絲拉腸 $17: 7分, 鴨絲實了點點, 其實水準跟叉燒腸是相類似.蒜香排骨蒸飯 $20: 6分, 也要了客蒸飯分吃. 排骨的肉質比較實, 肥肉也不少, 蒜香味道入不到飯粒內, 飯是不夠香口.郊外油菜 $14: 7分, 揀了菜心, 還算鮮嫩的, 份量也不少, $14一碟, 其實都幾經濟.冰凍豆漿 $5: 這裡沒有茶供應, 唯有一人要了杯豆漿, 是室溫的, 豆香只算一般.或

師傅同好友食家"乜都放入窿"搵完魚住之後, 就四圍喺度行下; 講真食得好飽咩, 絕對唔係, 但肚餓咩唔覺有, 所以只係漫無目的地逛, 突然間黎度呢間食店前, 好友食家"乜都放入窿"就企左喺度望, 師傅亦望一望啦! 嘩! 唔望由至可, 一望發覺個名咁架勢, 師傅好友食家"乜都放入窿"都諗唔到一個理由唔行入去! 講真師傅本身對呢間食店唔抱太大期望, 因為覺得應該係堂記嗰啲朋友, 而且仲應該要冇咁掂, 但都覺得一試無妨! 入到去人唔算多, 地方唔算大, 好友食家"乜都放入窿"揀啱個靚位先坐底! 坐底後, 好友食家"乜都放入窿"見到有款叫招牌第一腸粉好似好勁, 細問店員係一啲炸甫, 肉碎之類嘅餡料, 覺得幾新奇, 加上望見餐牌係有雙拼選擇, 喺貪心和好奇嘅心底下, 決定揀第一拼鴨絲腸粉和一份蘿蔔糕!等左一陣就有得食, 首先登場並唔係腸粉, 而係蘿蔔糕; 蘿蔔糕係蒸的, 入口並唔算非常之熱, 但一啲都唔凍, 冷熱堪稱適中, 入口發覺蘿蔔勁多, 基本上係蘿蔔多過糕, 而蘿蔔切得大件, 主要原因係冇咩糕粉, 所以大件蘿蔔係用黎盛托糕身, 防上一夾就碎, 加上蘿蔔勁甜冇渣, 呢份蘿蔔糕真係唔少料, 師

其實自己都幾喜歡食腸粉，不過皮薄餡靚的腸粉不太易求。佐敦的「堂記」是眾所周知有水準的一家，不過特地去到八文樓只為了吃一碟高水準的腸粉，我卻未有這麼大的動力。幸好近日太子區開了一間專賣腸粉的店舖「第一腸粉專賣店」，試過之後，覺得腸粉質素雖仍未如「堂記」般高，總算不俗，而且這小店的蘿蔔糕水準也高，加上店子所賣的都是廉價的食品，即使最近幾乎全部店裡的出品都已加了價，仍然是價廉味美之選。這確是一間小店，地方不大，店內環境一般，也不是它的賣點。這兒最突出的亮點是有多款頗有特色的拉腸售賣，在全部八款腸粉中，除了 「蜜汁叉燒腸」和 「蔥花蝦米腸」較為普通之外，其它的款式好像 「名爐鴨絲腸」、 「薑汁豬膶腸」、 「脆瓜雜菌腸」和以店名命名的 「招牌第一腸」等都饒有特色。因為這夜老婆仔想吃「名爐鴨絲腸」而我又想叫「薑汁豬膶腸」，所以捨棄了感覺較為健康的「脆瓜雜菌腸」和以菜甫和豬肉燥為餡料的特色「招牌第一腸」。而除了兩碟腸粉之外，為免不夠飽肚，我們還叫了一碟「第一蘿蔔糕」和一杯「凍豆漿」與腸粉作伴。講到味道，兩碟腸粉都是挺不錯的，而美味的主要來源，則是那甜味稍重，但頗為好味的醬油。至於餡料方面，鴨絲暖暖的

踏入九月，天氣仍是那麼熱。胃口並不算很好，以一碗粥加一碟腸粉來當作正餐，也是十分正常的一個道理....這間小店膽敢以"第一"來稱呼自家的腸粉，想必應有兩下散手了吧。腸粉選擇若有十來款，想要吃清一些，就簡簡單單的吃碟魚片腸。豉油另碟上，免得店方擅自下得過多，破壞了腸粉的真味....吃腸粉又怎能沒有一碗有水準的粥 ? 這裡最吸引的當然首選陳腎菜乾豬骨粥。滿滿的裝滿一大碗，肯定吃至一肚水了；粥不算很綿，但嗅落很有菜乾的香；粥本身味道有些偏鹹，可能是陳腎或豬骨的味走了進去吧，不過啃一口豬骨，味道又是那麼鹹的，真的不宜多食，還是老老實實的只吃菜乾及陳腎吧；菜乾份量是佈滿整碗粥，抵吃；陳腎是一如所料的硬梆梆的....至於那"No.1"腸粉又如何呢 ? 皮不厚也不薄，嗒落欠米香且有黏筷情況出現；鮮魚片切得甚厚身，雖帶微甜但略有腥氣；豉油很甜，是一種很人工的味道....灼菜心是後加的。莖部很爽甜。想不到這碟菜竟比主角們更出色...以此水準便稱之為"第一" ? 那就不禁讓人嘖嘖稱奇了...

作為腸粉專門店一定有招牌腸粉做賣點,正是"第一腸粉"!好吃與否則見仁見智啦! 但可以肯定的是腸粉皮確實做得不錯其實只是食回童年時的腸粉般沒兩樣!滑牛肉腸粉牛肉跟日常食的免治碎牛不相同,是切片後略為挅一挅.有肉味而又夠幼滑總括來說:~ 味道始終是以前的做法最好味! 也就是回到從前!

在香港，吃腸粉的地方多的是，一般酒樓、粥舖由朝到晚都有供應，但在芸芸點心之中，腸粉從來只是配角，廣州則剛剛相反，不論是人氣店銀記或街坊店新聯，每朝早皆人頭湧湧，以拉腸為主、粥品為副，說出了兩地飲食文化的差異。除渡船街堂記外，最近太子砵蘭街出現另一間腸粉專門店，名為「第一」，位置就在大記攦粉的對面，地方小小，卻打正招牌賣即拉腸粉，莫非是香港銀記？非也，這裡賣的腸粉外表普通，特色在於供應不同口味的餡料，包括鴨絲、豬潤、魚片等，其實真的有點堂記影子。先來蜜汁叉燒拉腸 ($17)，拉腸皮軟糯帶黏性，據知是沒加澄麵之故，口感跟平日吃的滑溜大為不同，可惜內裡的叉燒實在太失敗，色雅亦欠蜜味，一味軟腍非常單調，如不是出色的豉油搭夠，絕對是個不合格。接著是押上店名的招牌第一腸粉 ($17)，以菜甫和豬肉燥作餡，後者味道香濃，雖然略嫌有點搶味，但配合菜甫吃，的確挺有新意的！地方細，裝修簡單，做的是街坊生意，服務就不要有甚麼期望，反正食完印象也不會深，至於店名「第一」的意思，或者係指太子「第一間」腸粉專門店卦 ．．．

太子區砵蘭街食店林立,是日目標為餃子店及布拉腸粉其中之一,上次客滿的第一腸粉今次竟有吉位,那就吃腸粉吧。小店佔地不大,本打算選個自閉單人位算數,疑似老闆笑笑的請我坐四人桌,那就卻之不恭了! 原來剛在拉腸粉位置前面,一站起來就可看到師傅拉腸粉了,而且還是位年青小伙子負責,後生可畏! 雖說是製作需時,其實人客不多的時候,等候時間絕對不長,比日前買份三文治的時間還要快。不出一會,阿姐已將兩碟淋了很多豉油的布拉腸粉送來了。薑汁豬膶拉腸($17)。豬膶呈淡咖啡色,每片切得極薄,應是方便蒸熟原故, 結果真的每片也全熟,沒有什麼微紅或血水出現,放心! 豬膶切得薄但仍有爽口之感,相信是用上爽脆黃沙膶了,要是厚一點應會更爽口的;薑汁味道輕輕透出反而不時有點薑絲纖維出現,以證真材實料,薑汁配豬膶除可消除內臟臊味還可以加添額外香氣,確是很不錯的配搭,只是個人覺得豬膶份量似乎有點少了。蜜汁叉燒拉腸($17)的叉燒份量相對較多,切成細粒的艷紅叉燒真的有蜜汁味道,甜甜又有點芡汁的叉燒粒真的不錯,叉燒也沒什麼肥肉或過韌,唯一只欠一點芫茜,要是可以加多一款香茜叉燒拉腸作選擇則更讚,老闆可會考慮一下??看菜單才發現這裡

星期日，阿媽又懶得煮，於是買粥食。預先打電話落柯單，10 mins 後去攞，唔洗喺嗰度等。每人都要了一個菜乾豬骨粥，再叫了3個腸粉同2個蘿蔔糕share食。腸粉要了招牌腸、牛肉腸同豬潤腸。先講個粥，較杰，每碗都有舊大豬骨，幾咸香嘅。不過因為粥底較杰，所以越食越膩，食咗2/3已經開始飽。招牌腸，魯肉餡，偏咸，而且整體味道同腸粉唔太夾。牛肉腸，唔係免治牛肉，而係用牛肉片，雖然唔係大大片，但切開嘅時候都會比較難；味道ok。豬潤腸，自己都係覺得豬潤同腸粉最夾，豬潤爽口，而且還有薑絲。蒸蘿蔔糕，大大件。係我鍾意食嘅蘿蔔糕，因為真係食到蘿蔔絲。真材實料，唔係淨得粉，有大大條嘅蘿蔔絲，也有少許蝦米。

晚上9:30放學後唔知食乜,最後選擇了食腸粉.本人由細到大都非常喜歡食腸粉.腸粉白白滑滑通常都是布拉所以入口不太熱暖暖的感覺非常好腸粉最重要的是粉漿,此家都可以啦!店內地方不大,大約坐20人食物選擇也不多,但主打的腸粉都有8種今晚叫左一碟"招牌第一拉腸"腸粉的口感霖左D,入面包左D像似台色滷肉的豬肉碎.其實依個組合本人都ok但因自己偏愛腸粉所以覺得肉多左D.另還叫左一碟蒸的"第一蘿蔔糕"依件糕就唔係好得啦,一D都唔細緻.咁料都係夠面還有很多蝦米仔,但唔細緻係因糕內的蘿蔔是一條條非常明顯的,每條都至小有手指咁粗.所以糕和蘿蔔分得非常明顯此本人就不太喜歡.最後叫左一胚凍豆漿豆漿不太甜,都有小小豆味ok啦因就脚所以都會再嚟試試其它腸粉但就能太多人一齊去啦2-3個人就ok