臨家麵館

Open Now

Now Closed

#chuchu食在荃灣📍 臨家麵館 係食台南特色麵的！大大個紅色招牌！keep住都好多人入！好光猛，坐得好舒服！💡好近悅來熊貓酒店的！—————————————————————❣️ 紅酸湯本地（新鮮）崩沙腩台南扁粉 $65崩沙腩大大舊！好腍好有牛味的！紅酸湯甜甜酸酸似加左小少辣嘅蕃茄湯，好開胃！唔算好辣！可以一試！第一次食台南扁粉幾特別，有啲似幼河粉，吸滿湯底味，好好食！仲有鮮豬肉碎、旺菜絲、野菌菇、葱花及芫茜！✨ 牆上寫住-阿里山酸湯古法發酵老壇酸湯經多年室溫發酵而成，可降血壓又可以減肥😏.❣️ 臨家牛𦟌撈麵 $52呢碗就係台灣麵做底，硬身啲啲！牛𦟌夠厚份量都好多！入口無筋彈牙的！有秘製炸醬，旺菜絲，青瓜絲，花生，酸菜，蔥花及芫茜，超大碗的！.❣️ 麻辣大腸 $32豬大腸炆得超淋，又唔會話太辣，唔食得辣嘅🐷都好ok! .❣️ 台南鹽酥雞 $42去台灣旅行必食！有台灣嘅味道！炸到脆卜卜，入面肉都好嫩！炸粉好薄！.❣️ 凍熱檸蜜 +$10 （跟餐）.💬 姨姨好好！服務好又醒目！見到佢對客人好細心又有耐性！—————————————————————不專業評分👅好味指數: 8.5/10 💰性價比: 8

睇完戲到咗大壩街食晚飯，貪呢條街多嘢揀吖嘛，行過見有間新粉麵鋪開咗，價錢唔貴就入去試試啦。睇睇餐牌，主打阿里山酸湯粉或沙茶湯，仲有台南扁粉，唔唔，就界定佢係食台灣嘢啦。⭐紅酸湯豬潤台南扁粉既然係主打咁就試下呢個紅酸湯同埋台南扁粉先，餸就揀咗要豬潤。湯頭酸酸地帶有蕃茄香，入面仲混咗唔少雜菌、菜絲、芫茜同肉碎，味道豐富。豬潤下的相當多，一鍋入面起碼有十幾塊，而台南扁粉口感有啲似河粉，滑滑地又有咬口。呢一鍋真係唔簡單，湯底本身已經好多配料，加上豬潤同粉又好多，一鍋根本食唔曬😂⭐台灣紅燒牛腩麵朋友就話揀個大路嘅紅燒牛肉麵，不過睇清楚餐牌，呢度係寫紅燒牛腩麵嘅。朋友個碗一樣好大碗，牛腩有五、六件，件件厚切，炆得軟腍入味，咬落仲係膠質狀添🤤個湯底濃郁鮮甜，台灣麵彈牙有咬口，好好食呀。⭐麻辣蒜泥五花腩片落單時冇諗過兩碗粉已經咁多肉，仲嗌咗兩款肉食系小食添，先嚟呢個麻辣蒜泥五花腩，五花腩薄切但肥美，咬落甘香好正。個生蒜好辣口，但越食越上癮，最後忍唔住食曬成盤蒜😆⭐麻辣大腸仲有麻辣大腸，雖然個名冇蒜泥兩字，但係上面都係鋪滿麻辣加蒜泥，基本上同五花腩片調味一樣嘅。大腸清理乾淨冇異味，肥滋滋有咬口，吸左麻辣

本人分別在1月9日及26日，前來君記麵家吃晚飯。前者叮吃了沙茶虎皮鳳爪；後者則和家人吃了阿里山蕃茄紅酸湯崩沙牛腩扁麵及阿里山蕃茄紅酸湯海鮮扁麵。服務：部分服務員熱情客氣沙茶湯底口感像譚仔三哥的糊辣湯底，鹹味中度至略鹹，濃厚。虎皮鳳爪的皮比起平時吃的粵式鳳爪韌但爽，給人們新口味；紅酸湯的蕃茄汁味濃郁，所有很開胃；加了肉碎使味道更加豐富。海鮮新鮮，魷魚只有魷魚鬚而沒有身體，另有兩隻蝦碌，甜美。裝修堂皇，加上台灣音樂，令人感十分道地。  以下食物在1月26日食用：阿里山蕃茄紅酸湯崩沙牛腩扁麵(下)及阿里山蕃茄紅酸湯海鮮扁麵(上)

🩷今日特登過嚟試阿里山酸湯粉嘅滋味，入面充滿野生蕃茄嚟發酵，原來要90日嘅等待？當然要試吓啦，呢間店流轉都好快，所以好快有位坐！❤️紅酸湯崩沙腩台南扁粉 $65一上枱已經見到湯底呈現鮮紅色，本身都屬於小辣，但係我唔舒服叫咗微辣，湯底非常豐富：除咗有碎蕃茄、椰菜、菇類同埋香濃肉碎，只係品嚐湯底已經好滋味！而扁粉好似河粉咁，但更加幼身，崩沙牛腩肉味香濃，質感就比較煙靭，另外牛腩皮好香滑，味道不錯！❤️🐟紅酸湯魚片台南米線 $52湯底一樣惹味，但係魚片啖啖肉，滑嫩鮮味，都幾不錯！🌶️麻辣大腸 $32呢個幾好食喎，大腸洗得乾淨，煮到勁腍，醬汁入面加咗大蒜同埋辣椒 🌶️，推薦！💚手拍青瓜 🥒$22手拍青瓜切到好細粒方便食，入口充滿酸味，加咗鮮蒜蓉 ，感覺好開胃，再加咗花生調味，份量都算多！

荃灣廣場旁邊大壩街有間新開主打台南特色麵的「臨家麵館」，座無虛席，門庭若市。店內環境光猛明亮，乾淨衛生。崩沙腩沙茶麵（配台灣麵）：先呷一啖湯頭，沙茶湯底濃郁而且帶有花生香氣，用上豬骨湯底長時間熬製。再配上用上牛部最矜貴部位崩沙腩，崩沙腩即是爽腩，面積小及有塊薄軟膠質，爽軟不硬，貴過坑腩。崩沙腩正的地方，是那塊筋膜。爽口的筋膜，配着炆得腍身的腩肉，好吃，一咬即脫的一絲絲肉。紅酸湯海鮮蝦與魷魚粉扁麵：用上野生蕃茄自然酵素，醇香綿酸，釀造九十天的紅酸湯，帶有蕃茄酸湯帶點微辣，有鮮豬肉肉碎芫荽、野菌菇、旺財絲蔥花，增加香氣。爽彈海蝦、好新鮮，仲有魷魚鬚，不錯，加上特色台南扁面，阿婆都咬得到、好焾身。鹽酥雞：保有水嫩感，醃料的調味料沒有過量，加上九層塔，熱辣辣，脆卜卜，好味。虎皮鳳爪：脫骨先炸後鹵，有爽感的嗦爪體驗，肉厚筋多，肉肉飽滿軟糯Q彈，嘴巴輕嗦輕鬆脫骨，毫不吝嗇的海量蒜蓉，仲有五香孜然粉，零舍香，一食愛上。總結：大碗抵食台灣正宗麵首創阿里山紅酸湯底

一直知道呢度有間新開嘅台灣麵，但係一直都冇時間去食，每一次經過都好多客人，今日終於有機會嚟食啦，佢今日係星期日，所以就算好早到都要等咗15分鐘，所以大家想試嘅話就應該平日早啲黎比較好。呢度最出名嘅就係紅酸湯，所以我首先就叫個紅酸湯崩沙腩台灣麵，叫完之後發現隔籬枱都係叫呢個，呢個應該真係最好食。一上枱已經見到好多崩沙腩，而且份量都好大，試咗啲牛腩原來真係比較新鮮，而且肥瘦適中，真係唔怪得咁多人食啦。而且佢嘅紅酸湯原來就係蕃茄湯，而且唔會太辣，食落好開胃，好推薦大家試吓呢個湯底。另外我朋友仲叫咗個豬腩肉撈麵，雖然我唔係特別鍾意食撈麵，但係試咗一啖，真係好開胃。而且佢腩肉唔係太肥，肥瘦適中，唔怪得呢間餐廳咁多人啦。另外我覺得佢嘅鹽酥雞都好值得一讚，因為雖然佢係專食湯麵嘅，但係佢嘅鹽酥雞都好出色。炸雞炸得外脆內嫩，而且調味啱啱好，唔怪得咁多人嚟試啦。呢間餐廳價錢又平，而且食物質素都好好，好多錢大家嚟試吓。

十幾年前去福建出差時食過餐沙茶麵一試難忘，見到佢寫係台灣嘅沙茶麵都好有興趣去試，平時門口都好多人，問吓佢一個人居然唔使等，咁就試吓啦。我自己唔食牛肉，所以最多人食嘅紅燒牛肉麵我就無福消受啦。另外兩個主打係沙茶麵同埋蕃茄酸湯麵，今次就試吓沙茶麵叫咗沙茶虎皮鳳爪另外再加咗一份白菜豬肉餃$10配扁面都等咗一段時間先上枱，個湯好深色，但係又唔算好濃味，不過不失，反而最驚喜佢配菜入邊有好多菌類。 虎皮鳳爪即係炸過嘅鳳爪，幾索湯。另外加咗一份白菜餃， $10居然有四隻，幾抵見到對面位食緊蕃茄酸湯，聞落都幾香，下次會試吓。

晚上一家三口第一次嚟呢度試食。崩沙腩唔係出邊食開崩沙腩，皮有一大塊連小量腩肉，非常伏（見圖）！沙茶湯底就味道不俗！小朋友唔食得辣，就嗌咗個番茄湯底嘅紅燒牛腩面。番茄湯底有好多蕃茄，味道亦唔錯，不過牛腩始終比較「鞋」，唔係好靚嘅部位！總括嚟講，呢間鋪頭湯底不俗，但啲牛肉真係唔係好得！

下午茶比較抵食今日下215去到，其他餐廳可能剛剛開始下午茶，應該不會太多人，但佢可以差不多滿，到食完都不斷有客人，厲害啊。味道 (3分)紅酸湯五花腩台南扁粉($48)— 用銅煲上，幾大碗，有兩三種菌，豬肉比較薄無乜口感同肉味，所以配料分量真多。— 酸中帶微辣，幾開胃環境(2分)— 座位偏窄，基本都系搭檯加無擋板，服務(2分)— 落單遲反而早有。衛生 (3分— 一般抵食(3 分)_ 分量真大，下午茶有送餐茶，系座位比較窄

平時去開隔離買麵包，成日都見佢好爆場標榜用台灣扁麵呢日就過黎試下崩沙腩紅酸湯台南扁粉紅酸湯都幾特別，酸酸地麵底可選台灣麵，台南扁粉，台麵扁麵，米線，揀左台灣扁麵，同幼身河粉差不多，但更滑身崩沙腩煮得好淋好入味，肥瘦均勻，正扁粉配紅酸湯都好夾，另外配菜有鮮豬肉碎、旺菜絲、野菌菇、蔥、芫茜好豐富朋友叫左同款湯配豬潤幾爽口，而且份量好多台南鹽酥雞即叫即炸，熱辣辣，外皮脆卜卜，入面d雞肉好嫩滑麻辣大腸 滷得入味 有嚼勁又香又麻

荃灣餐廳越嚟越多元化，臨家麵館是主打台南麵食的新餐廳，提供幾款特色湯底，價格親民實惠。✔️紅酸湯本地（新鮮）崩沙腩台南扁粉$65餐單上顯示紅酸湯湯頭需要90日釀做和自然發酵，形成甘酸綿密口味，湯底酸中帶小辣，清爽開胃。內裏配菜除了有很多新鮮蕃茄粒塊、豬肉碎、芫荽、蔥花之外，比較特別的還有羊肚菌、靈芝菇、娃娃菜等。扁粉由三種稻米磨漿製成，特別爽滑！係用筷子夾住會瀡落嚟嗰種滑！崩沙腩口感亦都唔錯！✔️紅酸湯豬膶台南扁粉$48朋友都揀咗紅酸湯扁粉，試咗呢個湯底之後，表示愛不釋手，豬潤火候啱啱好，好嫩好爽口，最重要係$48可以試新嘢，性價比好高！✔️台南鹽酥雞$42台南經典小食，份量都幾大，外皮酥脆，咬落去仲有肉眼可見嘅雞汁。✔️虎皮鳳爪$32有六大隻，好抵食。用醬料醃製過，外皮Q彈完整，仲有生蒜調味。✔️凍奶茶$0（下午茶時段奉送）✔️凍西洋菜蜜$0（下午茶時段奉送）配合港人口味，有提供一般茶餐廳飲品。下午茶時段2:00p.m.至5:30p.m.凡惠顧粉麵，奉送冷熱飲一杯，好抵！

今日嚟到荃灣嘅臨家麵館食晏以為只係普通街邊嘅麵店，冇咩特別點知有驚喜喎！價錢親民，仲有唔少選擇。蕃茄崩沙腩扁麵估唔到勁多鮮蕃茄，令到湯底好鮮甜。湯底仲加入咗肉碎、野菌、旺菜、非常足料。崩沙腩仲係用本地嘅新鮮牛肉，食落又淋又入味。台南扁麵夠爽滑，同湯底好夾。紅酸湯崩沙腩扁麵呢碗賣相有啲似蕃茄麵，點知個味完全唔同。除咗有鮮蕃茄嘅甜味，仲食到酸菜味，但兩者比例好夾。個湯底好開胃，越飲越上頭，一定要試下！仲嗌咗兩個小食，就係鹽酥雞同埋麻辣牛展前者炸得酥脆，後者就唔會太辣。

平時Lunch都會附近搵食，Lunch時間見都多人係門口等位～上星期終於入咗去試下🥢職員都算禮貌👍點咗紅酸湯魚片麵，原來入面都好多蔬菜仲有雲耳，湯嘅味道好開胃，魚片都唔少。另外叫咗個豬腸，好淋， 幾野味，整體質素不錯呀 下次試下沙茶湯底 個同事叫咗味道都好香👍👍

因為第一次試呢間餐廳 唔係幾知道食物份量所以就好似平時咁.. 一人一碗麵+一個小食~而最後就係食唔晒😹個份量真心好多🙋🏼‍♀️紅酸湯牛肉片扁粉個size真係大到有啲嚇親我!碗麵係用個好大既金色鍋裝住 望落都好有gimmick~份量絕對夠一個成年男人食飽晒!紅酸湯其實係蕃茄湯底真係見到好多蕃茄肉 絕對唔係用湯粉沖出嚟既感覺~牛肉既量好多, 而且個形狀都幾特別唔係一片片嗰種鮮牛肉既shape,而係有啲似牛肉碎~但一夾上黎就係一大抽牛肉碎~口感好好 有嚼勁!至於麵底~ 我就揀咗扁粉個口感似撳扁咗既烏冬🙋🏻‍♂️台灣紅燒牛肉麵有兩大舊牛腩~ 炆到好淋 好索湯汁一咬落去唔止牛味 仲一定會食倒湯頭既鮮甜!除咗主角牛肉之外~ 仲有好多大大舊紅蘿蔔所以飲啖湯嘅時候就會發現有份紅蘿蔔既甜~麵底份量足夠! 算彈牙~🐣台南鹽酥雞見到價錢, 以為得幾舊雞..心諗我哋兩個人一定食得晒啦!點知一黎到, 原來有成1x 舊雞😹勁多外皮炸得夠脆, 雞肉嫩滑但調味方面可以再香口啲~🐖麻辣大腸可能因為要迎合大眾對辣既接受程度所以個麻辣唔算好辣~反而調味方面加左好多蒜頭令到個大腸好香口份量方面..多得好誇張😹

今天光顧了這家新的台灣餐廳，見到餐牌門口貼滿了食物的相片，非常吸引，望入去見到以金色容器承載着一大碗麵，非常好味似的，於是抱着即管一試的心態進入餐廳。這家麵館有很多選擇，有阿里山酸湯粉、蕃茄濃湯底、台南沙茶麵、肉燥撈麵及各款特色小食。麵底可選台灣麵、台南扁粉、台灣扁面及米線。我們叫了：💐 紅酸湯牛雜台南粉紅酸湯很特別，有蕃茄甜甜酸酸味道，非常開胃，帶少少辣味，材料豐富：有牛肚、牛肺、牛腸等，真係好大碗！💐 醬滷大腸沙茶麵比想像中辣，很多大腸，另外亦好多配菜包括肉碎、旺菜絲、野菌菇，蔥花及芫荽等，好味！跟餐飲品加$8可配奶茶、咖啡、檸茶，冷熱同價。👍🏻Remarks:台南扁粉：好似較幼身的河粉，煙煙韌韌台灣扁面：與台灣麵差不多，沒那麼粗身而已，我最喜歡。