興華粥麵

Open Now

Now Closed

今日早餐時間由石峽尾行去深水埗，途中幫襯了呢一間街坊粥店，都OK，最起碼無乜味精。叫咗碎牛粥一碗同炸兩一碟，碗粥個粥底都OK唔錯，炸兩同平時其他地方食到嘅一樣就係件油炸鬼唔會脆，咁佢個腸粉皮都OK嘅，唔會黐埋一Pat Pat咁樣。

在香港或離開香港時，最懷念的食物之一是雲吞麵和炸両腸粉，這天路經此老區，必須吃的就該是此食物。雲吞麵，雖說此麵必吃，但一般來說，我都吃米粉，沒有吃傳統的鹼水面。原因是米粉更健康！鹼水面由麵粉、雞蛋和鹼水、水而成，主要是鹼水本身不太天然，但卻因它的出現令麵條更爽囗。我則選擇更天然的食品。炸両腸必須選擇自家店制作油條的，才會點此小食，否則油條還要從其他地方送來再制作炸両腸的話，便不能使油條更為新鮮脆口。不過中午時分，制作油條都過了一段時間，沒有新鮮感了。

趕時間，路過此店，入內吃碗麵。點的是牛肚粗麵，湯頭略鹹，粗麵爽口彈牙，但有微微的鹼水味，加點醋同吃，也算可以，牛肚爽口，不太入味，我是比較喜歡軟一點的牛肚。總的來說，這牛肚麵只是一般。進食時看到店內的顧客多是吃粥的，可能粥的水準比較好。提到顧客，店內不少顧客是長者和帶着小朋友的家長，看來是附近的居民，他們和店主店員頗為熟絡，大家有說有笑，氣氛融洽。

天氣好似無禁熱 想清清地就揀左食粥😊滑雞豬膶粥👍🏿 豬膶同雞都好食粥好綿🤤仲有蔥配埋但炸兩就😥😥第一碟上到枱發現有鋼線然後油炸鬼好淋 唔好食🫠價錢$38 +$15晚餐$53 🫣

平日早上到石硤尾，見到舊式粥店，即到入內懷緬一番😄。地方不大，可能疫情關係，抬也不多，則邊有卡位，中間就只有2張大圓格，座位自然有限，沒設有膠隔板，但食客不多，影響不大。衛生環境咪一般啦，服務員也一定是街坊親熱型。菜乾豬骨粥，十分正，味淡入味不油膩，花生好腍，但炸腸就麻麻，有點失望，油炸鬼好韌腸粉一般，醬料芝麻是自助的，十分鍾意，可以自己落多少都得，以家噶就十分實惠。此店也有牛腩粉麵，價錢竟然只約30文，下次在到附近也可一試。

石硤尾舊式粥品店，豬潤腸做得幾好，夠滑，又唔會有腥味，個豉油都好味！但個皮蛋瘦肉粥就完全唔掂喇，冇味道嘅！服務就冇特別好與唔好，都係落單、上菜、食完俾錢走人咁囉⋯⋯

偶然經過呢個小區，見到呢間懷舊粥麵店，就試一下。今次叫左菜乾豬骨粥，豬膶艇仔粥，炒麵，油炸鬼。菜乾豬骨粥菜乾唔係好夠香，豬骨唔係用鹹骨來煲，特別之處係加左花生入去煲。所以同食開的有少少唔同。艇仔粥反而有啲驚喜，同第二度食的有少少不同，足料，有薑味，令到個艇仔粥的味道好濃，好好味。炒麵同油炸鬼同食開的一樣。就冇乜特別。整體上都可以一試。順便行吓呢個好舊式，好慢活的小區。呢個小區同鄰近的旺角，深水埗區係非常唔同，值得行吓。

行過石硤尾都喜歡到這間街坊小店食粥。內𥚃裝修簡單，坐位算是闊落。因為多數來的時候多數是早上十一時左右，客人唔多，多數只是公公婆婆。伙記對食客粗聲粗氣但又唔係無禮貌，就好似對老朋友的。唔會催人落單或埋單，可能慢慢嘆一碗熱粥，加一碟炸兩。今次叫皮蛋及第粥（$31），粥底好綿，講真，好過好多粥鋪，冇乜味精，但及第粥冇肉丸的，豬潤爽口而冇豬敖味，粉腸唔錯，好乾淨，肉片都新鮮的，量少，每樣只有一兩舊，碗內加有幼薑絲，另上一小碟葱花，可能好多人叫走蔥吧！如果只食一碗粥當正餐係唔夠的。加一碟炸兩（$12），上枱油炸鬼夠脆，但唔似剛炸好的，腸粉粉皮都唔嚡口，唔算太厚，好吃，淋上甜豉油，十分滿意的早午餐。

昨晚去買外賣，$35味道還好，撈麵有耗油生菜，今日去買多次，結果份量大減，無耗油，生菜大減都算，份量仲少過湯麵走去問佢，同我加返半個麵，仲話係正常，我懷疑日班和夜班是不是兩批人，下次我要夜晚去先得

幾年前來這店, 食評Dec2014還在, 店還在但裝修過後行過都有點認不出來, 幾年前感覺是滄海遺珠今日你當我地係豬! 食物(主要係粥)落咗大量嘅師傅, 越食越口渴, 生麵還未清梘水味, 不見有老人家只有一個阿叔在廚房同大廳行來行去, 而收錢櫃那邊有個收銀阿姐連同一個細路, 再加一個中年男丁同客落柯打, 似係一家人做晒, 唔清楚要師傅落咁重手的原委但連這一關也把不好, 我們專程走過來吃的意欲都沒有了, 當日所見客人還是以阿哥阿姐為主的, 難道他們感覺唔到?定還是放棄了?連提醒年輕人不可以貪方便或者為省成本而放棄傳統的粥係煲出嚟架! 唔係撈出嚟架!

呢排朝早都好熱, 但又想食得清清地, 所以早左站落車, 去左興華買碗粥,多數都係食艇仔粥。大大碗都係 $15, 外賣加1蚊炸兩都係10蚊, 不過喉嚨已經有少少痛, 唯有下次食啦 !!睇下餐牌, 價錢都唔貴, 完全大眾化。店內坐位不算多, 可能时間太早或者太熱, 人流唔算好多大大個廚房比你睇到點煮, 其實呢種小店真係賣少見少了。我唔食魷魚, 叫左阿姐唔要, 佢話會比多D其忚料我啦 ~5分鐘好快就有啦 ! 拎到公司仲好熱,果然好多料 ^^最重要的粥底好綿, 食晒都唔會覺得頸渴,份量好足夠, 食晒成碗, 連LUNCH都仲好有飽肚感。未食過炒粉, 炒麵, 炸兩, 希望下次再食先 !!

這間自己很偶然地也會幫襯的街坊粥店最近易了手，這次幫襯，門外的花牌仍在，可惜，店鋪易手的結果，對顧客來說，不是好事。先是服務，一位明顯生手的阿姐竟可以在一分鐘內連錯三次，把我叫的「及第粥」換成了「艇仔粥」端給我，又拿著一碟「炸兩」先後兩次問我和另一位同檯的食客是不是我們的。但其實，我們兩個都沒叫。這也算了，始終是生手吧！有點混亂還算情有可原，但那碗「及第粥」卻實在令人難以原諒。也做了數十年人了，從小吃到大的「及第粥」吃過的真不少，可我從沒見過一碗「及第粥」是沒有豬腰、沒有豬膶、就連豬肉丸也沒有的。有的，就只是兩件豬肚、兩塊肉片和兩條粉腸。這樣的一碗所謂的「及第粥」，就算味道不怎麼樣，豬肚和粉腸質素還可以，也絕對不能令人接受。

週日本來想到石硤尾街/ 窩仔街口的點心店食點心,點知那點心店已經賣盤,名字轉了而店亦轉型為一間飯店, 因為時間是4-5點員工在吃晚餐, 所以沒有點心食了, 在那條街前後望了望, 太座決定食粥!白粥$8 OK味道但這裡嘅白粥係落咗塩的, 所以無須再落塩了,义燒腸粉$13 腸粉皮唔可以用酒樓標準去睇, 要用傳統粥店的標準去睇, 腸粉皮比一般酒樓的厚一倍是必然的了, 餡料嘅义燒好稀有地分佈在內, 甜豉油就十分慷慨地浸沒腸粉!艇仔粥$18 這裡嘅艇仔粥是有魚片的, 值番18蚊, 其餘的配料都有晒!白灼豬潤$50 這碟本來是叫腰潤的但本人不喜歡吃腰, 叫阿姐”走腰換肚” 但廚師可能手勢慣了,一拿出來的又是”一碟腰潤”就俾我們退貨了, 所以照片所見已經是第二次出來的再執版本, 豬肚剛好淋身, 豬潤亦是剛剛好口感沒有因為第二次拿出來而過了火, 兩樣豬內臟都沒有豬顫味, 雖則賣相有點零亂但這少少嘅缺點被技術擊倒了!下次再來會試下麵類!各位阿哥阿姐繼續努力呀!以有限發揮無限!心底無限支持!

　　天氣已開始轉涼了，而且十分乾燥，所以想吃一點又熱又多水份的東西，但又不想吃得太油膩，才想到要吃粥。　　這家粥麵店大概已在這區很久了，但我一直都沒機會光顧，一來是因為沒路過，二來就是路過的時候總不是用餐的時間，朋友都說這裏的東西不錯，所以我決心一試。　　這是一間樸素的老店，環境比較老舊，可尚算乾淨。午膳時間，人倒是挺多的，有不少邨內的街坊，拿著報紙在看，以及在店內看電試。牆上貼滿了可供選擇的粥麵名稱。　　我二話不說就點了艇仔粥，不久便上來了。它可取的最重要原因是夠熱，而且粥底夠綿密，我再用匙拌一下，看到不少魷魚，熱乎乎仍冒著煙的，鹹淡適中，不錯，夠濃稠。又不會實實膩膩的。　　因為想再點一些別的，我就想要炸兩，可是店家表示油條和炸兩都賣光了。我便點齋腸，可適齋腸有點失望，因為它實在很厚重，幾乎夾不起來，軟軟濕濕的黏作一團。而且醬料放得不夠，豉油放得很多，可是甜醬和麻醬芝麻都放得不夠。

中秋將至，雖然正午時陽光仍然猛烈，一早一晚已開始有點涼意，又是時候可以吃碗粥做早餐。 來到這間相信都應該已有一段歷史的粥麵店，簡簡單單地叫來一碗「及第粥」做早餐。粥底頗為綿滑，米粒都已爆開，粥味雖然稍淡，但正是粥裡面沒下師傅的有力証據。及第料中最值一讚的是那兩片一大一小，一厚一薄的豬膶，是滑溜的黃沙膶，口感味道都不差。兩片豬心也不錯，爽滑得來也有味道。兩件豬肚中規中矩，最平凡的要算是那只得一粒的豬肉丸，既細粒，味道也普通。但這碗「及第粥」最教人感到遺憾的，是不只沒有豬腰在內，而且就連粉腸也沒有，到底是否師傅忘記了下呢？就不得而知了。雖然是有少許失望，不過平心而論，這粥麵店的「及第粥」仍是及格的。