茶果財

Open Now

Now Closed

好彩入大澳之前上0黎Openrice 做了功\課, 唔係一定唔識0黎呢度-- 同朋友0係石仔(土步)街左搵右搵都未搵到呢度, 打算放棄之際, 竟然見到一堆人圍住一個擺\檔的阿伯, 一見係糯米茲, 中晒!買了隻(花生芝麻椰絲砂糖餡)糯米茲($3) 坐0係佢\對面d 櫈度食... 層皮好薄, 極煙韌, d 餡食落當然甜但又唔會太甜, 100 個好食! 唔怪得咁多人專登行入0黎搵佢\, 果然值得推介!朋友食完仲額外買了4 隻拎出市區俾佢\的屋企人食, 哈哈!今次真係多得Openrice!

唔係睇左食評就會錯過因為好唔明顯間野幾多人買間野出面有D 俾坐買左個試3蚊有手掌噤大件好抵食好煙UN 仲要唔痴牙平時個D好痴牙GA MA走前走買多次剛剛整好的都好食但仍住第1次食好食D~

上次去大澳可能太夜, 糯米磁巳收檔, 失望而回。星期日食齋後想再碰運氣, 見到有人排隊買, 老闆又話所剩冇幾, 擔心不是又食唔到呀! 好彩老闆先登記, 看糯米磁是否足夠供應才賣。幸好今次能買到6粒, 帶回家讓家人品嚐。回家後一試, 首先糯米磁好大粒，花生椰絲餡料十足但較甜。糯米的皮很軟又煙韌，不怕黐牙，皮的表層不是用椰絲, 中和了餡料的甜。$3一粒, 抵食夾大件。阿伯的糯米磁果然名不虛傳, 好味道!! 下次去大澳一定會再買，見其他食評話有豆沙餡, 下次必試!

到了大澳，奴隸獸如果沒有去老伯伯處食糯米，就會心中囉囉攣。主人正在拍照時，老伯伯叫我們不要在網上宣傳他的糯米（老伯伯真係好醒。），太多人光顧，他會無心機做，糯米就不會好吃，損失將會是我們，講得又有道理喎。但是有好味道的食物，又不公諸同好，不是太過自私嗎？今次我們買了：1. 花生糯米（HK$3.0）：奴隸獸覺得太甜，但仍然好味。2. 紅豆糯米（HK$3.0）：軟綿綿，內有粒粒紅豆沙。奴隸獸的至愛。3. 茶粿【椰絲花生】（HK$3.0）：茶粿皮觸摸時有點兒硬，食落卻很軟身，皮有點兒厚。味道還可以。大澳手信除了鹹魚、蝦膏外，應該還有老伯伯的糯米。

旅行到大澳,除了蝦膏已經想不了有甚麼,事前看了這兒的評語,第一件事到了這兒買糯米茲。不過第一次到太早只有茶祼,沒所謂吧。本身雖然是半個客家人,但對這些興趣不大。一咬下去倒蠻特別的,不像坊間的粘口,又不膩,甚至有點想再吃呢…第二次去買糯米茲,哇!皮的味道已經很吸引,配上花生糖等等可算是一絕!和朋友的傻叫引來其他同學的關注…立刻回頭再買。不過,本來買了茶祼回家給爸,一個糯米茲給自己…轉個頭兩件也沒有了T^T 但爸只是味道還可以啊!!!如果係咁就唔好食晒佢\啦>~<

星期五同老公入到大澳見有少少餓咁就揾野食啦!之前老公因做野關係都有途經大澳而買了伯伯所做o既糯米磁返屋企比我食....食完妳會揾唔到第度有佢地d咁好食! 今次入去當然要去即場試下啦! 買咗個花生糯米磁及一個微豆茶粿(各售3蚊, 但糯米磁size同以往一樣大, 成兩吋大) ! 先試荼粿...以前未食過....好似有d五香粉味, 皮軟軟! 而糯米磁勁多饀! 一咬d饀己湧出黎! 超好味....又多花生又多棷絲皮又軟! yummy yummy ! (佢仲有豆沙饀o既,一樣咁好味o架!) 但今晚未走所以明天先再黎買d返屋企食!

昨日入咗大嶼山，下午四時左右，重特地去咗大澳尋找這間鋪，試試佢馳名的"糯米糍"。去到見唔到有"糯米糍"，只剩下"茶粿"，就在失望之際，伯伯說他可以做，但我哋要等。見住佢用熟練嘅手勢，不消十分鐘巳包好了四個。"糯米糍"非常大粒，咬一口，Ｄ餡料(花生、椰絲)巳經多到跌出嚟，D花生好香口，糯米皮則十分軟熟，完全唔黐牙，好正。$3一大個，真係誠意之作。下次去真要買多些回家吧！

明白這裡為什麼是無名之店，因若不是見到已有幾個顧客在內幫襯，你會覺得這裡只是普通住宅，掂行掂過；而更明白先前食家爭取這裡的一片版位，因始終有這裡的特色！跑到少林寺、洪聖爺廟、舊警署，回程經過這，若只是專注這裡的糯米磁的話，其他兩樣鎮店之寶就會錯過，一是大澳指定小食茶粿及另外的咸肉粽；經過這裡見兩個老人家在炒花生，而咸肉粽及茶粿正在蒸製當中，就先來一個花生涵料的糯米磁邊吃邊等。可能天氣夠凍，糯米磁外皮的夠冰凍，加上有咬口的花生涵料，明白這個糯米磁的名氣所在，三大洋一個，鼓鼓漲漲，加上食味了得，值得推介。跟老人家閑聊，再多等會兒，熱辣辣的咸肉粽及茶粿已經出籠，要了個甜食的茶粿及咸肉粽；馬上品嘗甜的茶粿，比較起來這裡粗粒花生涵料確實是比起穩姑還好，但論糯米外皮就穩姑更勝一籌，這裡的好像不夠香糯煙韌，而糯米的香味又不夠凸出！咸肉粽太熱，要外賣拿走，但隔一段時間仍暖暖的；咸肉粽是巨型裝的，接近一斤的重量，內裡雖然只是咸蛋、肥五花腩及綠豆，但咸蛋味道及醃制味道足；而糯米又不太糊口，夠實淨，怪不得在等候過程中每每有街坊查詢出爐時間，況且八大圓一個，作為點心也好，正餐也好，絕對超值！

糯米磁好大粒﹑足料，見伯伯不斷係度整，亦不斷有人買。有花生同紅豆兩種味，個人比較喜歡花生。我地食了一粒花生，另外買了六粒回家。原來仲有免費桑寄生，飲完自己洗乾淨隻碗，覺得伯伯可以賣埋涼茶，因為都幾好飲，應該有得做。

上年去大澳見到好多人排隊買糯米磁，諗住買番粒諗吓，點知己沽清。今年我同男友約四點再去碰運氣，未行到去已見到好多人堆係門口，阿伯仲大大聲嗌唔好再排隊，因為己經賣哂。男友唔想我失望，所以就一邊排隊一邊同阿伯講我哋淨係要一粒，叫佢賣埋比我哋....可能阿伯見我哋兩個傻吓傻吓，終於都有賣比我哋。 糯米磁好大粒，勁多餡料(花生、椰絲、糖霜)。糯米皮十分軟熟煙韌，絕唔黐牙，最good就係阿伯用無椰絲鋪面，用較傳统的生粉。下次去一定會再幫襯，仲會自備外賣盒，買番十隻八隻比屋企人食。

除左茶果外呢間既糯米磁又係好出名架3蚊一個大大個大細有如一個六歲小孩拳頭有花生椰絲同豆沙兩種揀分別同朋友仔share黎食兩者平分秋色都係咁好外皮煙韌唔黐牙薄薄既外層包住大量既餡料食完十個滿足豆沙甜度適中保留少少豆粒有口感花生椰絲細細碎碎但會甜少少咁平又大個咁遠黎到有唔少人都買番一打半打走所以要幫襯就要早第一日時未夠五點已經賣到最後幾個花生豆沙都係第二日一早經過時先買到咋!!