葉公館

Open Now

Now Closed

葉公館 （25/9/2023）之前有朋友同我哋講因為睇咗網上YouTube「海鮮研究社」推介，來這裏叫葉公館的酒樓試過吃飯，食後十分滿意👍話要我們一定要去試吃晚飯😉酒樓位於長沙灣青山道255號恒輝閣1樓！ 港鐵長沙灣站C出口行幾分鐘就到，很方便！ 它的地下舖位是做外賣，一樓的裝修係中式酒樓的格局，連餐牌都很有懷舊的感覺😀 地方都很寬敞，坐得舒適！菜式選擇多，主打粵菜仲有經典川菜，又有抵食的海鮮大推薦和套餐😉 我哋今晚就散叫幾款撚手小菜試試😆入座後，店員就會送上一碟冷盤，酸辣雲耳，很爽脆，好醒胃😀 先來過前菜，要了椒鹽多春魚🐟 炸得酥脆可口😋 粉唔會太厚，仲有大量炸蒜！味道一流，份量又多！ 我們叫了兩隻蒜蓉粉絲蒸元貝🦪，蒜蓉味好香濃，粉絲好入味軟滑，元貝鮮味唔會韌，蒸得啱啱好😀 還有的是咕嚕蝦球🦐 大大件蝦肉，份量不少！ 配以青紅椒、洋葱和菠蘿🍍加上秘製酸甜汁，很好味👍最後來的是黑椒牛仔骨煲🐮 黑椒汁調味得非常惹味，牛仔骨分量都多，又大件！配菜有洋蔥，和黑椒汁係最夾的😉 當然要了兩碗白飯🍚洋葱黑椒汁餸飯就最啱啦！原來還有中式糖水送，真的貼心♥️是日係陳皮綠豆沙，煲得很棉滑，不會馬虎，十

今天去了長沙灣一間中式菜館叫葉公館，裝修格局似舊式酒樓，環境寬敞，決定一試😌半隻片皮鴨 $98鴨肉質嫩滑，十分juicy，加上秘製醬汁、青瓜同蔥絲，口感豐富，而且性價比高😍红燒乳鴿 $58/隻表皮酥脆，裏層的肉嫩而入味，配搭淮鹽，口感更佳😋葉公館小炒皇 $138小炒皇的味道鲜美，口感豐富，具有咸鲜、酸甜、辣熱等多重口味。肉類的鲜嫩和蔬菜的爽脆相互呼應，调料的使用也能带来豐富的香氣😝仲有甜品紅豆沙附送，十分窩心🤩整體得分: 4.5/5味道: 4.5/5環境: 4/5抵食: 4/5🎇葉公館🎈長沙灣青山道255號恆輝閣1樓

真係估佢唔到咁好食👍🏻今晚同事介紹去長沙灣「葉公館」食小菜，佢地有五款晚市孖寶都只係$218，抵食又大碟，我地仲揀咗招牌嘅火焰楝企雞，侍應會喺上枱時點火，夠晒過癮😆千祈唔好睇小街坊小菜館，果然係臥虎藏龍🉐香辣魚皮爽脆嘅魚皮配上清新爽口嘅青瓜絲同脆卜卜嘅花生，入口微辣，送啤酒一流🍺火焰楝企雞必點👍🏻店家會提供手套同鉸剪，等啲火熄滅後，侍應好貼心提醒我地要過多陣先剪，因為隻雞仲好熱要小心辣親手，燒雞皮脆肉嫩，皮下充滿油脂，就算連雞胸部份都依然非常嫩滑，雞肉夠晒入味，勁juicy呀，個個都爭住食🉐晚市孖寶雙喜小炒王真材實料，用XO醬炒大蝦粒、帶子、蝦乾、韭菜、菜脯、紅椒、黃椒、蒜片，蝦粒爽口彈牙，帶子鮮嫩，口感豐富辣辣地惹味又香口蒜蓉粉絲開邊蝦一碟有十幾隻蝦，新鮮爽口，已開邊處理乾淨，加上蒜蓉香蔥更加突顯蝦本身嘅鮮味，底下嘅粉絲吸收晒湯汁嘅精華，超正瑤柱蛋白炒飯大大碟嘅炒飯加入瑤柱、蛋白、翠玉瓜粒、炒得乾身米飯粒粒分明，價錢平份量足📍葉公館 (長沙灣)長沙灣青山道255號恆輝閣1樓人均消費：$200-250食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐⭐️

我和朋友唔嚟到長沙灣晚飯，他介紹長沙灣的葉公館，這餐廳比較特別，餐堂在一樓，地方尚算寬敞，好有舊式酒樓的風味和感覺，但坐落都比較寬敞舒適！還有預備好的前菜，麻辣雲耳！相當爽口麻辣很不錯！看見有新鮮嘅游水海鮮魚缸，所以當然要點啲海鮮啦！所以我哋就點咗椒鹽瀨尿蝦，薑蔥魚雲煲和通菜牛肉，椒鹽瀨尿蝦來到好大碟，足足有十隻，再加上魚雲煲亦都好香口惹味！所以我們都加了一支啤酒嚟餸香口嘅瀨尿蝦，而至於通菜牛肉亦都相當之淋滑；瀨尿蝦都幾大隻，亦都好多肉！肉質鮮甜！真係不二之選！魚雲煲和出面嘅有一些分別，炸得比較脆如果再腍淋就超正喇！最後仲有紅豆沙做甜品，紅豆沙煮得甜度適中而起沙，都有水準之上！

邊個話舊區就無好嘢食⁉️識搵路就有口福架啦🤤🤤是晚嚟到長沙灣呢間小菜館！雖然裝潢未有浮誇豪華排場…但有人情味服務＆絕不輸蝕大酒樓嘅美味小菜食呀❤️❤️. ✨片皮鴨(半隻) $98好耐無食片皮鴨🤭見到即刻叫！呢個份量已足夠兩個人享用！皮香脆且鴨肉軟嫩👍🏻值得一讚嘅係溫熱嘅餅皮細心地已一層一層隔開👍🏻將鴨皮, 青瓜, 大葱絲, 甜麵醬 大集合於餅皮之中！包好一啖放入口😃滿足！！.✨黑椒牛仔骨煲 (特價$88)做緊優惠咁抵點可以唔柯打😁真心抵食！以熱辣辣鍋煲原個上枱🔥牛仔骨件數多！且肉質非常腍但又唔係醃到鬆散散果種！配上洋蔥底＆黑椒汁料 惹味非常！好送飯🤝🏻🤝🏻.✨通菜炒鮮魷 $128好有鑊氣💪🏻新鮮魷魚爽口彈牙！通菜翠綠無渣！加埋蒜蓉嘅加持😘😘點會唔好食呢！. ✨糖水 (附送) 是晚係綠豆沙☺️起哂沙又甜度剛好！係懷舊嘅味道！久違嘅美味❤️.✨汽水 $12@✨白飯 $12@✨茶芥 $10@✨酸菜 $12✨加一服務費

岩岩係深水埗拉完羽毛球拍線 🏸順便係附近搵野食😗今日唔係食西餐嘅mood想簡單食餐飯行下行下就見到呢間餐廳～估唔到晚市都幾多人，坐無虛席同埋都幾嘈可能係深水埗人嘅真性情🤣一坐低就有前菜麻辣雲耳都幾惹味～唔錯細細碟做開胃前菜岩哂💕睇黎佢間唔中都有啲每日精選見扇貝幾吸引！所以叫左兩隻試試佢～粉絲吸哂啲蒜香好味！扇貝唔韌岩岩好～抵食！見佢晚市有得配搭兩個餸抵啲就叫左鮑魚同燒腩仔燒腩仔分量都幾多🤩個燒腩仔肥瘦相間好高水準！唔會話太肥膩食兩件就滯左但又唔會太乾太瘦！我好少何會食咁多件燒腩仔但呢度嘅燒腩仔真係值得一讚！鮑魚一碟有6隻好新鮮好抵食～陳皮香加埋鮑魚嘅鮮味真係perfect match!再加埋碟欖菜肉鬆四季豆🥳兩個人食真係夠晒飽！

葉公館 (長沙灣)位於長沙灣青山道255號恆輝閣1樓，地點近地鐵站，餐廳設計好懷舊，啱晒一家大細去飲茶及食晚餐。🥰************食物************❤️菠蘿咕嚕肉 配 豉椒炒大蜆 （$208）❤️💕今次我們叫了他們的晚市超值孖寶，一共有兩個餸，我們叫了菠蘿咕嚕肉配豉椒炒大蜆加兩個白飯，他們兩個餸食落去質素不錯，咕嚕肉味道很香甜，食落去啖啖肉、炒大蜆食落去好新鮮，食到好重麻辣味，加上，這兩個餸分量也很大。推介指數：8.5/10❤️蒜蓉粉絲蒸元貝 （$48 for 1隻）❤️💕我們還叫了兩隻蒜蓉粉絲蒸元貝，食得出好濃郁嘅蒜蓉味，粉絲嘅蒜蓉味都好入味，食落去唔會大多油，蒸元貝嘅質感不會太硬，感覺剛剛好。推介指數：9/10

大斑倆味 💰268 ❤️‍🔥9/10分倆味分別係金蒜蒸頭腩，翡翠炒球〰️蒸得啱啱好，啲腩滑嫩食落多膠質，超值🥹炒得都好香，啲肉厚身仲有啲彈牙，西蘭花同三色椒都唔會太冧，正🤤略嫌蒸嗰碟有啲鹹，如果可以最好叫佢少豉油，同埋價錢偏貴，平翻啲會滿分😏芝士龍蝦伊麵 💰488 ❤️‍🔥8/10分龍蝦厚肉，食落有鮮甜味，每舊殼都連住啲肉，唔會濫竽充數🤣略嫌伊麵唔夠掛汁兼可以重芝士啲，同樣，價錢偏貴，平翻啲會更高分😏⚜️兩人食 茶位$10/位 餐前酸菜$12 加一💰867⚜️整體性價比 8.5/10分

由於朋友揾到新工，今晚同佢去長沙灣食人氣小炒慶祝一下。間餐廳係長沙灣地鐵站附近，地點方便。一入到去店員就熱情招呼，好快就送上茶水、小食。我哋兩個人點左3樣菜式，包括：1. 鮮鮑魚奇味雞煲$158我哋兩個都鍾意食鮑魚，又想食雞煲，見到呢款菜式同時滿足到2個願望，就點黎食。上菜個陣，店員打開煲蓋仲係熱辣辣，咋咋聲，好香好多白煙，夠晒鑊氣。一煲入邊有六隻鮑魚，同埋好多塊雞，仲有青椒紅椒等。鮑魚啱啱熟，唔韌，易入口；而雞肉就好鮮嫩，非常入味。2. 蒜蓉粉絲開邊蝦$118大量蒜蓉淋係蝦上面，鐘意蒜味的人士必點。蝦肉爽口唔痴穀，係新鮮嘅。因為開邊嘅關係，好易食，唔驚整污糟雙手。最後粉絲吸左蒜蓉味同埋蝦嘅鮮味，送飯一流。3. 魚湯浸時菜$88時菜可以自己揀菜心、小白菜或者生菜，而我哋就揀咗小白菜，因為平時冇咩食。呢款菜式就比較清淡，可以中和一下之前2道菜既油膩感～食完之後，每位客人都有一碗綠豆沙糖水食，免費的。我覺得呢間性價比真係好高，百幾蚊左右就食到一碟生猛海鮮，而且仲有晚市超值孖寶，會再平少少，下次會約多啲人黎食～

今日朋友帶我嚟到長沙灣食飯，係一間小菜館。朋友話呢間餐廳都開咗好多年，好多街坊幫襯，經常會同屋企人嚟食晚飯。我哋兩個人點左三個菜。先來一小碟小菜，係涼拌雲耳四季豆，酸酸麻麻，非常開胃。咁多下飯菜，當然要點返碗白飯。🥢小炒皇大大一碟，非常足料，夠鑊氣，充滿鮮味鹹香。🥢菠蘿咕嚕肉咕嚕肉炸得好香，而且用上新鮮菠蘿🍍，醬汁酸酸甜甜，味道唔錯。🥢清蒸沙巴斑估計應該係即點即劏即蒸，因為都等咗少少時間，蒸魚先至壓軸登場。咁大條蒸魚，兩個人食好似有少少奢侈條魚蒸得啱啱好，非常鮮嫩，大大啖食住嫩滑嘅魚肉，感覺非常滿足。

鮮鮑魚雞煲：足料，大約有五至六隻鮑魚，雞件係非常之新鮮嫩滑，份量亦算頗大，青椒、紅椒及洋蔥等配料吸收咗雞肉的味道，淡淡都係雞肉鮮甜味。菠蘿生炒骨：值得一試！唔似出邊有啲排骨係全部都係炸粉，呢度係可以有肉食😂 酸甜度適中，送飯一流魚湯浸時蔬：雖然係魚湯，但完全沒有魚的腥味，不過菜太大棵，有啲難一條放入口度 😂最後食完飯，會有糖水送，今次係紅豆沙糖水，最欣賞佢係少甜，令人感覺少啲負擔，食完都冇咁有罪惡感 😍

長沙灣區呢間平民餐廳，有港式地道風味小菜。晚市超值孖寶餐好抵食$208，多款選擇。菠蘿咕嚕肉配豉椒炒大蜆只係$208，菠蘿咕嚕肉微微嘅酸甜味，加上炒得好香，好開胃。豉椒炒大蜆，份量多，夠香辣味道鮮美。再嚟就係白灼蝦啦$118，呢個菜色好簡單，但係味道一流。蝦子新鮮彈牙，加埋啲薑蓉同埋醬油，食物原味道！呢間餐廳嘅港式小菜真係地道，而且價錢都好實惠，好適合大家一齊黎試下。如果你哋鍾意呢啲平實自然嘅菜式，就一定要嚟試下啦！

🥢瑤柱蛋白炒飯簡單嘅最好味炒飯最可以試到一間餐廳師傅嘅工夫瑤柱味夠出，而且蛋白粉量多炒飯乾身但唔油膩 粒粒飽滿個人口味黎講，如果飯多水份少少、鹹多少少已經有100分推介大家食撚手小菜叫白飯好啲唔會俾炒飯本身嘅香味sidetrack左唔同餸嘅味道🥢鮮鮑魚雞煲呢個煲係全餐最抵食
雞煲醬完美咁同鮑魚、蔥、青椒融合入口鹹香 咀嚼耐啲就食到食物本身嘅鮮味同甜味尤其是青椒嘅甜味非常突出，辟走左本身陣草青味雞肉本身夠入味，肉質唔會嚡熠熠🥢雙喜小炒王呢碟小炒王係我目前食過最多材料嘅一碟
韮菜花、蝦乾、乾魷魚、菜脯、腰果齊曬之外仲食到類似帶子嘅食材同樣都係夠鑊氣，鹹度適中，香口大份🥢蒜蓉粉絲開邊蝦食落就係蒜蓉同蝦味標榜食海鮮嘅舖頭品質一定唔會差蝦本身夠新鮮，再配搭蒜蓉粉絲呢個組合完全無得輸最後呢個份量係兩個人都清得曬總括而言係抵食又高質嘅一間小店！ 而且街坊客感覺好多，零舍有人情味

嚟到長沙灣，唔知食咩好，經過青山道，比一個好中式好光猛嘅招牌吸引左我嘅視線，睇咗佢貼響出面嘅餐牌之後，感覺好似好抵食，就入去試下呢間”葉公館”。我入座嘅時候，係大概晚上8:00，入到去，已經座無虛席，非常熱鬧，侍應哥哥好快就留意到我哋嘅存在，好快就搵到張二人枱俾我地，每張枱佢都有一大壺熱水，餐具都洗得好乾淨，我哋用熱水去洗嘅時候唔會油淋淋👍🏻見到枱面上嘅Menu，真係花多眼亂，雖然佢晚市有好多套餐選擇，但係佢啲單點嘅小菜都十分之吸引，所以我哋今次就選擇咗散叫。。

今日同朋友去長沙灣，食左呢間喺地鐵站附近，位於青山道嘅茶樓—葉公館。餐廳入面係舊式茶樓裝修格局，光猛又闊落。我地散叫左唔同嘅小菜。炸茄子好少見酒樓用炸茄子做前菜，都幾有心，食落外脆內軟。蜜椒薯仔牛柳粒牛柳粒炒得啱啱好，D肉質好嫩好多汁。仲有啲薯仔，外面脆脆地，咬到入面好綿密，加埋三色椒，搭埋蜜椒醬汁，味道酸甜香辣，好開胃！好味！鮮鮑魚雞煲幾抵食，半隻雞加六隻鮑魚都只係$158。D鮮鮑魚嘅肉質都爽脆，食得好滋味！手撕包菜炒完之後仲keep到菜嘅水份，又香。酸辣土豆絲土豆絲食落仲好爽脆，炒得恰到好處。綠豆沙送飯後糖水，綠豆俾得好足，唔會太甜。如果你鍾意食中菜，呢間舊式茶樓絕對值得一試。