葉公館

Open Now

Now Closed

最近搬咗新屋，所以就好想探索下附近有咩好食。我睇咗呢個YouTube Channel叫做海鮮研究社，佢地好推介呢間餐廳，所以我就決定去試下啦。我叫咗晚市孖寶，因為見到好多人都點呢個C，就覺得應該好好食。我家大人好鍾意食咕嚕肉，而我中意食大蜆，所以我地就再叫咗一份。除咗呢啲，我地都點咗一個奇味雞煲。加埋一碗白飯同我最愛嘅青島啤酒，就開始食啦。我覺得啲菜色嘅賣相好好，真係好食得嚕！咕嚕肉好滑好嫩，啲醬汁又好香，搞到我係咁追住食，大蜆都好新鮮，好咬好爽口。啲雞煲都好好味，啲雞肉好滑好嫩，啲湯汁又好濃郁。我覺得加咗啲白飯真係好好食得嚕！我最愛嘅青島啤酒都好開胃，同啲菜色一齊食更加加倍享受！我覺得喺呢區難得少有高質嘅中菜館。

黎到葉公館一定唔可以錯過佢哋既小菜，大大碟，又夠鑊氣，而且好抵！我同朋友2個人既晚飯都好滿足。香辣魚皮$68呢個依家好少地方食到嘅魚皮，只有係夠地道嘅菜館先會食到，夠哂惹味調味同清爽嘅配菜，加埋又脆又爽口嘅魚皮，滿分。涼拌小食拼盤$68有好多種配搭自己選擇，我地就揀咗腐皮同豬肚絲。雙併同三併都唔洗加錢，超抵食。味道仲好好👍🏻晚市孖寶$208豉椒炒大蜆呢個孖寶套餐真心推薦，首先有一碟炒蜆，隻隻新鮮肉厚，無沙乾淨。有時食炒蜆殼多過肉，呢個就十分均真！清蒸沙巴班仲有一條斤兩十足嘅沙巴班，蒸嘅時間啱啱好，無過老。保持到魚肉夠滑。簡簡單單加埋豉油蔥薑滾油，好味！海味什菜煲$98叫個無咁熱氣嘅菜，叫個雜菜煲就Fit 哂！湯底有落到好多海味乾，所以好鮮味，雜菜亦真係夠哂多種類，唔洗揀最好！黑椒牛仔骨$88呢兩個特別優惠推介，見今日比較肚餓，88蚊咁抵就叫多個餸。牛仔骨唔韌夠淋，汁醬濃味但唔過咸，飯都可以撈多幾碗。最後仲有送甜品，紅豆沙真係完美。

有無覺得成日聽到唔少餐廳有公館呢兩隻字？如果係Openrice搜尋，起碼會見到十幾廿間叫公館嘅餐廳，粵菜、潮州菜、西餐都會有。係台灣都會有公館飲食商圈，而根據維基百科，公館可以係一般人物住宅、地方的敬稱，例如「張公館」、「李公館」。今次我地黎到葉生既地方—「葉公館」試一試佢嘅粵菜川菜🤪🤪一入到門口就見到全場幾乎坐滿，幸好仲有一張兩人枱。葉公館有不同嘅川菜、小炒、海鮮，花多眼亂每樣都好吸引，小編都揀咗好耐先決定😚我哋點咗好出名嘅火焰棟企雞、大班兩味（金蒜蒸頭腩、翡翠炒班球）、小食拼盤（麻辣手撕雞、涼拌腐竹）火焰棟企雞 $98呢道菜嚟到嘅時候非常震撼，侍應會將隻雞點火，之後會比手套刀叉客人自己處理隻雞。雞肉非常嫩滑，濃濃嘅燒雞味 大班兩味（金蒜蒸頭腩、翡翠炒班球）$268頭腩非常軟唸，底下有粉絲吸收曬啲醬汁😋翡翠炒班球，亦都炒得好有鑊氣，出色小食拼盤（麻辣手撕雞、涼拌腐竹）$68如果選擇雙併，價錢會以較高者計算，麻辣汁非常之醒胃，建議可以作為前菜小編大約喺夜晚8:00去到，近乎全場爆滿，十分熱鬧，所以建議可以一早打去電話訂位

Ooo街坊飯店ooO 很受街坊歡迎的酒樓，平日晚市都爆場。侍應姐姐跟大部份客人都相當熟，全場9成是熟客😊😊。 OooooO🔸蒜蓉粉絲開邊蝦 $118大量蒜蓉調味，鮮蝦肉質好爽粉絲係精華，個汁送飯不得了😋。 OooooO🔸鮮鮑魚奇味雞煲 $158雞煲用蒜頭、三色椒爆炒🔥，非常惹味仲有鮑魚係入面一個價錢2款食物，抵食。 OooooO🔸涼瓜肉鬆煎蛋 $98份量非常大，大大塊蛋角起碼6件以上，味道唔會太咸，岩晒唔食得太濃味的朋友。

長沙灣樓上中菜館一坐低店員就會放低一碟小菜，係涼拌雲耳同埋豆角，酸酸地鹹鹹哋幾開胃，涼拌調味亦都唔錯。叫咗一份細嘅酸菜魚，但係其實非常大份，足夠三至四個人食。要咗鯛魚，所以魚肉好爽好有彈性，同埋預約處於啱啱熟嘅狀態，唔會好乾柴。酸菜魚入邊仲有其他配菜，例如雲耳萵筍粉絲。又酸又辣，越食越上癮。之後叫咗半隻扁皮鴨，有8片。最值得讚係佢個餅皮，想啲嘅時候仲好熱，所以保持到餅皮好鬆軟唔會硬身，而且餅皮好薄，就咁食過好好味。片皮鴨腳鴨有皮有肉，食落唔會好油膩，而且個烤鴨亦都好香，可以見到塊皮仲係有油光，好新鮮。

長沙灣青山道兩邊食肆林立，葉公館就是其中一間，聽個名好似台灣的食肆名稱，地下舖位是外賣涼拌小食，一樓裝修似舊式酒樓格局，我們坐低不久，好快就爆滿座無虛席，可能好多人都好似我哋咁睇咗網上「海鮮研究社」推介，來這裏試一試。餐牌種類選擇好多，小菜、海鮮、燒味、套餐......一坐低就會先奉上一碟餐前小食，今次是麻辣雲耳豆角，小小麻辣不是太辣幾好味。🤤見好多客人都選擇套餐，但我們想試下其他小菜，所以就散叫。鮮鮑魚🦪雞🐔煲$158而家做緊特價所以都算幾抵食，半隻雞🐔加六隻鮑魚🦪，由於用鮮鮑魚🦪烹調所以肉質都爽脆👍，抵食！😋金牌蒜香骨$108蒜香骨每嚿都大大嚿，啖啖肉，一啲都唔薄身，醃製得十分入味，雖然蒜香骨用油炸熟，但裏面肉質仍然保持鮮嫩多汁，好食！🤤👍💯西蘭花🥦炒鮮魷🦑$118分量大大份，鮮魷🦑炒得十分之嫩滑唔老，味道唔會過於太鹹，抵食！👍飯後還奉上糖水，今次是綠豆沙，綠豆沙煮得都幾軟綿綿，不太甜。😋總括來說：價廉物美，街坊價錢食物美味，值得推薦！👍🫶

老婆話想食大排檔小炒，我緊係第一時間搵資料啦。收工就帶佢嚟呢間位於青山道近永隆街嘅「葉公館」。貪佢交通方便、價錢相宜，最重要佢係一間入咗舖嘅大排檔！！！ 首先講吓交通，可以坐地鐵🚈去長沙灣站步行7-8分鐘就到，坐小巴🚌、巴士直情門口落，揸車都好方便，泊車喺元州邨$18個鐘。我就揸車🚗去接老婆放工，跟住就去元州邨泊低架車準備行過去，老婆問：「呢度有大排檔咩？」我懶有型咁講：「follow me」🤣上到去已經好多人，好彩唔使等位，坐低第一時間睇下有乜特價餐，呢度嘅双寶餐有好多款，價錢都係$208合理價錢，即刻叫個小炒皇加開邊蝦，諗住唔夠食，再蒸條石班先。上菜先知賴嘢，乜啲餸咁大碟架，唯有慳返唔使嗌白飯😜首先想講下小炒皇，度度都有得食有乜好講，就係咁先要講，韭菜花、蝦仁、蝦乾、帶子、菜譜、腰果，咁足料有鑊氣。蒸魚係人都識啦，我都蒸過三幾十條，但係要蒸到啲魚肉啱啱離骨，你故咁易呀，比個「叻」你。食完老婆無乍型仲話下次想試吓其他餸，我話：「no Problem」

朋友住附近，話帶我去食間餐廳有過晚市孖寶set抵食又好味，夜晚仲好多街坊捧場一坐低侍應姐姐就好有禮貌，咁問我哋飲咩茶☺️隨即仲有涼拌木耳前菜送上，酸辣酸辣咁好開胃我哋揀咗豉椒炒大蜆配菠蘿咕嚕肉既晚市孖寶，炒大蜆上抬夠大碟，熱啦啦出曬煙，好夠鑊氣大蜆幾大隻，而且隻隻蜆都有肉，最緊要冇沙😍菠蘿咕嚕肉真係好大碟😳肉多過配菜都係第一次見，而且好掛汁，外皮仲要好脆😍味道偏酸啱曬我，越食越開胃🤣仲叫咗兩個燉湯，今日燉湯係響螺頭姬松茸燉雞，先$38盅😍每盅都有湯料，味道幾香濃朋友仔咩菜都唔食淨係肯食西蘭花🥦😂所以叫咗個西蘭花炒斑球，斑球(塊?🤣)好大舊，肉質紮實而且都幾鮮甜😳食完仲有糖水送🥰今日係綠豆沙，正呀😍估唔到我呢個讀番書既朋友仔竟然會搵到間咁地道又唔錯既中菜餐廳，佢話夜晚諗唔到食咩樓下都有兩餸飯買🤣怪唔知得今日話一定要帶我嚟試下

今日喺葵興上堂 ，專登拉埋honey來附近搵食 ，見到開飯網介紹呢度啲套餐孖寶抵食又好食， 所以嚟試下。見到個門面都幾靚呀，原來呢度唔單止有粵菜，仲有川京菜食， 上到一樓餐廳， 餐廳好大 ，菜式選擇好多， 店員姐姐都好有禮貌， 先開茶再送上小食， 碟小食係四季豆雲耳， 小小辣， 都幾好味 ，醒胃又開胃。 我哋叫咗個孖寶餐，再加一碟手撕包菜， 孖寶餐係叉燒加蒸石斑魚， 碟叉燒厚切上， 肥瘦兼備， 燒得香甜鬆軟 ，就算瘦肉部分一啲都唔柴， 嫩滑美味， 比得上名店嘅叉燒出品， 非常值得推薦。 跟住到啲碟蒸石斑上枱，雖然唔大條，但係肯定係好新鮮，魚肉係雪白嘅， 食落又嫩又滑 ，加埋啲蒸魚豉油，較得好好味 ，食到舐舐脷 ，停唔到口， 骨都選到乾乾淨淨。最後係碟手撕包菜 ，好大一碟， 四個人都夠食， 可惜辣咗少少 ，下次來記得叫走辣， 廣東人食辣係渣啲。食完飯仲有海帶綠豆糖水送，煲得超正， 唔係好甜 ，啲綠豆仲係大大粒，煲到啱啱好唔會太爛，有少少豆咬口，食得好過癮好滿足。 食飯食到七點幾都已經差不多坐滿人，可見呢度好受歡迎 ，非常之熱鬧，如果係週末肯定爆棚。

餐廳地點好方便，門口大大個招牌好易搵。樓下係賣外賣既燒味檔口，樓上係堂食，上到樓發現都幾旺場！店內環境整潔舒適，服務態度親切周到。總體來說，是一家值得推薦的餐廳。餐前小食多寶（叉燒+蒸魚）叉燒非常美味，肉質鮮嫩多汁，入口即化，配上甜而不膩的醬汁。而且份量十足，價格也相當實惠。蒸魚非常推薦，魚肉鮮嫩，搭配上清淡的薑絲和豉油，味道十分搭配。而且蒸得剛好，不會太乾或太生，保留了魚肉的原味。西蘭花炒鮮魷魚西蘭花綠色清新，口感爽脆，鮮魷魚彈牙有嚼勁，而且炒得十分入味，味道鮮香可口。整道菜色健康無味精，非常適合想吃清淡又美味的人。食完飯仲送糖水-紅豆沙，紅豆非常大粒，而且煲到起沙，味道又不會過甜，值得一讚！

今晚同朋友去咗長沙灣葉公館食晚飯，食左佢哋嘅撚手中菜（餐廳內佢哋有個霓虹燈字寫咗呢四個大字）今晚食的是有冷氣嘅鑊氣大排檔小菜朋友仲提左無乜記性既我，類似嘅餐廳我哋原來食過旺角嘅妹記😲😲餐牌好多選擇：點菜嘅過程當中，我們在炸雞同雞煲中間掙扎咗一輪，蒜蓉開邊蒸蝦同蒜蓉粉絲蒸扇貝又爭持咗一下。😂😂我地揀咗成10分鐘🤣🤣🤣 最後扑錘決定叫個鮑魚雞煲，呢個味道有d似啫啫雞煲，另外要咗個蒜蓉粉絲開邊蒸蝦， 好餸得飯😋 所以我地仲叫咗兩個白飯。雞煲入面鮑魚有六隻，雞係炸過，配三色椒、蒜頭爆香。蒜蓉粉絲開邊蒸蝦有成十隻，佢地切得幾一致，仲排得靚靚仔仔。我們叫咗一盅花膠雞響螺燉湯，$38同朋友share飲總體食物佢哋份量都唔細，最後食唔晒仲打包走。PS: 今晚晚飯佢哋送咗兩碗紅豆沙俾我哋, 起沙唔錯

去左長沙灣搵朋友一齊食晚飯，搵左呢間食中菜小炒嘅餐廳。見到晚市有$208孖寶，有蒸魚、飽魚、叉燒、燒腩仔、乳鴿、蝦、小炒王等等，望落去好吸引😋如果多幾個人黎食，叫幾個孖寶食仲抵😂一坐低就比左碟前菜，係麻辣雲耳$12，都爽口好食本身都諗住叫條蒸魚黎食，呢個套餐咁啱又有清蒸沙巴斑，原本另一碟係叉燒，但賣晒，店員就話可以轉其他，叫左豉椒炒大蜆😍蜆都幾大隻，又無沙，仲有青椒、洋蔥一齊炒，食落好有鑊氣，好惹味😋沙巴斑係必食👍🏻👍🏻蒸到剛剛好，唔會蒸過龍，魚肉入口超嫰滑，味道好鮮甜😚想食個菜但又唔想太寡，於是叫左通菜炒牛肉，牛肉非常軟腍，而且牛味香濃，通菜就炒到仲係好翠綠同爽口😌食到最後仲有紅豆沙送🥰

之前有朋友介紹過呢間＜葉公館＞ 話好抵食 咁岩琴日同同事係附近做完野 就上去醫肚 其實個陣時間都偏晏 都係近乎爆場 證明係有d料menu同一般中菜無咩分別 炒小菜 海鮮 燒味咁但有個孖寶必定推介 一個小菜配一海鮮類有5項set好 我就揀左燒腩仔配清蒸鮑魚燒腩仔無諗過咁多舊 應該3個人share都夠食 d皮超脆 半肥瘦 剛剛好 食燒肉一定要點黃介辣鮑魚就有6隻 陳皮味香 最緊要趁熱食 鮑魚一凍左就變左2件事蒜蓉粉絲開邊蝦 好大碟 因為開左邊 好似10變左20隻 食極好似都仲有咁 粉絲加蒜蓉 幾時都係咁好食臨尾俾我見到有酸辣魚皮 作為魚皮愛好者 無法抗拒 魚皮個種爽脆 小小辣 配埋青瓜絲 芫荽 花生 每一啖都係用匙羹食 過癮非常我已經諗好下次食咩 酸菜魚 因為見隔離台叫左 聞到好香 流口水 仲有片皮鴨

到長沙灣探朋友，我倆都說吃日菜太多，不如改吃中菜吧，這識途老馬帶我上一家要行樓梯、地舖買二餸飯的中菜館。上到去是傳統中菜館模式，目測顧客大多以街坊為主，可想而知口碑不錯。翻開餐牌有不少特價惹味菜式，價格也相當抵吃。前菜也值得一提，這個麻辣木耳，十分開胃，麻而不太辣，而且份量也不少呢！通常一般酒樓的特價孖寶衹有一、二項選擇，但這裡的特價孖寶卻有五項選擇之多，樣樣都想吃，弄得我心大心細，最後我倆終於選了B項的果皮蒸鮑魚加脆皮燒腩仔，心想應該份量不多，可以多試更多菜色。誰知先來的脆皮燒腩仔，份量不少之餘也相當好味，叫它化皮燒腩仔較適合，因外皮不祇是脆這麼簡單，而半肥瘦燒腩仔，調味恰到好處，值得推介。另外一寶果皮蒸飽魚用真正果皮清蒸，果皮香氣四溢，每人各3隻，大快朶頤。因先前以為孖寶份量很少，所以也多叫了一個菠蘿生炒骨，這個也是很考功夫的菜色，難處在於如何把生炒骨炸得内嫩外脆，酸味恰到好處，這家廚師做得到了。另一個是海味雜菜煲，這菜色雖然沒什麼功夫可言，但勝在蔬菜種類夠多、夠鮮、夠熱，它都做到了，沒令人失望。現在很多酒樓都沒有贈送糖水的了，但這酒樓仍維持這一貼心服務，確實抵讚。

葉公館嘅牌匾好靚，經過都會吸引人入去食，唔好睇佢好似一間普通嘅酒樓，樓上嘅鋪位非常寬闊，適合兩口子或者大家庭聚餐咕嚕肉新鮮炸起嘅咕嚕肉，酸酸甜甜，配上菠蘿同青椒，可以中和油膩感上湯浸白菜真心呢道菜有驚喜，上湯嘅味道啱啱好，唔會太鹹又唔會太淡，估唔到上湯浸白菜仔係咁夾嘅細酸菜魚因為得兩個人食嘅關係，所以就叫咗細分嘅酸菜魚，有得揀唔同嘅魚嘅種類，我哋就揀咗鱸魚，相對上比較少骨。酸菜魚好惹味，攞你送白飯真係停唔到口最後每人送一碗紅豆沙，正