蚊蚊豬老火鍋 (Closed)

今天放工過來探店，沒想到深水埗的放題，更加精美，一進門，店面就已經吸引了我，寬敞舒適之餘又很明亮。 這邊吃的更多，而且是無限續，吃完烤魚可以吃火鍋，如果真心吃得下的話。且有很多菜品和小吃。連果汁都是我超級喜歡的。 我們點了泡椒烤魚，一上來濃濃的泡椒味道，就讓人口味大開，瞬間口水淌下來，超級正宗，且魚🐟又大條。 刺身和肉都是任吃，新鮮又美味，蔬菜也是超級好吃。生意越來越好，120分鐘，大家要把握時間，因為下一桌就已經開始排隊了。要麼就6點之前過去，搶佔先機蚊蚊豬老火鍋深水埗荔枝角道240-244號寶興樓地下A-C號舖

香港嘅濕凍真係好難受，又想食羊腩，又想食雞煲。朋友就帶咗我嚟蚊蚊豬，樣樣都有得食少少，啱晒眼闊肚窄嘅我呀。二百幾蚊就可以任食封門柳、安格斯牛同牛板腱，全部都好軟熟，又夠牛味，絕對唔係一般放題貨色。每位仲送一份海鮮，有白鱔、斑腩、鮑魚等等，仲有刺身添～好抵食！自助食材區都好光猛乾淨，款式都好多，有墨魚丸花枝丸，仲有好多唔同嘅蔬菜！最後食埋雪糕做甜品，特別推薦朱古力味雪糕，味道濃郁又唔會太甜，超滿足！

朋友話要帶我食好野，今次黎到深水埗呢間新間的火鍋店，這裡一個價錢就可以任食雞煲、烤魚、火鍋，而且仲有熟食添。呢個季節，餐廳仲有羊腩煲可以食到，羊腩煲份量都幾多，羊肉年唔會太多骨，味道香濃，唔會有羶味!而且仲有馬蹄、筍、蔥段等，好足料。蟲草花鮮雞鍋，湯內有雞件同蟲草花，湯底味道濃郁。每枱仲會送海鮮拼盤，有蝦、鮑魚同埋魚片。刺身都可以任叫，不過食左第一輪已經夠，刺身尤其三文魚特別厚切，好正。火鍋配料有安格斯牛肉、豬肉、羊肉等可以係電話自行落單，另外亦有炸饅頭、響鈴等。菜類同丸類可以在自助區取，汽水、紙包飲品、酒類都可以自行在雪櫃拎。最後仲可以食埋糖水同埋意式雪糕。

見依間野新開，好似好抵，$268 有羊腩煲或者烤魚揀，食完仲可以加湯打邊爐或者轉火鍋湯底。一次過滿足曬想打邊爐同食羊腩煲既人，但又抵食到爛😆冬天梗係要食羊腩煲，食完暖笠笠🤪羊腩煲份量唔算多，但好大舊，啲羊肉食落都好腍，唔會韌，唔痴牙👍🏻羊皮都好彈牙，而且個煲好多配料，有荀、枝竹、馬蹄 、冬菇，再加埋個好濃既湯底，吸啲汁真係好正🤩之後打邊爐轉左鮮茄薯仔湯+粟米豬骨湯，湯底方面正正常常。係任食方面，最正係有刺身，啲刺身都幾多選擇，有三文魚、八爪魚、鮑片、魷魚、甜蝦等，而且都幾新鮮。另外仲有每台送一台海鮮拼盤，有鮑魚、帶子、青口同埋蝦，同樣都係新鮮。火鍋料係電話QR CODE 自己落單，牛肉都有幾款選擇，有封門柳prime ，安格斯肥牛，牛板腱prime ，牛胸爽，牛黃喉等等。雖然話係話任食，但都幾高質。牛肉嫩滑無筋，好重牛味，又唔會太肥。咁當然都會有響鈴、牛柏葉、鵝腸等。另外出面仲有啲熟食（炸魚皮、脆肉鯇，手拍青瓜、木耳同埋南乳豬手）同丸、菜、菇🍄可以任攞，而且野飲選擇多👍🏻最後仲有gelato雪糕，有幾款味道可以揀。依間野真幾正，又可以打邊爐+羊腩煲/烤魚。而且選擇又幾高質，又幾好食，抵

蚊蚊豬在深水埗開分店，一向有幫襯開，於是來深水埗試吓，放題很抵食， $300也不用，九點後入座或7:30前，價錢再便宜一點，地方寬闊，座位舒適先來一個冬天期間限定雙東羊腩煲，羊腩味道比較淡，連不太接受羊羶味的好友也吃得入口之後可點重慶麻辣雞煲，烤魚，或火煱湯底，本來打算吃完雞煲再食烤魚，但是只有二人，怕食不到太多、只好打消了這個念頭，下次一定同多點朋友來大吃一番刺身有三文魚，甜蝦，八爪魚，墨魚，赤貝，鮑魚片，食材雖然不是高質貨，但以火鍋店來説，已經合格另外奉送海鮮拼盤，蝦爽口，鮑魚青口彈牙飲品和火鍋配料是自助的，火鍋配料很多選擇，有丸類蔬菜類，就算大胃王也一定吃得飽牛魔王的我們，點了手切安格斯牛肉，封門柳、牛板腱， 各有特色本想點即炸響鈴，因為眼見店員捧著剛剛炸好脹卜卜的響鈴， 很吸引，可惜遲了落單，好彩還有酥脆的炸魚皮最後梗係食埋最美味嘅Gelato雪糕

一次過滿足4個願望☺️- 蚊蚊豬老火鍋～～～～～～～～最近天氣凍咗好多，岩曬約埋一班朋友去打個邊爐，食個雞煲。今次竟然比我哋搵到間可以一次過食晒烤魚，羊腩煲，雞煲，再加火鍋既餐廳，價錢仲要先二百幾蚊，任食任飲，真係超級抵☺️餐廳一黎到會先上一個刺身拼盤同一碟海鮮拼盤，職員話呢份海鮮拼盤係得呢間分店先有架，得一份，其他所有野(除咗羊腩煲)都係任食架。我哋先嗌咗個羊腩煲，呢個係期間限定同淨係可以嗌一次架咋，羊腩好入味，唔會太羶，又煮得都夠淋，再點埋腐乳醬，都真係值得一試👍🏻跟住就食烤魚啦，烤魚嘅size比想像中大好多，絕對唔會因為係任食就比啲無肉食嘅魚仔，誠意滿滿👍🏻烤魚嘅靈魂一定係層魚皮，魚皮烤得好夠焦香，呢點餐廳做得好好，抵讚☺️最後試埋個麻辣雞煲，雞煲好夠麻，好惹味，啲雞都好足料又大件，食落啖啖肉，越食越滋味😋火鍋配料方面，極力推介大家一定要試佢既牛肉，除咗安格斯牛肉外，仲可以嗌埋封門柳同牛板腱，選擇好豐富。牛肉食落好重牛味，肉質又夠嫩，喺任食嘅火鍋料理到絕對稱得上數一數二嘅高質😆總括而言呢間餐廳真係雞煲火鍋放題嘅首選，新裝修環境又乾淨，極度推薦大家去試一試啊✅～～～～～～～～味道😋：9/

今日係深水埗呢頭收工，同同事諗住聚下腳食餐飯，成班食肉獸想食放題，咁岩發覺蚊蚊豬呢度開咗新店，一間店入面可以用一個價錢食到羊腩煲，烤魚，仲有雞煲，而且全部都係可以免費再添加，總之就食到你飽為止！而且價錢都係268再加一，真係任飲任食，抵到爛！咁我哋一開始就點咗烤魚先，烤魚佢係成條上，我哋可以見到條魚都十分之大條，成條魚佢係經過煎炸先嘅，然之後再配埋呢個麻辣雞鍋底，一上到台已經聞到好香嘅味，條魚都煎得10分香脆，夠麻又夠辣，越食越開胃！之後我哋都再點左個羊腩煲，呢個羊腩煲一啲都唔書出面平時大排檔所食到嘅，佢都有落足料有腐竹有冬菇一齊去問炆，全部都好入味，而且羊肉件件都好大件，絕對唔係Hea你㗎！話明一個價錢可以食到晒三樣嘢咁我哋一定唔執輸都繼續點返個雞煲，個雞煲好夠麻香，而且入面啲雞都可以食得出係好新鮮，十分之嫩口！咁食勻三樣嘢之後呢其實都仲可以繼續打邊爐嘅，佢店內仲有自助吧，另外都仲有好多款特選牛肉可以俾你點，呢度嘅牛肉絕對係睇得出好新鮮，而且十分之有誠意，一般如果呢一啲質量係喺好多火鍋放題都絕對要加價先可以點得到，牛嘅質量真係好高質！同時每位入職時佢都會贈送一份海鮮拼盤同埋刺身拼盤嘅

位於深水埗的川菜、雞煲、火鍋店，食物多樣化，有萬州烤魚、麻辣雞煲以及火鍋任食；冬日限定更推出了羊腩煲。餐廳的座位舒適寬敞，全部都是梳化卡位，枱面大，有足夠的空間放置食物。以掃碼下單，十分方便，上菜速度挺快捷。醬料盤在外面，蔥花、蒜蓉、炸蒜、辣椒粒、芫茜、醬油等等都有提供。火鍋材料專區：多款配料，有各種蔬菜、豬／牛／魚丸、麵條、豆製品，選擇也蠻多的。飲品櫃：茶飲、果汁、汽水、啤酒都是任飲的。熟食區：有炸魚塊、涼拌雲耳及炸魚皮。甜品櫃：只有雪糕的選擇，包括各式各樣口味的意式雪糕 。刺身、肉類就是在手機下單。火鍋主打的是牛肉，另外還有其他較為少見及罕有的部位，如封門柳、牛板腱等牛肉任食。萬州烤魚：泡椒酸湯味烤魚很大條，沾了整個烤盤。魚厚肉，而且魚肉嫩滑，外皮吸了湯汁，反而魚肉就沒有那麼入味。本身已經熟透了，所以湯汁翻滾後，也可以開始享用。辣度慢慢散發，湯底帶酸，底下有些蔬菜，吸收湯汁精華，惹味非常。招牌火鍋湯底：鮮茄薯仔清湯鍋，香茜皮蛋鍋除了單一的湯底外，還可以選兩個湯底，迎合個人口味。兩款都是相對清淡的湯底，不會蓋過食物本身的味道。

今日去完深水埗玩具街睇聖誕玩具裝飾，因為條街真係好多人，行到好攰，又好凍，見到有間打邊爐放題竟然送羊腩煲食，所以就入咗去。。。結果令人喜出望外！首先佢係任食刺身，絕無欺場，三文魚，甜蝦，馬刀貝，八爪魚，全部都好新鮮，正！羊腩煲唔使加錢就有得食，雖然唔係好多舊，但係好入味，店員講先知原來喺深水埗分店先免費有得食。好暖肚好滿足，正！雞堡好惹味，食到麻辣感覺！打邊爐有送海鮮拼盤，有鮑魚食，正！牛肉以放題打邊爐黎講，質素算好高級，唔係比普通雪花肥牛，仲要唔使加錢，真係可以再encore。仲有甜品、小食、湯，基本上可以一次滿足你唔同願望，真係咩都有得食，岩哂一家大細！

同朋友出去食飯有朋友想食烤魚又有朋友想食雞煲一於去蚊蚊老火鍋 一次過滿足晒兩個願望首先我哋叫咗個蟲草花雞雞味濃郁 亦都唔會好鞋最緊要係個湯底都清甜再加埋蟲草花 食起上嚟都唔會覺得油膩感覺上都係健康嘅選擇餐廳仲有得食刺身三文魚同甜蝦都好好食食得出都係新鮮 食到唔停口另一樣嘢值得推介嘅係餐廳可以任飲酒今次我哋揀咗清酒每人細細杯慢慢飲唔止咁 仲要有新鮮嘅海鮮！鍾意食海鮮嘅我試晒所有海鮮最鍾意係鮑魚夠鮮甜除咗雞鍋 仲可以叫唔同嘅火鍋配料幾個女仔食咁多嘢真係食唔晒！仲未夠 因為有朋友想食烤魚我哋仲叫多咗個烤魚食添今次揀咗BB辣食落淡淡魚肉 亦有麻辣嘅風味一個價錢就可以滿足晒以上所有嘅願望性價比極高同朋友出去食飯 去呢間實滿足晒所有人嘅願望

蚊蚊豬呢間打邊爐係一個fd極度推薦，帶住一份好奇心去book，睇下到底有幾咁正😆一入到去可以話包羅萬有，完全可以係咁再去😍我食左超級多唔同嘅嘢😆先食個羊腩煲，個羊腩煲可以話同出面買兩百幾個d一模一樣，d肉質鮮嫩，不過有d唔知係咪我無牙咬，有d就咬唔開，不過個汁好正，鍾意食羊嘅真係可以試下，仲要係食完個煲可以再叫🥰🥰🥰之後就有刺身，有某d刺身可以再叫，都幾新鮮下，無咩特別驚艷但，同出面差唔多😂之後食烤魚，條魚係淡水魚，🐟大到呢，三個人食都嚇一跳，因為我地打算食埋其他嘢，我地個陣叫左小辣，真係唔辣😂所以中辣會好d，條魚d肉都唔差，但羊腩煲我鍾意d🤣再之後好癲咁，食埋個雞煲😆，個雞煲都係叫小辣，不過雞肉好鮮嫩，肉質唔錯，但小辣都係無咩味，因為我重口味😂之後用埋個湯底打邊爐，食左牛肉丸，好濃黑椒味，好好食，仲有海鮮，不過不失，無咩特別😝最後就係雪糕，d雪糕上網穩過平均都over10蚊一杯，食幾杯都回返本，仲係低卡路里，所以我食三杯🤣🤣🤣🤣黎呢間嘢真係留定肚食😆

今日去左深水埗行玩具街，順便想醫肚，咁岩見到深水埗新店既蚊蚊豬，即刻決定試下。深水埗既新店原來同太子好唔同，做緊優惠，每一枱都會送番個海鮮拼盤同埋牛肉選擇多左，有牛板腱同封門柳等既精選牛肉俾你揀，咪話唔抵食呀！不但止，依家期間限定，仲會送每枱一鍋羊腩煲，保身又養生。我地食左佢個海鮮拼盤，真係好足料，有好多隻海蝦，又大隻又新鮮。仲有鮑魚同青口，淡淡既鹽水味，就算無調味料都已經好好味，抵讚。仲有脆肉鯇，唔會有泥味，十分彈牙。我地仲叫左鴨血，味道好香，同豬紅比更好食，加少少辣椒油，就好似食緊麻辣鴨血咁，爽呀。我地仲食左雞雜，真係咩內贜都有，雞腎十分爽口，雞肝粉粉，十分香口。呢度環境好乾淨，而且好寬敞，令人坐得好舒服，不知不覺就坐左2個鐘啦！

天氣寒冷，真係最好食火鍋，朋友推介呢間深水埗蚊蚊豬火鍋，今天是平日，去到都要等位，應該冇揀錯。坐低後，員工好詳細解釋俾我哋聽，首先窩底是任食，除咗羊腩煲其他叫幾多次都冇所謂，有烤魚，有雞煲，仲有好多唔同湯底，我就選擇先來半隻麻辣雞煲。雞煲好足料，芫荽洋蔥蒜頭樣樣齊，麻辣好balance。食完雞煲其實已經飽咗一半，跟住再嚟豬骨湯底。佢先送一盤刺身，食完之後鍾意邊一款可以再叫。佢啲象拔蚌好新鮮，我同朋友叫咗三轉。食完刺身，在海鮮打邊爐，鮑魚海蝦青口白鱔。自選蔬菜假蔬菜選擇有好多，牛肉仲有挂門柳，肥牛，安格斯牛。食物選擇真係好多咁嘅價錢性價 比高。

今日同好朋友黎左呢間蚊蚊豬既新分店，佢同太子店唔同，多左每枱一碟海鮮拼盤同牛板腱，封門柳等牛肉任食，超抵呀！而且期間限定仲每枱送一鍋羊腩煲，岩晒寒冷既冬天，食完即刻暖粒粒!首先，當然要試下羊腩煲啦，佢唔單止有羊腩，仲有腐皮同埋冬菇，羊腩唔會好穌，而且好彈牙，炆得好香，仲有腐乳可以點，即刻特別惹味，冬菇好新鮮，份量都多，作為第一碟野食，感覺十分好。呢度仲會有刺身食，都有幾隻款揀，有最受歡迎既三文魚，魷魚，八爪魚，螺肉，唔會有雪味，感覺都好新鮮，而且切得厚身，值得食。餐廳環境好乾淨，俾人好舒服既感覺。飲品方面，都有唔少選擇，不論係汽水，啤酒，果汁定係茶都有，點都搵到自己既心水。出面仲有得自己揀火鍋配料，款式多，而且隨便拎，想食幾多都得。打邊爐當然唔少得食肥牛，呢個安格斯牛，很濃的牛肉味，很鮮嫩的感覺，而且份量很多，真心性價比高。樣樣都好好，服務態度都好好，下次一定會再黎。

之前朋友在太子分店食過覺得不錯，知道深水埗開咗分店就即刻帶埋我一齊去試下，入到店內大部份都是卡位坐得好舒服，除了餐牌上任點的食物，場外還有大量火鍋配料和小食選擇以及餐廳限定每檯送一鍋羊腩煲😋泡椒酸湯味烤魚烤魚辣度可以按照個人喜好選擇，湯底酸酸辣辣好開胃，魚肉外皮微脆，肉質嫩滑。刺身拼盤刺身有大約八款選擇，款款都色澤新鮮，三文魚鮮甜肥美，甜蝦新鮮爽口，其餘刺身都不錯！牛肉都有四至五款選擇，有手切安格斯肥牛，牛販腱，封門柳和牛胸爽等，特別鍾意食封門柳，牛肉味香濃，入口嫩滑，非常好食😋新鮮鵝腸鵝腸肥瘦適中帶點油脂，食落好香口！鴨血鴨血爽滑彈牙，放入酸辣鍋也很好吃😋最後當然留肚食甜品啦，這裏的柚子味雪糕好好食，味道好香帶點清新👍